Connect with Us

Shkojnë të heqin dhëmballët/ Dentisti “u shkul” nofullën

Denoncim

Shkojnë të heqin dhëmballët/ Dentisti “u shkul” nofullën

Publikuar

-

Shkojnë të heqin dhëmballë/ Dentisti “u shkul” nofullën

Dy vajza të reja nga Fieri pasi kanë hequr dhëmballë tek i njëjti stomatolog, Artan Canaj, kanë patur po të njëjtin fat.

Nga mosmjekimi profesional i stomatologut, vajzat kanë përfunduar me nga dy ndërhyrje kirurgjikale në spitalin Francez pranë QSUT-së. Ndërkohë Urdhri i Stomatologut Fier nuk merr masa ndaj dentistit, por provon të ndërmjetësoje mes tij dhe pacienteve duke u dhënë këtyre të fundit dëmshpërblim. Kur e panë që vajzat nuk donin dëmshpërblim, ata dolën me tezen  se në komisionin e tyre  nuk kanë kirurg për të bërë vlerësimin e dentistit, pasi edhe ai vetë është kirurg. Masa e vetme e marrë nga Urdhri i Stomatologut Fier është një vërejtje me shkrim. Ndërkohë që sipas mjekut në spitalin Francez  me gjendjen që janë paraqitur vajzat në spital, pacientë të tjerë kanë humbur jetën.

Manjola Haxhaj tregon  për emisionin Fiks Fare se pasi hoqi dhëmballën e syrit tek stomatologu Artan Canaj gjëndja e saj u përkeqësua. Mjeku nuk i dha asnjë mjekim përveçse  kompresave të ngrohta që duhet të bënte vetë në shtëpi. Manjola thotë se stomatologu Canaj dhëmballën ia hoqi pa bërë asnjë grafi. Gjëndja shëndetsore e saj u përkeqësua duke kryer edhe dy ndërhyrje kirurgjikale në Tiranë. Manjola Hasa kërkon ndihmën e Fiksit duke rrëfyer se këtë problem e kishte ngritur tek Urdhri i Stomatologut Fier i cili sipas saj  ka negociuar për të marrë dëmshpërplim dhe dentisti të mos ndëshkohej.Pacientja nuk ka pranuar dhe nga ana e urdhërit ky është mbyllur vetëm me një paralajmërim.

Shkojnë të heqin dhëmballë/ Dentisti “u shkul” nofullën

Fiks Fare tregoi me audio e figurë momentin kur vetë denoncuesja takon stomatologun dhe ky i fundit nuk mban asnjë përgjegjesi, madje fajëson Manjolën se nuk e kishte hapur gojën aq sa duhej gjatë procesit të heqjes së dhëmballës.

Gjithashtu në takimin e kryer me juristin e urdhrit të stomatologut, ky i fundit pranon se ka dashur të bëjë ndërmjetësimin mes stomatologut dhe qytetares që të rregulloheshin mes njëri- tjetrit me para. Kjo e gjitha që të shpëtohej stomatologu dhe mos të merrej masë ndaj tij. “Po të vendosnim gjobë do ishtë 100 mijë lekë të vjetra dhe komisioni kaq do ta linte” i pohon ai qytetarës .  Por  sekretari i urdhrit të stomatologut  i konfirmon Fiks Fare  se gabimi qëndron tek dentisti .

LEXO EDHE:  Skandali në Fiks Fare/ Punëtori vdes në punë, Prokuroria zvarrit hetimet

Kurse Presidenti i urdhërit të stomatologut, Xhavdet Sadikaj, pranon me kamer të  fshehtë ndërmjetësimin që është bërë  nga institucioni që ai drejton me preteksin se ” stomatologut nuk kishim çfarë i bënim më shumë, dërguam juristin si ndërmjetës”. Kur gazetarët e Fiksit i kërkojnë takim ai mohon të ketë dijeni për ndërmjetësimin, për t’i ofruar lekë vajzës për të mbyllur çështjen e stomatologut.  I pyetur në lidhjen më masën e marrë ndaj stomatologut ai shprehet se ” masa e marrë është për arsye se komisioni nuk mund ta vlerësonte se nuk ka kirurg në përbërje ndaj dhe vendimin e jep Tirana”. Masa e marrë nga komisioni shpjegon ai është bërë në bazë të njohurive që disponon ky komision. Më pas ai pohon se stomatologu profesionalisht ka vepruar gabim.

Por gabimeve profesionale të stomatologut Artan Canaj i shtohet edhe denoncimi i një tjetër vajze.  Pranvera Ngresi, vajza tjetër që ankohet në Fiks Fare tregon se ka hequr tek stomatologu Canaj dhëmballën të cilës i kishte bërë edhe grafi. I është nënshtruar  procesit të heqjes së dhëmballës dhe si në rastin e parë Canaj nuk ka dhënë asnjë mjekim. Disa ditë më vonë Erës i është përkeqësuar dhëmballa duke i dalë një  gjendër. Është paraqitur sërish tek klinika dentare e Canajt. Stomatologu me një age ia ka shpuar nga ku ka nxjerr gjak. Edhe në këtë rast Canaj nuk i dha mjekim pacientes. Më vonë gjendja e pacientes është përkeqësuar dhe është vizituar në një tjetër klinikë dentare, ku i kanë thënë të niset direkt për në Tiranë në spitalin Francez. Pranvera në këtë spital i nënshtrohet dy ndërhyrjeve kirurgjikale .

Gazatarët e Fiksit pyesin mjekun që e ka ndjekur dhe ai pohon se shumë pacientë që i janë paraqitur në gjendjen që i është paraqitur edhe Pranvera, kanë humbur jetën.

Gazetarët kërkojnë një takim me stomatologun Canaj, por dyert e klinikës së tij dentare u mbyllen në fytyrë.  Ndërkohë stomatologu Artan Canaj vazhdon punën i qetë në klinikën e tij dentare, duke marrë në qafe edhe pacientë të tjerë./ tch

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

SPAK nis hetimet për “Farma Net Albania”/ PD me dy standarde

Publikuar

-

Nga

SPAK hetim për “Farma Net Albania”/ PD me dy standarde

Ministrja e Shëndetësisë, Ogerta Manastirliu konfirmoi  më 5 Qershor 2020, se SPAK, ka nisur hetimet për tenderin “sekret” 3.5 milionë euro, të fituar nga kompania “Farma Net Albania” për furnizim me maska dhe doreza për mjekët.

Manastirliu deklaroi në studion e “Opinion” se pret rezultatet e hetimit të SPAK për “të provuar se akuzat e opozitës për 4-fishimin e çmimeve të maskave janë sajesa politike”. Gjithësesi, ministrja e Shëndetësisë nuk pranoi të deklaronte çmimin e blerjes së një maske, të blera në kushtet e pandemisë Covid-19, nëpërmjet një tenderi jo-transparent, të zhvilluar në 18 Mars 2020.

Përfaqësuesi i “Farma Net Albania” e pranoi për “Ora News” se maskat janë të skaduara. Por, sipas tij, nuk bëhet fjalë për të njëjtat maska.

Por ajo që bie në sy është se Partia Demokratike ka mbajtur qëndrime me dy standarde.

Në muajt maj dhe qershor, selia blu akuzonte kompaninë Farma Net për cilësinë e dobët, ndërsa tani që SPAK ka nisur hetimet po i del në mbrojtje duke i kërkuar Komisionit të Prokurimit publik llogari se përse e skualifikoi këtë kompani pikërisht për shka të cilësisë.

Ka qenë ish deputetja e PD Orjola Pampuri, ajo e cila prej dy ditësh ka dalë në konferenca për shtyp, e cila ka hallin e Farma Net dhe po i del në mbrojtje.

Por pyetja që shtrohet këtu është se cilat janë standardet e opozitës zyrtarisht?

PD ka hallet e qershorit dhe takimet e mëpasshme me eksponentët e kësaj kompanie apo tenderat e tanishëm që Luli mund t’i harrojë sërish?

LEXO EDHE:  Restoranti në Bllok/ Arrin në mbi 30 numri i të helmuarve në QSUT

LEXO EDHE:  Skandali i Fiks-Fare/ U nda nga gruaja, ajo i merr fëmijën në Greqi

Në atë që flet 2 ditë rrjesht Pampuri në kryefjalën e saj ka Farma Net. Pse po mbrohet ai që u denoncua? Çfarë ka ndryshuar? 

CNA.al ka mundur të sigurojë të dhëna zyrtare në lidhje me atë që thotë Pampuri me letrat e shkruara në zyrat e atyre që negociojnë gjobat e Lulit.

Nga shqyrtimi administrativ i çështjes është konstatuar se nga autoriteti kontraktor Ministria e Shëndetëisë dhe Mbrojtjes Sociale janë kualifikuar ofertues të cilat nuk kanë përmbushur kriteret e vecanta të kualifikimit, konkretisht në drejtim të dëshmisë së eksperiencës së ngjashme në furnizimin me mallra të ngjashëm me objektin e procedurës së prokurimit si edhe mbi disponueshmërinë e certifikatave të cilësisë së produkteve.

Nga verifikimi i hollësishëm i dokumentacionit rezultoi se për mallin cizme plastike mbrojtëse, në të cilën është deklaruar prodhues një shoqëri turke, nuk është dorëzuar certifikatë Konformiteti CE sipas direktivës 93/42 EEC por sipas direktivës 89/686 EEC e cila  është shfuqizuar në datë 20.4.2018.

Për produktin Kapuc mbulues i kokës, qafës në të cilën është deklaruar prodhues një shoqëri shqiptare, është dorëzuar Certifikatë Konformiteti CE lëshuar nga një organizëm shqiptar, i cili referuar komunikimit zyrtar me Drejtorinë e Përgjithshme të Akreditimit rezulton se nuk është i akredituar për të kryer certifikime CE, si edhe nuk rezulton të jetë as laboratorë i akredituar për të kryer teste laboratorike për produktet./CNA.al.

LEXO TE PLOTE

Denoncim

Denoncimi/ Punonjësit e bashkisë me Covid shkojnë në punë, kryetari i kërcënon…

Publikuar

-

Nga

Denoncimi/ Punonjësit e bashkisë me Covid shkojnë në punë, kryetari i kërcënon…

Ish kryeministri Sali Berisha ka publikuar denoncimin e një qytetari, i cili shkruan se në bashkinë e Kavajës, punonjësit ndonëse kanë rezultuar pozitiv me Covid, vijojnë të shkojë në punë.

Ai shton se kryetri Radjan Krali, i ka bërë presion për të mos folur.

“Administrata perhap covid19.

Lexoni denoncimet e qytetareve dixhital. sb

Mrgj doktorr berisha jam nje djal nga kavaja ketu esht ber nami persona qe punojn ne bashki kan dal me kovid dhe vazhdojn te vijn ne pun me urdher te kryetarit te bashkis redjan krali po bejn presjon punonjesve pe te mos folvr.

Kemi frik se po folem pezullim nga puna ne spital e kan menjeo vetem per lek ste kapin me dor me rrespekt nga kauaja publikoje kete

Ne dshp e malesise se madhe rezultojne me covid drejtori i dshp dhe 2 punonjes te tjere …pjeses tjeter te stafit nuk pranojne tu bejne testin qe tmos behet publike ky rast.’/ CNA.al

LEXO EDHE:  U përkeqësua ditët e fundit/ Futet në intubim mjeku i QSUT-së

 

LEXO TE PLOTE

Aktualitet

Kujdes me kasat!/ Si po perplaset kompania private me bizneset dhe tatimpaguesit

Publikuar

-

Nga

Kompania Dev. al e cila është përfolur dhe është akuzuar shumë për lidhje të forta me qeverinë, për miliona euro të marra nga tenderat sekretë, tani është shfaqur në një formë tjetër.

Konkretisht kompania Dev. al ka deklaruar  se pas datës 1 janar 2021 nuk ka më nevojë për kasa fiskale dhe bizneset nuk duhet të blejnë një kasë por një program software.

Menaxheri i kësaj kompanie, Igli Gjelishti ka deklaruar se nuk do të duhen më kasat fiskale, por do të duhen vetëm aplikacionet e reja, një gënjeshtër publike që i shkakton një kosto biznesit.

Ky është një dizinformim që po i bëhet tatimpaguesve sepse ligji Nr 87/2019 “Për faturën tatimore dhe të monitorimit të qarkullimit” në nenin 1 te tij, pika Nr 2 shprehet se : “Dispozitat e këtij ligji garantojnë vijimësinë e funksionimit të pajisjeve fiskale përpara hyrjes në fuqi të këtij ligji”

Nga sa shpreh ligji si më lart kuptohet që kasat aktuale do të funksionojnë duke i përshtatur me ligjin e ri , por edhe kasat e reja që hidhen në treg pas hyrjes në fuqi të këtij ligji do te ekzistojnë sepse ato janë pajisje elektronike të ndërtuara saktësisht ashtu sic i përshkruan ligji ne Nenin Nr3, germa”k, i” : i .pajisjen fiskale, e cila përbëhet nga:

– pajisja elektronike e faturimit, që përdoret për lëshimin e faturave për shitjen e mallrave dhe ofrimin e shërbimeve, me memorie për regjistrimin e të dhënave fiskale në faturat e lëshuara për pagesa që kryhen me para në dorë;

– pajisja elektronike për lëshimin e faturës shoqëruese, me memorie për regjistrimin e të dhënave fiskale në faturat shoqëruese të lëshuara;

Mund të ndodhë që shumë biznese, duke dëgjuar të tilla thirrje të hedhin në kosh të plehrave kasat dhe të marrin aplikacionin e ri. Në fakt as AKSH, as tatimet nuk kanë thenë që kasa do të dalë jashtë funksionit, absolutisht jo. Kasa do të jetë në funksion, por ato do të përshtaten totalisht me sistemin e ri, me aplikacionin e ri që kanë bërë tatimet dhe AKSH-i.

Pra, nuk do të hidhet në kosh të plehrave kasa fiskale, me një kosto shumë të ulët, kompanitë që kanë kasa fiskale do t’i kthejnë bizneseve që i kanë në përdorim, me parametrat e reja që kërkon ligji. Në thirrjet e tij në një studio televizive, ai thotë se nuk ka më kasa nga janari.

Si mundet që një person privat të dalë dhe të bëjë thirrje për ligje dhe çështje shtetërorë dhe zyrtare. Këtë detyrim ligjor në lidhje me kasat e kanë tatimet, AKSH, Ministria e Financave. Duhet të jenë vetë kompanitë që kanë tregëtuar kasat të cilat duhet ta bëjnë këtë fushatë sqaruese për opinion publik, edhe për ata qytetarë dhe biznese që kanë kasën në përdorim dhe që duhet të marrin aplikacionin e ri që do përdoret.

Kasat janë shitur tek qytetarët nga kompnaitë me një xhiro disa miliona euro, janë disa dhjetëra mijë kasa në qarkullim të cilat janë blerë nga qytetarët me kosto nga 300 deri në 700 euro, janë suvencionuar nga qeveria.

LEXO EDHE:  Thirrja e një nëne në 8 Mars: “Shtëpia po më zë brenda”

LEXO EDHE:  Skandali i Fiks-Fare/ U nda nga gruaja, ajo i merr fëmijën në Greqi

Si mund të hidhen kasat në kosh të plehrave me një të rënë të lapsit nga një biznesmen që thotë nuk do të ketë më nga këto? Kjo s’mund të ndodhë!

CNA.al u interesua pranë kompanive të cilat theksuan se do të bëjnë kalimin 100% të gjitha paisjeve që ndodhen aktualisht në shërbim. Kasat e blera nga biznesi disa vite më parë do të përshtaten sipas kërkesave ligjore.

Pse del ky biznesmen privat që fiton miliona euro nga qeveria dhe thotë që nga janari nuk do të lejohen më të tilla kasa?

Nga janari mund të blesh edhe kasë pa asnjë dikutim, por kasa duhet të ketë parametrat e reja që kërkon ligji. Më poshtë është një postim i Dev.al në faqen e tij në Facebook i cili duket që është sajuar për të dhënë përgjigjen që ai do. Këtë postim e ka shpërndarë me sponsorizim.

Sa i takon çmimeve të softwareve është përseri një mashtrim në lidhje me kostot duke shprehuar se kasat fiskale kanë kosto të lartë. Nisur nga sa deklaron më lart Dev. al, kostot e biznsesit do të jene 36-120 Euro në vit ndërkohë aktualisht mirëmbajtja e kasës është 23Euro në vit Pra biznesi vetëm për mirëmbajtjen do të këtë një rritje prej 1.6 deri në 2 herë.

Programi ka nevojë për internet të vazhdueshëm- kostoja mujore e të cilit është 15Euro ne muaj , ndërkohë që për kasat fiskale do të paguhet interneti i kartës SIM vetëm 15Euro në vit. Pra një kosto të shtuar 12 herë.

Konsumi i energjisë që do të bëjë një kompjuter është i madh pasi fuqia e tij është 200-250Ë ndërsa kasat fiskale e kanë konsumin xxË. Kjo është një kosto plus sidomos për bizneset e vogla që shkon deri në 58 Euro në vit.

Ajo që duhet të shqetesojë autoritetet e Ministrise së Financave, dhe DPT-së është pikërisht çoroditja dhe mashtrimi që i bëhet tatimpaguesve të cilët kanë investuar për blerjen e kasës fiskale dhe tani kompani si Dev.al i thotë leri menjanë dhe bli një kompjuter dhe një printer.

Kompanitë që kanë garuar për kasat fiskale janë të një dekade me parë, kanë qenë vetëm pesë, me kushte dhe kontrolle mjaft të forta. Një prej tyre iu është hequr licenca, në treg janë katër që operojnë me garancira disa mijëra qindra euro të bllokuara në favor të qeverisë shqiptare.

Disa investigime te bera ne vite jane :

1. Tregetimi i kasave fiskale nuk ka qenë monopol, por kushtet që ka pas vendosur Ministria e Financave kanë qenë të tilla që të ruanin maksimalisht konsumatorin. Kompanive që tregtonin kasat i kërkohej ngurtësim i një vlere monetare prej 500.000 dollarë si garanci për mosfunksionim sipas ligjit.

2. Nga Ministria e Finanacave janë ftuar 20 kompani për të marrë pjesë në procesin e sistemeve fiskale dhe kasave fiskale, por vetëm 5 vazhduan certifikimin, ndërsa njerës i është hequr Licensa (Ckv Noki)./CNA.al

LEXO TE PLOTE