Ish deputetja e LSI, Silva Caka ka folur për herë të parë për largimin nga LSI ndërsa thekson se nuk e ka parë si mundësi.

Caka shtoi se do të largohet nga LSI-ja vetëm kur ajo të bëhet si Rilindja e sotme, sipas së cilës ka shkatërruar vendin.

“Një furtunë e krijuar në një gotë 30 minuta pas një deklarate të Kryemadhit ku ka bërë të ditur që këto vemjet e bashkisë tentojnë që të tregojnë kryeministrit që po punojnë dhe po marrim element dhe nga opozita. Unë personalisht, për të paktën ato parime që ë karakterizojnë për mënyrën se si jam rritur, unë do të largohem nga LSI ditën që kjo forcë politike do të bëhet si Rilindja e sotme. Për asnjë arsye, unë e quajtur Rilidjen, fajtore për gjithçka për këtë arsye unë nuk jap asnjë lloj kontributi të të vazhduar këtë shkatërrim . Jam nënë e 2 fëmijëve dhe nuk kontribuojë në shkatërrimin e të ardhmes së tyre nëpërmjet një qeverisje tjetër të Edi Ramës, Erion Veliaj apo kujtdo qoftë që do të vazhdojë të ndjekë modelin e Edi Ramës. Jam juriste në profesion dhe janë formuar me idenë e institucioneve, me ndarjen e pushteteve dhe nuk mund të kontribuojë për asnjë qeverisje në botë që ka shkatërruar gjykatat, që e ka lënë vendin pa drejtësi, që ka shkatërruar cdo person që pret të marrë një vendi, nuk mund të jap kontributin tim për një qeverisje që cdo dy ditë nxjerr nga një të zgjedhur që e ka me rekorde kriminale. Për mua Rilindja është një kazan i madh ku në cdo moment që do fusësh dorën do të marrësh një kriminel, një njeri që është akuzuar për prostitucion, do nxjerrësh një që është marrë me drogë, dhe afera korruptive, as sot e as nesër”, tha Caka në një intervistë për Report Tv.

Gjithashtu ajo ka mohuar zërat që të ketë pasur një përplasje me Ilir Metën në Presidencë.

“Kjo nuk është aspak e vërtetë dhe më vjen keq që po i jap zë një gjëje që doja ta përmendja”, tha Cakaj./CNA.al

Në vitin 2017, kreu i Republikanëve Fatmir Mediu u ul në tryezë me Sali Berishën për të diskutuar lidhur me negociatat që e çuan drejt një koalicioni të përbashkët me PD. Por a do të ketë sërish një takim me ish-liderin e selisë blu në prag të zgjedhjeve të 25 Prillit?

Kreu republikan u shpreh se Berisha është mes dy njerëzve që vlerëson më shumë në politikë, por shtoi se kësaj herë nuk ka kërkuar mendim prej tij. Mediu theksoi që nëse kreu aktual i PD do e bindë se qëndrimi i tij po e dëmton opozitën atëhërë do të tërhiqet nga ky qëndrim.

“Unë kam dy njerëz që i vlerësoj shumë , i pari është Sabri Godo dhe kujtoj çdo fjalë të tij . I dyti është Sali Berisha me një lidership shumë të qartë. Është e rëndësishme që raporti politik të ketë edhe një raport njerëzor. Unë nuk i kam kërkuar mendim këtë herë por ne ruajmë raport miqësor. Një nga miqtë e mi më të mirë është z. Besnik Mustafaj. Raporti njerëzor është me shumë vlerë se shumë pak miq në politikë.

Unë nuk po kërkoj, por që bashkë me Bashën të gjykojmë si partitë tona të marrin fitoren. Atëherë Basha duhet të vijë të më thotë se kush janë pikat që na dëmtojnë. Nëse ai më thotë se kjo pikë e dëmton koalicionin unë do tërhiqem. Nëse kam vlerësuar diçka të shëndetshme në politikën e Lulzim Bashës është se ka mbajtur opozitën bashkë”, deklaroi Mediu në “ABC”./CNA.al

Presidenti Ilir Meta është takuar sot me banorë të Radhimës, Orikumit, Tragjasit dhe Dukatit dhe ka biseduar lidhur me projektet të parashikuara të realizohen në zonën Vlorë-Orikum.

Meta thekson se qeveria duhet të dëgjojë zërin e çdo banori dhe çdo propozim, ndërsa shton se aty nuk ka transparencë ka gjithmonë paligjshmëri.

“Ju përgjigja me shumë përgjegjësi kërkesës së banorëve të Radhimës, Orikumit, Tragjasit dhe Dukatit, për t’u takuar e biseduar hapur me ta lidhur me projektet infrastrukturore të parashikuara të realizohen në zonën Vlorë-Orikum.
Më njohën me shqetësimin e drejtë se deri tani asnjë autoritet shtetëror, qendror apo vendor, nuk është konsultuar me ta, aq më tepër t’i ketë dëgjuar propozimet për zhvillimin e pronave të tyre dhe të zonës në tërësi, që ka një potencial të jashtëzakonshëm për zhvillimin e qëndrueshëm ekonomik dhe turistik. Çdo zë banori, çdo vërejtje apo sugjerim, duhet të dëgjohet, të mbahet shënim dhe të vlerësohet. Nuk mund të ketë zhvillim të qëndrueshëm të zonave bregdetare, nëse nuk respektohet e drejta e pronës.
Kjo është detyrë primare për Qeverinë edhe në hartimin e implementimin e projektit të “Rehabilitimit dhe ndërtimit të objekteve në afërsi të rrugës bregdetare (Vlorë-Orikum)”. Çdo projekt duhet të jetë i mirëmenduar dhe të respektojë të drejtat themelore kushtetuese të banorëve dhe pronarëve. Fatkeqësisht, klientelizmi dhe neglizhenca ndaj interesave të banorëve, kanë sjellë shkelje të parimeve të barazisë përpara ligjit, cenim të të drejtave legjitime dhe të drejtën e tyre për një proces të rregullt ligjor. ATY KU NUK KA TRANSPARENCË, KA GJITHMONË PALIGJSHMËRI”, shkruan Meta./CNA.al