Connect with Us

Cili vend në Evropë ka qasjen e duhur ndaj Covid-19?

Blog

Cili vend në Evropë ka qasjen e duhur ndaj Covid-19?

Publikuar

-

Një valë e dytë e koronavirusit të ri, është duke e përfshirë mbarë Evropën kontinentale, me rekorde të reja infeksionesh që po thyen çdo ditë në shumë vende. Variacionet e situatës janë të mëdha, por thuajse asnjë vend nuk ka mbetur i paprekur.

Madje edhe ata që ia dolën më mirë gjatë valës së parë. Në të 31 vendet për të cilat Qendra Evropiane për Parandalimin dhe Kontrollin e Sëmundjeve mbledh të dhëna, niveli mesatar i rasteve i rasteve 14-ditore për 100.000 banorë, është rritur nga vetëm 13 në mesin e muajit korrik, në gati 250 javën e kaluar.

Ndërsa shtrimet në spital, futjet në terapi intensive dhe vdekjet, nuk po ndjekin deri tani të njëjtën kurbë të pjerrët me drejtim nga lart, dhe në përgjithësi mbeten shumë poshtë niveleve të pranverës që shkoi, ato po rriten gjithsesi në mënyrë të qëndrueshme, duke shkaktuar tashmë probleme të rënda për shërbimet shëndetësore në disa vende.

Franca raportoi më shumë se 40.000 raste të reja në 2 ditë javës që shkoi, duke e çuar në 521 raste për 100.000 banorë shkallën e saj të rasteve 14-ditore. Masat e rrepta, përfshirë një shtetrrethim që nis nga ora 21.00 e mbrëmjes deri në 6 të mëngjesit, po zbatohen aktualisht mbi 2/3 e popullsisë.

Në Gjermani, ku shkalla e rasteve ishte shumë më e ulët se shumica e vendeve të BE-së në pranverë, po përjeton gjithashtu shtim të madh të rasteve të reja ditore:nga 5.250 në ditë në 13.500 në fund të javës që u mbyll, me një normë prej 319 rastesh për 100.000 banorë, një rritje “shumë serioze” paralajmëroi një zyrtar i lartë.

Spanja, një nga vendet më të prekura gjatë valës së parë, po përballet sërish me një emergjencë, duke u bërë vendi i parë i Evropës Perëndimore, që i kaloi javës që shkoi 1 milion raste zyrtare me Covid-19. Ajo regjistroi 20.000 raste të reja në 2 ditë rresht.

Italia, një tjetër vend i goditur rëndë këtë pranverë, shënoi një rekord të ri të rastesh të premten me 19.000 infeksione, duke shtuar frikën se pandemia po del sërish jashtë kontrollit. Me një normë 14-ditore prej 240 rastesh për mijë banorë 100.000, situata është “dramatike”.

LEXO EDHE:  Situata nga pandemia dhe tërmeti/ Këto janë 22 bashki që kanë krizë të thellë financiare

Epidemia në Belgjikë,vend që pati një nga shifrat më të lartë të vdekjeve për frymë në Evropë pranverën që shkoi, është “jashtë kontrollit” dhe “më e rrezikshmja në Evropë”. Deklarata është bërë nga vetë ministri belg i shëndetësisë. Ky vend ka një normë prej 1.115 rastesh për 100.000 mijë banorë për një periudhë 14-ditore.

Republika Çeke, e lavdëruar më herët si një histori suksesi, për shkak të normave më të ulëta të rasteve në kontinent, ka tani ndër normat më të larta:1.210 për 100 mijë banorë për 2 javë. Dhe ashtu si Belgjika, duket se po shkon drejt një mbylljeje të re.

Suedia, e famshme për strategjinë e saj kundër bllokimit, ka miratuar masa të detyrueshme rajonale për të luftuar një valë të papritur, që javën e kaluar pa rritjen e numrit të rasteve ditore në mbi 1 mijë, nga vetëm 150 në fillim të shtatorit.

Finlanda, me një nga nivelet më të ulëta të rasteve pozitive dhe vdekjeve në Evropë, është një nga të paktat vende të BE-së, që po e lufton në një mënyrë efektive këtë valë të dytë. Masat e ashpra, kanë arritur të zvogëlojnë një rritje të rasteve të reja gjatë javës së kaluar, duke e lënë normën e rasteve 14-ditore në 52 për 100.000 banorë. / The Guardian – Bota.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Blog

Të mbyllen apo të hapen shkollat për shkak të Covid-19? Secili vend ka përgjigjen e tij

Publikuar

-

Nga

Nga Gretchen Vogel & Jennifer Couzin-Frankel

Kur vala e parë e rasteve me Covid-19 u qetësua disi në muajt prill dhe maj, shkollat ​​u rihapën në shumë vende, nga Zelanda e Re në Norvegji në Japoni, dhe virusi mbeti kryesisht nën kontroll. Autoritetet shëndetësore dhe arsimore, u gëzuan teksa mendonin se përfitimet e mëdha të arsimit ballë për ballë, e tejkalonin rrezikun e përhapjes së virusit midis fëmijëve dhe mësuesve, dhe nga shkollat ​​tek komunitetet në përgjithësi.

Për pasojë, shumë vende i rihapën dyert e shkollave në gusht dhe shtator. Në Britani, Danimarkë dhe Holandë, shkollat ​kaluan në grupe më të vogla nxënësish, të alternuar me klasat e plota. Qytetet si Montreali në Kanada, që kishin mbyllur në fillim shkollat, i rihapën sërish ato për nxënësit.

Në Shtetet e Bashkuara, adoleshentët u rikthyen në shkollat e tyre në Xhorxhia, Ajoa dhe Teksas. Por tani situata është shumë ndryshe:në shumë zona rastet e reja kanë aritur nivele edhe më të larta se sa në fillim të vitit. Në korrik, revista e mirënjohur “Science” publikoi të dhënat kryesisht inkurajuese që vinin nga rihapja e shkollave në zonat me një përhapje minimale të virusit.

Sot, hapja e shkollave në vendet ku infeksionet po rriten ndjeshëm, paraqet një panoramë më komplekse të rreziqeve që ekzistojnë, dhe se si mund të përballen ato. Virusi ka nxjerrë në pah pabarazitë midis vendeve dhe brenda shteteve, dhe një nga më shqetësueset është ajo në fushën e arsimit.

Në shumë vende, si India, Meksika dhe Indonezia, shumica e shkollave janë ende të mbyllura. Në Shtetet e Bashkuara, studentët e regjistruar në shkollat ​​publike në qytetet e mëdha, nga Los Angeles në Çikago, që edhe në kohë normale mund të kenë vështirësi në sigurimin e sapunit dhe letrës higjenike, vazhdojnë të studiojnë nga shtëpia.

Ndërsa shkollat ​​e pasura private kanë instaluar tenda për të krijuar klasa në natyrë, dhe kanë punësuar me më shumë mësues për të zvogëluar orët e mësimit. Të dhënat e hershme, të mbledhura shpesh nga studiuesit mbi fëmijët e moshës shkollore, sugjerojnë që shkollat mund të rrinë të hapura edhe përballë një përhapje të konsiderueshme të virusit brenda komunitetit, gjithnjë nëse ka masa të rrepta sigurie dhe vullnet politik për t’i zbatuar ato.

Por ndonjëherë, as kjo nuk është e mjaftueshme. Përballë një numri marramendës rastesh ditore në tetor dhe fillim të nëntorit, Republika Çeke, Rusia dhe Austria i kanë mbyllur ato.

“Unë mendoj se shkollat ​​duhet që të mbyllen të fundit”- thotë Michael Wagner, ekolog i mikroorganizmave në Universitetin e Vjenës, që është pjesë e një konsorciumi universitetesh të angazhuar për të studiuar prevalencën e virusit në shkollat ​​austriake.

Ai paralajmëron se mbyllja e tyre mund të jetë “një nga masat më të kushtueshme” për nxënësit. Në Austri, shkollat ​​mbetën të hapura deri më 17 nëntor. Por vendet e tjera, si Koreja e Jugut dhe Australia, i mbyllën që pas shenjave të para të rritjes së rasteve, pasi autoritetet donin të shmangnin edhe transmetimin modest që ndodh brenda tyre.

Po sa të zakonshme janë shpërthimet epidemike të Covid brenda shkollave? Shumica e shkollave kanë futur në zbatim disa masa sigurie siç janë maska e fytyrës ​​dhe hapësirat fizike më të mëdha, për të parandaluar krijimin e një vatre nëse një student ose dikush nga stafi mësimor e sjell në shkollë Covid-19.

Deri më tani, thonë shkencëtarët, shpërthimet epidemike në shkollë, duken më pak të zakonshme nga sa kishim frikë fillimisht, por të dhënat në dispozicion janë të pakta. Në Universitetin Duke në SHBA, Danny Benjamin dhe Kanecia Zimmerman, që të dy pediatër dhe epidemiologë, po bashkëpunojnë me më shumë se 50 shkolla për të studiuar përhapjen e Covid-19.

Ata mblodhën të dhëna për 50.000 nxënës dhe mësues në 9 javët e para të shkollës me praninë fizike të nxënësve në klasë. Në Karolinën e Veriut, prevalenca e Covid ishte e lartë, por ekipi regjistroi 197 raste infeksionesh që ndodhën jashtë shkollës dhe vetëm 8 ishin“transmetim dytësor” ose përhapje nga një person tek tjetri.

LEXO EDHE:  “Dha 80 milionë për inceneratorin e Elbasanit”/ Basha: Rama mund të kishte investuar në shëndetësi

LEXO EDHE:  Koronavirusi nuk do të zhduket ndonjëherë/ Shpresa është të shndërrohet në një grip të zakonshëm

Benjamin zbuloi se një grup mësuesish drekoi bashkë pa maskë. Përdorimi i parregullt i maskave të fytyrës në një klasë në Tenesi, shkaktoi një vatër të vogël epidemike. Shumë ekspertë ankohen se ndonëse autoritetet shëndetësore reklamojnë shpesh një numër të ulët të rasteve në shkolla, infeksionet nuk regjistrohen në çdo rast dhe ka pak transparencë, sidomos mbi hetimet ndaj vatrave të reja.

A e ndryshojnë perceptimin e rrezikut shkollat ​​e hapura? Ndeshje sportive. Festa ditëlindje. Me rihapjen e shkollave, rinisin edhe aktivitetet e tjera shkollore. Dhe kjo i shqetëson studiuesit. Në SHBA, u evidentuan vatra të shuma tek ndeshjet e futbollit të zhvilluara në gusht.

 

 

Po sa ajrim është i mjaftueshëm?Ndërsa temperaturat në Hemisferën Veriore po bien, shumë shkolla nuk kanë ngrohtësinë e duhur siç ishin mësuar. Pandemia e koronavirusit ka krijuar një rutinë të re:hapjen e vazhdueshme të dritareve, pavarësisht nga kushtet e motit.

Në Gjermani, nxënësit mbajnë pallto dhe kapuça në klasë. Në Britani, lejohet të veshësh rroba të tjera mbi uniformën shkollore. Kjo është pjesë e një përpjekje për të shpërndarë grimcat virale të nxjerra nga dikush, para se ato t’i thithin të tjerët.

Por nga ana tjetër, nëse fëmijët janë kallkanosur, kjo “mund të dëmtojë aftësinë e tyre për të mësuar” thotë Henry Burridge, specialist i mekanikës së lëngjeve në Imperial College London. Në këto kushte, Gjermania po teston një praktikë tjetër: klasat mund të mbyllin dritaret për 20 minuta dhe t’i hapin ato për 5 minuta.

Disa shkolla po shtojnë filtra të sofistikuar të ajrit, në përpjekje për të ndaluar qarkullimin e virusit dhe shkencëtarët po zhvillojnë zgjidhje të tjera krijuese. Nga ana tjetër ekspertët ngrenë pyetjen: A e bëjnë diferencën testet? Që nga maji, adoleshentët në Gymnasium Carolinum, një shkollë në Neustrelitz, Gjermani, i janë nënshtruar tamponit dy herë në javë.

Nxënësit, stafit mësimor dhe pjesëtarët e familjes nga 6 shkolla të tjera dhe një qendër ekujdesit ditor, i dërgojnë mostrat tek Centogene, një kompani bio-teknologjike. Në faqen e saj në internet thuhet se deri tani ajo ka kryer gati 40.000 teste, falë të cilave, janë identifikuar “disa” raste pozitive, por jo vatra epidemike.

Testet nëpër shkolla japin rezultate të vogla, duke krijuar shumë pikëpyetje mbi numrin e fëmijëve që e përhapin virusin dhe saktësinë e llojeve të ndryshme të testeve. Dhe së fundi dilema më e madhe:A duhet të qëndrojnë të hapura shkollat ​​nëse shtohen rastet?

Pasiguritë e shkencës nuk ndihmojnë. Studimet fillestare, sugjeronin se fëmijët nën 10-vjeç vjeç kishin më pak të ngjarë se të moshuarit dhe të rriturit që të prekeshin dhe përhapnin SARS-COV-2. Por të dhënat më të fundit e kanë ngatërruar panoramën.

Në shtator, një studim mbi familjet e punonjësve të shëndetësisë në Britani nuk gjeti shumë ndryshime bazuar tek mosha. Edhe testet e antitrupave të kryera në Brazil dhe Gjermaninë Jugore dhanë rezultate të ngjashme. Në një kopsht polak, 5 fëmijë, që të gjithë asimptomatikë, infektuan 9 anëtarë të familjes së tyre.

Megjithatë, disa vende po zbulojnë se mund t`a frenojnë virusin edhe duke vazhduar t`i lënë të hapura shkollat. Në mesin e tetorit, Irlanda ndaloi shumicën e aktiviteteve publike, por jo shkollat. Të njëjtën gjë bëri edhe Holanda, dhe në të dyja vendet, rastet e reja ranë ndjeshëm.

Ndërsa të dhënat mund të shërbejnë si një lloj udhëzuesi, shumë ekspertë thonë që vendimet për hapjen dhe mbylljen e shkollave, janë sa morale, politike, po aq edhe shkencore.

Derisa të zhduket pandemia, ndoshta me ndihmën e një vaksine, autoritetet, prindërit dhe mësuesit do të duhet të adresojnë pyetje që shkojnë përtej shkencës:”Çfarë nënkuptojmë me siguri? Dhe cilat nivele rreziku jemi të gatshëm që të pranojmë për t’i mbajtur hapur shkollat?”.

Marrë me shkurtime “Science Magazine”

LEXO TE PLOTE

Blog

Mutacionet nuk e kanë bërë më infektiv koronavirusin

Publikuar

-

Nga

Studiuesit e kanë pyetur shpesh veten gjatë kësaj pandemie: A do ta bëjnë mutacionet koronavirusin e Sars-Cov-2 më të adaptueshëm ndaj strehuesit të tij, pra ndaj qenies njerëzore, dhe për pasojë më pak infektiv apo jo?

Testet janë të ndryshme, dhe jo gjithmonë në një linjë me njëri-tjetrin. Tani një studim i gjerë, i kryer së fundmi nga Kolegji Universitar i Londrës, mbi një mostër prej mbi 46 mijë gjenomash virale nga e gjithë bota, tregon se mutacionet më të përsëritura të virusit, nuk e rrisin transmetueshmërinë e tij.

Pra tani për tani, ato nuk janë përgjegjëse për rritjen e infektimeve. Por debati mbi këtë çështje është ende i hapur. Në përgjithësi, viruset mund të tregojnë ndryshime pak a shumë të rëndësishme gjatë shumimit të tyre, dhe mund të diversifikohen në shtame të dallueshme virale (ose nëntipe) pas shumë shumimesh, sidomos kur përhapen shumë në një popullatë. Por shkencëtarët thonë se kjo nuk nënkupton domosdoshmërisht rritjen e transmetueshmërisë ose rrezikut. Provë është rezultati i studimit të fundit:mutacionet e gjurmuara në gjenet e shumta të Sars-Cov-2, nuk tregojnë një infektivitet më të madh të koronavirusit.

Studiuesit arritën në këto përfundime, pasi analizuan gjenomat virale të marra nga më shumë se 46.000 pacientë nga 99 vende të botës. Nga analiza del se ka pasur mutacione të ndryshme: autorët numëruan 12.706 prej tyre, nga të cilët rreth 400 përsëriten më shpesh. Pra ato shfaqen në mënyrë të përsëritur, dhe të pavarur tek pacientët nga vende të ndryshme të botës. Midis këtyre, studiuesit u fokusuan tek 185 mutacione që u regjistruan në të paktën 3 raste të ndryshme dhe të pavarura gjatë gjithë pandemisë.

Autorët e studimit, u përpoqën të kuptonin nëse disa nga këto modifikime, mund të kishin efekt për një transmetueshmëri më të madhe të infeksionit. Për këtë, ata krijuan një model dhe hartuan pemën evolucionare të virusit – që i ngjan disi pemës sonë familjare – duke analizuar nëse ndonjëra nga degët e kësaj peme, duke nisur nga mutacionet e njohura, kishte evoluar më shumë se të tjerat.

LEXO EDHE:  Rama shpërndan videon e Merkel/ Apeli i fortë për qytetarët: Po përballemi me muaj të vështirë

LEXO EDHE:  Fanatikët e maskave e kanë braktisur zyrtarisht shkencën, për të kontrolluar jetën tuaj

Një nga mutacionet e vëzhguara më shpesh në një shkallë të gjerë, përfshinte proteinën që e mbulon nga jashtë koronavirusin, dhe që është etiketuar si D614G . Por sipas studimit më të fundit, edhe ajo është e padëmshme, dhe nuk duket se e ka rritur transmetueshmërinë e Sars-Cov-2.

Ky mutacion shumë i përhapur tashmë, ka qenë në qendër të vëmendjes së shkencës prej disa kohësh, pasi disa grupe shkencëtarësh, mendonin se e ka bërë më infektiv koronavirusin. I shfaqur për herë të parë në janarin e vitit 2020 në Kinë dhe Gjermani, Covid-19 është përhapur gjerësisht në Evropë dhe Amerikë.

Një studim i botuar në revistën “mBio”, kryer nga një grup ekspertësh nga Universiteti i Teksasit, pretendonte se D614G mund ta ketë bërë virusin më infektiv, në kundërshtim me atë që pretendon studimi i fundit i botuar në “Nature Communications”.

Po nga se shkaktohen mutacionet? Në përgjithësi kjo gjë mund të ndodhë si rezultat i 3 proceseve të ndryshme:gabime të kopjimit gjatë shumëfishimit, bashkëveprime me viruse të tjerë që e infektojnë qelizën (ri-kombinim ose rivendosje), ose si pasojë e reagimit të sistemit imunitar të organizmi pritës.

Është e kuptueshme që vaksinat kundër Covid-19, do të jenë një armë thelbësore për të luftuar sëmundjen. Ne kemi tashmë të dhëna paraprake për efektivitetin e vaksinave në parandalimin e simptomave. Përdorimi i tyre, do të ushtrojë një “presion të ri selektiv” mbi virusin, që mund të ndryshojë dhe zhvillojë mutacione, të cilat e bëjnë atë të pakapshëm për vaksinimin.

Për këtë arsye, është e rëndësishme që shkencëtarët të jenë në gjendje t’i identifikojnë në kohë këto mutacione të mundshme, në mënyrë që të jenë në gjendje të bëjnë modifikime, nëse është e nevojshme, edhe tek vetë vaksina. / Wired – Bota.a

LEXO TE PLOTE

Blog

Si do të jetë e ardhmja e parave inteligjente?

Publikuar

-

Nga

Në një të ardhme jo dhe aq të largët, blloqet e çeqeve do të zënë vendin e tyre të duhur në muzeume, së bashku me shumë mjete të ngjashme që përdoren ende sot. Pagesa e faturave në internet dhe përmes Apple/Google Pay, e kanë shkurtuar shumë kohën kur është e nevojshme të përdorësh metodën tradicionale të bazuar tek letra dhe stilolapsi.

Sot gjithnjë e më shumë, këto të fundit nuk po zihen fare me dorë. Pra është e qartë se po ndryshon mënyra se si ne i trajtojmë financat tona. Pra, pse të mos e sjellim vetë konceptin e parave në shekullin XXI?Sistemet e pagesave pa para të thata, do të ishin një hap i parë i mirë. Por industria financiare mund të bëjë hapa madhore përpara,përmes krijimit të parave “më inteligjente”. Siç e dimë aktualisht, paraja është memece si një shkëmb. Pra thjesht një copë letër që përmban imazhe të shtypura imët të politikanëve të lashtë, dhe për të cilin është rënë dakord se ka vlerë.

Kryerja e pagesave nga një smartfon mund të duket si një mënyrë më e zgjuar se tradicionalja, por në fakt nuk është kështu. Kur përdorni paranë fizike, copa e letrës që përmban portretin e një udhëheqësi të dikurshëm, i dorëzohet blerësit apo shitësit në këmbim të mallrave ose shërbimeve.
E gjithë pagesa përmes internetit apo telefonit, është transferimi i parave në mënyrë dixhitale. Bitet dixhitale, funksionojnë thjesht si suplemente të letrës, që përndryshe do të transferohej nga blerësi te shitësi. Pavarësisht nëse është një gur, një monedhë, një copë letër apo një pjesë dixhitale, paraja e konceptuar mbetet një koncept statik.

Ju keni vetëm dy zgjedhje:Mund t’i mbani apo t’i shpenzoni ato para. Bitcoin dhe kriptovalutat e tjera,prezantuan idenë e parë të re mbi paranë ndër disa shekuj. Blockchain, një sistem pagesash i shpërndarë, është një mjet jashtëzakonisht i dobishëm, që do të luajë një rol në bërjen e parave “më të mençura”. Por vetë kriptovalutat, janë gjithashtu simbole statike të vlerës. Në masën që zotëruesi i një bitcoin vepron sikur ajo të ketë vlerë, ai mund ta përdorë atë për të blerë mallra dhe shërbime sipas asaj vlere që ka, e cila luhatet sipas kushteve të tregut.

Zotëruesi i një bitcoin mund t`a përdorë ose ruajë atë. Në këtë aspekt, ai është gjithashtu ashtu si paraja e gatshme. Një sistem inteligjent do të ishte edhe më dinamik. Ai do të përdorte automatizimin për të ndihmuar që paratë të funksionojnë për ju. Ky është koncepti ‘iMoney’. Vetëm ata që janë më konservatorë midis nesh, do të vendosnin për një investim statik të llogarisë së pensionit, në të cilin shuma që ju kontribuoni kur e nisni karrierën tuaj është e barabartë me shumën që tërhiqni në fund të saj. Ju gjithashtu mund t’i ruani paratë poshtë një dysheku. Afro gjysma e punëtorëve kanë sot qasje në një plan 401 (k), që u jep atyre mundësitë bëjnë diçka më të mirë se sa kaq. Ata lënë mënjanë një shumë të përcaktuar nga “payche” e tyre, dhe një kompani e përzgjedhur do të menaxhojë investimet e tyre, bazuar në zgjedhjet dhe nevojat e punonjësve, duke balancuar rreziqet përkundrejt potencialit për një kthim më të lartë.

LEXO EDHE:  Koronavirusi nuk do të zhduket ndonjëherë/ Shpresa është të shndërrohet në një grip të zakonshëm

LEXO EDHE:  Meta "kërcënon" Ramën në emision/ E bëj që të mos ketë vrimë ku të futet

Duke përfituar nga interesi i përbërë, rezultati përfundimtar duhet të jetë një “vezë e artë” në të ardhmen, në vend të një“dysheku me gunga”. Ndërsa 401 (k), është një mënyrë e shkëlqyer për të kursyer për të ardhmen, ky sistemi i nënshtrohet disa kufizimeve. Kontributet janë të kufizuara në vetëm 19.500 dollarë në vit, dhe ato para nuk mund të preken pa u penalizuar,para se depozituesi të ketë arritur moshën59 vjeç e gjysmë.
Ideja që qëndron pas iMoney, është të krijohet një kartë inteligjente, e cila është në gjendje të investojë para nga koha kur ajo fitohet deri në kohën që nis të shpenzohet. Dhe kjo do të ndodhte automatikisht në përputhje me tolerancën e paracaktuar ndaj rrezikut.
Fondet nuk do të bllokohen nga përdoruesi – përveç nëse përdoruesi dëshiron qartazi që paratë e tij të kursehen.Tani, disa mund të kundërshtojnë dhe të thonë se është shumë e rrezikshme të lejosh opsionet e investimeve fare, duke shtuar se paratë e gatshme të të gjithëve, do të zhdukeshin me kolapsin e ardhshëm të tregut të aksioneve.

Por me planin 401 (k), këto rreziqe minimizohen pasi uljet dhe ngritjet e tregut barazohen në planin afatgjatë. Përgjatë 20 viteve, investimet më të zakonshme sigurojnë një kthim pozitiv, pavarësisht trazirave të shkaktuara nga recesionet ekonomike apo dhe rëniet e bursave. Meqenëse iMoney do të merrej me investime shumë afatshkurtra, sistemi do të ketë nevojë për këshilltarë përgjegjës, që të garantojnë që rreziqet të jenë të balancuara në mënyrën të përshtatshme, dhe të shmangin të gjitha opsionet e paqëndrueshme. Por paratë mund të jenë të mençura edhe nëse nuk investohen fare. Një “portier” monetar mund të fuqizohet nga pronari i tij për të zbatuar një buxhet, duke shmangur blerjet e momentit, duke rritur kësisoj gjasat që të përmbushen synimet financiare afatgjata të përdoruesit.
Koha do të tregojë nëse paratë do të bëhen më dinamike në dekadat e ardhshme. Por është e qartë se Inteligjenca Artificiale, do të bëhet një mjet gjithnjë e më i rëndësishëm për t’i ndihmuar konsumatorët të përmbushin nevojat e tyre financiare./Përshtatur nga CNA.al

Burimi:  https://www.science20.com/joseph_byrum/what_will_the_smart_money_future_look_like-252070

LEXO TE PLOTE