Connect with Us

Skandali/ Shefi i Rendit të Gjirokastrës vjedh naftën me bidonë

Denoncim

Skandali/ Shefi i Rendit të Gjirokastrës vjedh naftën me bidonë

Publikuar

-

Skandali/ Shefi i Rendit të Gjirokastrës vjedh naftën me bidonë

Fiks Fare denoncoi mbrëmjen e së hënës një skandal në Policinë e Gjirokastrës. Shefi i Rendit i Komisariatit të qytetit të gurtë, Klaudio Minxha, shkon pranë një karburanti me makinën e policisë dhe mbush disa bidonë dhe jo mjetin. Kamera e emisionit investigativ ka kapur momentin që ky punonjës bën veprimet e paligjshme. Në video duken vetëm dy numrat e fundit të targës, të cilët janë 47.

FNdërkohë, sipas informacioneve të gazetarëve, mjeti në fjalë është me targë MB047AA dhe përdoret pikërisht nga z.Minxha.

Sipas procedurave, furnizimi i mjeteve të Policisë së Shtetit bëhet me një kartë. Me këtë kartë, punonjësit shkojnë te karburanti, ku ia japin punonjësit. Ky i fundit, kartën e kalon në pompën e karburantit dhe në xhamin e mjetit të policisë, i cili ka një ‘barcode’, ku pasi skanohet, fillon edhe furnizimi.

Por, në videon që realizoi stafi i Fiks Fare, oficeri i policisë nuk mbush mjetin e policisë, por disa bidonë.

Në videot e para, polici tenton të mbushë bidonët, por dyshon se mos e shohin dhe largohet. Dy orë më vonë, ai shkon sërish në karburant dhe punonjësi ia mbush bidonët, të cilët i fut më pas në bagazhin e mjetit të policisë.

Pasi siguruan këto video, gazetarët e emisionit investigativ shkojnë në Drejtorinë e Policisë së Gjirokastrës dhe tentojnë të bisedojnë me z.Minxha. Një punonjës tjetër u thotë se “nuk është në komisariat”, ndërsa bisedon në telefon me të. Z.Minxha kërkon qëllimin e vizitës së gazetarëve dhe i kërkon punonjësit tjetër të shoh videot, nëse është apo jo ai. Gazetarët i tregojnë punonjësit videot, ndërsa ai konfirmon se “po, ai është”. Më pas, u kërkon që ta falin. Gazetarët bisedojnë sërish me z.Minxha, por ai kurrsesi nuk pranon që t’i takojë, pasi pretendon se është në Sarandë.

Pas refuzimit nga z.Minxha, Fiksi kërkoi informacion në Drejtorinë e Policisë së Gjirokastrës. Zëdhënësja tha se mjeti përdoret pikërisht nga shefi i rendit, ndërsa për të gjithë informacionin duhet të pyeste shefat. Disa minuta pasi pyeti shefat, ajo tha se “duhet të bëni një kërkesë zyrtare”. Në fakt, gazetarët e Fiks Fare bënë një kërkesë zyrtare pranë kësaj drejtorie, por deri në momentin e transmetimit të këtij investigimi, në redaksinë e emisionit nuk mbërriti asnjë përgjigje.

Fiksi pyeti edhe te “vendi i krimit”, pikërisht pranë karburantit, ndërsa punonjësit thanë se “nuk u lejohet që të mbushin bidonë”. Ata thanë se u kanë tërhequr veshin për këto veprime, pasi “marrim në qafë veten dhe zyrtarët”.

***

Bisedë me z.Minxha dhe punonjës të Policisë së Gjirokastrës

Gazetari – Më duhet shefi i rendit, Klaudio Minxha, na e lëjmëron dot?
Punonjësi i policisë – E keni njoftuar ju Klaudion? Për ça e do?
Gazetari – Ta pyesim për diçka, ose flas unë.
Punonjësi i policisë – Ça ka ndonjë problem? Klaudio, mori Klaudio (në telefon).

LEXO EDHE:  "Kapter" Sandër Lleshaj reagon për makinën luksoze/ CNA.al i përgjigjet

Flasim me telefonin e punonjësit të policisë me z.Klaudio Minxha

Gazetari – Alo, si kaluat! Si je? Unë jam Sokol Çobo, nga Top-i! Ne jemi para Drejtorisë, para Komisariatit, donim të takonim 5 minuta, vetëm për një verifikim. Është një video, duke mbushur disa bidonë me karburant, e keni pasur për qellime të punës, se ju këto bidona i fusni te makina e policisë mbrapa.

Na kërkon që videon ta shohë punonjës i policisë

Gazetari – Ta shohi ky çuni pastaj?
Punonjësi i policisë – Nuk e dua vetë, bjere ta shoh unë dhe të them unë, nuk e dua vetë.

Punonjësi i policisë – Ça ka ndodhur?
Gazetari – Na ka mbërritur kjo video.
Punonjësi i policisë – Tani, do transmetohet te Fiksi kjo?
Gazetari – Po, te Fiksi!

Shikon videon

Gazetari – Është Klaudio këtu, Klaudio është?
Punonjësi i policisë – Po.
Gazetari – Ëëë.
Punonjësi i policisë – Ëfff!
Gazetari – Makina është kjo, 054? 0 sa e ka kjo?
Punonjësi i policisë – 047-ta!
Gazetari – 47-ta!
Punonjësi i policisë – Mos e transmetoni, se është gjynah.

I tregojmë videon zëdhënëses

Gazetari – Karburanti po hidhet te disa bidona.
Zëdhënësja – E kuptoj.
Gazetari – Merret në këtë mënyrë nga policia, apo nga makina? Një person të na e shpjegojë mënyrën e marrjes së karburantit nga Policia e Gjirokastrës.
Zëdhënësja – Do t’ju njoftoj unë, të ngjitem lart të komunikoj se normalisht ai është, nëqoftëse është makina me targa të tij…
Gazetari – Makina është me targa 047-ta. Është kjo makina e tij që përdor ky?
Zëdhënësja – Të komunikoj brenda dhe do të kthej përgjigje në sekondë.

Pas disa minutash…

Zëdhënësja – Një kërkesë zyrtare dhe brenda afatit të përcaktuar do të keni një përgjigje!

Shkojmë te karburanti…

Punonjësi i karburantit – Kush ua ka dërguar?
Gazetari – A je ti, apo jo?
Punonjësi i karburantit – Jo, nuk besoj!
Gazetari – Po ju furnizoni bidonat, apo furnizoni makinat?
Punonjësi i karburantit – Ne furnizojmë makinat! Se e dëgjova që i tha dikush (punonjësit që furnizoi makinen e shefit), ki kujdes i tha se do marësh në qafë edhe këta edhe veten. Se në këtë rast, nëse ti e publikon, ti themi gjërat siç janë, unë iki kategorikisht nga puna.
Gazetari – Pse, nuk ju lejohet t’i mbushni këto (bidonët)?
Punonjësi i karburantit – Nuk lejohet!/tch

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Denoncim

Mjeku i familjes “heq përparësen” pas vizitës, pacientët i çon tek klinika private për…

Publikuar

-

Nga

Mjeku i familjes “heq përparësen” pas vizitës, pacientët i çon tek klinika private për…

Pak ditë më parë emisioni “Stop” transmetoi rastin e mjekes hematologe në Fier, Merita Alimadhi, e cila i drejtonte pacientët në klinikën e saj private, për t’u shërbyer me para në dorë.

Pas këtij transmetimi, në redaksinë e emisionit investigativ erdhën denoncime për mjekun e familjes Sinan Manjani, i cili punon në Qendrën Shëndetësore nr. 10.

Qytetarja: Përshëndetje, “Stop-i”! Desha të bëj një ankesë për doktor Sinan Manjani, i cili punon si mjek familjeje tek Poliklinika nr. 10, në Tiranë. I merr pacientët e tij nga Poliklinika dhe i çon prej dore tek laboratori, që ndodhet përballë Poliklinikës nr 10. I detyron të bëjnë analizat aty. I pret deri sa marrin gjakun, të bëjnë edhe pagesën, pastaj i përcjell. Kjo punë bëhet çdo ditë, gjatë orarit të punës!

Që ta kuptojmë, një banor i lagje 10 vjen për të bërë analiza tek poliklinika nr 10, doktori në fjalë e orienton tek kjo klinika private?

Qytetarja: Analizat, që mund të bëhen edhe tek klinika brenda. I thotë, që shko bëji atje, se t’i bëjnë mirë, se t’i bëjnë më shpejt dhe nuk e di, se çfarë justifikimi i nxjerr. Ka 3 mijë banorë, për shembull, që është përgjegjës. Ato banorë që ka ai, që është mjeku i familjes, i detyron, që t’i bëjë atje analizat, ndërkohë që ka dhe vende të tjera normalisht! Në shtet i bën ato analiza: gliceminë, yndyrnat, analizat e veshkave, analiza e mëlçisë, analiza e gjakut komplet, analiza urine. Këto, analizat e përgjithshme, zakonisht!

Ai i viziton pacientët në punën e shtetit dhe i drejton për analiza në klinikën e tij private “Neo Lab”. Në këtë mënyrë pacientët në vend që t’i bëjnë analizat falas, paguajnë 36 mijë lekë të vjetra në laboratorin e mjekut Sinan Manjani.

Pacientja: Doktor…, ë kam shqetësime.

Mjeku Sinan Manjani: Ngrije pak atë maskën, të lutem!

Pacientja: Po, patjetër! Ndjesë! Mendoj, se kam probleme me hormonet, sepse shpeshherë kam pak lodhje, acarim nervash, ciklin e kam të çrregullt…

Mjeku Sinan Manjani: Ulu pak aty dhe prit vetëm 2 minuta!

Pacientja: Ok!

Mjeku Sinan Manjani: Ku rri me shtëpi?

Pacientja: Në Allias.

Mjeku Sinan Manjani: Si e bën gjumin natën?

Pacientja: Shumë keq!

Mjeku Sinan Manjani: Gocë, beqare? E martuar?

Pacientja: Beqare!

Mjeku Sinan Manjani: Beqare! Shumë mirë! Tjetër gjë, çfarë të mundon?

Pacientja: Poo, djersij shumë. Më jep dhe dridhje trupi ndonjëherë.

Mjeku Sinan Manjani: Ngrije trupin, shtriu lart! Ciklin, si e ke? Të çrregullt?

Pacientja: Të çrregullt!

Mjeku Sinan Manjani: Urinon shpesh?

Pacientja: Po!

Mjeku Sinan Manjani: Ke ndonjë histori familjare, ndonjë gjë, ndonjë njeri, që vuan nga këto probleme?

Pacientja: Jo, jo!

Mjeku Sinan Manjani: Ke ngrënë bukë sot?

LEXO EDHE:  Ministrja e Ramës përfshihet sërish në skandal/ Si dështoi Matura Shtetërore

LEXO EDHE:  "Kapter" Sandër Lleshaj reagon për makinën luksoze/ CNA.al i përgjigjet

Pacientja: Po!

Mjeku Sinan Manjani: Njeri me diabet në shtëpi?

Pacientja: Jo, jo!

Mjeku Sinan Manjani: Ke kaluar ndonjë hepatit, ndonjë gjë?

Pacientja: Jo, jo!

Mjeku Sinan Manjani: Hajde aty tek ai laboratori, edhe bisedo sa lekë kushtojnë.

Pacientja: Ok!

Mjeku Sinan Manjani: Do t’i bësh analizat?

Pacientja: Po!

Mjeku Sinan Manjani: Mbase do mjekim të gjatë, sepse nuk janë gjëra, që kalojnë sot për sot. Sot u vizitove, sot mbarove punë!

Pacientja: Ok!

Mjeku Sinan Manjani: Hajde të pyesësh, sa kushton, nëse ke mundësi me i bë.

Pacientja: Ok, në rregull!

Mjeku Sinan Manjani: Hajde! Ej, o djali edhe 5 minuta ë…?

Pacienti tjetër: S’ka gjë!

Mjeku Sinan Manjani: Ma sqaroni pak këtë, sa kushton? Sqaroje pak, sa kushton!

Laborantja: Po!

Pacientja: Të të them diçka doktor?

Mjeku Sinan Manjani: Po!

Pacientja: Në qoftë se këtu kushton shumë, në shtet a mund të bëhen? Kërkon procedurë të gjatë?

Mjeku Sinan Manjani: Për shtetin…

Pacientja: Sa bëjnë?

Laborantja: 36 mijë lekë.

Dritan Trepçe, zv/President Urdhrit të Mjekut shprehet, se mjeku ka thyer disiplinën, pasi nuk mund të çojë pacientët nga shteti në privat, për fitime personale. Ai thotë, se për këto raste masat janë nga vërejtje, gjobë 1 milionë lekë e deri në 3 vjet heqje të licencës profesionale.

Gazetarja: Në momentin, që emisioni “Stop” ka evidentuar rastin e një mjeku, i cili punon në shtet nga ora 8:00 deri më 4:00, i vjen një pacient, për të bërë analizat, për të marrë shërbimin në shtet, mjeku del dhe e orienton në klinikën  e tij private, i lejohet këtij mjeku?

Zv/Presidenti UMSH, Dritan Trepçe: Është në shkelje të “Kodit të Etikës dhe Deontologjisë”. Nuk i lejohet!

Gazetarja: Nuk i lejohet!

Zv/Presidenti UMSH, Dritan Trepçe: Nuk i lejohet dhe patjetër, që ky rast përbën objekt të gjykimit disiplinor profesional. Nuk ka të drejtë të orientojë pacientin, për të marrë përfitime personale.

Gazetarja: Sepse unë mund ta kuptoj, që një mjek mund të ketë edhe klinikën e tij private.

Zv/Presidenti UMSH, Dritan Trepçe: Ok! Por pas orarit të punës!

Gazetarja: Por, a është normale, që brenda orarit zyrtar 8 me 16:00 të…

Zv/Presidenti UMSH, Dritan Trepçe: Jo, jo përbën objekt…

Gazetarja: Ai të lërë përparësen e bardhë dhe të shkojë tek privati?

Zv/Presidenti UMSH, Dritan Trepçe: Nuk ka nevojë për komente!

Gazetarja: Domethënë, çfarë masash merr UMSH-ja për këtë rast?

Zv/Presidenti UMSH, Dritan Trepçe: Pra, mund të gjobitet deri në 1 milionë lekë, mund t’i tërhiqet vëmendje, dhe t’i hiqet licenca me periudha kohore: 1 mujore-2 mujore, deri në 3 vjet./tvklan

LEXO TE PLOTE

Denoncim

Fiks Fare/ Rindërtimi i shkollës, banorët denoncojnë në SPAK, Bashkinë Durrës

Publikuar

-

Nga

Shkolla 9-vjeçare “Bedie Bebeziqi”, në lagjen nr.4 në qytetin e Durrësit, u shemb më 11 maj 2020 me qëllim rindërtimin e saj pas dëmtimeve nga tërtmeti i 26 nëntorit 2019.
Shkolla ndërtohet me fondet e “Rindërtimit”, administruar si zhvllues të projektit nga Fondi Shqiptar i Zhvillimit. Por banorët e pallatit “Glemar”, i cili ndodhet ngjitur me shkollën “Bedrie Bebeziqi”, shprehen se janë të shqetësuar, sepse shkolla e re që po ndërtohet 5 kate cënon të drejtën për të patur dritë, ajër, hapësirë si edhe pamjen mëparëshme dhe sipërfaqa e shfrytësimit është dhënë me 60 % ndërkohë në kundërshtim me VKM nr. 319, e cila sqaron se koefiçenti i shfrytëzimit nuk duhet të jetë më shumë se 30 % . Kapaciteti i ri i shkollës, i cili përfshin edhe kopështin “Met Hasa”, sipas banorëve prish standardet e jetesës së banorëve përreth shkollës së re, duke krijuar një ndotje akustike. Por ajo që është më e rëndë për banorët është se shkolla nuk respekton distancën midis objekteve, distancë kjo që është vetëm 1 metër larg pallatit të tyre.

Në këto kushte banorët kanë depozituar një kallëzim penal në Prokurorinë Durrës ndaj Bashkisë Durrës nën argumentin e shpërdorimit të detyrës në dhënien e lejes së ndërtimit për shkollën 9-vjeçare “Bedie Bebeziqi”. Gjithashtu kanë depozituar një kallëzim penal në SPAK ndaj Bashkisë Durrës, FSHZH dhe firmës që po ndërton shkollën dhe një kallëzim në KLSH.

Fiksi pasi mori ankesën e banorëve bisedoi me inxhinierin mbikqyrës të punimeve në shkollën “Bedrie Bebeziqi”, i cili tha se shkolla e re po rindërtohet në të njëjtën gjurmë me shkollën e vjetër. Pretendimi rrëzohet nga FSHZH, që me një shkresë zyrtare konfirmon se gjurma e objektit të ri është më e madhe se gjurma e objektit të vjetër, duke ruajtur të gjitha kondicionet urbane. Më pas ai shton se leja është dhënë në datë 21 / 09/2020 ndërkohë që punimet për rindërtimin e shkollës kanë filluar që në muajin korrik. Pra ende pa u dhënë leja e ndërtimit firma filloi punimet vetëm duke qenë të pajisur me Leje të Posaçme Zhvillimi.

Fiksi iu drejtua edhe Bashkisë Durrës për të marrë një përgjigje dhe ata jashtë kameras pohojnë se leja e ndërtimit është dhënë konform legjislacionit në fuqi, kurse për kallzimin penal që u është bërë nga banorët nuk dëshironin ta komentonin.

LEXO EDHE:  Skandali-Prostitucioni ilegal/Seks me 50 mijë lekë në Korçë

LEXO EDHE:  Skandali/ Kompania Kurum fsheh aksidentin, minatori në gjendje të rëndë

Ndërkohë me një shkresë zyrtare Fiks fare iu drejtua edhe FSHZH ku në përgjigjen citohet se në rastin në fjalë është marrë për bazë PDyV (Plan i detyruar vendor). Ndërkohë, Bashkia Durrës shprehet se kjo leje është dhënë sipas PPV (Plan i përgjithshëm vendor) dhe të KKT. Bashkia Durrës nuk flet fare për një PDyV. Dhe këtu lind problemi pasi në lejen e ndërtimit koefiçenti për shfrytëzimin e truallit për ndërtim është dhënë në masën 60 për qind, në kundërshtim me VKM nr. 319 datë 12.04.2017, “Standaredet e ndërtimit të shkollave” e cila shprehimisht sqaron se koefiçenti i shfrytëzimit nuk duhet të jetë më shumë se 30 për qind.Në lejen e ndërtimit nr, 1000, datë 21/09/2020, shkolla “Bedrie Bebeziqi” do jetë me 5 kate duke thyer në këtë mënyrë VKM nr. 319 datë 12.04.2017, “Standaredet e ndërtimit të shkollave” e cila rekomandon se objektet shkollore nuk duhet jenë më të larta se 3 kate.

Shkolla në rindërtim, nuk respekton distancën në raport me pallatin “Glemar” në lagjen nr.4 në rruga “Egnatia”, e cila në matjet paraprake shkon në rreth 1 metër distancë duke thyer rregulloren e urbanistikës e cila rekomandon se objektet shkollore deri në 5 kate duhet të jenë në një largësi prej 10 metrash.

LEXO TE PLOTE

Denoncim

Fiks Fare/ Prokurori, 3 vjet dosjen në sirtar, kërcënon të gjymtuarin: A do ikësh, apo…

Publikuar

-

Nga

Fiks Fare/ Prokurori, 3 vjet dosjen në sirtar, kërcënon të gjymtuarin: A do ikësh, apo…

Fiks Fare denoncoi mbrëmjen e së enjtes zvarritjet e pajustifikueshme të një dosje në Fier, ku prokurori e ka mbajtur për plot 3 vjet në sirtar.

Madje, në momentin që i gjymtuari nga ngjarja interesohet pranë prokurorit, ai e kërcënon që mos të shkojë ta ndjekë. Në redaksinë e emisionit investigativ u ankua Sotir Frashëri, nga Fieri, i cili ka probleme të theksuara në të ecur. Ai është aksidentuar në nëntor të vitit 2017, dhe prej asaj dite, prokuroria nuk ka bërë asnjë veprim. I gjymtuari tregoi dinamikën e aksidentit, ku ai lëvizte me një motor dhe është goditur nga pas nga një automjet. Është bërë një akt paraprak ekspertimi, ku ka rezultuar çuditërisht se mjeti që e ka goditur nga pas motorin nuk ka shkelur rregullat e qarkullimit rrugor. Kurse motori i Sotirit ka shkelur rregullat. Por, pyetja që lind pas këtij akti; si ka mundësi që mjeti, duke ecur sipas normave të lejuara të rrugës, e goditi nga pas motorin që ecte tej shpejtësisë së lejuar?!

Denoncuesi thotë se ngjarjen ia la në dorë drejtësisë që ta hetonte, pasi pas ngjarjes ka qëndruar plot 1 muaj e gjysmë në spital. Ai ka rrezikuar të humbasë këmbën e majtë dhe, pas shumë operacionesh, ka arritur që të ecë me shumë probleme. Një vit pas aksidentit, prokuroria pushoi hetimet me argumentin se “drejtuesi i mjetit nuk ka shkelur rregullat e qarkullimit”. Por, vendimi është pushuar dhe Gjykata e Fierit ka urdhëruar prokurorinë që të rihetonte ngjarjen dhe brenda 30 ditësh ta dërgonte dosjen për hetim. Por, megjithëse kanë kaluar më shumë se 2 vite nga kjo ngjarje, prokuroria nuk ka bërë asnjë veprim hetimor, duke e lënë në sirtar.

Denoncuesi thotë se, prokurori që e ka ndjekur këtë çështje është Erind Reovica, i cili, ndryshe nga sa thotë gjykata, nuk e ka marrë ende në pyetje. “Unë kam shkuar disa herë në prokurori, po askush nuk më ka pritur” thotë ai. Pas denoncimit, i gjymtuari shkon disa herë të takojë prokurorin Erind Reovica dhe drejtuesen e Prokurorisë së Fierit. Askush nuk e takon dhe i thonë të bëjë disa kërkesa dhe do të informohej. Por, në një nga këto tentativat, qytetari e takon rastësisht prokurorin Reovica para organit të akuzës dhe e pyet se çfarë është bërë me hetimin. Prokurori i thotë se do ta informojë me shkrim qytetarin. I gjymtuari i kërkon më shumë informacion, por prokurori largohet me shpejtësi dhe i kthehet kërcënueshëm “a do ikësh, apo…”. Qytetari, duke pasur vështirësi në të ecur, nuk e arrin dot prokurorin, i cili ulet në një kafe. Ai shkon pas disa minutash te kafja, por pronari i lokalit i thotë se “më ka thënë prokurori që nuk do ta bezdisë njeri”.

Për ngjarjen është bërë një akt ekspertimi, por me shumë pikëpyetje. Eksperti i policisë, Dritan Veliu, ka shkruar se motori që ka qenë para makinës ka shkelur rregullat e qarkullimit rrugor. Pra, ka qenë me shpejtësi dhe ka bërë manovra. Eksperti shkruan se mjeti që e ka goditur motorin nuk ka shkelur rregullat e qarkullimit rrugor. Por, si e kapi me shpejtësi makina motorin? Ai shkruan se makina ka qenë me shpejtësi të lejuar, kur në atë zonë shpejtësia është 40 km/h. Ndërkohë, në deklarime, vetë drejtuesi i mjetit, thotë se ka qenë me shpejtësi 50-60 km/h. Pra, ka qenë tej normave të lejuara! Dhe, për më tepër, ka qëlluar nga pas një motor që lëvizte me shpejtësi më të lartë se makina! Autori, sipas dosjes, është kapur me një sasi alkooli në gjak, 0.36.

Për të gjitha këto pikëpyetje, gjykata ka urdhëruar prokurorinë se duhet bërë riekspertim, pasi ka shumë kontradikta. Por, deri në ditët e sotme, nuk është bërë raporti.

Për të gjitha dyshimet, qytetari takoi ekspertin Dritan Veliu, i cili aktualisht punon në Policinë e Lushnjes. Ai i kërkon se, si ka mundësi që ai është fajtori, kur mjeti nuk ishte me shpejtësi. Eksperti i thotë se kështu ia sollën të dhënat oficerët e policisë. Më pas e pyet se drejtuesi i mjetit ka thënë vetë se ka qenë me shpejtësi 60 kilometra në orë, ndërsa eksperti thotë se “është vetëm kundravajtje dhe i hiqet patenta”. Por, kjo kundravjajte nuk është shkruar në raport, duke ngritur dyshime të tjera. Në fund, eksperti i kërkon qytetarit që të kërkojë riekspertim tjetër.

***

Qytetari interesohet për çështjen në Prokurorinë e Fierit

Qytetari – Dua të takoj çik atë prokurorin, Erindin.

Sportelistja – Si e ke emrin?

Qytetari – Sotir Frashëri.

Sportelistja – … bëj një kërkesë me shkrim.

Qytetari – Unë kërkesë kam bërë, po dua ta takoj personalisht, të pyes qysh tek.

Sportelistja – Nuk jam në zyrë thotë!

Qytetari – Mund të shkoj të takoj çik drejtuesen?

Sportelistja – Sa të marr përgjigje.

Qytetari – Ok.

Pas disa minutash

Qytetari – Zoti prokuror!

Prokurori Erind Reovica – Mbaj distancë.

Qytetari – Unë jam Sotiri.

Prokurori Erind Reovica – Ëhë, nëm të shikoj letrat.

Qytetari – Tashti ke një vendim të gjykatës për çështjen. Ka 2 vjet dhe erdha të interesohem. Është kjo, masa e arrestit. Kjo është e datës 8 tetor.

Prokurori Erind Reovica – Mirë, do ti shikoj unë dhe do të them.

Qytetari – Dua të di ça…

Prokurori Erind Reovica – Do të bëj përgjigje me shkrim.

Qytetari – Po kur se kam 2 vjet unë Zoti prokuror.

Prokurori Erind Reovica – Do të bëj përgjigje me shkrim.

Qytetari – Të pres?!

Prokurori Erind Reovica – Do vije te adresa…

LEXO EDHE:  Fiks Fare publikon skandalin/ Administratori gabon me pensionin e invaliditetit të dy vëllezërve tetraplegjikë

LEXO EDHE:  Ministrja e Ramës përfshihet sërish në skandal/ Si dështoi Matura Shtetërore

Qytetari – Do vijë te adresa ime?! Po ka 2 vjet z.prokuror. Të lutem.

Prokurori Erind Reovica – Do ikësh apo…

Qytetari – Ore unë do iki, po të lutem më jep një… Të kam bërë letra me shkrim.

Prokurori Erind Reovica tenton të largohet

Qytetari – Një sekondë z.prokuror. Zoti prokuror, të lutem një sekondë!

Prokurori largohet me hap të shpejtë, qytetari nuk e arrin dot pasi ka probleme me ecjen nga aksidenti

Shkon sërish të takojë drejtuesen e prokurorisë

Qytetari – Dua ta takoj.

Sportelistja – Mua drejtuesja më ktheu këtë përgjigje.

Qytetari – E kam për procedurë.

Sportelistja – Nuk e marr më zotëri, nuk mundem. Të lutem nuk e marr më, se do të thotë mos më merr 100 herë për të njëjtën çështje. Ta bëj dhe njëherë me shkrim më tha.

Qytetari tenton të takojë sërish prokurorin, i cili po pushon në një lokal

Qytetari – Hajde, hajde.

Pronari i lokalit – Ça kishe?

Qytetari – Prokurorin.

Pronari i lokalit – Të lutem se prokurori po pi kafe, kur të mbarojë takoje jashtë.

Qytetari – Një sekondë e të them.

Pronari i lokalit – Dëgjon ça po të them unë tani. Unë jam në lokal, kam njerëz në lokal. Ti nuk e bezdis dot në lokal, kur të mbarojë…

Qytetari – Këtë përgjigje të më thojë vetë ai.

Pronari i lokalit – O zotëri po të them mua më tha mos më lër njeri të më vijë në tavolinë.

Ditën tjetër…

Qytetari – Unë erdha edhe para 3 ditësh, prokurori më tha se do të njoftoj. Dua ta takoj çik.

Sportelistja – Po s’është lart.

Qytetari – Ku është?

Sportelistja – Po s’është!

Qytetari – Mund ta njoftosh, ka ardhur një person…

Sportelistja – Nuk ka ardhur, nuk vjen.

Qytetari – Të vij më vonë?

Sportelistja – Hajde pak më vonë siç të thashë.

Qytetari – Po zonja (drejtuesja) është lartë?

Sportelistja – Është lartë.

Qytetari – Po mirë po pres, se më tha atë ditë se do të njoftoj, ee prandaj thashë edhe unë!

Qytetari pyet ekspertin e policisë Dritan Veliu

Qytetari – Përshëndetje!

Eksperti Dritan Veliu – Hë ça kishe?

Qytetari – Tani, unë quhem Sotir Frashëri. Unë kam bërë një aksident.

Eksperti Dritan Veliu – Po.

Qytetari – Ekspert keni qenë ju. Si ka mundësi që sipas kësaj, këtu dalkam që qenkam unë fajtor, kur vetë ai personi ka thënë.

Eksperti Dritan Veliu – Nuk e di çka thënë personi.

Qytetari – Një sekondë të lutem.

Eksperti Dritan Veliu – Hajde të sqaroj në zyrë.

Qytetari – Po.

Qytetari – Unë jam në një motor, që nuk nxjerr më shumë se 50 km/h dhe personi ka deklaruar që unë kam qenë me 50-60 km/h. Si ka mundësi unë me 40 në orë tani, dalkam unë fajtor?! Unë kam qenë para, më ka goditur nga mbrapa.

Eksperti Dritan Veliu – Të ka goditur ty nga mbrapa?

Qytetari – Po.

Eksperti Dritan Veliu – Këtë akt ekspertimi e ke parë ndonjëherë ti?

Qytetari – Si?

Eksperti Dritan Veliu – Ky akt ekspertimi është dorëzuar në 2017-ën, ti e ke parë ndonjëherë, para kësaj date? Ky muhabet ka 3 vjet, ti e ke parë sot.

Qytetari – Po sot se vete në prokurori, nuk ashtu…

Eksperti Dritan Veliu – Ku ke shkuar me këtë, ku e ke lënë ngjarjen që s’e ke ndjek.

Qytetari – Po fizikisht s’kam qenë mirë.

Eksperti Dritan Veliu – Zotëri, ankesat tuaja për këto akte ekspertimi mund ti paraqesësh në prokurori. Unë çfarë kisha për të shkruar, i kam shkruar e zeza mbi të bardhë, e ke në prokurori.

Qytetari – Si dalkam unë fajtor kur më kanë goditur nga mbrapa?!

Eksperti Dritan Veliu – Zotëri, ky ekspertim ka 3 vjet që është dorëzuar, mund të kërkosh te prokurori i çështjes, mund të kërkosh riekspertim. Aty kam qenë në cilësinë e ekspertit autoteknik. Në bazë të materialeve që më kanë ardhur, kam deklaruar, kam shkruar ça kam pasur të pasqyruar në materiale. Ankohuni te prokurori që ka çështjen

Qytetari – Ai e pranon edhe vetë.

Eksperti Dritan Veliu – Unë nuk e di çfarë ka pranuar.

Qytetari – E thotë këtu.

Eksperti Dritan Veliu – Dakort, ok.

Qytetari – 50-60 në orë thotë, tabela është 40 atje.

Eksperti Dritan Veliu – Po shumë mirë, 50-60 në orë është kundravajtje administrative. Patenta mund ti hiqet.

Qytetari – Do të thotë që unë që kam qenë me 40 në orë, kam bërë unë shkelje.

Eksperti Dritan Veliu – Kush ta mati ty shpejtësinë që ke qenë me 40?

Qytetari – Konkluzioni këtu (raporti) e nxjerr.

Eksperti Dritan Veliu – Zotëri, është e drejta

Qytetari – Motori nuk ecën më shumë se 40 (sipas raportit).

Eksperti Dritan Veliu – Është e drejta jote të ankohesh.

Qytetari – Se motori ka qenë, është motor i vjetër.

Eksperti Dritan Veliu – Të lutem, është e drejta jote të ankohesh. Nuk të pëlqen ky akt ekspertimi, kërko akt tjetër riekspertimi. Unë jam personi i parë, ça kam pasur për të shkruar, me të gjitha ato letra që kam pasur, e kam pasqyruar këtu.

Qytetari – Si ka mundësi që dalkam unë fajtor?!

Eksperti Dritan Veliu – Të lutem, në bazë të letrave unë kam nxjerr këtë konkluzion, nuk të pëlqen ky, kërko akt tjetër riekspertimi.

LEXO TE PLOTE