Connect with Us

Kryengritja e Fierit: Luan, Luan ti je gjallë

Politikë

Kryengritja e Fierit: Luan, Luan ti je gjallë

Publikuar

-

Kryengritja Fierit: Luan, Luan ti je gjallë

Dega e Partisë Demokratike në Fier ka nisur një kryengritje ndaj vendimit të Komisionit të Vlerësimit të Kandidatëve në PD, i cili la jashtë listave të kandidatëve kreun e kësaj dege Luan Baçin.

Dega e PD-së së Fierit i ka dërguar një letër kryetarit të opozitës Lulzim Bashës, ku i përmend se puna e Baçit solli që në zgjedhjet e vitit 2017, Dega e Fierit të ishte një nga më të mirat në rang kombëtar.

Demokratët e Fierit shpehin pakënaqësinë nga Komisoni i Vlerësimit, teksa theksojnë se janë gjendur të shokuar dhe pa fjalë në lidhje me këtë opinion.

Ata theksojnë se nëse Luan Baçi nuk konfirmohet nga Komisioni i  Vlerësimit, do të mbeten të zhgënjyer dhe në dilemë të vazhdimësisë së tyre.

PD e Fierit kërkon një takim me Bashën dhe gjithashtu kërkon që Baçi të mbetet kryetar i kësaj dege.

Letra e plotë:

I nderuar z kryetar ,sot më datë 25.10.2020 Kryesia e Degës së Partisë Demokratike Fier, u mblodh në një mbledhje te kërkuar nga nënkryetarët  dhe sekretataret funksional te kësaj Dege. Kjo mbledhje u kërkua pasi një numër i madh i anëtarëve, sekretarëve dhe kryetarëve të seksioneve, nëpërmjet takimeve direkt dhe telefonatave kërkonin sqarime dhe ishin te shqetesuar në lidhje me situatën e krijuar.

Problematika ka lindur që në kohën kur erdhi Lista e Kandidatëve nga Komisioni i Vlerësimit , për t’u votuar në anëtarësi. Anëtarësia pati kontestime te shumta në lidhje me disa emra të cilët nuk ishin pjesë aktive e strukturave të PD-s në këto vite, madje kane qene nga ata qe ironizonin strukturat kur organizonin protestat dhe shanin çdo dite drejtimin e PD ne  opozite.

Por kur nëpërmjet medias mësuan faktin se Kryetari i Degës ishte lënë në pritje, ata kanë kërkuar me insistim sqarim nga nënkryetarët e Degës dhe sekretaret funksional, të cilët mblodhën Kryesinë e Degës për të rrahur mendimet për vazhdimësinë e punës.

Kryengritja Fierit: Luan, Luan ti je gjallë

Dega e Fierit që nga viti 2013 u ristrukturua, si në përbërje dhe formë. Ka qenë Dega e parë e cila organizoi partinë në qelizë , duke rritur përfaqësimin e anëtarësisë në struktura drejtuese dhe menaxhuese. Nga Grupseksione të cilat mbulonin një numër të madh seksionesh , ne kaluam në Grupseksione më të vogla në bazë lagjesh, të cilat krijonin një lidhje më të mirë midis anëtarësisë dhe qytetarëve. Kjo siguroi pjesmarrje me te madhe dhe krijoi hapsira per gjitheperfshirje duke hyre ne drejtim kushdo qe kishte deshire per te kontribuar.  Ky organizim bëri që në zgjedhjet e vitit 2015 në drejtimin e Kryetarit të Degës Fier, të arrihej një rezultat shumë më pozitiv sesa nga zgjedhjet e mëparshme.

Puna e vazhdueshme e Kryetarit të Degës dhe strukturave të PD-s solli që në zgjedhjet e vitit 2017 , Dega e Fierit të ishte një nga më të mirat në rang kombëtar, pasi shumë degë të tjera patën ulje në rezultatet e tyre, Fieri pati një ngritje cilësore.

Jo vetëm fushatat por të gjitha aksionet politike që janë zhvilluar si në rang lokal apo edhe atë kombëtar Dega e Fierit ka qenë kompakte dhe e konsoliduar ka qene aktive dhe me numer te madh pjesmarresish, duke perballuar dhe nga ana financiare çdo gje vet ne si dege, kjo fal përpjekjeve dhe punës së Kryetarit të    deges dhe mbeshtetjes qe ai ka pasur nga ju.z kryetare. Gje qe kryetari i deges na i konfirmonte ne çdo takim qe ne benim duke na sjelle falenderime nga ana juaj

Në këtë takim të Kryesisë u diskutua rreth situatës që është përballur Dega e Fierit. Nëpërmjet medias jemi bërë me dije në lidhje me opinionin e Komisionit të Verifikimit të Figurave të cilat kanë dhene opinion per lenie në pritje Kryetarin e Degës tonë z.Luan Baçi.

Në respekt të punës së këtij Komisioni, pa paragjykuar opinionet e tyre, pavaresisht se per hire te se vertetes as na njohin dhe as I njohim, ne si Kryesi e Degës PD-së Fier, jemi gjendur të shokuar dhe pa fjalë në lidhje me këtë opinion Jemi të paqartë sesi ka ndodhur kjo  dhe cilat kanë qenë kriteret për të cilat komisioni ka dal me këtë opinion.

Gjatë gjithë këtyre viteve opozitë nga viti 2013 deri më sot Dega e PD-së Fier ka qenë një nga Degët më aktive, kjo e konfirmuar edhe nga ana Juaj Z.kryetar Në të gjithë angazhimin tonë politik të këtyre viteve, frymëzuese ka qenë puna e palodhur e Kryetarit tonë z.Luan Baçi.

LEXO EDHE:  Basha flet për skualifikimin e Klevis Balliut/ Nesër do ta bëj ministër

Basha: Para dy ditësh qeveria i pagoi 300 milionë lekë inceneratorit të Elbasanit

Në takimet që kemi zhvilluar së bashku me Ju nuk mund të harrojmë një thënien Tuaj qe atehere na mbushi me shume besim dhe na gezoi pa mase: “Kontratën ju e keni me kryetarin tuaj Luanin, kurse Luani kontratën e ka me mua”, kjo thënie ishte në kontekstin e vazhdimësisë së punës tonë edhe pas fitores së madhe të Partisë tonë.

Në këto kushte kur bëhemi me dije se kryetari ynë z.Luan Baçi nuk konfirmohet nga Komisioni i  Vlerësimit, ne mbetemi të zhgënjyer dhe në dilem të vazhdimësisë tonë.

Në procesin e nxjerrjes së kandidaturave, në çdo seksion dhe grupseksion figura e z.Luan Baçi është përmendur si  figura më e  spikatur dhe e pa konkurueshme, ku çdo anëtarë i Degës tonë e gjente veten të përfaqësuar në këtë kandidaturë.

Po kështu dhe gjatë procesit model të votimit që është bërë në Degën tonë , z.Luan Baçi ka marrë numrin më të vogël të kontestimeve,e pa perfillshme ne raport me pjesmarrjen, por duke pasur parasysh edhe faktin qe qenja ne drejtim prej shume vitesh krijon edhe problematika,  fakt që tregon se figura e këtij kandidati është me e perkrahura në anëtarësinë e Degës së Fierit.

Kryetari i deges tone eshte zgjedhur dy here me vote plebishitare dhe kjo tregon mbeshtetjen qe ne I kemi dhene dhe besimin qe kemi te ai

Kryesia e Degës e ndodhur përpara gjithë këtyre pikëpyetjeve në lidhje me këtë qëndrim të Komisionit, opinioni i të cilit ka cënuar jo vetëm integritetin e figurës së Kryetarit të Degës por ka cënuar dhe punën, angazhimin tonë të të gjithë këtyre viteve opozitë, mendojmë se një takim me Ju do të ishte një hap i rëndësishëm për të forcuar rradhët e PD-së Dega Fier.

Ju lutemi na mundesoni nje  takim me Kryesinë e Degës ose nje perfaqesi e vogel e jona ,ose sit a mendoni ju z kryetare për te na qartesuar situaten dhe te na mbushni me me shume besim per betejat qe na presin

Ne do tju luteshim duke marre parasysh faktin qe jemi pothuaj ne prage fushate dhe gjerat jane shume te brishta qe kryetari i deges te vazhdoj te drejtoj degen siç e kemi drejtuar suksesshme gjate shume viteve, deri ne daljen e listes perfundimtare te kandidateve te Qarkut Fier ku ne ta kemi si perfaqsues tonin.ne vendin qe meritojme kjo sipas edhe asaj qe ju na keni vleresuar.

Kjo do te na gezoje  dhe do te na mbush me besim Z Kryetar dhe ju garantojme se dega jone eshte shume kompakte, me 49 kryetar grup seksionesh, me 49 sekretar grup seksiones me nje bord keshillimor model, me antaresi aktive dhe drejtues seksionesh te sakt me mbeshtetjen tuaj do te arrijme rezultat qe as nuk eshte menduar ndonjeher ne Fier

Kryetari i deges z Baçi per hire te se vertetes na beri me dije dhe na qartesoi se keni thirrur ne takim dhe situata eshte e sqaruar, komisioni ka vepruar jashte kompetencave eshte opinion pa argumenta dhe se kjo çeshtje do te trajtohet ne kryesine e PDSH dhe nga ju Z Kryetar dhe do te marre zgjidhje perfundimtare ne te mire te punes per fitoren e PD

Z Kryetar ne ju kerkojme ndjese per shqetesimin nuk eshte çeshtje emrash, por çeshtje pune, dhe ceshtje besimi ,jemi te shqetesuar per punen e shume viteve sebashku nen drejtimin tuaj dhe rezultatit i pritshem i shkelqyer, por  qe kemi shume merak se si do te jete ky rezultat,   ne qofte se nuk  merret  konsiderat mendimi i antaresis ashtu si beri komisioni i vleresimit.

Me shume besim dhe respekt per ju.

Bashkangjitur janë dhe firmat e  anëtarëve të Kryesisë së Degës Fier.si dhe te sekretareve te grup seksioneve dhe anetare te Bordit keshillimor./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Situata në PD/ Ahmetaj: Pse doja Sokol Olldashin për kryetar dhe jo Lulzim Bashën

Publikuar

-

Nga

Kryetar i grupimit dhjetor ’90 Bislim Ahmetaj ka folur për gjendjen aktuale të Partisë Demokratike. Ahmetaj u shpreh se në vitin 2013 kur Sali Berisha dha dorëheqjen ai ka votuar Sokol Olldashin si kryetarin e ri të Partisë Demokratike.

I ftuar në studion e Fax News Ahmetaj shtoi se Lulzim Bashës i kanë rënë në qafë me detyrën që i kanë ngarkuar si kryetar i PD-së, sepse nuk është njeriu i duhur për të marrë përsipër drejtimin e opozitës, pushteti i dytë më i madh në vend.

Unë jam shprehur dhe po e përsëris Sali Berisha është një nga personalitetet më të arrira të këtij vendi që e ka mbyllur ciklin e vet në vitin 2013, duke treguar se di të tërhiqet. A është tërhequr apo jo, ky nuk është problemi i Berishës, por atij që i ka interesuar gjithe kjo që në rast suksesi do të jetë i imi, në rast mossuksesi do jetë i prapavijës. Berisha duhet të shprehet. Duhet të thojë që e ka vënë. Ne jemi koshientë që Lulzim Bashën e ka vënë. Unë në 2013 kam shpallur mendimin tim që votova për Sokol Olldashin. Fati im i keq ka qenë se unë kam qenë pak i avancuar në lirinë e mendimeve. E doja kryetarin e opozitës në Parlament. Nuk është se kisha ndonjë paragjykim të madh për Lulzim Bashën. E doja kryetarin në parlament dhe jo kryetar bashkie për të dhënë tendera. Berisha është politikan i një cikli të mbyllur”, u shpreh ./ CNA.al

LEXO TE PLOTE

Politikë

“Tirana ime tregoi se ka këllqe”, Refik Halili: Askush s’e bën këtë gjë

Publikuar

-

Nga

Tirana mori një pikë kundër Partizanit dhe mbetet në garë për kupat e Europës. Për titullin kampion presidenti Refik Halili është shprehur disa herë që është i paarritshëm dhe e përsërit diçka të tillë.

Ndeshja e sotme i ka pëlqyer presidentit Halili, i cili pas ndeshjes u shpreh se Tirana e tij ka këllqe për sezonin e ardhshëm. Hapur ai thekson se po mendojnë për sezonin e ardhshëm.

“Jam shumë, shumë i kënaqur, për të vetmin fakt se skuadra luajti mirë dhe tregoi se ka këllqe për të vazhduar për të ecur edhe në kampionatin e ardhshëm.

Për titull ka mbaruar ka shumë kohë, por ecim përpara. Kemi treguar që jemi një skuadër që rrallë kush e bën këtë, që respekton kampionatin”, tha mes të tjerash Halili pas derbit me Partizanin.

LEXO TE PLOTE

Politikë

Sezoni turistik/ Klosi: Nuk është ende e qartë se çfarë do të ndodhë në plazhe

Publikuar

-

Nga

Ministri i Turizmit, Blendi Klosi tha për gazetaren Ilva Tare se me gjithë uljen e numrit të rasteve me COVID në vendin tonë, ende nuk është përcaktuar çfarë do të ndodhë në plazhe këtë sezon turistik.

Klosi theksoi se përtej problematikave të përvitshme, mbi të gjitha prevalon pandemia, e cila siç tha do ta bëjë sërish të vështirë një turizëm të organizuar evropian.

Duket e vështirë për një turizëm të organizuar evropian, pasi vendet e Evropës nuk kanë krijuar ende politikat e tyre lidhur me raportet me vendet jashtë BE. Do të ketë turizëm të organizuar, por duhet të përgatitemi për problematikat tona. Është e vështirë të themi kur do të nisë zyrtarisht sezoni pasi jemi ende me kufizime oraresh. Nuk është e definuar ende çfarë do të ndodhë në plazhe këtë vit”, tha ministri.

LEXO EDHE:  Lulzim Basha i rikthehet parimit “një anëtar një votë”/ Besimin dua ta ngre në një nivel të panjohur

LEXO EDHE:  Kërkesa që Basha do t'i dërgojë Kolegjit Zgjedhor/Çfarë ndodh nëse nuk e pranon?

Ndër të tjera shtoi se ulja e rasteve të infeksionit dhe vaksinimi mund të ndihmojnë të kemi një turizëm si të gjithë shpresojnë./ CNA.al

LEXO TE PLOTE