Connect with Us

Nga Habjon Hasani/ Të përçarturit me buzët plot yndyrë

Opinione

Nga Habjon Hasani/ Të përçarturit me buzët plot yndyrë

Publikuar

-

Ne zgjedhjet e vitit 2017, ne Partine Demokratike ndodhi nje krisje e forte. Tenxherja shpertheu naten kur u dorezua lista e deputeteve.
Mbaj mend qe ate nate ne portalin Syri u publikua editoriali me titull “Dil nga ajo liste Sali Berisha”.
Duke qene se Hashtag.al ishte qartesisht i pozicionuar kunder Edi Rames, kjo krisje lypte dhe nevojen per te trajtuar situaten e re, si do vepronim?
Konfliktin e lexoja si nje perplasje mes njerezve te afert te Shkelzen Berishes dhe njerezve te afert te Lulzim Bashes.
S’kisha nai simpati per Lulzim Bashen, por nuk kisha ndonje motiv ta beja armik. E njejta gje vlente dhe per Shkelzenin.
Kam pire nje pakete duhan ne ballkon ate nate duke bluar se çfare do te ishte nje linje editoriale e arsyeshme ne rrethanat e krijuara.
Dilema vijoi deri ne momentin kur u shtrua per zgjidhje pyetja:
Kush e do me shume PD-ne, Sali Berisha apo Luli me Xenin?
Pergjigja ishte elementare: Absolutisht Sali Berisha.
Kaq u desh dhe vendosa ta shtrija jorganin deri te Sali Berisha. Vendosa te perdorja ate si pike reference, nese ai nuk sulmonte eger Bashen, pse duhej ta beja une qe isha me pak i informuar mbi konfliktet e kupoles dhe me pak i interesuar ne problemet e PD-se se Berisha?
Ne ate kohe mbaj mend qe kundershtaret e Lulit nisen dhe te perhapnin fjale sikur me kishte blere kunati Lulit ?.
Akuzuesit e djeshem i konstatoj sot ne mbeshtetje te Lulit, duke linçuar Patozin dhe Topallin madje jane ata nen akuze sot sikur kane kaluar ne borderone e kunatit.
Nuk e mohoj dot qe me lezeton kur i shoh te perçartur sot keta qe sulmonin aq egersisht dje, e me kujtohet ajo torta e pavaresise…me ngjajne sikur kane qe ne 2017-en qe nuk u iken yndyra nga buzet. Gjynah.
Habjon Hasani editor i Hashtag.al, titulli i cna.al
Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Opinione

Ku ta gjej një formular?

Publikuar

-

Nga

Nga Ylli Dylgjeri

Ku ndahen formularët për të marrë pjesë në Kuvendin e datës 11 Dhjetor?

Ku ndodhet ky formular miq?

Po!

Më duhet një formular. Më duhet ta mbush me gjeneralitet dhe Vullnet tim të lirë. Nuk kam asnjë hezitim. Nuk kam asnjë mëdyshje.

Po!

Do ta mbushja menjëherë tani po ta gjeja. Do ta mbushja 100 herë.

Po!

Do ta mbushja për 1001 arsye. Arsyet?



Janë çdo ditë të përjetuara, të shkruara e të komentuara nga njerzit e lirë.

Po!

Do ta mbushja jo si naiv. As si militant. As si gazetar i shitur. As si karagjoz, as si avokat, që të dal të broçkullis te Neës 24, apo te Open.

LEXO EDHE:  Bardh Spahia nga Velipoja/ “Të rinjtë janë motorri i ndryshimit, bashkë do ia dalim”

LEXO EDHE:  Soros injektoi “qelizat kancerogjene” në PD/ Avokati i njohur zbardh prapaskenat

Po!

Do ta mbushja kundër të korruptuarve. Do ta mbushja kundër delenxhinjve. Do ta mbushja kundër sahanlëpirësve. Do ta mbushja kundër të gjithë legeneve…që kanë si targe binomin Rama & Basha.

Por…sot nuk e mbush dot.

Nuk e mbush se nuk jam antar i PD, nuk jam i zgjedhur i saj.

Jam vetëm një qytetar i lirë që më egërson çdo, shfaqe, çdo fenomen, çdo matrapaz që shitet e blihet në këneten Shqipëri./CNA.al

LEXO TE PLOTE

Opinione

Vasiç Mosije- Sharlatani që zbarkoi në Elbasan

Publikuar

-

Nga

Nga Kostandin Luçi

Vasic Moisije, një personazh  aq anonim dhe qesharak, duke dhënë intervistë për disa media shqiptare që me të vërtetë e meritojnë të quhen media kazan, thotë dhe flet kundër Kryepiskopit tonë të nderuar dhe të bekuar Anastas, duke thënë që: Anastasi nuk ka vend në Shqipëri.

Vasic Moisije, i cili e quan veten dhe si “Kryepeshkopi I Vllenjve” me kalendarin e vjetër nuk është asgjë më shumë dhe asgjë më pak, por vetëm një aventurier, i cili erdhi në Elbasan dhe veshi “prift” një  individ, të cilin asnjë kishë e Botës Orthodokse nuk do ta bënte. Vasic Moisije, me urrejtjen e tij empirike dhe të një niveli para Neandertal, duhet të lexojë dhe mësoje se nuk mund të veshësh klerik çdo njeri sipas qejfit tënd.

Vasic Moisije nuk është as klerik dhe asgjë. Ai nuk përfaqëson asnjë kishë. Vllenjtë nuk kanë nevojë të përfaqësohen nga një faqezi si Vasic, i cili bën thirrje anti Kishës Orthodokse Shqiptare dhe anti Kryepiskopit tonë të nderuar Anastas. Kur, Vasic Moisije vjen dhe qan  hallin e KOASH në fakt ai është duke u përpjekur të hedhi baltë mbi veprën e bekuar të KOASH në Shqipëri dhe më gjerë.



Ajo që Vasic Mosije dhe e tërë gangrena që ndjek atë është fakti që, Kryepiskopi Anastas dhe peshkopet janë një bekim nga Perëndia për mbarë popullin Shqiptar dhe jo vetëm. Nga mënyra sesi flet faqeziu dhe krimineli dhe gënjeshtari  Vasic Mosije dhe  disa individe, më lë të kuptoj se nuk e kanë idenë të Orthodoksizmit dhe këmba juaj s’ka shkelur kurrë në kishë, por ka shkelur vetëm mbi gënjeshtrat e mendjes tuaj mjerane.

LEXO EDHE:  Shkarkimi i Metës dhe heshtja e Bashës

LEXO EDHE:  “Nuk premtoj mrekullira”/ Basha tregon planin për të shpëtuar vendin

Kur një individ anonim vjen dhe sulmon KOASH dhe Kryepiskopin kjo lë për të dëshiruar dhe jo vetëm, pasi kjo është jo vetëm një sjellje por është dhe me prapavijë politike nga qarqe anti të Krishtera Orthodokse në vend. Dhe në vend që të mësoni e ndriçoheni shpirtërisht nga sakrifica e Kryepiskopit Anastas dhe peshkopeve që po bëjne sakrifica që ju vetë nuk i keni bërë për Shqipërinë, ju nuk ju lënë as denglat e kërkoni e ti jepni mend komunitetit Orthodhoks, një ndër ato komunitet që ka mbajtur gjallë gjuhën e bukur shqipe. Por, ju këto s’mund ti kuptoni kurrë sepse ju jeni njerëz të pacipë.

Më poshtë keni dhe linkun për të ndigjuar se çfarë thotë gënjeshtari faqezi dhe sharlatani Vasice Mosije./CNA.al

LEXO TE PLOTE

Opinione

Nga Lorenc Vangjeli/ Të gjithë armiqtë e Bashës, pa përjashtuar as Lulin

Publikuar

-

Nga

cna lajme politike

Nuk është trekëndësh, por është rreth. Gjeometria politike, të cilën e solli në Tiranë kryetari i PD-së Lulzim Basha, nuk ka tre kulme, por është qark i mbyllur. Nuk ka tre personazhe në kënde dhe një të katërt që i vështron, por një prej tyre është në qendër dhe tre të tjerët i vijnë rrotull. Ky është shpjegimi i thjeshtuar për atë që po ndodh në këtë vjeshtë kaotike në Tiranë, ku alkimia e pushtetit dhe pushteti si lojë, i ka shndërruar miqësitë e interesit të çastit në armiqësi të thella dhe armiqësitë e vjetra i ka bërë kasafortë të interesave të pandryshueshme.

Në qendër të këtij rrethi vicioz është Edi Rama: në perimetrin e këtij rrethi, vijnë qark edhe Basha, edhe Berisha, edhe Meta. Në dukje të gjithë kundër të gjithëve. Në thelb, të tre opozitarët bashkohen në bindjen e pandryshueshme: secili nga ta e akuzon tjetrin si peng të kryeministrit. Duke krijuar kështu situatën më absurde të mundshme dhe portretin më të dhembshëm të vetë opozitës në veçanti, por dhe të gjithë shoqërisë shqiptare në përgjithësi. Duke nisur me Bashën. Kryetari legal i PD-së legale është armiqësor edhe me Berishën, edhe me Metën, edhe me Ramën. Berisha është armiqësor me Bashën dhe Ramën, por hesht për Metën. Meta është armiqësor me Bashën dhe Ramën, por e shmang Berishën. Basha është gjithashtu armik me të gjitha mundësitë fantastike që fati i afroi në vite Lulzimit. Kurse Rama hesht për të tre sepse vetëm ai është përfituesi real i kësaj armiqësie të kryqëzuar. Ky portret i ri i opozitës, kjo sjellje në perimetrin e rrethit me ramën në qendër, e nxjerr qeverisjen e tij nga fokusi si problem thelbësor i një shoqërie normale dhe e bën të ndjekë me duar në gjoks tollovinë opozitare.

Një politikan shpesh vlen sa shumica e armiqve të tij! Nëse një aksiomë e tillë është e verifikuar për kryeministrin, tek Lulzim Basha, kjo aksiomë është përjashtimi që përforcon rregullin. Sepse Basha, duke nisur që nga maja e fuqisë së tij që e arriti në mesnatën e 25 prillit kur u mendua se opozita fitoi zgjedhjet, tani në vjeshtë po tkurret pak nga pak si dunë rëre. Për ta mbyllur këtë cikël në nivelin më të ulët në javët e para të dimrit. Arsyet janë të shumta, por ato kryesisht janë produkt direkt i veprimeve dhe mosveprimeve të tij. I veprimeve të gabuara dhe akteve të kryer në kohën, vendin dhe mënyrën e gabuar. Ato janë rrjedhojë e asaj që minimalisht ka filluar që në pranverën e 2017-ës. Jo thjesht me marrëveshjen e tij me Ramën, por kryesisht nga pavendosmëria e tij për të kuptuar dhe ndarë tek politikani që synon majën, një të vërtetë elementare: ndarjen e plotë të axhendës politike të grupit që përfaqëson me axhendën vetjake ekonomike. Ndryshe nga gjithë të pasurit normalë, që përveç milionit të parë, janë të gatshëm të shpjegojnë qindarkat e çdo milioni tjetër që kanë fituar, Basha ka treguar vetëm milionin e tij të parë dhe ka heshtur për gjithë dhjetra milionët hipotetikë që i numërojnë në xhepa kritikët e tij.

LEXO EDHE:  Bardh Spahia nga Velipoja/ “Të rinjtë janë motorri i ndryshimit, bashkë do ia dalim”

LEXO EDHE:  Bardh Spahia nga Velipoja/ “Të rinjtë janë motorri i ndryshimit, bashkë do ia dalim”



E sotmja në kaos e PD-së është rrjedhojë e dilemës që ka nisur më shumë se katër vjet më parë, kur Basha hezitonte të gjente nëse i leverdiste të ishte kryeministër i Shqipërisë në vend të Ramës apo mik dhe ministër i tij. Në funksion të kësaj pavendosmërie ai shkëmbeu “friendly fire” me Metën dhe mesazhe bashkëpunimi me Ramën, për të këmbyer vendet menjëherë pas zgjedhjeve të humbura. Në mënyrën më të gabuar të mundshme, me Ramën ndau aleancën në fushatë, kurse me Metën u bë aleat në opozitë, ndërsa fotografinë e Berishës e mbante pas çdo veprimi dhe mosveprimi të tij. Kjo mungesë e koherencës, qoftë dhe në raport me tre politikanët e tjerë në vend dhe raportet e mosbesimit të thellë që ai ndërton për çudi me shumicën e bashkëpunëtorëve të tij, janë nga shkaqet thelbësorë të rrugës së tij me zigzage, që cilindo udhëkryeq të ndjekë, si destinacion final mbërrin gjithmonë opozitën. Edhe lobimi fatkeq në SHBA në 2017-ën, ku ai ishte fajtor pa faj, edhe djegia e mandateve, edhe refuzimi i zgjedhjeve lokale, edhe bojkoti i zgjatur i reformës zgjedhore, edhe mungesa e forcës për të imponuar një listë referendare kundër Ramës në zgjedhjet e 2021-shit, janë armiqtë realë të Bashës, shumë më shumë sesa Berisha, Meta dhe Rama të marrë së bashku.

Sot, nën këshillën më të keqe të mundshme dhe natyrisht, në ditën e tij më të errët politike, ai dhe partia e tij kanë nisur një tjetër betejë. Kursi i përplasjet së PD-së legale me Presidentin e Republikës, do të ishte kura e fundit për t’u marrë. Nuk ka pikën e interesit politik që të shtojë edhe një seri të kryqëzuar sulmesh që mund ta kishte kursyer. Nuk ka pikën e rëndësisë se kush ka të drejtë mes tyre, por është thelbësor fakti që armiqësia me të gjithë, nuk tregon forcë si në rastin e Edi Ramës, por marrëzi. Lulzim Basha arriti në tetë vjet të bëja partinë e tij më të vogël, në rastin më të mirë, të ndarë në dy pjesë armiqësore me njëra-tjetrën. Më shumë se kaq, ai ka bërë edhe vetë opozitën më të vogël se secila pjesë e ndarë e partisë së tij. Si rezultat, Edi Rama duket gabimisht shumë më i fortë sesa shuma e armiqve të Bashës, pa përjashtuar as vetë Lulin.

LEXO TE PLOTE