Connect with Us

Video/ Futbollisti 23-vjeçar realizon supergol dhe i dhuron fitoren jetike skuadrës së tij

Sport

Video/ Futbollisti 23-vjeçar realizon supergol dhe i dhuron fitoren jetike skuadrës së tij

Publikuar

-

Arian Kabashi është pjesë e Elfsborg, por drejtuesit e klubit të njohur suedez vendosën ta huazonin janarin e këtij viti në divizionin e dytë tek ekipi Dalkurd. 23-vjeçari ka realizuar një gol fantastik ditën e djeshme, duke i dhuruar tre pikët skuadrës së tij pas fitores 0-1 në transfertën ndaj AFC Eskilstuna.

Sulmuesi shqiptar u fut në fushë në minutën e 57-të dhe i mjaftuan 13 minuta për të zhbllokuar takimin. Kabashi ekzekutoi në mënyrë mjeshtërore një goditje dënimi dhe topi përfundoi në trekëndësh.

Goli i dytë në kampionat për lojtarin ofensiv, falë të cilit Dalkurd siguroi tre pikë të rëndësishme për objektivin mbijetesë. Me këtë skuadër aktivizohet edhe sulmuesi Liridon Selmani, i cili ka shënuar 3 gola këtë sezon.

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Sport

“Arbitri që inskenoi vrasjen hante dreka qyl në Vlorë”/ Vasil Ruçi rrëfen njohjen me Davide Pecorelin: Ishte njeri i çuditshëm

Publikuar

-

Nga

Ka disa histori në jetën e njeriut që lindin nga hiçi. Nuk kanë lidhje me profesionin apo jetën që bën dhe nuk kanë lidhje as me planet me të ardhmen.

Thjesht ndodhin. Kaq. Kështu u ndodhi edhe legjendave të futbollit vlonjat, Rrapo Taho, Vasil Ruci, etj…

Të përkushtuar në përditshmërinë e tyre befas “mbin” një italian enigmatik, i paqethur, i parruar, me njohuri sipërfaqësore për legjendat e futbollit të Vlorës dhe nis të miqësohet me ta. Shumë, deri në atë pikë sa kërcasin drekat së bashku, ndonjë gotë raki apo verë dhe plazh bashkë.

Vasil Ruci
“Jam shkrimtar italian, po bëj një studim për Kontin e Monte Kristos. Por më pëlqen futbolli dhe kam dëgjuar shumë për ju, për Sokol Kushtën. Jeni të mëdhenj shumë. Do të shkruaj një ditë për ju…”, u pat thënë afro tetë muaj më parë. Më pas takime, futboll së bashku, plazh, dreka dhe një udhëtim drejt Greqisë që nuk u realizua kurrë. Bëhet fjalë për ish-arbitrin italian Davide Pekoreli që inskenoi vrasjen e tij në malet e Pukës.

Bash ai, italiani i çuditshëm që e nisi karrierën si arbitër u bë biznesmen produktesh kozmetike, falimentoi, erdhi në Shqipëri dhe i vuri flakën makinës dhe u zhduk. Ah, jo, para se të digjte makinën gërmoi kushedi se në cilën varrezë për eshtra njeriu, i futi në makinë, i vuri flakën dhe mendoi që e hoqi qafe “Davide Pekorelin” e dikurshëm dhe u transformua në Kristiano… Kristiano pra që u fut çuditshëm në jetën e ish-futbollistëve të shquar vlonjatë dhe në fund i tronditi edhe ata vetë.

“Çudi e madhe, thotë Vasil Ruci për “Panorama Sport”, na u ngjit nga hiçi. Nuk e morëm vesh se nga doli, thjesht rrinte me ne, hante me ne, luante futboll me ne dhe bënte plazh me ne. I çuditshëm për besë…”, thotë legjenda e Flamurtarit dhe qesh me zë të lartë.



Vasil a e njihnit Davide Pekorelin?

Po ku di unë o të keqen, ai ishte një njeri i çuditshëm. Çfarë të them unë tani?! Kjo botë është e çuditshme, nuk dimë kush hyn dhe kush del dhe kush na afrohet…

Sa kohë kishte në Vlorë ai?

Po kishte afro 8 muaj në mos gaboj. Nuk ia kam numëruar ditët, por na u ngjit shumë. Shkonim të luanim futboll, ai nga pas. Madje edhe kur hanim ndonjë gjë së bashku, nuk na shqitej. Po nuk ndiheshim sepse ishte edhe gazmor si tip.

I paguanit ju drekat apo ai?

Jo, mo ç’paguante ai. Unë nuk jam ulur me të shpesh mo jo, por ndonjë miku ynë rrinte më shpesh. Jo, mo ku paguante ai. Madje më thanë që të jepte ndonjë drekë me qepë e domate dhe pastaj të “rruante” se donte 50 dreka të tjera mbrapsht. Po ne e kuptuam që ishte i tillë…(qesh me zë të lartë).

LEXO TE PLOTE

Sport

La fushën pas 8 minutave lojë, Valon Berisha pëson dëmtim të rëndë

Publikuar

-

Nga

Mesfushori i Kosovës, Valon Berisha ka pësuar një dëmtim të rëndë ditën e djeshme, në ndeshjen që Reims luajti ndaj Lille.

Ndonëse e nisi ndeshjen si titullar, Berishës iu desh të largohej nga fusha e lojës që në minutën e 8-të. Shkak për këtë u bë një dëmtim i rëndë i pësuar në këmbën e tij të djathtë.

Pas ndeshjes, mesfushori postoi një foto të këmbës së tij, e cila ishte e çarë në dy vende, teksa mjekët ia kanë qepur plagën, për të mos rrezikuar më shumë.



“Jashtë për pak, por do të kthehem sërish më i fortë”, shkruan Berisha në foto.

Nuk dihet ende koha e rikuperimit për lojtarin, por kjo mban të ankth edhe te Kosova, që do të luajë ndeshjet e muajit tetor për eliminatoret e Botërorit.

LEXO TE PLOTE

Sport

VIDEO/ Hyrje në fushë dhe sherr me tifozët kundërshtarë, dhuna në Francë nuk ka të ndalur

Publikuar

-

Nga

Hyrja e tifozëve në fushë dhe përplasjet mes tifozerive në Francë nuk kanë fund. Që nga nisja e sezonit janë rregjistruar dy incidente, Marseille-Nice dhe Lens-Lille pak ditë më parë.

Mbrëmjen e djeshme kanë ndodhur edhe dy incidente të tilla me tifozët që u futën në fushë dhe u përleshen me tifozërinë kundërshtare duke e çuar në 4 numrin e ngjarëve të tilla në pak javë nga sezoni i ri.

Ngjarja e parë ndodhi në ndeshjen Angers-Marseille dhe mediat në Francë zbulojnë një provikim nga tifozëria vendasi bëri që tifozët e Marseille të futen në fushë e më pas të përleshin me njëri-tjetrin. Pas disa minutash tensioni, gjithçka u kthye në normalitet.

Ngjarja tjetër ndodhi në ndeshjen Metz-PSG-ja e mbyllur me rezultatin 1-2. Një numër I vogël i skuadrës se Metz u futën në fushë pas vërshëllimës së gjyqtarit pasi ishin të irritur me humbjen e skuadrës.



LEXO TE PLOTE