Connect with Us

Tërmeti shkatërrues në Turqi/ Zv.drejtori i Gjysmë Hënës së Kuqe zbulon gjendjen në Izmir: Ka rreth 30 persona nën rrënoja

Bota

Tërmeti shkatërrues në Turqi/ Zv.drejtori i Gjysmë Hënës së Kuqe zbulon gjendjen në Izmir: Ka rreth 30 persona nën rrënoja

Publikuar

-

Tërmeti shkatërrues në Turqi/ Zv.drejtori i Gjysmë Hënës së Kuqe zbulon gjendjen në Izmir: Ka rreth 30 persona nën rrënoja

Zëvendësdrejtori i Gjysmë Hënës së Kuqe Turke Ibrahim Ozer konfirmoi për Euronews Albania se tashmë operacionet e kërkim-shpëtimit që nuk kanë ndalur as natën, janë përqendruar në rrënojat e 8 ndërtesave.

Ai tha se çdo banesë në Izmir po monitorohet, ndërsa njerëzve me shtëpi të dëmtuara pjesërisht u është këshilluar të mos kthehen ne banesat e tyre.  Euonews Albania sjell intervistën e plotë që gazetarja Bruna Çifligu zhvilloi me zëvendësdrejtorin e Gjysmë Hënës së Kuqe, Ibrahim Ozer.

Pyetje: Z. Ozer një ditë pas tërmetit që goditi Izmirin, si është situata ata?

Ibrahim Ozer: Le ta fillojmë me një përshkrim të përgjithshëm të situatës: pas tërmetit, deri më tani 25 persona kanë humbur jetën në Izmir dhe më shumë se 800 të tjerë kanë mbetur të plagosur, dhjetëra prej tyre janë nxjerrë nga rrënojat nga ekipet e shpëtimit. Pra tani janë 17 ndërtesa, disa prej tyre të shkatërruara plotësisht, disa janë të dëmtuara pjesërisht, por që përbejnë rrezik. Tetë nga këto ndërtesa u shembën plotësisht, dhe ekipet e shpëtimit po punojnë në rrënojat e këtyre 8 ndërtesave për të shpëtuar personat e mbetur nën këto rrënoja. Pra kjo është situata aktuale në Izmir.

Pyetje: Operacionet e kërkim-shpëtimit kanë vijuar gjatë gjithë natës?  Sa njerëz janë nxjerrë të gjallë nga rrënojat dhe sa të tjerë mendohet se janë nën rrënoja?

Ibrahim Ozer: Operacionet e Shpëtimit janë të vazhdueshme dhe nuk ndalojnë, njësoj si shërbimet e Gjysme Hënës së Kuqe Turke, ku ne sigurojmë ushqime, strehim dhe shërbime sociale për njerëzit e prekur nga tërmeti. Është një operacion që vazhdon tashmë prej 24 orësh, ku ekipe të emergjencave civile edhe nga autoritetet e shtetit turk punojnë shumë pa u ndalur duke u munduar të shpëtojnë njerëz nga rrënojat. Për sa i përket numrave, nuk kemi ende një informacion të saktë të personave që kanë mbetur të bllokuar nën rrënoja, por mund të them se një prej ndërtesave që u shemben plotësisht, ndërtesë 8-katëshe, ka rreth 30 persona nën rrënoja. Ekipet e shpëtimit, po mundohen t’i nxjerrin nga rrënojat, por në ndërtesat e tjera nuk kemi informacion për numrin e viktimave apo të bllokuarve nën rrënojat e ndërtesave të tjera.

LEXO EDHE:  Paketa për bizneset/ Zbardhet udhëzimi, si do të njihen shpenzimet e zbritshme për dëmet nga tërmeti

Pyetje: Ekziston rreziku që ndërtesa të tjera që janë dëmtuar nga tërmeti të shemben?

Ibrahim Ozer: Po. Ekziston mundësia. Kur tërmeti ndodh, ndërtesat më të dobëta, dhe terreni më i paqëndrueshëm bën që këto struktura të shemben. Me pas është një fazë e  dytë, e cila është ajo e pas-goditjeve, e cila sjell dëmtime të mëtejshme në strukturat që kane pësuar dëme nga goditja fillestare. Prandaj, strukturat e qeverisë turke po punojnë në analizimin dhe vlerësimin e këtyre objekteve, dhe sipas analizës së tyre, ka tri nivele vlerësimi: ajo e dëmtimit të larte, mesatar dhe të vogël. Në varësi të këtyre dëmtimeve, njerëzve u këshillohet të mos rikthehen në banesat e tyre, përveç godinave që nuk kanë marrë asnjë lloj dëmtimi dhe struktura është e pa prekur, dhe njerëzit do të njoftohen që mund te kthehen në mënyrë të sigurt në shtëpitë e tyre. Por deri me tani, çdo banesë në qytetin e Izmirit po monitorohet. Faleminderit shumë dhe faleminderit popullit shqiptar që na gjendet pranë në këto momente./Euronews

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Për herë të parë/ Italia emëron grua në krye të shërbimeve sekrete

Publikuar

-

Nga

Elisabetta Belloni është bërë gruaja e parë që do të udhëheqë shërbimet sekrete të Italisë. Kryeministri italian, Mario Draghi, njoftoi se ish-ambasadorja Belloni është zgjedhur në krye të Departamentit të Sigurisë së Informacionit.

Departamenti mbikëqyr shërbimet e huaja dhe të brendshme të inteligjencës së vendit dhe i raporton drejtpërdrejt Qeverisë italiane.

E lindur në vitin 1958, Belloni ka qenë një nga vajzat e para që i është bashkuar Institutit prestigjioz – dhe dikur ekskluzivisht vetëm për meshkuj – Massimiliano Massimo në Romë, ku ka studiuar edhe kryeministri Draghi.

Pasi ka shërbyer si diplomate në Vjenë dhe Bratislavë, ajo ka drejtuar njësinë e krizës në Ministrinë e Jashtme italiane nga viti 2004 deri më 2008. Gjatë asaj kohe, ajo është marrë me shtetasit italianë të vrarë ose të plagosur jashtë vendit, përfshirë kidnapimet në Afganistan dhe Irak, dhe ka mbikëqyrur operacionet e shpëtimit të italianëve të prekur nga cunami shkatërrues në Oqeanin Indian, në vitin 2004.

LEXO EDHE:  Turqi, mbyllje e pajustifikueshme e medias sociale

LEXO EDHE:  Turqi, mbyllje e pajustifikueshme e medias sociale

Emërimi i saj në pozitën e re u mirëprit nga politikanët italianë. “Një grua e guximshme”, tha kryetari i partisë Lega Nord, Matteo Salvini. REL

LEXO TE PLOTE

Bota

Colonial paguan hakerat/ Zhbllokohen operacionet e benzinës

Publikuar

-

Nga

Kompania e tubacionit të karburanteve Colonial, u ka paguar gati 5 milion dollarë hakerave nga Evropa Lindore për të zhbllokuar operacionet e saj, njofton Bloomberg News, që u referohej dy burimeve të cilat kishin dijeni për transaksionin.

Njoftimi vjen pas një sulmi kibernetik që paralizoi rrjetin më të madh të tubacioneve të karburantit në SHBA.

Sipas njoftimit, kompania e bëri pagesën me kriptomonedha të pagjurmueshme të premten, vetëm disa orë pas sulmit.

Kompania Colonial nuk ka komentuar.

Pasi morën pagesën, hakerat i përcollën kompanisë një instrument dekriptimi për të rikuperuar rrjetin kompjuterik të paralizuar. Megjithatë, kompania përdori programet e veta kompjuterike që e ndihmuan të rikuperonte sistemin, pasi instrumenti i dekriptimit ishte i ngadaltë, njofton Bloomberg News.

Pas një ndërprerjeje gjashtë ditore, tubacioni Colonial, më i rëndësishmi i këtij lloji në SHBA, rifilloi të enjten punën për transportimin e miliona litrave të parë të karburantit.

Administrata Biden në veprim

Administrata e presidentit Biden është hedhur në veprim pas sulmit kibernetik në tubacionin kryesor të benzinës për Bregun Lindor të Shteteve të Bashkuara duke kuptuar se situata paraqet një seri rreziqesh të mundshme politike dhe ekonomike.

Paralizimi i tubacionit ishte një situatë emergjente për një presidencë të re të cilës i është dashur gjithashtu të merret me pandeminë, recesionin, një fluks të fëmijëve të pashoqëruar në kufirin SHBA-Meksikë, tërheqjen e trupave nga Afganistani dhe tensionet në Lindjen e Mesme.

Administrata ka shpalosur gjatë kësaj kohe hapat që po ndërmerrte për të rikthyer furnizimin me benzinë në stacionet e karburantit në zonat e prekura. Ajo u vu në veprim pasi hakerat që kërkonin shpërblim të premten mbyllën tubacionin, i cili furnizon me rreth 45% të benzinës Bregun Lindor të Shteteve të Bashkuara. Mbyllja shkaktoi një krizë furnizimi dhe rritje të çmimeve.

Presidenti Joe Biden pritet të flasë mbi incidentin e tubacionit, një provë tjetër e ndërgjegjësimit të administratës së tij për rreziqet politike të lidhura me tubacionin dhe një përpjekje e Shtëpisë së Bardhë për ta shfrytëzuar situatën si një arsye më shumë për të miratuar paketën e tij të infrastrukturës.

Disa orë para se tubacioni Colonial të rifillonte punën të mërkurën, presidenti Biden kishte sinjalizuar se kishte arsye për optimizëm.

Presidenti nënshkroi një urdhër ekzekutiv për të përmirësuar sigurinë kibernetike. Ekipi i tij e përdori paralizimin e tubacionit si një argument për të miratuar paketën prej 2.3 trilionë dollarësh për infrastrukturën.

LEXO EDHE:  Lajmi i rremë për tërmetin/ Jehonë në mediat ndërkombëtare

LEXO EDHE:  Vrasja e prokurorit/Ankaraja bllokon rrjetet sociale

Sekretari i Transportit Pete Buttigieg tha se sulmi kibernetik ishte një kujtesë se infrastruktura është çështje e sigurisë kombëtare dhe nevojiten investime për një fuqizim të saj.

“Kjo nuk është diçka ekstra, nuk është një luks, nuk është një opsion,” tha zoti Buttigieg. “Kjo duhet të jetë thelbësore për mënyrën se si ne sigurojmë infrastrukturën kritike.”

Departamenti i Sigurisë Kombëtare hoqi disa kufizime për tregtinë detare me kompani individuale, të pa identifikuara nga qeveria, për të lejuar transportimin e karburantit midis Bregut të Gjirit dhe porteve të Bregut Lindor, që është me rëndësi jetike.

Departamenti i Transportit po studion se sa anije mund të transportojnë lëndë djegëse fosile në Gjirin e Meksikës dhe Bregun Lindor. U hoqën gjithashtu kufizimet në orarin kur karburanti mund të transportohet nga kamionët çisternë. Agjencia për Mbrojtjen e Mjedisit bëri disa lëshime në rregulloret për përzierjet e gazit.

Firma teknologjike Gasbuddy.com thotë se 28% e stacioneve ishin pa karburant në Karolinën e Veriut. Në Xhorxhia, Karolinën e Jugut dhe Virxhinia, më shumë se 16% e pikave të karburantit ishin pa benzinë.

Kriza e papritur e furnizimit pas sulmit të javës së kaluar tregoi sfidat që mund të shfaqen për Shtëpinë e Bardhë e cila duhet t’u përgjigjet ndërkohë edhe ngjarjeve botërore.

Çmimet e benzinës dhe zgjedhjet

Ligjvënësit republikanë kritikuan administratën për anulimin e mëparshëm të planeve për të ndërtuar tubacionin e naftës Keystone XL nga Kanadaja. Presidenti Biden kishte anuluar lejen e tij për shkak të rreziqeve të derdhjeve dhe shqetësimeve të ndryshimit të klimës.

Çmimet më të larta të energjisë shpesh kanë pasoja politike, duke komplikuar fushatat e rizgjedhjes për presidentët në detyrë jashtë rajoneve prodhuese të naftës. Mungesa e karburantit në vitin 1979 dëmtoi përpjekjet presidenciale të Jimmy Carter për rizgjedhje dhe ndihmoi në fillimin e epokës së Reaganit.

Një studim i botuar vitin e kaluar nga Banka Botërore mori në shqyrtim 207 zgjedhje në 50 demokraci dhe zbuloi se një rritje e çmimit të naftës një vit para zgjedhjeve “në mënyrë sistematike ul shanset e personave në detyrë që të rizgjidhen”. Gjetjet ishin të vlefshme si për konservatorët ashtu edhe për liberalët, duke treguar një shkallë të lartë pragmatizmi nga votuesit. VOA

 

LEXO TE PLOTE

Bota

“Izraeli ka të drejtë të vetëmbrohet”/  Valë shkatërrimi në Lindjen e Afërt

Publikuar

-

Nga

Për shkak të përshkallëzimit të situatës në Lindjen e Afërt, janë shtuar zërat për vetëpërmbajtje. Gjermania kritikon sulmet ajrore kundër Izraelit, SHBA thekson, se “Izraeli ka të drejtë të vetëmbrohet”.

Qeveria gjermane ka dënuar ashpër sulmet me raketa të Hamasit dhe grupeve ekstremiste të lidhura me këtë organizatë. “Qëllimi i tij është të vriten njerëzit pa dallim dhe në mënyrë arbitrare”, tha zëdhënësi i qeverisë, Steffen Seibert në Berlin. Nga sulmet kanë humbur jetën disa vetë. “E janë si qytetarë hebrenj edhe qytetarë arabë të shtetit Izrael”, tha zëdhënësi i kancelares Merkel. “Kjo dhunë nuk justifikohet me asgjë dhe Izraeli ka të drejtë në kuadër të vetëmbrojtjes të mbrohet ndaj sulmeve”, tha Seibert. Ajo që kërkohet është që të dyja palët të futen në dialog për t’i dhënë fund konfliktit disavjeçar dhe të negociojnë një marrëveshje.

Edhe presidenti amerikan, Joe Biden tregoi mirëkuptim për reagimin e Izraelit. Pas një bisede me kryeministrin izraelit, Benjamin Netanjahu, presidenti amerikan tha se “pritshmëria ime dhe shpresa ime është kjo të marrë fund herët e jo vonë” por Biden theksoi se “Izraeli ka të drejtë të vetëmbrohet, kur mijëra raketa fluturojnë në territorin e tij”. Qeveria amerikane ishte shprehur më parë e shqetësuar për shkallëzimin e situatës dhe u bëri thirrje palëve në konflikt për uljen e tensioneve. Edhe BE ka reaguar pas ashpërsimit të situatës. Kreu i Këshillit të BE, Charles Michel pas një bisede me presidentin izraelit, Rivlin, u bëri thirrje të dyja palëve të ndalin luftimet dhe të mënjanojnë viktimat civile. “Ne jemi shumë të shqetësuar për dhunën aktuale dhe sulmet pa dallim.”

LEXO EDHE:  Dokumenti- Rama nuk prek asnjë qindarkë oligarkëve/ Mban rrogat e policëve

LEXO EDHE:  Lajmi i rremë për tërmetin/ Jehonë në mediat ndërkombëtare

Izraeli vendos për vazhdimin e sulmeve ajrore

Kabineti i sigurisë në Izrael vendosi vazhdimin e sulmeve kundër Hamasit në Rripin e Gazës. Televizioni Kanali 12 ka raportuar, se ushtria do të godasë menjëherë “simbole të sundimit të Hamasit” në zonën palestineze. Sipas mediave lokale janë shkatërruar Ministria e Financave në qendër të Gazas dhe një bankë e Hamasit. Ministria e Shëndetësisë në Rripin e Gazës ka bërë të ditur se kanë humbur jetën 67 palestinezë, 388 vetë janë plagosur.

Të enjten në mëngjes edhe në Tel Aviv u dëgjua alarmi i raketave. Në Petah Tikva, në lindje të Tel Avivit u plagosën 5 vetë. Një ndërtesë u shkatërrua rëndë. Fluturimet në aeroportin e Tel Avivit janë devijuar ndërkohë në një aeroport tjetër afër qytetit Eilat. Më parë një duzinë raketash palestineze kishin rënë në qytete izraelite si Ashdod dhe Ashkelon. Në Sderot afër Gazës një djalë 5 vjeçar humbi jetën pas goditjes nga një raketë. Nga e hëna në mbrëmje, kur Izraeli sulmohet me raketa nga Rripi i Gazës kanë humbur jetën 7 vetë dhe janë plagosur 200 të tjerë. Gjithsej janë hedhur 1600 raketa në drejtim të Izraelit, tha zëdhënësi i ushtrisë izraelite, Jonathan Conricus.

Ndërkohë në rrugët e Izraelit ka pasur sërish përleshje të ashpra mes qytetarëve izraelitë dhe arabë. Në qytetin Acr izraelitë arabë sulmuan një hebre dhe e lënduan rëndë. Kurse në Bat Yam në Tel Aviv, të mërkurën në mbrëmje një turmë e zemëruar ekstremistësh izraelitë tërhoqi zvarrë një arab nga automjeti duke e plagosur rëndë. Të tjerë shkatërruan dyqane të arabëve. Pakica arabe në Izrael përbën 20% të popullsisë me më shumë se 9 milionë vetë./DW

LEXO TE PLOTE