Connect with Us

Babaramo’s me mentalitetin e Babaqemo’s

Opinione

Babaramo’s me mentalitetin e Babaqemo’s

Publikuar

-

Babaramo's me mentalitetin e Babaqemo's

Nga Flurans Ilia

E lexova shkrimin e Babaramos për zgjedhjet presidenciale amerikane të këtij viti. Nuk e fsheh, analiza e pejsazhit dhe portretizimi i aktorëve përtej kahjeve të politikës, janë punuar me sqimë gazetareske. Pika ku dua të ndalem dhe që nuk bashkëudhëton me jehonën e fjalëve të Babaramos është pikërisht fjala.

Ore gazetarë dhe analistë të nderuar, zonja dhe zotërinj të shtypit, emisioneve televizive, portaleve, paneleve, etj, kur i hyni publikimit të një shkrimi, kur flisni direkt, kjo nënkupton se fjala juaj është në publik, nën vëzhgim, në shesh të mejdanit, dhe se duhet të bëni pak më tepër kujdes me këtë kodoshe fjalë, që në thelb është guri themeltar i tekstit, oratorisë tuaj në tërësi, nëpërmjet tekstit te ideja që doni të shpalosni më tej, apo jo?

Babaramo në atë shkrim evokon pak a shumë se “shqiptarët e Amerikës janë tip pjatalarësish” dmth e theksuar kjo, “merren me punë të rëndomta”. Kjo, e thënë në kontekst zgjedhjesh, vote apo opinioni politik. Tashti, përse Babaramo kapërceu si gjerator flatërsor nga trungu i shkrimit të vet në një përgjithësim kaq vulgar dhe mediokër, nuk e kuptoj, sepse ju thashë qysh në krye, analiza e shkrimit nuk ishte e keqe si fillim.

Zoti Babaramo, le t’i themi hapur ca gjëra mes nesh:

1) Në kryeradhë, puna është nder nuk ka qeder, ky është mentaliteti i parë që na ndan ne emigrantët nga banda haxhiqamiliste prej zhvatësi të atyshëm, pordhëve, korrupsionit sistematik, mentaliteti i 7 celularëve në tavolinë dhe Borëbardhës me brekë të grisura në shtëpi, si edhe fjalëve fjalëve fjalëve boshe, varfanjake, pa pikë bereqeti.

LEXO EDHE:  Marrëveshja Trump-Jong un/ Basha: Siguri për paqen në botë

2) Këta që ju konsideroni si pjatalarës kanë të drejtën legjitime të votës dhe janë shtetas krejtësisht të lirë të zgjedhin dhe votojnë njeriun më të fuqishëm të planetit, paçka se lajnë pjata sipas jush.

3) Këta pjatalarës janë zëri për të mbërritur bashkarisht në diçka më të madhe se sa një nocion i ngushtë gjeografik. Sepse dihet, Shqipëria vetëm 28 mijë metra katrore ka me ligje ndërkombëtare, por qielli i saj është shumë herë më tepër se kaq.

4) Si gazetar ju duhet të jeni i informuar besoj se shumica e shqiptarëve të Amerikës janë me nga dy tre shtëpia, universitete dhe biznese, por ama vetem nje celular kanë, edhe atë e mbajnë si zotni në xhep duke dëgjuar bashkëfolësin.

5) E fundit ngelet prespektiva e përhershme e këndvështrimit, çka në thelb duhet ndryshuar them unë. Nga ana juaj se si i shihni dhe gjykoni njerëzit. Ju flisni për kohën e Babaqemos zoti Babaramo! Zgjohuni! Po bëhet mbi çerek shekulli që shqiptari i post-hapjes së viteve ’90 jeton jashtë vendi, Ju akoma te “pjatat”, “jorgot”, “xhovanët” e të tjera mentalitete të molepsura.

* I nderuar zotni gazetar, mendoj se keni harruar pjatalarësen ndezur dhe ka rrezik të karbonizoni krejt shtëpinë.

Miqësisht nga unë,

Polombari

Flurans Ilia

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Opinione

Nga Astrit Patozi/ Ndryshimi do të vijë nga ata që nuk zgjedhin mëshirën e pushtetit

Publikuar

-

Nga

Nga Astrit Patozi/ Është viti i shqiptarëve të lirë dhe kurajozë

Në politikë votuesi nuk zgjidhet anjëherë, pasi është ai që zgjedh partinë apo kandidatin e vet. Por çdo formacion politik e ka gjithmonë një grup shoqëror si shenjestër të vetën, kur futet në një garë.

Ne nuk kemi pse e fshehim që më shumë i hedhim sytë tek ata shqiptarë të lirë dhe pa detyrime politike, të cilët nuk e kanë lidhur jetën e tyre me humorin e pushtetit. Me ata që mund të mos kenë kaluar asnjë ditë të vetme në oborrin e njërës prej partive, duke pritur një vend pune apo një favor, nga ato që kapërcejnë ligjin dhe rregullat e shtetit.

Apo nga ata që ndërrojnë stacionin, sa herë u shfaqen në ekran fytyrat e personazheve të stërkonsumuar të politikës, të cilët edhe lajmet i kanë bezdi t’i shohin nga krupa, që u shkaktohet.

Me ata që jetojnë më djersën e vet dhe rrisin fëmijët e tyre në këtë vend, duke kërkuar vetëm që qeveria mos t’ua shtojë hallet. Por vetëm kaq, se të tjerat i zgjidhin vetë. Natyrisht, që nuk e kanë kaq të lehtë, sepse pushteti i konsideron gjithmonë si pre të lehtë ose si një turmë të nënshtruarish, që ka kuptim vetëm një herë në dy vjet, vetëm kur vijnë zgjedhjet.

Dhe për sa kohë ata janë shumica, ne besojmë dhe shpresojmë se ndryshimi mund të vijë, duke filluar që nga 25 prilli, pwr shkakun dhe pwr meritwn e tyre. Dhe se për këtë nuk ka nevojë për ndonjë kurajo të madhe dhe as për ndonjë mençuri profetike. Mjafton të votosh bindjen tënde.

Sot po na thonë për të na dekurajuar se e kemi të vështirë, ngaqë nuk e kemi lidhur fatin tonë politik me njërën prej dy partive të mëdha. Që i bie se tani duhet të ishim duke mbajtur radhë për të kapur ndonjë vend të sigurtë në listat e tyre në tregun e pështirë politik, i cili përsëritet me një rregullsi vrasëse çdo katër vjet. Ndërkohë, që neveria nga kjo është arsyeja e lindjes dhe e ekzistencës sonë.

LEXO EDHE:  Presidenti Trump sulmon ish-këshilltarin e sigurisë kombëtare, Bolton

LEXO EDHE:  Kërcënime të frikshme!/Trump: Gati të godasim! Kim: Do ju bëjmë copë!

Sepse duan të krijojnë bindjen e verbër se asgjë nuk mund të gjallojë dhe pipëtijë në këtë vend pa lejen e dy gjelave që këndojnë majë të njëjti pleh, pavarësisht se njëri është në pushtet dhe tjetri në opozitë.

Dhe ne po u themi se shembulli më i mirë për t’i injoruar këto zëra është ajo masë e madhe shqiptarësh jofanatikë partish, të cilët ia dalin të jetojnë, punojnë dhe bëjnë biznes në këtë vend pa e kthyer kokën nga qeveria, apo edhe ajo lloj opozite, që premton apo gënjen gjithmonë se nesër do të bëhet qeveri.

Ne kemi zgjedhur me dëshirë të plotë që të mos mbetemi në mëshirën atyre mëkatarëve të mëdhenj, njësoj si ata qindra e mijëra shqiptarë, të cilët as nuk e mendojnë dhe as nuk presin që hallet dhe problemet t’ua zgjidhin ata, që ua kanë shkaktuar. Dhe për shkak se ngjajmë shumë në këtë pikë, kemi besim të plotë se bashkë me ta do t’ia dalim.

LEXO TE PLOTE

Opinione

Nga Astrit Patozi/ Sondazhet e shtuara janë lajm i mirë

Publikuar

-

Nga

Nga Astrit Patozi/ Sondazhet e shtuara janë lajm i mirë

Denduria e pazakontë sondazheve dhe sidomos diferencat e tyre të mëdha me njëra-tjetrën janë në fakt sondazhi më i mirë se të dyja blloqet e vjetra të politikës e kanë ndjerë se po u lëkunden themelet.

Ndaj mos u çudisni kur ato të shpeshtohen edhe më shumë me afrimin e datës së zgjedhjeve. As kur rezultatet e tyre të lëkunden si lavjerrës, herë nga e kuqja e herë nga e zeza, sikur të bëhej fjalë për dy vende të ndryshme dhe jo për të njëjtën Shqipëri.

Tek e fundit le të harxhohen pak më shumë se herët e tjera, se lekë korrupsioni i kanë. Dhe le t’i hakërrehen njëri-tjetrit si gjithmonë me fitoret në letër, si tigra prej letre që janë, se në fund fare bashkë do të jenë prapë.

Lajmi i mirë është që ata po djersisin, duke u kacavjerrë pas shifrave që i porosisin vetë, ngaqë janë në vështirësi.

LEXO EDHE:  Kërcënime të frikshme!/Trump: Gati të godasim! Kim: Do ju bëjmë copë!

LEXO EDHE:  SHBA: Kosova ka të drejtë të formojë ushtrinë e saj profesionale

Ndaj edhe zero vëmendje dhe zero shqetësim për sondazhet e tyre, që thjesht demaskojnë merakun e madh që kanë për humbjen e supremacisë.

Shqiptarët e lirë e kanë kuptuar se vota kundër tyre më 25 prill është e vetmja mënyrë për nisjen e rënies së palavdishme të kryetarokracisë, si një sistem i deformuar politik në funksion të interesit personal dhe familjar të 3-4 individëve.

LEXO TE PLOTE

Opinione

Fantazma e Ramës tre herë kryeministër dhe Kodi i Damianit

Publikuar

-

Nga

Fantazma e Ramës tre herë kryeministër dhe Kodi i Damianit

Nga Lorenc Vangjeli

Ilir Meta kishte të drejtë dy vjet më parë, kur shihte para syve fantazmën e Edi Ramës, bekuar nga Basha e Kryemadhi si tre herë kryeministër. Rama ju rishfaq në triumn e 2021-shit pikërisht kur PD e LSI kërcenin nën harenë e daulleve duke dezertuar nga përfaqësimi në Kuvend.

Sali Berisha, njeriu që kishte promovuar më shumë se kushdo tjetër bojkotin dhe kishte kërcënuar edhe me djegie mandatesh, nuk e fshehu muaj më pas dhembjen e thellë që bllon e tij prej lojtari politik, të vetët e kishin shndërruar në fakt duke menduar se po bënin politikë.

Instikti i tyre ju sugjeroi se djegia e mandateve ishte një akt kamikaz në themelet e sistemit. Dhe si i tillë, ai vriste pamëdyshje atentatorët duke dëmtuar tmerrësisht shumë edhe vetë sistemin. Dhe duke i dhënë Edi Ramës në të njëjtën kohë dhuratën që ai nuk e priste as në ëndrrat e tij më të guximshme: të qeveriste pa opozitë! Ikja e opozitës reale dhe futja në parlament e lloj – lloj personazheve groteskë, nga budallenjtë tipikë, tek mashtruesit e vegjël, nga idealistët që ju vihej çmim konkret tek mungesa e çmimit real për votën e tyre tek Kodi Zgjedhor e ndryshimet kushtetuese, u shndërrua në dhuratën pa çmim për Edi Ramën.

Dy vjet më pas, të gjitha parashikimet për të nesërmen bashkohen më një pikë. Përkundër logjikës së traditës dhe traditës që respekton një logjikë të caktuar politike, të majtët e Edi Ramës kanë shanse të jashtëzakonshme për një tris të pushtetit të tyre. Dhe kjo konrmohet jo vetëm nga sondazhet ciklike që kreu i qeverisë konsulton për vete, por edhe nga sondazhet që kanë lluar të bëhen publike.

Sondazhi i Ora News, një televizion jo miqësor me socialistët, rikthen traditën e suksesshme të dhjetë vjetëve të fundit të sondimit të opinionit meAntonio Notton dhe IPR marketing. Një muaj më parë, një tjetër institut italian sondimi, Piepoli dhe Report TV, një televizion më pranë qëndrimeve të së majtës, i dha ngjyrën e socialistëve rezultatit të 25 prillit. Një seri sondazhesh të zhvilluara nën emrin e ekspertit të njohur shqiptar Eduard Zaloshnja, gjithashtu pranojnë të njëjtin trend raportesh hierarkie mes tre partive kryesore, në të cilin PS është disa pikë larg PD-së e LSI-së.

Edhe më skeptikët dhe kritikët e këtyre parashikimeve do të duhej të pranonin çfarë kanë të përbashkëta këto sondazhe, të cilat konrmojnë disa të vërteta që pritet të verikohen si të tilla më pak se 100 ditë më pas. E para, që e majta në përgjithësi vazhdon të jetë maxhorancë absolute në vend. Dhe në një skenar hipotetik që nuk ndodh, PS plus LSI, nuk do ta diskutonin toren. Dhe e dyta, që nëse do të ishin në një koalicion të përbashkët, atë që nuk e lejon sot Kodi Zgjedhor, PD dhe LSI, do të shndërroheshin në maxhorancë. Ky është thelbi që duhet kuptuar nga shpjegimi i përbashkët e këtyre sondazheve që janë bërë publike deri tani, por dhe të të tjerëve që diktojnë po të njëjtin trend: Kodi Zgjedhor është aleat i socialistëve.

LEXO EDHE:  Tensioni në Kapitol/ Mike Pence paralajmëron protestuesit: Ndalni dhunën

LEXO EDHE:  Tensioni në Kapitol/ Mike Pence paralajmëron protestuesit: Ndalni dhunën

Duke mos lejuar koalicionet, Kodi i Damianit shmang skenarin më të keq për socialistët, bashkimin e opozitës. Dhe nga ana tjetër, afron mundësi reale që PS-ja të mbajë pushtetin, edhe sikur të ruajë të njëjtin nivel përfaqësimi nga 2017-ta, e vetme në zgjedhje dhe përballë PD e LSI jashtë formulës së koalicionit të përbashkët. Nëse do të fshehësh diçka në politikë, bëje në mënyrë të dukshme.

Kjo është një aksiomë që në Shqipëri është vërtetuar shumë herë. Pakkush e kuptoi nga opozita paralajmërimin publik të bërë së paku që në janarin e vitit të shkuar, atëherë kur Damian Gjiknuri kërcënonte në emër të Edi Ramës se nëse zgjatej pafund lista e pretendimeve të opozitës për Kodin, partia e tij do të kërkonte të refuzoheshin koalicionet. Kjo ishte baza mbi të cilën kjo dyshe i plotësoi opozitës çdo tekë elektorale, por mbajti në xhep çelësin e Kodit.

Sot është bërë e qartë se Kodi Zgjedhor e mban PS-në në lojën për pushtet, edhe përkundër konsumit të kuptueshëm të pushtetit të saj në dy mandate. Nëse shpërndarja e votave do të ishte sipas trendit të 2017-ës, PS do të qeverisë sërish edhe me një rënie të numrit të përgjithshëm të votave. Nga 48 për qind që ju deshën për 74 mandatet e 2017-ës, ajo mund të qeverisë në 2021-shin edhe me 45 për qind të votave, pikërisht falë Kodit Zgjedhor.

Kështu duhet kuptuar sot mërzia e hershme e dy personazheve të fortë të politikës shqiptare, Metës dhe Berishës për aktin më absurd të politikës shqiptare në vite, djegien e mandateve dhe më pas, edhe për bojkotin e zgjedhjeve lokale. Basha dhe Kryemadhi ishin njerëzit që thurrën fjongon e dhuratës për Edi Ramën: në fillim Kodin e Damianit si “aperitiv” dhe pastaj mandatin e tretë të Rilindjes si menu katër vjeçare për gjithë shqiptarët./CNA.al

LEXO TE PLOTE