Connect with Us

“Rruga e Kombit u la rrugëve”/ Rama: Me ndërtimin e aeroportit të Kukësit do i sjellim votat PD

Aktualitet

“Rruga e Kombit u la rrugëve”/ Rama: Me ndërtimin e aeroportit të Kukësit do i sjellim votat PD

Publikuar

-

Kryeministri Edi Rama nga kantieri i aeroportit të Kukësit u shpreh se do ta kthejë qytetqin në një pikë reformimi për të gjithë qytetarët. Rama u shpreh se do të kthejë qytetarët kuksianë në vend me ndërtimin e aeroportit  madje duke i sjellë vota PD-së.

Ndërkohë ai foli dhe për rrugën e Kombit për të cilën u shpreh se ajo u la rrugëve nga PD-ja dhe se mund të inagurohej nga Sali Berisha edhe nëse do të ishte gjysmë gati, por ajo nuk ishte ndërtuar plotësisht.

“Në përpjekje për të komunikuar me të gjithë që kanë dëshirën që ndjen shtysën dhe që ka dhe kurajon për tu bërë pjesë e përpjekjes sonë. Të na bashkohet dhe të shprehë gatishmërinë përmes platformës tonë online që të jetë pjesë e skuadrës së PS-së. Për një arsye shumë të thjeshtë. Kthesa që kemi marrë dhe ku tanimë kemi hyrë thellë për të filluar të dalim në rrugën që e ngre Shqipërinë në një nivel tjetër, nuk mund të zbrapset. Shqipëria nuk mund të ngecë ku gjithçka ka nisur të ndryshohet si ky aeroport. Do të ndodhë me Shqipërinë e njëjta që ndodhi me rrugën e Kombit. E cila është e vetmja vepër e nisur nga ata që duan të rikthehen në krye të vendit me njëfarë ideje që të bëhej një vepër e standarteve më të mira. Edhe ajo rrugë e cila u inagurua për zgjedhje dhe u përurua me tantane si të ishte bashkimi i Shqipërisë me Kosovën dhe jo thjesht hapje e tunelit ndërkohë që as ajo nuk ishte përfunduar. U la rrugëve në një situatë që filloi të degradojë. U la në në një situatë ku filluan të rrëshkisnin gurët. U kthye në burim aksidentesh. Çfarë po ndodh me rrugën e kombit. Është një ndryshim cilësor. Shikoni se çfarë vepre inxhinierike po merr formë përfundimtare në nyjen kryesore. Shikoni aeroportin, sa herë e keni dëgjuar se do të çelej. Ka nga ata që thonë se aeroporti ka qenë gati. Nëse do të ishte gjysmë gati, imagjinoni sa herë do ta kishte inaguruar Saliu.

Ishte një pistë e inaguruar nga Mbreti i Emirateve të Bashkuara i asistuar nga princi i Kurorës. U ndërtua për tu ulur vetëm mjetet që sillnin ndihma për ata që u shpërngulën me dhunën e spastrimit etnik nga Kosova. Ja ku jemi sot. Është një kantier i madh që është në punë intensivisht, pasi janë zgjidhur problemet me të gjithë banorët përreth. Me një terminal që tashmë ka marrë formë, që dhe një terminal i një aeroporti ndërkombëtar. Do ta kthejmë Kukësin në një pikë referimi. Do të kthej kuksianët këtu që të votojnë PD-në. Do i sjell PD-së 120 vota këtu. Do të jetë një aeroport që do të sigurojë linja që nuk i ka. Unë kam këmbëngulur pa pushim të ndërtohej aeroporti i Kukësit. Tani duhet ta rihapim pasi u ndërpre për shkak të COVID-it. Edhe po kështu aeroportin e Sarandës. Nëse Shqipëria ka 4 aeroporte, potenciali turistik i Shqipërisë do të rritet shumë. Koncensionari i aeroportit nuk ka konkurrentë, ndaj dhe çmimet në të janë shumë të larta. Me ndërtimin e aeroporteve të tjera nuk do të ketë më kaq çmime të larta”, tha Rama. CNA.al/

LEXO EDHE:  Foto/ Rama mbledh deputetët në ish vilën e Enverit

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Në një vjetorin e tërmetit, Rama dhe Ahmetaj largohen nga Shqipëria

Publikuar

-

Nga

Nis dhënia e granteve të rindërtimit në Tiranë/ Ahmetaj: Të premten fillojnë punimet në Farkë

Sot, në një vjetorin e tërmetit tragjik, kryeministri Edi Rama dhe ministri i Rindërtimit Arben Ahmetaj nuk ndodhen në Shqipëri.

Mësohet se Rama bashkë me ministrin Ahmetaj kanë udhëtuar drejt Dubait. Arsyeja e vizitës së tyre nuk bëhet ende e ditur. Ndërkohë që në punimet e Kuvendit sot, Rama është thirrur për interpelancë nga deputetëët e opozitës, në vendin e tij sot do të flasë ministrja Manastirliu

Kujtojmë se mëngjesin e sotëm Rama publikoi një video-mesazh përmes të cilit rrëfente gjithë momentet pas tërmetit tragjik të 26 Nëntorit./CNA.al

LEXO TE PLOTE

Aktualitet

Tërmeti i 26 nëntorit/ Ambasada e SHBA: Do të vazhdojmë të jemi me ju

Publikuar

-

Nga

Tërmeti i 26 nëntorit/ Ambasada e SHBA: Do të vazhdojmë të jemi me ju

Ambasada e SHBA në Shqipëri ka përkujtuar  një vjetorin e tërmetit tragjik që shkundi Shqipërinë dhe mori 51 jetë njerëzish.

Në deklaratën e ambasades së SHBA, thuhet se Shtetet e Bashkuara qëndrojnë në solidaritet me popullin shqiptar. Më tej theksohet se Shtetet e Bashkuara kanë qënë me shqiptarët në çdo hap të kësaj rruge dhe do të vazhdojnë të jenë.

“Në 26 nëntor bëhet një vit qëkur një tërmet goditi Shqipërinë. Shtetet e Bashkuara qëndrojnë në solidaritet me popullin shqiptar, ndërsa ju përkujtoni këtë përvjetor solemn. Përgjatë vitit të kaluar, Shqipëria ka treguar një forcë të jashtëzakonshme, jo vetëm në rindërtim, por edhe në përballjen me një pandemi globale. Shtetet e Bashkuara kanë qënë me ju në çdo hap të kësaj rruge dhe do të vazhdojmë të jemi me ju.

Pas dëmtimeve të menjëhershme të tërmetit, zyrtarë dhe ekspertë amerikanë ndihmuan në përpjekjet e kërkim – shpëtimit dhe vlerësuan qëndrueshmërinë e strukturave të shtëpive dhe bizneseve në zonat e prekura. Më vonë, në përgjigje të nevojës më të madhe humanitare, USAID punoi me Kryqin e Kuq Shqiptar për të shpërndarë furnizime emergjente dhe me UNICEF-in për të siguruar shërbime mbështetjeje psiko-sociale për fëmijët që pësuan humbje dhe zhvendosje.

Në muajt që vijuan, Shtetet e Bashkuara qëndruan krah jush, ndërsa shihnit drejt së ardhmes. Për të forcuar aftësinë e Shqipërisë për t’iu përgjigjur katastrofave në të ardhmen, Komanda Evropiane e Shteteve të Bashkuara (EUCOM) ndihmoi në furnizimin e rezervave që mungonin dhe siguroi pajisje kritike për raste katastrofash. USAID i siguroi fonde Kryqit të Kuq Shqiptar për krijimin e një Qendre Operacionesh Emergjente, e cila drejton përgjigjen dhe koordinimin e një krize. Në vlerësim të trashëgimisë unike historike të Shqipërisë, ne dhamë një grant për restaurimin dhe ruajtjen e vendeve kulturore të dëmtuara në qytetin e Durrësit, qytetin e Krujës dhe fshatin e Prezës. Për të siguruar përgjegjshmëri ndaj popullit shqiptar, në shkurt ne shpallëm krijimin e Akademisë së Transparencës SH.B.A – Shqipëri, për të ofruar ndihmë teknike në qeverisjen transparente, qeverisjen e përgjegjshme ndaj qytetarëve, trajnimin anti-korrupsion dhe reformën në drejtësi. Akademia do të fillojë së shpejti punën e saj të rëndësishme këtu në Shqipëri.

Sot është edhe Dita Amerikane e Falenderimeve, një ditë për të menduar mbi gjërat për të cilat jemi mirënjohës. Të gjithë ne në Ambasadën Amerikane jemi mirënjohës për miqësinë midis dy vendeve tona dhe urave të shumta midis dy popujve tanë. Së bashku, ne do të vazhdojmë të rindërtojmë Shqipërinë, do të qëndrojmë të fortë përballë fatkeqësive, dhe do të ecim drejt një të ardhmeje më të sigurt, më të begatë. Sot, Shqipëria është në mendimet tona”.

LEXO TE PLOTE

Sociale

Covid-19 nuk njeh mëshirë/ Ndërron jetë ish-ushtaraku i lartë

Publikuar

-

Nga

Ka ndërruar jetë si pasojë e infektimit me koronavirus, ish- ushtaraku Petrit Myftiu.

Pas komplikacioneve më shëndetin e ti, Myftiu ka ndërruar jetën në spitalin “Shefqet Ndroqi”, ku ishte shtruar prej disa ditësh.

Lajmin e hidhur e ka bërë me dije nëpërmjet një postimi në rrjetet sociale kapiteni Artur Meçollari.

Meçollari shkruan se Myftiu , la një trashëgimi të pasur për të gjithë brezat e detarëve me aftësitë e tij drejtuese dhe si një bashkëpunëtor i shkëlqyer.

“Me hidhërim të thellë mësova ndarjen nga jeta të detarit, ish-drejtuesit të lartë të FLD dhe Flotës Tregëtare, komandantit të talentuar, njeriut të ditur dhe mësuesit të palodhur Petrit Myftiu.

Komandant Petrit Myftiu, la një trashëgimi të pasur për të gjithë brezat e detarëve me aftësitë e tij drejtuese dhe si një bashkëpunëtor i shkëlqyer. Forca Detare dhe personeli i saj humben nje koleg dhe nje drejtues të shkëlqyer të saj. Si një autor i disa botimeve per FLD dhe drejtuesit e saj, komandant Petrit Myftiu na ka lënë një pasuri të çmuar për të gjithë personelin e Forcës Detare edhe për brezat e ardhshëm të detarëve.

Ngushëllimet më të thella dhe të sinqerta familjes dhe shokëve të tij. I paharruar kujtimi dhe trashëgimia e komandantit Petrit Myftiu. Talenti, dituria, pasioni dhe urtësia e komandantit do ta ndjekin Forcën Detare në historinë e saj.

Kapiten i rangut të parë (L) Artur Meçollari
Ish-zëvendëskomandant i Forcës Detare”, shkruan Meçollari./CNA.al

LEXO TE PLOTE