LEXO PA REKLAMA!

SHKARKO APP

Nëse keni probleme me zemrën, duhet të vizitohet pa humbur kohë edhe partneri juaj

29 Tetor 2020, 07:42, Blog CNA

Kur partneri juaj porosit një porcion më të madh me patate të skuqura, apo e fik alarmin e gjumit për tu ngritur për vrap, është e lehtë që edhe t?i të bësh të njëjtën gjë. Nga ana tjetër, kur ke një partner që ka një mënyrë jetese të shëndetshme, kjo mund t?ju japë një motivim shtesë për të ndryshuar dhe ti rutinën, në funksion të një shëndeti më të mirë.

Ky është përfundimi në të cilin ka mbërritur një studim i ri në SHBA, që shqyrtoi shëndetin e zemrës në më shumë se 5.300 çifte në gjithë vendin. Ai zbuloi se çiftet e martuara dhe partnerët që jetojnë bashkë, ndajnë zakonisht edhe faktorët e rrezikut, ashtu si edhe zakone të shëndetshme që ndikojnë në shëndetin e zemrës së tyre.

?Ne prisnim të shihnim disa faktorë të përbashkët rreziku?-thotë Samia Mora, kardiologe në Spitalin e Grave dhe pedagoge në Shkollën Mjekësore të Harvardit, në Boston. ?Por ne u surprizuam, kur pamë se shumica e çifteve ishin në një kategori jo-ideale për shëndetin e tyre të përgjithshëm kardiovaskular?- shtoi ajo.

Njerëzit dhe partnerët e tyre, të moshës midis 39-57 vjeç, e kishin vlerësuar shëndetin e tyre të zemrës si pjesë e programit?Wellness?, të ofruar nga punëdhënësi i tyre, Quest Diagnostics, një laborator me bazë në SHBA.

U matën 7 faktorë rreziku për sëmundjen e zemrës, të përcaktuara nga Shoqata Amerikane e Zemrës:pirja apo jo e duhanit, aktiviteti fizik ditor, indeksi i masës trupore, dieta, nivelet e sheqerit në gjak, kolesteroli total, dhe presioni i gjakut.

Këta faktorë rreziku – të cilët mund të përmirësohen përmes ndryshimeve të stilit të jetesës – ndikojnë në shanset tuaja për t`u prekur apo jo nga një sërë sëmundjesh të zemrës, si arteriet e bllokuara, që mund të çojnë në pushim zemre, sulm në zemër apo goditje në tru.

Të dhënat u mblodhën përmes pyetësorëve, ekzaminimeve fizike dhe teste laboratorike. Çdo person në studim u vlerësua individualisht si i dobët, i ndërmjetëm ose ideal për secilën nga 7 kriteret. Analiza tregoi se shumica e çifteve në studim ishin ose të shëndetshëm nga zemra së bashku, ose kishin që të dy një shëndet të dobët të zemrës.

Kur një person ishte në kategorinë ideale për një faktor rreziku (përveç kolesterolit), partneri i tij kishte më shumë të ngjarë të kishte një zemër të shëndetshme. Midis afër 2.190 çifteve që morën pjesë çdo vit në program për një periudhë 5-vjeçare, nëse një person kishte lënë duhanin, kishte rënë në peshë, kishte shtuar aktivitetin fizik, apo kishte përmirësuar dietën e tij ushqimore, partneri i tij kishte bërë të njëjtën gjë një vit më parë.

Por në përgjithësi, kishte pak dallime në faktorët e rrezikut, sjelljen dhe shëndetin e zemrës të çifteve gjatë 5 viteve. Në gati 80 për qind të çifteve të studiuara, njerëzit ndanin një shëndet të njëjtë të dobët ose ?jo ideal? të zemrës me partnerin e tyre, ku pjesa më e madhe e dietave ishin jo të shëndetshme, dhe ku kishte mungesë të aktivitetit fizik.

Studimi përfshiu njerëz nga të 50 shtetet e SHBA-së, por gjetjet duket se janë të vërteta edhe në vende të tjera të botës. Studimet e mëparshme kanë raportuar se çiftet e martuara në Itali, Belgjikë dhe Angli, dhe mbi 3.000 çifte Koreane, ndanin shumë faktorë rreziku për sëmundjet e zemrës.

Gjithsesi, ka edhe faktorë të tjerë që ndikojnë mbi shëndetin e zemrës – të tilla si stresi mbi gjendjen ekonomike dhe mungesa e gjumit, që nuk janë marrë parasysh në studimin e SHBA-së. Edhe një histori familjare e problemeve të zemrës, e shton rrezikun.

Megjithatë, autorët e studimit theksuan në punimin e tyre se gjetjet mund të ndihmonin në hartimin e programeve të shëndetit publik, që promovojnë mënyra të shëndetshme jetese për çiftet./ sciencealert.comPërshtatur nga CNA.al

Lajmet e fundit nga