Connect with Us

Afera e inceneratorëve/ Pse u detyrua të flasë “fantazma” Stela Gugallja?

Politikë

Afera e inceneratorëve/ Pse u detyrua të flasë “fantazma” Stela Gugallja?

Publikuar

-

Gjatë një puntate të emisionit ‘Opinion’, ku ish-ministri i Financave, Arben Ahmetaj u shfaq me një mal me shkresa për të mbrojtur aferën e inceneratorë, pati disa pasazhe sa qesharake aq edhe serioze që tregojnë shumë.

Në një moment të emisionit, pasi Ahmetaj ka pranuar se në aksidentin e Kumanovës ka qenë në makinë me bashkëshortët Mirel Mërtiri dhe Stela Gugallja, gazetari Mentor Kikia e pyeti: Si i ke i njohur këta që i ke pasur miq edhe përpara se të merrnin PPP-të e inceneratorëve?!

Përgjigjja e Ahmetajt ishte: Ore Mentor po pse bën kështu, shko takoji, pi një kafe dhe fol!

Edhe më vonë kur moderator Fevziu bëri të njëjtën pyetje, por duke përfshirë edhe protagonistin e tretë të aferës së inceneratorëve Klodian Zoton, mori të njëjtën përgjigje: O Blendo po ik takoji vetë, pi një kafe dhe fol…

Pra sugjerimi i Ahmetaj për gazetarët që duan të dinë diçka më shumë për treshen misterioze të industrisë së djegies së mbetjeve me vlerë 430 milion euro nga buxheti i shtetit është: “paraqituni se ju sqarojnë ata vetë me `kafe`”.

Në fakt askush nuk pret që Gugallja, Mërtiri dhe Zoto të jenë të gatshëm që të shpjegojnë dhe tregojë lidhjet “specifike” që kanë me Ahemtajn, Edi Ramën, Lefter Kokën dhe Erion Veliajn.

Por këta të fundit si zyrtarë të lartë të shtetit që iu kanë dorëzuar në mënyrën më mafioze atyre, gati gjysmë miliard euro të taksapaguesve shqiptarë, e kanë për detyrë që të sqarojnë mediat dhe publikun.

Gjithsesi mediat dhe posaçërisht BIRN gjatë kohës që bëri investigimin e bujshëm për këtë aferë gjigante, tentoi disa herë që të lidhej me Stela Gugalla e ta pyeste për denoncimet, lidhjet dhe akuzat që po i bëhen.

Por ajo së bashku me Mërtirin dhe Zoton, edhe për media të tjera kanë qenë sistematikisht të padisponueshëm.

Kjo “omertë” vazhdoi deri sa Lulzim Basha tregoi se ata që Gugallja i ka mbi kokë, po i bëjnë presion që nëse thirret nga SPAK, të heshtë. Deklarata dhe paralajmërimi ishte:

“Prej më shumë se një jave i kërkoj SPAK-ut të nisë hetimet për aferën e mafias së inceneratorëve. Një nga personat kyç për hetimin e inceneratorëve, është vënë nën presion nga mafia. Mafia e plehrave, presion mbi një prej personave kyç në skemën mafioze të inceneratorëve, Stela Gugallja. Nëse përgjegjësit e kësaj afere arratisen, përgjegjësia është e SPAK-ut. Paralajmëroj SPAK-un se nëse ndonjë prej të dyshuarve kryesorë në aferën e plehrave largohet, do të jetë përgjegjësia e SPAK”

Pra Basha paralajmëroi se pronarët dhe përfituesit e vërtetë që fshihen pas emrit të Stela Gugallës në aferën e inceneratorëve, nga frika e një hetimi serioz të SPAK po e mbajnë nën presion atë, për të qepur gojën.

Kaq mjaftoi që gruaja që u bë administratore e “Albtek-Energy” (e cila kontrollon PPP-të e inceneratorëve), kur ishte vetëm 23 vjeç; pikërisht ajo që nuk kishte denjuar të fliste kurrë publikisht, edhe pse akuzat dhe denoncimet kanë qenë flagrante, këtë të martë e “nxori kokën në media”.

LEXO EDHE:  “E paskeni kthyer në guerrils”/ Hoxha tallet keqazi me ministrin e Ramës

Deri dje mbrojtjen e pronarëve me letra të inceneratorëve e kishte marrë përsipër Ahmetaj dhe vetë Edi Rama, me gjithë enturazhin e tij politik e mediatik.

Mjaftoi deklarata e fortë e kreut të PD-së Lulzim Bashan në konferencën e fundit me gazetarët, që Gugallja (të cilës nuk i gjen dot as fotografi në internet), të kërcejë në media dhe madje të sulmojë denoncuesit e saj.

Duket se po këta pronarë realë të parave që përfitohen nga kjo aferë qindra-milionëshe në euro të cilët deri më tani nuk e kishin lejuar Gugalljan që të fliste me gazetarët (Të pijë `kafe` po), e urdhëruan që pas alarmit të Bashës, të dilte urgjentisht në media për të thënë se nuk po i bënte askush presion. Film i parë ky sa herë që mafies i duhet që të zbatojë kodin e heshtjes, Omerta.

Por çfarë tha Stela, pa shfaqur sigurisht fytyrën, së cilës i ka shkuar “çmimi” 430 milion euro?!

“Nuk jam dhe nuk ndihem për asnjë moment e kërcënuar apo e shantazhuar nga askush. Në jetën e biznesit dhe jashtë saj nuk jam përfshirë në asnjë veprimtari të paligjshme që të më bëjë objekt shantazhi apo kërcënimi. I vetmi që më ka vënë nën presion dhe më shantazhon është zoti Lulëzim Basha dhe njerëz rreth tij. Prej kohësh jam vënë nën sulme politike nga Partia Demokratike, në të cilën unë dhe familja ime kemi aderuar si anëtarë që në lindjen e saj, duke e mbështetur prej viteve 90”.

Pra sulmoi Bashën dhe PD-në, mbrohet me fisin `demokrat`, se po i bienë në qafë “të vetët”…

Asnjë fjalë se si u gjend ajo 23-vjeçare që brenda 24 orëve mori 23 milion euro pa kryer asnjë punë, në krye të një PPP-je që po rezulton një nga aferat më të mëdha në rajon dhe më gjerë!

Se si ia doli Stela “e vogël” që brenda një dite të rreshtonte për të firmosur, gjithë qeverinë Rama në 16 dhjetor të vitit 2014. Që kompania e saj me buxhet 100 mijë lekë të fitonte PPP e majme për inceneratorin e Elbasanit, etj, etj.

Por ndoshta, s`kemi pse e fajësojmë. Ndoshta nuk po e bën në media transparencën e historisë së 430 milion eurove, sepse po përgatitet që të rrëfehet në SPAK, nëse duan ata gjithmonë.

E aty nuk besojmë se do ta pyesin, se në çfarë viti i është anëtarësuar babai në Partinë Demokratike!/ Syri

Skandali i inceneratorit të Fierit/ Ministria e Financave e pranon: Nuk u përmbushën pikat e kontratës

Thellohet skandali me inceneratorin e Fierit/ Faktet, “këmbanë alarmi” për SPAK

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Ankimimi për zgjedhjet/ Paloka: Skam besim te institucionet

Publikuar

-

Nga

Ankimimi për zgjedhjet/ Paloka: Skam besim te institucionet

Nënkryetari i Partisë Demokratike Edi Paloka, është mosbesues ndaj institucioneve që do të shqyrtojnë dosjet e ankimimit që demokratët bënë për zgjedhjet e 25 prillit.

I ftuar në emisionin “Përballë” të gazetarit Lutfi Dervishi, Paloka tha: “Unë nuk kam asnjë besim të jem i sinqertë. U vunë në provë, pati disa procese edhe gjatë fushatës, edhe gjate zgjedhjeve u vu në provë edhe Kas-i edhe Kolegji Zgjedhor. Edhe pse ne kemi vendosur ti shkojmë deri ne fund këtij procesi, unë personalisht nuk kam asnjë besim që këta do të marrin vendime kundër Edi Ramës. Në PD, pavarësisht kanë apo nuk kanë besim, ne kemi vendosur ti shkojmë deri në fund të gjitha hapave“.

Numri dy i Partisë Demokratike ndau mungesë besimi edhe ndaj institucioneve të drejtësisë, përfshirë dhe SPAK.

“Ne paditë tona i kemi bërë që gati një muaj para zgjedhjeve. Të paktën disa prej padive dhe nuk kemi dijeni dhe jam i bindur që s’ ka pasur asnjë reagim qoftë nga SPAK, qoftë nga Prokuroria. Dosjet e famshme 339 dhe 184, në atë kohë ne bëmë të njëjtat denoncime. Prokuroria u fut në veprim. Këtë herë as SPAK dhe as Prokuroria nuk kanë vepruar, pra u bënë në një farë mënyre pjesë e këtij manipulimi gjigand“, u shpreh ai.

Për nënkryetarin e PD-së, ftesa e kryeministrit Rama për bashkëpunim me PD, i faturohet frikës që ky i fundit ka nga manipulimi i zgjedhjeve të 25 prillit.

LEXO EDHE:  Analiza-LSI dhe PDIU viktima/ Përfituan pushtet disproporcional

LEXO EDHE:  Astrit Patozi fajëson Bashën për largimin e qytetarëve nga vendi/ "Çalon në çdo gjë"

“Vetëm në këto momente ai po rri urtë, po rri i qetë, sepse e di që ka vjedhur dhe ka manipuluar më shumë se sa duhet. Vetëm një gjë e mban Ramën, frika. Harroja ndershmërinë, këto deklaratat që bën tani vetëm frika mund ta mbajë atë njeri urtë. Ai në këto momente ka frikë mos gjithë ky manipulim që ka bërë…kur e di që shumica e njerëzve të urrejnë nuk mund të reagosh njësoj. Por të jeni të bindur që arroganca vetëm do të rritet”, deklaroi ai.

Sipas Palokës, edhe nisma për shkarkimin e Presidentit Meta është pjesë e lojës për të hequr vëmendjen nga manipulimi i zgjedhjeve.

“E gjithë kjo është një lojë që bëhët pjesë e gjithë kësaj loje për të hequr vëmendjen nga manipulimi i zgjedhjeve dhe sigurisht tentativë e Ramës për të marrë dhe institucionin e fundit që ka mbetur pa marrë në dorë. Është akt antikushtetues dhe tipik për Ramën. Kur thashë arroganca e Ramës do rritet kjo është një nga provat“, tha Paloka./ CNA.al

LEXO TE PLOTE

Politikë

Lëvizja kundër Bashës/ Edith Harxhi: Do të ketë surpriza

Publikuar

-

Nga

“Shqiptarët të pakënaqur nga PD”/ Harxhi: Basha s’e përcolli dot frymën e ndryshimit

Ish-anëtarja e Këshillit Kombëtar të Partisë Demokratike, Edith Harxhi ka folur mbi situatën postzgjedhore në vend. Ajo shprehet se kreu i Partisë Demokratike Lulzim Basha nuk arriti që të bëjë qytetarët  ti besojnë dhe ta votojnë.

Harxhi në një intervistë për Vizion Plus duke komentuar mbi dorëheqjen e anëtarëve të Këshillit Drejtues të PD u shpreh se kjo ka ardhur si rezultat i pakënaqësive të tyre ndaj kryetarit të PD.

 “Kemi eksperiencën e vitit 2017 dhe për këtë arsye nuk kishte asnjë surprizë nga ana jonë. Shpresonim shumë që PD të fitonte këto zgjedhje, pavarësisht faktit që shihnim në terren që nuk ishte ngritur fryma që duhej për të rrëzuar qeverinë e Ramës. Fryma që i mungonte PD, por që ishte në 2005, kur u bë ndryshimi i madh. Kjo është humbja e katërt radhazi e PD. Basha në Durrës flet për mosnjohjen e rezultatit zgjedhor. Është e vërtetë që ka një manipulim të qytetarëve, por nga ana tjetër, duhet parë rezultati. Basha nuk ka arritur të frymëzojë, nuk arriti të ngrejë edhe elektoratin gri, që është i fjetur. Zoti Basha duhet të mbajë përgjegjësi, sikurse elita drejtuese e PD. Në vetëm tri ditët e fundit janë tre anëtarë të Këshillit Drejtues të PD që kanë dhënë dorëheqjen ose kanë shpallur pakënaqësitë e tyre në mënyrë të drejtpërdrejt me kryetarin. Debati është i munguar në PD, prej disa kohësh, nuk lejohet as të protestohet lirshëm”, u shpreh Harxhi.

Për të gjithë ata zëra që shprehen se me lëvizjen kundër Bashës po i shërben Ramës, Harxhi ka një përgjigjje dhe theksoi se nuk ka asnjë lidhje me të. Ajo shprehu mbështetjen e saj për kandidaturën e Fatbardh Kadillit për kreun e PD dhe paralajmëroi se deri në fund kur të zhvillohet gara, do të ketë surpriza përsa u takon kandidaturave.

LEXO EDHE:  Zbulohet plani i Bashës/ PD “kapërcen” zgjedhjet lokale

LEXO EDHE:  Astrit Patozi fajëson Bashën për largimin e qytetarëve nga vendi/ "Çalon në çdo gjë"

“Më vjen keq për të gjithë ata që më vendosin në tepsinë e zotit Rama sepse nuk kam dhe nuk do të kem kurrë asnjë lidhje me të. Qëndrimi ynë është qëndrimi i Bardhit, e mbështes plotësisht në kandidaturën e tij, i uroj shumë suksese. Jam e sigurt se do të ketë kandidatura të shumta, nëse Basha do të pranojë të shkohet në një proces elektoral ashtu siç duhet. Unë vetë nuk kam pritshmëri për të kandiduar, por nuk i dihet, mund të ketë surpriza pafund deri ditën e zgjedhjeve”, përfundoi ajo./CNA.al

LEXO TE PLOTE

Politikë

Rivizatimi i hartave në rajon/ Pahor: Këto ide paraqiten se është ndërprerë procesi i integrimit

Publikuar

-

Nga

Rivizatimi i hartave në rajon/ Pahor: Këto ide paraqiten se është ndërprerë procesi i integrimit

Presidenti i Sllovenisë, Borut Pahor thotë se kufijtë në ballkan nuk mund të ndryshohen por idetë e rivizatimit të hartave në rajon paraqiten se është ndërprerë procesi i integrimit.

Pahor ka paralajmëruar Brukselin se nga vonesat në procesin e anëtarësimit të vendeve të rajonit në BE, mund të ndodhin ngjarje të pakëndshme dhe njerëzit të humbasin durimin.

“Nëse njerëzit në rajon, pas një kohe, përjetojë një zhgënjim nga reformat e integruese dhe  Bashkimi Europian, atëherë këtu mund të vij një ideologji tjetër, që mund të ketë pasoja të tilla, që askush prej nesh nuk dëshiron as t’i mendoj. Nuk do të ishte e çuditshme, që nesër, pasnesër apo pas 50 vjetësh edhe udhëheqësve të këtyre shteteve t’ju duket se nuk ka më kuptim të kryejnë reforma. Për këtë arsye e shoh samitin e Brdo Brijunit si një mundësie shumë të madhe të paraqitjes së një ideje të re të angazhimit”, tha Pahor në Përballë me gazetarin Lutfi Dervishi.

Pahor mendon se BE ka aftësinë për të absorbuar shtetet e Ballkanit Perëndimor.

LEXO EDHE:  Zbulohet plani i Bashës/ PD “kapërcen” zgjedhjet lokale

LEXO EDHE:  Mbyllet mbledhja e parë e Komisionit të PD/ Mustafaj: Shpresoj që në fund të dal i paturpëruar

“Dua të jem i sinqertë, popullata e vendeve të BE-së nuk e shohin me simpati integrimin e Ballkanit. Prandaj unë dëshiroj t’I bind kolegët e mi se integrimi duhet të ndodh, në mënyrë që në shtetet e rajonit të mos ë ngjarje të papritura. Unë mendoj se BE ka aftësinë për të absorbuar shtetet e Ballkanit Perëndimor” , u shpreh ai.

Sllovenia merr më 1 korrik Presidencën e Bashkimit Europian dhe javën tjetër në Ljubjanë mbahet samiti i Brdo-Brijunit me kryetarët e shteteve të rajonit./ CNA.al

LEXO TE PLOTE