Skënderbeut i zhbllokohet merkatoja në momentin e fundit. “Panorama Sport” mëson nga burime pranë FSHF-së se klubi korçar ka tashmë të hapur “dritaren” e merkatos së janarit, duke mbyllur njëherë e mirë çështjen e detyrimit financiar ndaj ish-lojtarit të tij, Arnaud Guezh.

Ky lajm qetëson plotësisht Skënderbeun, i cili tashmë ka mundësinë të federojë futbollistët e afruar gjatë këtyre ditëve: Abei Agbodzien, Vangjell Zguron, Lead Sadriun dhe Melos Bajramin, si dhe të tjerë që pritet të bashkohen në ditët e ardhshme.

Pritet që të katërt lojtarët sipërpërmendur të aktivizohen nesër në kampionat ndaj Partizanit.

Korça është mbuluar nga dëbora e madhe, ku nuk ka shpëtuar as stadiumi i qytetit. Skënderbeut do të përballet nesër me Partizanin, por pamja e fundit nga stadiumi bardhekuq tregon diçka të pazakontë.

Punonjësit e stadiumit po bëjnë të pamundur për të pastruar borën, madje duke përdorur dhe zetor me strukturë druri në mënyrë që vijëzojnë fushën. Për një situatë  të tillë, nevojiten mjete më  të specializuara.

Megjithëse fusha e stadiumit “Skënderbeu” është rënduar ndjeshëm, nuk ka sinjalizime se ndeshja mes bardhekuqve dhe “demave” mund të shtyhet.

Felipe Melo është rikthyer edhe njëherë kujtimeve tek Juventus, teksa ka thumbuar mbrojtësin Giorgio Chiellini ku ka thënë se duhet të kenë kujdes nga ai sepse ai nuk ka etikë dhe gjërat në dhomat e zhveshjes i bën publike.

Duke folur për “LaGazzettadelloSport”, Melo kritikoi Chiellinin, pasi ky i fundit kishte publikuar gjëra private dhe kishte etiketuar karaktetrin e Melos në librin e tij të fundit.

“Shikoni, ai është lojtar i Juventus, por fatkeqësisht kam pasur fatin të luaj me të. Atij nuk mund ti besosh, në futboll gjërat që ndodhin në zhveshtore duhet të mbeten aty, bashkëlojtarët tek Kombëtarja italiane duhet të mbajnë sytë hapur kur janë rreth tij, sepse ai nuk ka etikë”, tha ai.

“Nëse ai ka folur për dikë që ka luajtur në Kombëtare, ai mund të flasë prapë me dikë që luan tani. Në Brazil kemi etikë, nuk jemi kështu, unë nuk mund të flas keq për dikë që kam punuar me të sepse ekziston njëfarë etike, ka gjëra që nuk deklarohen”, tha Melo.

Melo u pyet edhe nëse është penduar për gabimet që ka bërë, ai pati një përgjigje interesante.

“Nuk mund të them që jam penduar, sepse çdo gabim ishte një mësim për mua, kështu që nuk mund të them se jam penduar”, përfundoi Felipe Melo.