Connect with Us

Milan-Roma, arbitri kryesor ishte katastrofa e madhe

Seria A

Milan-Roma, arbitri kryesor ishte katastrofa e madhe

Publikuar

-

Nëse në fushë gjatë ndeshjes Milan-Roma kishte një protagonist që shfaqi performancë të dobët, “meritat” i takojnë kryesorit të takimit, Giacomelli. Një katastrofë e vërtetë që ka prishur përballjen e “San Siros”, ku me vendime të drejta mund të nxirrte edhe një fitues. Shumë dyshime ka mbi rastin teksa Mancini preku me dorë topin pas duelit me Ibrahimoviç, për një penallti që mund të akordohej, por vendimet e Giacomellit janë një teatër më vete dhe të bënë që t’i mos besosh syve.

Fillimisht në minutën e 69 duke akorduar një penallti kundër Milanit. Benacer mbërriti përpara te topi në zonën e kuqezinjëve dhe u shkel nga ana e Pedros. Një vendim tërësisht i çuditshëm nga ana e gjyqtarit që akordon një penallti për Romën. Pavarësisht protestave të shumta, Giacomelli dukej i sigurt: “E kam parë unë”.

Më pas as VAR nuk do t’i tërhiqte vëmendjen për të shmangur gabimin e madh. Nëse VAR nuk e bënë detyrën e tij edhe në këto situata, atëherë për çfarë duhet të funksionojë? Për të vazhduar më tej Giacomelli vazhdon që të shtojë gafat e tij me teorinë e kompensimit. Calhanoglu fiton një penallti inekzistente pasi Mancini nuk e preku aspak në trup në tentativën për heqjen e topin. Menjëherë pas këtij takimi të shumta janë akuzat që po vijnë në Itali edhe nga gazetarë të njohur që ngrenë pikëpyetje për nivelin e gjyqtarëve dhe pastërtinë e garës.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Seria A

La grumbullimin me kombëtaren, zbulohet dëmtimi i rëndë i yllit të Juventusit

Publikuar

-

Nga

Xhorxho Kielini nuk po kalon një moment të mirë. Mbrojtësi u dëmtua në grumbullimin me Italinë dhe do t’i duhet kohë që të rikthehet. Analizat mjekësorë treguan shkallën e dëmtimit të veteranit.

Kielini la kombëtaren për tu kthyer në Torino, ku kreu vizitat mjekësore. Analizat treguan se mbrojtësi vuan nga një inflamacion në thembrën e Akilit, ekzaktësisht në këmbën e majtë dhe e ka të pamundur që të luajë për disa kohë. Gjendja e tij do të monitorohet dita ditës.



Nuk është e qartë se sa do të mungojë, por ky lloj dëmtimi do një kohë relativisht të gjatë për tu shëruar. Një inflamacion mund të rishfaqet përsëri nëse nuk trajtohet në mënyrën e duhur.

Italia ka humbur një prej lojtarëve më të rëndësishëm për ndeshjen ndaj Zvicrës, e vlefshme për kualifikueset e Botërorit 2022. Përveç Kielinit një tjetër mungesë e rëndësishme është dhe sulmuesi Çiro Imobile.

LEXO TE PLOTE

Seria A

Pioli tremb Milanin: Dua të drejtoj kombëtaren e Italisë

Publikuar

-

Nga

Pasi u vlerësua si trajneri më i mirë i Serisë A për muajin tetor, Stefano Pioli i shton edhe një tjetër çmim karrierës së tij, siç është ai “Liedolm”. Motivimi është për arritje sportive dhe vlera të larta jashtë fushës. Në këtë kuadër, tekniku i Milanit ka dhënë edhe një intervistë ekskluzive për televizionin e klubit.

Sa rëndësi ka ky vlerësim për ju?

Nils Liedolm ishte një futbollist i madh, një trajner fantastik dhe një njeriu i madh i sportit. Ndihem i nderuar për këtë çmim.

Ai qëndroi shumë vite te Milani. Keni edhe ju të njëjtin plan apo synoni kombëtaren?

Me drejtuesit e Milanit kemi një harmoni të madhe dhe së bashku punojmë në sinergji. Vullneti i të dyja palëve është vazhdimi i këtij projekti. Sa për kombëtaren, ajo është në duar të sigurta. Ndoshta një ditë, nuk i dihet…

Në janar prisni përforcime në merkato apo llogarisni të rikuperoni të dëmtuarit?

Riaftësimi i disa lojtarëve është primar. Uroj që shumicën e grupit ta kem në dispozicion që në javën tjetër. Organika është e nivelit të lartë dhe sezonin e kemi nisur mirë, por zotësia qëndron në vazhdimin me këtë ritëm.

E ndieni veten në brendi të Milanit më shumë se dy vite më parë?



Mendoj se raporti mes meje dhe klubit po rritet vazhdimisht. Kam ndier energjinë e duhur që në fillim të këtij rrugëtimi dhe motivimet më shtohen çdo ditë. Duhet të jemi të zotë që të vijojmë me këtë përulësi dhe këtë vazhdimësi rezultatesh. Na presin sfida të vështira, por nëse do të kemi këtë vendosmëri, atëherë mund të bëjmë shumë gjëra pozitive.

Ndeshja e radhës është kundër Fiorentinës, një klub ku ndatë rrugëtimin me Davide Astorin. Çfarë kujtimesh keni?

Davide kishte vlerat e një sportisti korrekt, të urtë dhe bujar. Ndeshjet kundër Fiorentinës nuk do të jenë kur rë normale për mua. Sa për përballjen në vetvete, pres luftë kundër një skuadre e cila luan mirë. Edhe ne do të mundohemi ta përgatisim sa më mirë.

Ku mund të rritet ende ky Milani?

Milani po rritet në shumë aspekte. Jemi më të ndërgjegjshëm, më të pjekur, megjithatë duhet të jemi më të bashkuar në disa situata të vështira. Ka ndeshje që nevojitet më tepër cinizëm, ndaj them se ekipi im mund të përmirësohet ende shumë.

U druheni sforcove që Ibrahimoviçi po bën në kombëtare?

Jam i lumtur që Zlatani është grumbulluar sepse do të thotë që po bën mirë. Nuk kam aspak frikë se mund të lodhet sepse është një kampion që kujdeset për veten dhe sepse ndeshja SuediSpanjë është të dielën, ndërsa ne luajmë të shtunën. Përvojat e Ibrës janë të rëndësishme dhe kanë ndikuar në rritjen e skuadrës.

LEXO TE PLOTE

Seria A

Shevçenko ul pretendimet: Dua mbijetesën me Genoan

Publikuar

-

Nga

Pas pesë viteve te kombëtarja e Ukrainës vendosi të largohej dhe pak ditë më parë Andrij Shevçenko morri drejtimin e Xhenoas. Shumë i lumtur për skuadrën e re, ukrainasi dje është prezantuar në konferencë për shtyp. Lidhur me ambiciet në aventurën e parë si trajner në Serinë A, 45-vjeçari deklaroi:

“Ky është një moment shumë i rëndësishëm në karrierën time si trajner. Xhenoa është një klub i rëndësishëm, ky është një projekt që më intereson dhe objektivi është mbijetesa në Serinë A. Për mua është një nder i madh pasi do të drejtoj klubin më të vjetër në Itali dhe kjo do të thotë diçka.



Shpresoj të qëndroj këtu për një kohë të gjatë. Skuadra duhet të përforcohet në merkaton e janarit. Duke folur me lojtarët, ndjeva se edhe ata donin të përmirësonin situatën. Mendoj se kjo skuadër ka disa karakteristika, ndoshta të përshtatshme për formacionin 3-5-2 ose 4-3-3”.

LEXO TE PLOTE