Connect with Us

Një notë për profesorin/ Gevio Tabaku sjell platformën e parë shqiptare për vlerësimin e pedagogëve

Sociale

Një notë për profesorin/ Gevio Tabaku sjell platformën e parë shqiptare për vlerësimin e pedagogëve

Publikuar

-

Platforma VleresoPedagogun.al është platforma e parë Shqiptare për vlerësimin e pedagogëve të universiteteve publike dhe private të vendit tonë.

Platforma e sapo prezantuar, i mundëson studentëve dhe ish studentëve të shtojnë pedagogët e tyre dhe më pas t’I vlerësojnë ata me nota nga 1 (shumë keq) deri te 5 (shkëlqyeshëm). Te gjitha vlerësimet më pas mblidhen në një mesatare përfundimtare dhe kjo mesatare I caktohet pedagogut në fjalë.

Krahas notës që secili pedagog ka, afishohet edhe niveli i vështirësisë së atij pedagogu. Kjo do shërbejë që studentët e rinjë të mund të krijojnë një ide për pedagogët që do të kenë në universitet, si edhe për vështirësinë e lëndëve që këta të fundit japin.

Një komponent tjetër mjaft i rëndësishëm është edhe përshkrimi që secili student i bën pedagogut që vlerëson duke bërë të mundur që të krijohet një rrjet i madh transparence edhe në aspektin akademik në vendin tonë.

Themeluesi i platformës, Gevio Tabaku, shprehet se platforma është frymëzuar nga platforma gjigande amerikane, RateMyProfessors, e cila numëron mbi 1.9 milionë pedagogë në sistem si edhe mbi 19 milionë vlerësime që studentët kanë bërë për këta të fundit.

LEXO EDHE:  "Fiks Fare"/ Gabimet në vlerësimin e dëmeve të tërmetit lënë në qiell të hapur 73-vjeçaren

“Mendova se vendit tonë i mungonte një platformë e tillë dhe se do ishte ide shumë e mirë që të gjithë maturantët të kishin një ide për universitetin ku do të nisnin shkollën si edhe për pedagogët që do u jepnin mësim. Së shpejti do të shtojmë në platformë edhe çdo universitet publik dhe privat, në mënyrë të tillë që të gjithë studentët të mund të japin një vlerësim real për universitetin ku bëjnë pjesë, si edhe maturantët të kenë mundësi të shohin se çfarë vlerësimi ka universiteti që dëshirojnë të ndjekin.” – është shprehur Gevio Tabaku.

Nëse jeni student, ju ftojmë të hyni në platformën VleresoPedagogun, duke shtypur sipër këtij linku https://vleresopedagogun.al/ dhe më pas të shtoni pedagogun tuaj ose të vlerësoni pedagogët që gjenden në platformë.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Rama nxjerr hartën e devijimit të trafikut nga Dogana/ E bllokuan ata që lanë rrugët rrugëve

Publikuar

-

Nga

“Gratë nuk lihen pa bukën e fëmijëve”/ Ish-deputetja thirrje Ramës: Paguaji, pastaj ik

Kryeministri Edi Rama ka publikuar hartën informuese për devijimin e trafikut për shkak të punimeve që po kryhen në Unazën e Madhe.

Ai thumbon opozitën e cila për tre vite mbështeti protestën e banorëve të Unazës. Rama thotë se ky investim u pengua nga ata që i lanë rrugët rrugëve.

“Mirëmëngjes dhe me këtë video informuese mbi planin menaxhimit të trafikut që nis sot në nyjen e SHESHIT SHQIPONJA, për shkak të punimeve që po kryhen në UNAZËN E MADHE të Tiranës të cilën për 3 vite e bllokuan ata që i lanë rrugët rrugëve, ju uroj një javë të mbarë”, shkruan Rama./CNA.al

LEXO TE PLOTE

Sociale

Sot kufizohet hyrja në Tiranë përmes Doganës/ Si do të devijohet trafiku, rrugët alternative

Publikuar

-

Nga

Sot kufizohet hyrja në Tiranë përmes Doganës/ Si do të devijohet trafiku, rrugët alternative

Duke filluar nga dita e sotme, si pasojë e punimeve tek ish-Shqiponja, do të devijohet trafiku, për të hyrë në Tiranë, por edhe për ata që dalin nga kryeqyteti.

Një ditë më parë, drejtori i planifikimit strategjik në ARRSH,  Erald Elezi, ka treguar edhe skemën e devijimit të trafikut me dy drejtime.

Ky plan menaxhimi do të zgjasë nga tre deri në katër muaj që është edhe koha e parashikuar për përfundimin e punimeve.

Elezi tha se do të vihet në përdorim për ata që vijnë nga Durrësi në kryeqytet rruga “Abedin  Rexha” që njihet ndryshe edhe si ish-Fusha e Aviacionit e cila do të shndërrohet me një sens kalimi për të përballuar fluksin e lartë të automjeteve që vijnë nga qyteti bregdetar. Më pas kalimi do të bëhet përmes rrugës “Dritan Hoxha”.

Për qytetarët që vijnë nga Jugu rekomandohet përdorimi i rrugës nga Rrogozhina drejt Peqinit për t’u futur më pas në Tiranë përmes rrugës së Elbasanit. Ndërkohë që për ata që vijnë nga veriu kalimi do të bëhet nga Instituti drejt Paskuqanit ose zonës së njohur si Shinat e Trenit duke kaluar më pas drejt rrugës “Don Bosko”.

“Për tre deri në katër muajt në vazhdim do zbatohet një plan tjetër për menaxhimin e trafikut. Ky plan do të devijojë të dyja drejtimet, si drejtimin që futet nga Tirana dhe atë që del nga Tirana. Përdoruesit e mjeteve që do të vijnë nga Durrësit do detyrohen që të kthehen djathtas drejt rrugës Teodor Keko. Për të aksesuar Tiranën, mundësia e parë për t’u futur në qytet do të jetë rruga Abedin Rexho që ne e njohim si Fusha e Aviacionit. Nëpërmjet një semafori do të rregullohet kalimi dhe rruga Abedin Rexho do të shndërrohet në rrugë me një sens kalimi për të përballuar një fluks mjetesh më të lartë. Pastaj nëpërmjet rrugëve sekondare të qytetit do të shkojmë drejt rrugës Dritan Hoxha për të shkuar drejt Tiranës.

Për drejtimin Tiranë-Durrës, devijimi i trafikut për përdoruesit e mjeteve që vijnë nga rruga “Dritan Hoxha” do të fillojë me një ngushtim korsish, më pas drejt devijimit të një rruge të zënë me parkime dhe Bashkia e Tiranës po merr masa që të zhbllokohet dhe të bëhet e kalueshme. Më pas duke përshkruar një gjysmë rreth gati i njëjtë siç ishte me ish-sheshin Shqiponja, do shkohet drejt Durrësit. Sikurse bashkë me këtë linjë trafiku do të bashkohet edhe linja e trafikut që na vjen nga Astiri. Për ata që na vijnë nga Jugu i vendit rekomandohet përdorimi i rrugës nga Rrogozhina, në Peqin, Papës, Bradashesh dhe të aksesojnë qytetin e Tiranës nëpërmjet rrugës së Elbasanit.  Për qytetarët që vijnë nga veriu i vendit rekomandoj përdorimin e rrugës nga Instituti drejt Paskuqanit për t’u futur në Tiranë ose për ata që do të zgjedhin të afrohen më shumë të shkojnë drejt rrugës së Shinave të Trenit për të arritur në rrugën “Vangjel Noti” dhe më pas në rrugën “Gjergj Legisi e cila do të shndërrohet me një sens kalimi për të përballuar sa më shumë mjete që do shkojnë drejt Don Boskos për t’u futur në Tiranë”, tha Elezi.

LEXO EDHE:  Platforma e bashkëqeverisjes me qytetarin / Këshilltari i Bashës: Strehë për trushkulurit që adhurojnë liderin e tyre

LEXO EDHE:  Video ekskluzive nga Vlora/ Pedagogu kryqëzon ministren e Arsimit dhe drejtuesit e universitetit

Kujtojmë këtu se disa ditë më parë, drejtori i Policisë së Tiranës Rebani Jaupaj dha edhe një rrugë alternative për ata që vijnë nga Durrësi drejt Tiranës, që të zgjedhin kalimin përmes rrugës së vjetër të Ndroqit për të dalë në Kombinat dhe më pas tek Pallati me Shigjeta. Jaupaj u shpreh se do të lihet një korsi emergjence duke qenë se për shkak të situatës së Covid-19, urgjencat mjekësore do të jenë më të shpeshta.

LEXO TE PLOTE

Sociale

Të gjithë rrinë në kafe/ Por cilat grupmosha shpenzojmë më shumë për bare e restorante

Publikuar

-

Nga

Teksa Shqipëria është ndër vendet me numrin më të lartë të bar restoranteve në botë, në raport me popullsinë, a e dini se cilat janë grupmoshat që shpenzojnë më shumë para dhe kohë për bare dhe restorante.

Grup moshat e reja nga deri në 34 vjeç shpenzojnë më shumë në hotele dhe në restorante në raport me grup moshat e tjera të popullatës që jetojnë në Shqipëri.  Pas të rinjve shpenzimet më të larta për argëtim i ka grup mosha 55-64 vjeç.

Të dhënat zyrtare të INSTAT nga anketa e nivelit të jetesës, tregojnë se gjatë vitit 2019 të rinjtë deri në moshën 24 vjeç kishin shpenzimet më të larta për argëtim, me rreth 11 për qind të shpenzimeve të tyre mujore. Këto shpenzime erdhën në  rritje në raport me një vit më parë, kur ishin 9.5 për qind.

Grupi i tjetër i popullatës në moshë të re, 25-34 vjeç kishte shpenzimet më të larta për argëtim me rreth 6.4 % të shpenzimeve të tyre mujore.

Sipas shpjegimeve të INSTAT shpenzimet e larta të të rinjve për bare e restorante në raport me totalin lidhen me faktin se ato kanë një buxhet të ulët në dispozicion për të shpenzuar, që e shpenzojnë kryesisht për bare e restorante, teksa një pjesë tjetër e nevojave të grupmoshave të reja të tilla si, të tilla si banesa, ushqimet etj. përballohen nga prindërit.

Grupmoshat e tjera nga 34-55 vjeç kanë shpenzime me të moderuara për argëtim duke i dedikuar më pak se 5 për qind te shpenzimeve mujore. Kjo lidhet edhe me faktin se, këto grupmosha janë të angazhuar më shumë me  detyrime familjare dhe rritjen e fëmijëve.

Kur familjet çlirohen nga detyrimet “financiare” prindërore mbi moshën 55 vjeç nisin të shpenzojnë më shumë për argëtim. Sipas INSTAT grupmosha 55-64 vjeç shpenzoi në restorante dhe hotele 6% të buxhetit mujor më 2019 me një rritje 1 pikë përqindje në raport me vitin 2018.

Por të rinjtë nuk shpenzojnë vetëm të ardhurat e tyre në kafe, por edhe kohën. Një studim i kryer nga fondacioni “Friedrich Ebert” në Tiranë, rezultoi se të rinjtë shqiptarë harxhojnë çdo ditë mesatarisht, 2.3 orë duke parë televizor, si dhe 3.9 orë online.  Kafenetë zënë një pjesë të konsiderueshme të jetës së të rinjve shqiptarë. Sipas studimit në fjalë, të publikuar së fundmi, gjysma e të rinjve të pyetur e kalojnë shpesh kohën e lirë duke frekuentuar kafene dhe lokale, ndërkohë që 21% e bëjnë këtë me raste.

LEXO EDHE:  “Nuk e kuptoj pse vijmë vërdallë”/ Artan Fuga gjen zgjidhjen

LEXO EDHE:  Qytetarët nxjerrin “zbuluar” Ramën/ Zbulohet fasada e platformës për bashkëqeverisjen

Shpenzimi i kohës së lirë nga të rinjtë është i rëndësishëm, sepse tregon elemente të tjera të jetës së tyre, si dhe të planeve për të ardhmen.

Sipas INSTAT, i cili publikon konsumin final -të familjeve sipas grupeve kryesore, në 2018-n, viti i fundit kur janë në dispozicion të dhënat, shpenzimet totale për grupin e bare restorante e hotele ishin 47.8 miliardë lekë, ose rreth 385 milionë euro, duke shënuar një nivel rekord dhe duke u rritur me 11% në raport me vitin e mëparshëm.

Sipas të dhënave të tjera të INSTAT numri i aktiviteteve që ofronin shërbim të pijeve arriti në 14,776 gjatë vitit 2018, duke u rritur me 4% në raport me një vit më parë, pas një rënieje në vitin e mëparshëm.

Në raport me popullsinë, Shqipëria numëron 518 bare për çdo 100 mijë banorë, duke kapur rekord jo vetëm në Europë, por edhe në botë. Ndërsa lë shumë pas vendet e Ballkanit Perëndimor./B.Hoxha-Monitor

LEXO TE PLOTE