Politikë
Spahiu “masakron” Bashën/ Kur Meta sulmonte me kallashnikovë Jozefinën, ti shpenzoje lekët e Sorosit
Ish-kryetari i Aleancës Kuq e Zi, Kreshnik Spahiu, nuk i është kursyer aspak kryetarit të PD-së Lulzim Basha, pas sulmeve ndaj Jozefina Topallit se po krijon një lëvizje të re.
Spahiu publikon një artikull të gazetës Rilindja Demokratike, e cila në 27 gusht të viteve 2000 pasqyronte një sulm me kallashnikov që ishte bërë ndaj ish-kryeparlamentares.
Ai ngre akuzat se Basha shpenzonte lekët e George Sorosit kur Topalli sulmohej me kallashnikovët e Presidentit Ilir Meta.
Ish-kryetari i Aleancës thekson se tashmë kreu i PD është aleat i Metës, ndërsa pretendon se po lëpin aty ku pështynte deri dje.
“Kur Jozefina sulohej me kallashnikovët e Ilir Metës, Basha shpenzonte lekët e Soros në Hollandë dhe nuk ishte as antarë i PD. Atëherë Jozefina konsiderohej heroina që përballej me mafien Meta.
Sot Basha është aleat i Metës dhe baltos Jozefinën si tradhëtare. Më palaço dhe pa karakter se “demokratët” nuk gjen në planet! Lëpijnë çdo ditë ata që kanë pështyrë deri dje”, shkruan Spahiu në rrjetet sociale./ CNA.al
Politikë
Pas takimit me Ramën/ Grenell “zbarkon” në zyrën e Metës
Presienti Ilir Meta ka takuar ish të dërguarin e SHBA-së për dialogun Kosovë-Serbi, Richard Grenell.
Meta shprehet se mbështet përpjekjet e tij të vazhdueshme për të promovuar investimet amerikane dhe bashkëpunimin ekonomik në rajon.
Sipas presidentit kjo është e vetmja mënyrë për të garantuar mirëqënien për qytetarët dhe brezin e ri.
“Ishte kënaqësi të takoja këtë mëngjes Ambasadorin Grenell. Mbështes përpjekjet e tij të vazhdueshme për të promovuar investimet amerikane dhe bashkëpunimin ekonomik në rajon, si e vetmja mënyrë për të garantuar mirëqenie për të gjithë qytetarët tanë dhe veçanërisht brezin e ri.
Përpara vizitës të tij në Jug të vendit i dhurova librin “Albania from the Air”, një botim i veçantë mbi mrekullitë natyrore shqiptare, pasi jam i sigurt se herën tjetër ai do të shpenzojë më shumë kohë për të eksploruar Shqipërinë tonë të bukur. 🇦🇱🤝🇺🇸”, shkruan Meta./ CNA.al
Politikë
Situata e zjarreve në Shqipëri/ Peleshi: Presim që flakët të shuhen brenda disa orëve
Ministri i Mbrojtjes, Niko Peleshi ka vëzhguar nga afër zonat që janë përfshirë nga flakët. Peleshi ka bërë me dije se e vetmja zonë aktive për momentin është ajo e Karaburunit, ndërsa theksoi se Forcat e Armatosura po viojojnë me punën për shuarjen totale të flakëve. Ai tregon se situate është e menaxhuar dhe po punohet në mënyrë intensive.
“Presim të shuajmë zjarret brenda disa orëve. Forcat e Armastosura janë në të gjithë territorin. Situata deri më tani është menaxhuar me sukses. E vetmja vatër zjarri është Karaburuni. Rreziku ende prezent do të vijojmë punën me intensitet. Puna e forcave njerëzore është e pazavendësueshme”, ka thënë Peleshi./ CNA.al
Politikë
Pas ultimatumit të Yuri Kim për Bashën/ Berisha mesazh demokratëve
Ish kryeministri Sali Berisha u ka rikujtuar sot demokratëve, një premtim që u ka bërë vitëemë parë.
Me anë të një video në rrjete sociale, Berisha shkruan se “ju përshëndes me betimin tim solemn para demokratëve të Shqipërisë”.
Në video ai premton se çfarë do që do të ndodhë do të vazhdojë të mbetet njëri prej tyre në PD.
“Sikur 1000 të mbesin, do jem njëri prej jush. Sikur 100 të mbesin do mbetem njëri prej jush. Sikur 1 të mbesë do mbetem njëri prej jush. Rroftë Partia Demokratike. Zoti ju bekoftë”, deklaronte Berisha vite më parë në videon, të cilën e ka postuar sot.
Këtë premtim Berisha e risjell, disa ditë pasi ambasadorja amerikane i dha ultimatum Lulzim Bashës për largimin e Berishës nga PD dhe nga Kuvendi./CNA.al
1 Koment