Connect with Us

“Jam shqiptar e nuk ma mohon kush”, rrëfimi special i Enis Bardhit

Sport

“Jam shqiptar e nuk ma mohon kush”, rrëfimi special i Enis Bardhit

Publikuar

-

Maqedonia e Veriut mposhti Kosovën në Shkup me shifrat 2-1, duke qenë kështu një hap larg ëndrrës së madhe për të marrë pjesë në Europianin e ardhshëm. Një meritë të madhe në arritjen e fqinjëve lindorë e kanë edhe lojtarët shqiptar që kanë zgjedhur të veshin fanellën e përfaqësueses maqedonase.

I ftuar në emisionin “Sport Time“ në “Super Sport“, Enis Bardhi i është kthyer edhe njëherë sfidës me dardanët. Mesfushori i Levantes shprehet se ka marrë shumë reagime si pozitive ashtu edhe negative pas asaj përballjeje, ndërsa thekson faktin se është shqiptar dhe një gjë të tillë nuk mund t’ja mohojë askush, por në krahun tjetër mbetet një profesionist dhe do të japë më të mirën për Maqedoninë e Veriut.

“Jemi shumë të kënaqur që e kaluam me sukses ndeshjen me Kosovën, por nuk ka përfunduar asgjë. Kemi edhe një 90-minutësh për kualifikimin. Edhe para ndeshjes me Kosovën kam thënë që ekipi ynë ka më shumë eksperiencë. Kosova ka shumë lojtarë të fortë në aspektin individual. U futëm në fushë për ta fituar ndeshjen, jo për të bërë disa gjëra në mënyrë individuale. Edhe Kosova zhvilloi një ndeshje të fortë, më vjen keq për djemtë, por kam besim se shumë shpejt do të shkojë në Europian”.

S’ka vend për eufori: “Nuk besoj se ka eufori, të gjithë lojtarët jemi të vetëdijshëm për rëndësinë e ndeshjes me Gjeorgjinë. Duhet të jemi të ndërgjegjshëm, nuk duhet të bëjmë asgjë më shumë sesa bëmë më Kosovën. Gjeorgjia nuk ka lojtarë aq cilësorë sa Kosova, por janë 90 minuta, ku duhet të japim maksimumin për atë ëndërr”.

Përjetimi i fitores ndaj Kosovës: “Përballja me Kosovën ishte e veçantë. Pas ndeshjes kam patur komente pozitive dhe negative. Çdo futbollist duhet të japë maksimumin për ekipin ku luan. Jam shqiptar e nuk ma mohon askush, por tani do të jap maksimumin për Maqedoninë për përparimin edhe në aspektin profesional. Nuk kemi pasur kurrë probleme brenda skuadrës, kemi respekt për njëri-tjetrin dhe në fushë japim maksimumin. Si ekip mund të bëjmë një histori që nuk e ka bërë askush”.

Kontrata me Levanten: “Kam kontratë edhe dy vjet me Levanten, deri në vitin 2022. Për momentin, jam këtu, nuk kam menduar që të largohem, sepse ndihem si në shtëpinë time. Është ekip pa presion dhe me objektiva idealë për lojtarët e rinj. Sadiku? Kam qenë në kontakt me Sadikun, ka qenë shumë i rëndësishëm te ne, gjithmonë ka ditur të krijojë atmosferë me shakatë e tij. I uroj shumë suksese në karrierën e tij në Turqi”.

Premtimi nëse shkon në Europian: “Jam djalë modest dhe i urtë, nuk më pëlqen të bëj çmenduri, nuk më vjen ndonjë gjë në mendje. Ndoshta do të pres flokët”, ka thënë Enis Bardhi.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sport

LIVE| Skënderbeu-Laçi e Bylis-Vllaznia/ Mara shënon supergol, korçarët dhe shkodranët në avantazh (VIDEO)

Publikuar

-

Nga

Superiorja vijon garimin dhe prej orës 13:45 kanë nisur të luhen dy takimet e radhës për llogari të javës së gjashtë të kampionatit. Në Shkodër Vllaznia do kërkojë të marrë sërish kreun e klasifikimit.

Ky mision nuk do të jetë i lehtë, pasi Bylisi ka treguar se është një ekip i vështirë për këdo. Ndeshja tjetër luhet në Korçë, ku Skënderbeu deri tani nuk ka fituar. Bardhekuqtë luajnë ndaj Laçit, që në qytetin juglindor ka shkuar më humorin e triumfit me Apoloninë javën e shkuar.

KATEGORIA SUPERIORE – JAVA 6
E shtunë, më 5 dhjetor, ora 13:45

Vllaznia-Bylisi 1-0
Imami 51′ 

Skënderbeu-Laçi 1-0

Uerdi Mara supergol me Skënderbeun on Vidnews.

 

LEXO TE PLOTE

Sport

VIDEO/ Publikohet testamenti i Maradonës, ja 3 familjarët që ka përjashtuar

Publikuar

-

Nga

E bujshme! Diego Armando Maradona ka përjashtuar tre familjarë nga testamenti i tij.

Bëhet fjalë për ish-gruan Claudia Villafane dhe dy vajzat Dalma dhe Giannina. Është me të vërtetë tronditës lajmi i publikuar nga mediat e huaja.

Gazetarët kanë treguar edhe përmbajtjen e dokumentit të redaktuar nga ish-Pibe de Oro në 2016-ën në Dubai. Marrëdhëniet mes Maradona-s dhe vajzat e tij të para nuk ishin aspak të mira.

Maradona është konsideruar gjithmonë si një prej futbollistëve më të mëdhenj të të gjitha kohërave, duke rivalizuar edhe me legjendën e Brazilit, Pele.

Ai ka fituar Kupën e Botës me Argjentinën në vitin 1986. I paharrueshëm mbetet goli më dorë ndaj Anglisë në çerekfinale, të cilin e quajti si “Dora e Zotit”. Në të njëjtën ndeshje shënoi edhe atë që është vlerësuar si goli i shekullit, kur e mori topin në mesin e fushës dhe dribloi të gjithë kundërshtarët e në fund e dërgoi atë në rrjetën e portës së Anglisë.

Ai ka luajtur me Boca Juniors, Barcelonën dhe Napolin, skuadër me të cilën fitoi edhe dy tituj kampionë në Itali.

LEXO TE PLOTE

Sport

Vllaznia drejtohet nga një shkodran, zbulohet arsyeja e mungesës së Brdariç

Publikuar

-

Nga

Vllaznia luan sot ndaj Bylisit në Loro Boriçi, teksa shkodranët shpresojnë të rikthehen te suksesi pas disfatës së fundit ndaj Kukësit, e në këtë mënyrë të vazhdojnë të jenë në vendet e para të renditjes.

Mirëpo, për këtë sfidë nuk ia ka dalë mbanë të jetë prezent trajneri i kuqebluve, Tomas Bërdariç. Ky i fundit nuk ishte as në konferencën e djeshme për shtyp dhe ngriti shumë pikëpyetje, mirëpo në Supersport u bë e qartë se tekniku është në gjendje gripale, ndaj ka qenë e rekomandueshme të qëndrojë në shtëpi. Kështu, sot në drejtim të ekipit është zëvendëstrajneri Elvis Plori.

Kujtojmë se për arsye gripale, Vllaznisë sot i mungon edhe Arsid Kruja, teksa në klub shpresojnë t’i kenë në gjendje optimale sa më shpejt.

LEXO TE PLOTE