Connect with Us

Milan-Roma, arbitri kryesor ishte katastrofa e madhe

Seria A

Milan-Roma, arbitri kryesor ishte katastrofa e madhe

Publikuar

-

Nëse në fushë gjatë ndeshjes Milan-Roma kishte një protagonist që shfaqi performancë të dobët, “meritat” i takojnë kryesorit të takimit, Giacomelli. Një katastrofë e vërtetë që ka prishur përballjen e “San Siros”, ku me vendime të drejta mund të nxirrte edhe një fitues. Shumë dyshime ka mbi rastin teksa Mancini preku me dorë topin pas duelit me Ibrahimoviç, për një penallti që mund të akordohej, por vendimet e Giacomellit janë një teatër më vete dhe të bënë që t’i mos besosh syve.

Fillimisht në minutën e 69 duke akorduar një penallti kundër Milanit. Benacer mbërriti përpara te topi në zonën e kuqezinjëve dhe u shkel nga ana e Pedros. Një vendim tërësisht i çuditshëm nga ana e gjyqtarit që akordon një penallti për Romën. Pavarësisht protestave të shumta, Giacomelli dukej i sigurt: “E kam parë unë”.

Më pas as VAR nuk do t’i tërhiqte vëmendjen për të shmangur gabimin e madh. Nëse VAR nuk e bënë detyrën e tij edhe në këto situata, atëherë për çfarë duhet të funksionojë? Për të vazhduar më tej Giacomelli vazhdon që të shtojë gafat e tij me teorinë e kompensimit. Calhanoglu fiton një penallti inekzistente pasi Mancini nuk e preku aspak në trup në tentativën për heqjen e topin. Menjëherë pas këtij takimi të shumta janë akuzat që po vijnë në Itali edhe nga gazetarë të njohur që ngrenë pikëpyetje për nivelin e gjyqtarëve dhe pastërtinë e garës.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Seria A

Zbulohet arsyeja e vërtetë pse Iliçiç kaloi në depresion

Publikuar

-

Nga

Josip Iliçiç tashmë është rikthyer të jetë pjesë e Atalantës, pas një mungese të gjatë, teksa kishte kaluar në depresion. Menjëherë sapo u mësua se lojtari kishte kaluar në depresion, në media nisi të qarkullojë lajmi se futbollisti kishte kapur partneren e tij duke e tradhtuar dhe kjo e kishte bërë të kalonte në depresion. Megjithatë kjo duket se nuk është aspak e vërtetë, dhe gjithçka është zbuluar nga shoku i skuadrës Alejandro Gomez.

Ky i fundit në një intervistë të dhënë së fundmi është shprehur: “Iliçiç u infektua me Koronavirus dhe e përjetoi shumë keq, aq sa kaloi edhe në depresion. Vjen një moment kur nuk duroni dot dhe koka juaj shpërthen. Për fat të mirë ai tani ka kaluar gjithçka dhe është me ne, është shumë i rëndësishëm për skuadrën.”, u shpreh Gomez.

LEXO TE PLOTE

Seria A

Mbrojtësi shqiptar shkëlqen në Serinë A, zgjidhet në formacionin e javës

Publikuar

-

Nga

Në ndeshjet e kësaj jave të Serisë A ka spikatur edhe Mërgim Vojvoda. Futbollisti i linjës së djathtë defensive është përshtatur mjaft mirë me Torinon dhe ka gjetur veten në formacion, ndërsa ia ka shpërblyer trajnerit Xhampaolos me paraqitjet e tij.

Në ndeshjen e fundit të kampionatit ndaj Sasuolos, 25-vjeçari dhuroi edhe një asist dhe këtë nuk është hera e parë që e bën.

Ndaj, për ndeshjen e zhvilluar, Vojvoda është përfshirë në formacionin e javës të Serisë A, të kompozuar nga ana e “Whoscored”, teksa rreshtohet në mbrojtjes së bashku me emra si Ranokia, Kirikes e Likojanis.

LEXO TE PLOTE

Seria A

Supersfida ndaj Romës, Milani barazoi rekordin 61-vjeçar

Publikuar

-

Nga

Me ardhjen e Piolit te Milani, skuadra ka treguar një reagim shumë pozitiv, sidomos pas rinisjes së sezonit të shkuar, duke arritur të regjistrojnë fitore të njëpasnjëshme dhe të sigurojnë një vend në Europa League, të cilën këtë sezon duan ta bëjnë të tyren. Mbrëmë kuqezinjtë bënë ndalesën e parë pas katër fitoreve rresht në kampionat.

Roma i ndali me shifrat 3-3, por me këtë rezultat Milani ka arritur të barazojë një rekord 61-vjeçar. Skuadra e Piolit për herë të parë që nga viti 1959 ka arritur të shënojë të paktën dy gola në 11 ndeshje zyrtare rresht në të gjitha kompeticionet. Një shenjë e qartë, që tregon se Milani po rritet dhe dalëngadalë do e shohim të luftojë për titullin kampion, që i mungon prej vitit 2011.

Kuqezinjtë kanë shënuar plot 29 gola në 11 ndeshjet e shkuara, duke treguar një efikasitet të madh përpara portës, ku padyshim ndikim esencial ka Ibrahimoviç, që me ardhjen e tij ka përmirësuar edhe lojtarët e tjerë si Leao apo Çalhanoglu, që kanë më shumë hapësira me Ibrën në skuadër. Kualifikimi në Champions League është objektivi dhe ky Milan me këto shifra po tregon se mund të luftojë deri në fund për këtë sukses.

LEXO TE PLOTE