Connect with Us

Zgjedhjet në SHBA/ Çfarë shpreson Bashkimi Europian?

Bota

Zgjedhjet në SHBA/ Çfarë shpreson Bashkimi Europian?

Publikuar

-

Skenarët/ Ja çfarë mund të bëjë Donald Trumpi kur të largohet nga Zyra Ovale

Deklaratat e Donald Trumpit këto vite kanë sjellë një ftohje të dukshme në marrëdhëniet mes Bashkimit Europian dhe SHBA-së. Edhe katër vite të tjera me Donald Trump, nuk i përfytyrojnë dot shumë politikanë në BE.

Nëse Joe Biden i fiton zgjedhjet presidenciale në SHBA, ka shpresë për marrëdhëniet transatlantike, thotë Janis Emmanoulidis. “Askush nuk është aq naiv, sa të shpresojë, se do të ketë një kthim në kohën para Trumpit. Por shpresa ka që gjërat të përmirësohen”,  shton drejtori i Institutit “European Policy Centre”. Nëse kandidati demokrat nuk ia del, të largojë presidentin Trump nga Shtëpia e Bardhë, eksperti Emmanoulidis pret që marrëdhëniet transatlantike të keqësohen më shumë. “Ka gjasa, që në mandatin e dytë ai të ushtrojë më shumë presion ndaj Europës se në të parin. Ai e ka identifikuar Europën si një të keqe më të madhe se aktorë të tjerë në botë. Këtë e ka thënë publikisht, megjithëse ai ka thënë shumë gjëra në katër vitet e fundit.”

Bashkëpunim, pavarësisht me cilin

Edhe eurodeputeti gjerman dhe ekspert për politikën e jashtme, Reinhard Bütikofer nga Aleanca90/ Të Gjelbrit nuk e mbështet gjeopolitikën e Donald Trumpit. “Nëse Trump thotë, BE është kundërshtare, kjo nuk ndihmon ta paraqesësh Uashingtonin pozitivisht në debatin europian.” Megjithatë ai beson, se në kongresin amerikan ka shumë politikanë, edhe republikanë, që e dinë, se kanë nevojë për bashkëpunimin me Europën për t’u përballur me Kinën, Rusinë apo të tjerë. Një president, Joe Biden nuk do të ndryshojë gjithçka, sipas tij, por ai me siguri do t’i dëgjojë aleatët tradicionalë dhe do të kërkojë të përbashkëtat. “Pavarësisht kush fiton në nëntor, ne duhet të investojmë në bashkëpunim.”

Në një studim të “Europian Council on Foreign Relations” në Bruksel të publikuar nëv verë, thuhet se europianët e kanë humbur besimin tek aleati i ngushtë. Sidomos menaxhimi kaotik i pandemisë së Coronës nga Trump ka ndikuar në atmosferën e marrëdhënieve. Studiuesit janë të mendimit, se një president Joe Biden sërish do të afrohet me europianët. Ata presin që SHBA të rikthehet tek Marrëveshja e Klimës së Parisit dhe Organizata Botërore e Shëndetësisë. Një qeveri e Bidenit do ta forcojë NATO-n si aleancë, edhe pse si republikanët edhe demokratët këmbëngulin në rritjen e buxheteve të mbrojtjes të vendeve europiane. Nëse Trump fiton, ish-këshilltari i sigurisë, John Bolton është shprehur se NATO- duhet të përgatitet mirë. Ai ka bërë prognozën edhe të daljes së SHBA nga NATO, që do të mund të çonte edhe në fundin e saj.

Weltwirtschaftsforum 2020 in Davos | Ursula von der Leyern & Donald Trump (picture-alliance/AP Photo/E. Vucci)Presidentja e KE, Ursula von der Leyen u takua me Trump në Forumin Davos, 21 janar 2020

Edhe Biden ka kërkesa

Presdenti francez, Emmanuel Macron si reagim e ka quajtur NATO-n “të vdekur klinikisht” dhe formuloi kërkesat për më shumë “sovranitet europian”. Edhe krerë të tjerë të BE kërkojnë një rol më të madh gjeostrategjik të BE me distancë nga SHBA nën Donald Trump. Presidentja e Komisionit Europian, Ursula von der Leyen kërkon një kthim në rendin e bazuar në rregulla. “E vërteta është se sot kërkohet më me urgjencë se kurrë të reformojmë sistemin multilateral. Sistemi ynë global vuan shenjat e paralizimit.” Fuqi të mëdha tërhiqen nga institucionet ndërkombëtare ose “i marrin ato peng për interesat e tyre.”

LEXO EDHE:  Eksperti i sëmundjeve infektive në SHBA: "Rrezik i jashtëzakonshëm" nëse masat hiqen para kohe

Shpresa në Bruksel është, se kjo mund të arrihet me një president, Joe Biden. Eksperti i BE, Janis Emmanoulidis paralajmëron nga iluzionet. Qëndrimi pak a shumë i butë i Europës ndaj Kinës nuk do t’i pëlqejë shumë as një presidenti Biden. “Në sfidë do të jetë, nëse një qeveri e re nën Biden bashkëpunon në çështjet multilaterale, si mbrojtja e klimës, në organizatat ndërkombëtare, por në këmbim do të kërkojë që Europa të paraqitet më e ashpër ndaj Kinës.” Edhe nën Biden, SHBA mund të kërkojë që BE të mbështesë sanksionet për koncernin e teknologjisë, Huawei, pa kushte dhe të reagojë ndaj provokimeve kineze në Detin Jugor Kinez.

Joe Biden bei Donald Tusk (Reuters/F. Lenoir)Dikur në kohët e mira…Zëvendëspresidenti i atëhershëm, Joe Biden me ish-presidentin e Këshillit të BE, Donald Tusk, 6 shkurt 2015

Tema kryesore  – Tregtia e bashkon BE

Pas zgjedhjeve europianët duan të bisedojnë, pavarësisht me cilin president, për marrëdhëniet tregtare. Ende vërtitet në ajër kërcënimi i Trump për vendosjen e doganave të larta për automobilët dhe mallra të tjera nga Europa. Në korrik 2018 ai ra në një ujdi “armëpushimi” tregtar me presidentin e atëhershëm të KE, Jean-Claude Juncker, por konflikti nuk është zgjidhur përfundimisht. Atëkohë papritur Trump e lëvdoi BE si partnerin më të madh tregtar të SHBA.

Por në këtë fushatë zgjedhore, kjo temë nuk ka luajtur rol si tek Trump edhe tek Biden. Komisioneri i BE për tregtinë, Valdis Dombrovski shprehet në mënyrë diplomatike. “Në këto kohë duhet të tregojmë kujdes për miqësitë dhe të qëndrojmë pranë aleatëve që janë vërtet të rëndësishëm. Ka disa konflikte të vazhdueshme mes BE e SHBA. Sipas mendimit tim duhet që t’i zgjidhim shpejt këto.”

Shumë krerë të shteteve të BE do ta kishin më mirë të flisnin me një president Joe Biden liberal dhe me një gjuhë më pak luftarake. Por në fund të fundit BE duhet të bashkohet për të mbrojtur interesat e saj kundrejt SHBA, pavarësisht se kush hyn në Oval Office. Sipas Emmanoulidis: “Kur bëhet fjalë për çështje kardinale, të gjitha shtetet e BE deri më sot janë paraqitur të bashkuar, edhe pse disa janë përpjekur të mbajnë me administratën e Trumpit një marrëdhënie për avantazhe.”/ DW

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Menaxhimi i vaksinimit/ Opozita kritikon Qeverinë

Publikuar

-

Nga

Partitë opozitare në Kosovë kritikuan Qeverinë e Kosovës për, siç thanë, dështimin për ta menaxhuar procesin e vaksinimit të qytetarëve kundër koronavirusit.

Reagimet e dy partive opozitare, Partisë Demokratike të Kosovës dhe Lidhjes Demokratike të Kosovës, vijnë pasi në mëngjesin e së premtes, Policia e Kosovës u desh të ndërhyjë për të vënë rend pranë sallës “1 Tetori” në Prishtinë, ku ishin mbledhur një numër i madh qytetarësh, për t’u vaksinuar kundër koronavirusit.

Në sallën “1 Tetori”, prej 12 majit, ka nisur vaksinimi i personave mbi 65 vjeç. Ushtruesi i detyrës së kryetarit të PDK-së, Enver Hoxhaj, tha në një konferencë për media se Qeveria e kryeministrit Albin Kurti duhet të mbajë përgjegjësi morale dhe penale, pasi, sipas tij, shteti ka bërë “krim ndaj qytetarëve”.

“Sot ishim dëshmitarë të skenave tronditëse, ku të moshuarit shtyheshin me njëri-tjetrin, pa fajin e tyre, për ta marrë një vaksinë, ndërsa Qeveria, kryeministri Kurti, ministri [i Shëndetësisë, Arben] Vitia i kishin braktisur ata dhe po i braktisin çdo ditë qytetarët në një betejë të vështirë me pandeminë”.

“Sot ishim dëshmitarë se mungoi shteti, mungoi kryeministri dhe mungoi ministri i Shëndetësisë. Kjo për ne, si PDK, është e papranueshme dhe është e patolerueshme”, tha Hoxhaj.

Deputeti i LDK-së, njëherësh ish-ministër i Shëndetësisë, Armend Zemaj, tha se pamjet e sotme pranë sallës “1 Tetori” janë pasojë e neglizhencës së ekzekutivit.

LEXO EDHE:  Rama dhe Bushati cënuan marrëdhëniet me SHBA

LEXO EDHE:  PD i përgjigjet në mesnatë ish-kongresmenit amerikan/Lobisti më i ri i Ramës

“Qeveria, e udhëhequr nga Albin Kurti, dhe ministri Vitia sot kanë rrezikuar qytetarët, duke u bërë shpërndarës të infeksionit, por edhe duke rrezikuar drejtpërdrejt jetën e tyre”, tha Zemaj.

Zemaj tha se Qeveria Kurti nuk po e respekton as planin e imunizimit kundër sëmundjes që e shkakton koronavirusi, COVID-19, dhe ftoi organet kompetente që të hetojnë këtë gjë.

Ministria e Shëndetësisë e Kosovës tha të premten se në sallën “1 Tetori” mund të vaksinohen vetëm qytetarët e Prishtinës.

Ministria tha se grumbullimi i një numri të madh të personave në qendrën e vaksinimit në Prishtinë është rezultat i shkuarjes së qytetarëve të komunave të tjera atje.

“Qytetarët e komunave të tjera të Republikës së Kosovës luten që t’u drejtohen qendrave të vaksinimit në komunat e tyre, me qëllim që të marrin informatat e duhura dhe të vaksinohen”, tha Ministria e Shëndetësisë.

Në Kosovë, imunizimi i qytetarëve kundër COVID-19 bëhet përmes një plani të ndarë në tri faza.

Në fazën e parë janë vaksinuar të moshuarit mbi 80 vjeç, punëtorët shëndetësorë dhe personat me sëmundje kronike.

Në fazën e dytë është paraparë që të vaksinohen personat 65-79 vjeç, mësuesit dhe forcat e sigurisë, të përfshira në menaxhimin e pandemisë.

Ndërkaq, në fazën e fundit është thënë se do të vaksinohen 50 për qind e popullatës.REL

LEXO TE PLOTE

Bota

Zonat kufitare Armene/ Macron kërkon tërheqjen e trupave azerbajxhanase

Publikuar

-

Nga

Presidenti francez Emmanuel Macron ka kërkuar që Azerbajxhani të largojë menjëherë trupat që ka në zonat kufitare me Armeninë.

“Forcat e armatosura të Azerbajxhanit kanë pushtuar territorin armen. Ato duhet të largohen menjëherë”, ka shkruar Macron në Facebook.

“Unë i them edhe një herë popullit armen se Franca solidarizohet me ju”, ka shkruar ai në një postim në gjuhën armene. Macron ka komentuar situatën kufitare në mes të Armenisë dhe Azerbajxhanit pasi ka biseduar përmes telefonit me ushtruesein e detyrës së kryeministrit në Armeni, Nikol Pashinian.

Prsidenti francez po ashtu ka thënë se shpreson që Këshilli i Sigurimit i Kombeve të Bashkuara do të mund të ndihmojë “në kthim të stabilitetit dhe sigurisë në këtë rajon”. Ndërkohë pala armene ka thënë se Pashinian ka falënderuar Macronin për “qasjen miqësore” ndaj Armenisë.

Forcat e Azerbajxhanit është raportuar të kenë depërtuar disa kilometra në provincën Syunik të Armenisë.

LEXO EDHE:  Clinton do të shpallë zyrtarisht kandidaturën

LEXO EDHE:  Të shtëna me armë zjarri/ Humbin jetën tre persona në SHBA

Sipas ministrisë armene të Mbrojtjes, ata po ashtu kanë shkelur në dy zona të kufirit mes dy shteteve më 13 maj. Azerbajxhani ka insistuar se trupat nuk kanë kaluar në territorin armen dhe vetëm janë pozicionuar në anën azerbajxhanase, ku nuk kanë pasur qasje në muajt e dimrit.

Ministria e Jashtme në Baku ka thënë po ashtu se kufiri në mes të këtyre dy shteteve nuk është demarkuar asnjëherë, prej rënies së Bashkimit Sovjetik.

Deklaratat kundërthënëse kanë ardhur teksa zyrtarë ushtarakë të të dyja shteteve, janë takuar në kufi, duke tentuar të zgjidhin konfliktin.

Përfaqësuesit e trupave ruse është thënë se kanë marrë pjesë në negociata, që kanë zgjatur disa orë.

Asnjë marrëveshje konkrete nuk është bërë e ditur më pas. REL

 

LEXO TE PLOTE

Kosova & Rajoni

Situata në Kosovë/ Vazhdon procesi i vaksinimit kundër COVID-19

Publikuar

-

Nga

Ministria e Shëndetësisë në Kosovë ka bërë të ditur se të premten është duke vazhduar procesi i vaksinimit të qytetarëve kundër COVID-19, sëmundjes që shkakton koronavirusi.

Në njoftim është thënë se në Sallën 1 Tetori në Prishtinë do të mund të vaksinohen vetëm qytetarët e Prishtinës.

Aty është thënë edhe se grumbullimi i një numri të madh të personave në qendrën e vaksinimit në Prishtinë është rezultat i shkuarjes së qytetarëve të komunave tjera aty.

“Qytetarët e komunave të tjera të Republikës së Kosovës luten që t’u drejtohen qendrave të vaksinimit në komunat e tyre, me qëllim që të marrin informatat e duhura dhe të vaksinohen”, ka thënë Ministria e Shëndetësisë.

Në orët e hershme të së premtes, pranë Sallës 1 Tetori u krijuar radhë të gjata dhe tollovi të njerëzve. Më pas Policia e Kosovës ndërhyri për të vënë rend.

LEXO EDHE:  Të shtëna me armë zjarri/ Humbin jetën tre persona në SHBA

LEXO EDHE:  PD i përgjigjet në mesnatë ish-kongresmenit amerikan/Lobisti më i ri i Ramës

Më 12 maj, Kosova ka nisur fazën e dytë të vaksinimit të popullatës kundër koronavirusit, ku bëjnë pjesë personat e moshës 65-79 vjeç.

Vaksinimi në Kosovë ka nisur në fund të muajit mars, me 24,000 doza të vaksinës AstraZeneca, të siguruara nga programi Covax i Organizatës Botërore të Shëndetësisë.

Këtë javë, Kosova ka marrë edhe mbi 38,000 doza të tjera vaksinash nga Covax, ndërkohë mbi 7,000 doza të tjera i ka siguruar si donacion nga Bashkimi Evropian. REL

LEXO TE PLOTE