Një foto e publikuar në rrjetet sociale nga bashkëshortja e kreut të Partisë Demokratike, Aurela Basha, ku duket Lulzim Basha teksa drejtonte makinën krijoi debate për faktin se si kreu i PD-së shkel Kodin Rrugor duke drejtuar mjetin pa rrip sigurimi.

Por sipas një denoncimi të bërë nga zëvendëskryeministri Erion Braçe, mosvendosja e rripit të sigurimit nuk është shkelja më e madhe e kryetarit të Partisë Demokratike.

Sipas Braçes, Lulzim Basha nuk ka një patentë që prej vitit 2016. Zv. kryeministri thotë se dokumentet tregojnë se patenta Bashës i ka skaduar në dhjetor 2016 dhe prej asaj date është pa të, duke qarkulluar kështu në shkelje të ligjit.

“Nuk është çështje rripi por ligji!  Drejtësie dhe barazie! Lylzim Basha nuk ka patentë, jo thjesht rrip.  I ka skaduar ne dhjetor 2016 dhe prej asaj date është pa patentë, qarkullon në shkelje të ligjit pa një të tille; librat e shtetit dëshmojnë këtë.

Nga gjiza e byrektores se PD, që u përhap këtu 24 orë, kuptova që; Lylzim Basha është po i njëjti politikan pa karakter që kurrë nuk merr përgjegjësi për vete, për ty jo e jo!

Këtë herë në vend të merrte përgjegjësi u fsheh pas gjatësisë së tij e gjatësisë sime.

Njësoj siç kur vrau në Bulevard e i doli babi për zot vrasjeve, njësoj siç kur shkeli çdo ligj të mundshëm në Rrugën e Kombit e zgjodhi dhimbjen e barkut si arsye, njësoj siç kur nënshkroi marrëveshje antikushtetuese për detin e tha se e bëri për integrimin por me territor më pak!

Një burrë merr përgjegjësi, kërkon ndjesë, jep dorëheqje dhe i dorëzohet drejtësisë!

Nuk ka më të poshtër se një politikan pa karakter, që nuk mban përgjegjësi e të shet me të parë! Burrë lind, nuk bëhesh; nuk ka lidhje me gjatësinë por me karakterin”, shkruan Braçe./CNA.al

Monika Kryemadhi dje është përpjekur për të disatën herë të sqarojë opinionin publik pse LSI po dilte me lista të ndara me PD dhe të tregonte pse koalicion do jetë vetëm pas zgjedhor.

Si zakonisht Mona tha gënjeshtrat e rradhës, të cilat i kupton çdo demokrat, apo anëtar i LSI.

Së pari, Mona tha se do këtë më shumë përfshirje të shqiptarëve me dy lista. Në fakt ajo që do i ndodhë opozitës do jetë fakti se do djegë më shumë vota. Të gjithë tashmë e dinë pse Mona dhe Luli nuk gjetën gjuhën e një koalicioni të vetëm, PD nuk pranoi më shumë se 12-14 kandidatë të LSI në listat e saj. Kjo bëri që të dalin të ndarë. Pra s’kanë dalë për maksimalizim por për mos gjetje dakortësie

Së dyti, Mona theksoi se Luli dhe ajo fituan në 2011. Gënjeshtër kjo në fakt. Basha humbi me 11 vota dhe më pas ishte Berisha ai të fitoi. Rama kandidonte për herë të 4 dhe skema ishte e qartë, mos harrojmë dhe Hysni Milloshin.

Gënjeshtra e tretë është harmonizimi i programeve. LSI s’ka asnjë program elektoral, thjesht del e bën ndonjë premtim, programi i vetëm i LSI është emërimi në administratë i disa hajdutëve me çizme, këto janë histori që tashmë dihen që nga viti 2009 e në rast se do ketë haromonizim korrupsioni, këtu pastaj Mona të kap mat./CNA.al

Gjykata Kushtetuese po shqyrton sot kërkesën e Partisë Republikane në lidhje me kundërshtimin e vendimit për ndalimin e grumbullimeve mbi 10 veta për fushatë zgjedhore, në kuadër të masave anti-covid.

Në kërkesën e saj PR e ka cilësuar këtë vendim të padrejtë dhe se shkaktonte pabarazi. Kreu i PR-së, Fatmir Mediu deklaroi para mediave se ky është një vendim antikushtetues. Sipas tij, Rama tenton që të krijojë karantinë për opozitën.

“Veprimtaritë e Edi Ramës tentojnë që të krijojnë karantinë për opozitën. Në një kohë që i ka lejuar vetes dhe përmes vlerësimeve të komitetit, që parlamenti të mblidhet, qeveria apo dhe pushteti lokal të bëjë aktivitete mbi 10 veta dhe kufizon opozitën. Kjo është situatë e papranueshme, anti-ligjore. Nuk mund të ketë dy standarde për partitë politike apo dhe qytetarët. Nuk mund të trajtohet ndryshe kryeministri, apo qytetari. Të gjithë jemi njerëz përballë të njëjtin rrezik. Duket qartë se nuk kemi më as ligje, as qeveri, por një qeveri të korruptuar, që përpiqet që të thyejë rregullat. Jemi për të respektuar çdo rregull, por që imponohen në mënyrë të barabartë tek të gjithë”, -tha Mediu./CNA.al