Connect with Us

Gjermani/ Gjendet një bombë nga Lufta e Dytë Botërore, evakuohen mijëra persona në Këln

Bota

Gjermani/ Gjendet një bombë nga Lufta e Dytë Botërore, evakuohen mijëra persona në Këln

Publikuar

-

Gjermani/ Gjendet një bombë nga Lufta e Dytë Botërore, evakuohen mijëra persona në Këln

Në Këln të Gjermanisë është gjetur një bombë e pashpërthyer që daton nga Lufta e Dytë Botërore

Një bombë e Luftës së Dytë Botërore është gjetur këtë të hënën gjatë punës eksploruese në zonën e Ehrenfeld në Keln të Gjermanisë.

Bëhet fjalë për një bombë angleze rreth 500 kg e paplasur e cila duhet të neutralizohet sot deri në mesnatë.

Të gjithë banorët e zonës (13,000 njerëz) janë të detyruar të avakuohen, mes të cilëve edhe pacientët e klinikave shëndetësore, ku deri më tani janë kryer 110 transporte të pacientëve.

Gjatë evakuimit autoritete  duhet tu përmbahen edhe masave të vendosura për shkak të koronavirusit të ri (COVID-19).

Në Gjermani ka shumë bomba të pashpërthyera nga Lufta e Dytë Botërore, disa prej tyre edhe në vendbanime./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Shtëpia e Bardhë: Nuk do ta kontrollojmë koronavirusin

Publikuar

-

Nga

Shtëpia e Bardhë: Nuk do ta kontrollojmë koronavirusin

Me rritjen sërish të rasteve me koronavirus në Shtetet e Bashkuara, shefi i kabinetit i Shtëpisë së Bardhë Mark Meadows deklaroi të dielën se vendi “nuk do ta kontrollojë pandeminë”.

Zoti Meadows i tha gjithashtu televizionit CNN, “Ne do të kontrollojmë faktin që do të marrim vaksina, terapi dhe masa lehtësuese në aspekte të tjera”.

Në një intervistë me gazetarin Jake Tapper, zoti Meadows mbrojti politikën për pandeminë të Presidentit Donald Trump. Komentet vijnë vetëm nëntë ditë përpara zgjedhjeve të 3 nëntorit mes kandidatëve Donald Trump dhe Joe Biden.

“Jemi shumë më mirë se sa do të kishim qenë. Presidenti i ka bërë të gjitha,” tha zyrtari, i cili shtoi se kandidati Biden “do t’i fuste të gjithë në izolim”.

Zoti Biden, i cili është më përpara se Presidenti Trump në shumicën e sondazheve në shkallë vendi si dhe në shtetet fushë-betejë, u kundërpërgjigj menjëherë, duke thënë se Presidenti Trump ka provuar që është i paaftë për të kontrolluar shpërthimin e virusit.

“Nuk ishte një lajthitje nga zoti Meadows,” tha kandidati Biden në një deklaratë. “Ishte një pranim i sinqertë i asaj që strategjia e Presidentit Trump ka qenë e qartë që nga fillimi i kësaj krize: të valëvitësh flamurin e bardhë të humbjes dhe të shpresosh që duke e injoruar atë, virusi thjesht do të zhduket. Kjo nuk ndodhi dhe nuk do të ndodhë.”

Zoti Biden shtoi, “Presidenti Trump dhe administrata e tij duhet t’i kishin dëgjuar me kohë shkencëtarët, të kishin marrë masa dhe ta kishin marrë seriozisht kërcënimin e një virusi që kushton mijëra jetë çdo javë, duke mbyllur shkollat ​ dhe duke detyruar miliona amerikanë të mbeten pa punë.”

LEXO EDHE:  Angela Merkel viziton për herë të parë “Aushvic”/ Ndjej turp të thellë përballë krimeve që u kryen këtu

LEXO EDHE:  Basha deklaratë nga Berlini: Mbështesim hapjen e negociatave, do të jetë...

SHBA kanë regjistruar deri tani një rekord botëror prej 225,000 vdekjesh dhe 8.6 milion infektimesh, sipas Universitetit Johns Hopkins. Më shqetësuese është rritja e shpejtë e numrit të rasteve të reja, me 32% duke arritur në më shumë se 68,000 në ditë javën e fundit dhe në 84,000 të shtunën e kaluar.

Zyrtarë të shumtë të administratës Trump nuk i kanë ndjekur me rreptësi këshillat e ekspertëve qeveritarë të shëndetit për të mbajtur maska dhe për distancim fizik nga njerëzit e tjerë. Të shtunën vonë, zyrtarët njoftuan se Marc Short, shefi i kabinetit të Zëvendës Presidentit Mike Pence, dhe disa ndihmës të tjerë të zoti Pence janë infektuar me koronavirus.

Presidenti Trump mban tubime të përditshme fushate, ku pak nga mbështetësit e tij mbajnë maska, shpesh vetëm ata që ulen në radhët prapa tij dhe që kapen nga kamerat televizive, por jo ata të cilët qëndrojnë grumbull përpara presidentit.

Zoti Meadows tha se fushata e zotit Trump shpërndan maska nëpër tubime por nuk i detyron njerëzit t’i mbajnë ato.

“Është një shoqëri e lirë,” tha zoti Meadows, duke e lënë në dorë të secilit përdorimin e maskës. Presidenti Trump rrallë shihet në publik me maskë, ndërkohë që rivali i tij demokrat e përdor vazhdimisht atë kur bën fushatë para grupeve të vogla të mbështetësve ose virtualisht./ VOA

LEXO TE PLOTE

Kosova & Rajoni

205 raste të reja me Covid në 24 orë/ Rritet numri i viktimave në Kosovë

Publikuar

-

Nga

205 raste të reja me Covid në 24 orë/ Rritet numri i viktimave në Kosovë

Instituti Kombëtar i Shëndetësisë Publike ka njoftuar se këtë të hwnw janë shënuar tre viktima dhe 205 raste të reja me koronavirus në Kosovë.

Rastet pozitive janë nga komuna Prishtinë 111 raste, komuna Gjilan 18 raste, komuna Gjakovë 13 raste, komuna Ferizaj 10 raste, komuna Pejë 10 raste, komuna Fushë Kosovë 6 raste, komuna e Lipjan 6 raste, komuna Obiliq 6 raste, komuna Kllokot 4 raste, komuna Prizren 4 raste, komuna Viti 3 raste, komuna Deçan 2 raste, komuna Drenas 2 raste, komuna Malishevë 2 raste, komuna Podujevë 2 raste, komuna Shtime 2 raste dhe me nga një rast komunat Graçanicë, Kamenicë, Rahovec dhe Skenderaj.

Kujtojmë që deri më tani 666 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 18.148./CNA.al

 

LEXO TE PLOTE

Bota

Lindja e Mesme ua bojkoton produktet/ Franca kërkon të ndalen veprimet e tyre

Publikuar

-

Nga

Lindja e Mesme ua bojkoton produktet/ Franca kërkon të ndalen veprimet e tyre

Franca u ka kërkuar vendeve të Lindjes së Mesme t’i japin fund thirrjeve për bojkot të mallrave të saj. Produktet franceze janë hequr nga disa dyqane në Kuvajt, Jordani dhe Katar, si protestë ndaj qëndrimeve të presidentit francez, Emmanuel Macron, i cili ka mbrojtur të drejtën për të publikuar karikaturat e Profetit Muhamed.

Ministria e Jashtme franceze tha se thirrjet “e pabazuara” për bojkotin e mallrave po “shtyheshin nga një pakicë radikale”.

Ndërkohë, protesta janë zhvilluar në Libi, Siri dhe Rripin e Gazës, transmeton BBC.

Protestat u nxitën nga komentet e presidentit Macron, pas vrasjes së tmerrshme të një mësuesi në Francë, i cili tregoi karikaturat e Profetit Muhamed gjatë një ore mësimi.

Presidenti Macron tha që mësuesi, Samuel Paty, “u vra sepse islamistët duan të ardhmen tonë”, por Franca “nuk do të heqë dorë nga karikaturat”.

Publikimi i imazheve të Profetit Muhamed mund të shkaktojë ofendime serioze për myslimanët, sepse tradita islamike ndalon qartë imazhet e Muhamedit.

Por, sekularizmi është thelbësor për identitetin kombëtar të Francës.

Frenimi i lirisë së shprehjes për të mbrojtur ndjenjat e një komuniteti të veçantë, sipas shtetit francez, minon unitetin.

Të dielën, Macron fuqizoi qëndrimin e tij në mbrojtje të vlerave franceze, përmes një postimi në rrjetin social Facebook, duke shkruar: “Ne nuk do të dorëzohemi kurrë”.

Udhëheqësit politikë në Turqi dhe Pakistan kanë sulmuar presidentin Macron, duke e akuzuar atë se nuk po respekton “lirinë e besimit” duke margjinalizuar miliona myslimanë në Francë.

Të dielën, presidenti turk, Reccep Tayyip Erdogan tha se Macron duhet të kërkojë “kontroll të mendjes” për pikëpamjet e tij mbi Islamin.

Komentet e Erdoganit, e shtynë Francën të tërheqë ambasadorin e saj në Turqi për konsultime.

Të hënën presidenti turk u bëri thirrje qytetarëve që të bojkotojnë produktet franceze.

Sa i përhapur është bojkoti ndaj produkteve franceze?

Disa rafte të supermarketeve ishin zbrazur nga produktet franceze në Jordani, Katar dhe Kuvajt.

Në Kuvajt, një union i madh i bizneseve me pakicë ka urdhëruar një bojkot të mallrave franceze.

Unioni tha se kishte lëshuar direktivën në përgjigje të “fyerjeve të përsëritura” kundër Profetit Muhamed.

Në një deklaratë, Ministria e Jashtme e Francës tha se “këto thirrje për bojkot janë të pabazuara dhe duhet të ndalen menjëherë, si dhe të gjitha sulmet kundër vendit tonë, të cilat po shtyhen nga një pakicë radikale.”

Edhe në vende tjera, si përshembull, Arabia Saudite kanë qarkulluar thirrje në internet për të bojkotuar produktet franceze.

Një etiketim në internet që bën thirrje për bojkot të zinxhirit të supermarketeve franceze – Carrefour – ishte etiketimi i dytë më i popullarizuar në Arabinë Saudite, ekonomia më e madhe e botës arabe.

LEXO EDHE:  Kërcënojnë banorët e Astirit/ “Do ta tërheqim zvarrë Ramën”

LEXO EDHE:  Ministria e Energjitikës reagon për banorët e Zharrëzës/Qeveria do u zgjidh hallet

Ndërkohë, protesta të vogla anti-franceze u mbajtën në Libi, Gazë dhe Sirinë veriore, ku milicitë e mbështetura nga Turqia ushtrojnë kontroll.

Si erdhi deri te kjo situatë?

Mbrojtja e fuqishme që Macron po bën ndaj sekularizmit francez dhe kritikat ndaj islamizmit radikal pas vrasjes së mësuesit Paty kanë zemëruar disa në botën myslimane.

Presidenti i Turqisë, Recep Tayyp Erdogan pyeti në një fjalim: “Cili është problemi i individit të quajtur Macron me Islamin dhe me myslimanët?”

Ndërkohë lideri pakistanez, Imran Khan, akuzoi udhëheqësin francez për “sulm ndaj Islamit “.

“Presidenti Macron ka sulmuar dhe lënduar ndjenjat e miliona myslimanëve në Evropë dhe në të gjithë botën”, shkroi ai në Twitter.

Myslimanët francezë kanë frikë se shteti synon të kontrollojë besimin e tyre.

Në fillim të këtij muaji, para vrasjes së mësuesit, Macron kishte njoftuar tashmë plane për ligje më të ashpra për të trajtuar atë që ai e quajti “separatizëm islamik” në Francë.

Ai ka thënë se një pakicë e gjashtë milionë myslimanëve të Francës ishin në rrezik të formonin një “kundër-shoqëri”, duke e përshkruar Islamin si një fe “në krizë”.

Macron ka thënë se qeveria e tij është duke punuar me përfaqësuesit kryesorë të myslimanëve në vend, për të ndërtuar një “Islam të iluminizmit”, që mund të jetë “në paqe me Republikën”.

Karikaturat e profetit të myslimanëve kanë një trashëgimi të errët dhe tepër politike në Francë.

Më 2015, 12 persona u vranë në një sulm ndaj zyrave të revistës satirike franceze Charlie Hebdo, e cila kishte botuar karikaturat.

Disa në komunitetin më të madh mysliman të Evropës Perëndimore e kanë akuzuar Macronin për përpjekjen për të shtypur fenë e tyre dhe thonë se fushata e tij rrezikon të legjitimojë islamofobinë.

Në mesin e muajit tetor, një islamist i dyshuar i ka prerë kokën një mësuesi të historisë, i cili, në një orë mësimi, ka treguar karikaturat e Profetit Muhamed.

Presidenti i Francës, Emmanuel Macron e ka quajtur “sulm terrorist islamik” vrasjen e mësuesit.

“Ata nuk do të fitojnë… Ne do të veprojmë”, ka thënë Macron kur vizitoi vendin ku ndodhi vrasja.

Sulmuesi, çeçen i lindur në Rusi, ka jetuar në qytetin Evrë, në veriperëndim të Parisit.

Ai nuk ka qenë i njohur më herët për shërbimet e inteligjencës./rel

LEXO TE PLOTE