Sport
Kukësi nuk ia diti vlerën, ja dy ekipet e Serisë A që duan Mirlind Dakun
Mirlind Daku po shkëlqen më shumë se ç’priste edhe vetë në këtë sezon të ri të Superligës së Kosovës. I riu, që mbush 23 vjeç më 1 janar është padyshim sulmuesi më efikas i dekadës së fundit në Kosovë. Superliga ka zhvilluar 7 javët e para dhe Daku kryeson bindshëm garën për “Këpucën e Artë” me plot 14 gola (dy dopieta, tre trigolësha).
Medie të ndryshme europiane shkruajnë për nivelin e lartë të sulmuesit të të rinive të Kosovës, por jo vetëm mediet kanë parë nivelin e treguar prej tij. “Zëri.info” raporton se Lacio dhe Torino, dy klube shumë prestigjoze në Serie A kanë shfaqur interes për Dakun dhe po e ndjekin nga afër ecurinë e tij.
Nëse sulmuesi vazhdon në nivele të larta deri në fund të sezonit dhe vërteton se kjo formë e treguar nuk është momentale, padyshim ai do të bashkohej me një klub akoma më të madh. Bëhet me dije se Lacio e Torino kanë në plan ta blejnë sulmuesin e më pas ta huazojnë në një kampionat më modest se Serie A, për të parë nivelin e tij dhe për tu bindur plotësisht nëse sulmuesi ka cilësitë e duhura për të luajtur në një kampionat si ai italian.
Duhet të themi se Daku është i huazuar deri në fund të sezonit te Ballkani nga skuadra e Osijek. Te kroatët sulmuesi nuk arriti të ambientohet dhe ata e huazuan fillimisht te Kukësi, ku nuk pati hapësira e tashmë te Ballkani, ku Ismet Munishi ka arritur të gjejë versionin më të mirë të Dakut. Në fillimet e tij Daku ka luajtur me Hajvalinë dhe Llapin.
Sport
Gati katër sfidat e javës të 15-të, të gjitha ekipet publikojnë formacionet zyrtare
Java e 15-të e Kategorisë Superiore do të ngrejë sot siparin me 4 sfidat interesante që janë planifikuar të zhvillohen në orën 13:45.
Transfertë delikate për kryesuesit e Vllaznisë, që do të jenë mysafirë në Ballsh, përballë Bylisit të trajnerit Dovedan. Përballje tepër interesante pritet të jetë dhe ajo që do të zhvillohet në Krujë mes Teutës dhe Kastriotit.
Ndërkohë në 2 sfidat e tjera, Kukësi dhe Laçi vijnë si favoritë në letër, teksa do të kërkojnë të rikthehen te rezultatet pozitive, respektivisht përballë Apolonisë dhe Skënderbeut.
FORMACIONET ZYRTARE:
APOLONIA-KUKËSI
Apolonia: Harizaj, Sota, Agiare, Repaj, Omeri, Smaçi, Jeboah, Haxhiu, Zaimaj, Levendi, Gjata. Trajner: Fabrizio Kamarata
Kukësi: Xhika, Kotobelli, Bytyçi, Lulaj, Demiri, Taipi, Limaj, Ibraimi, Peposhi, Gavazaj, Mateus Leiria. Trajner: Rraman Hallaçi
LAÇI-SKËNDERBEU
Laçi: Sherri, Selmani, Ignjatovic, Obanor, Marku, Lukas Ramos, Lushkja, Mazrekaj, Musta, Xhixha, Harmon. Trajner: Shpëtim Duro.
Skënderbeu: Dajsinani, Meksi, Bajrami, Sadriu, Zguro, Taipi, Douna, Dumfour, Mara, Pusi, Mensah. Trajner: Gentian Liço
KASTRIOTI-TEUTA
Kastrioti: Hidi, Neziri, Bojom, Çela, Rami, Nuriu, Deliaj, Mehmeti, Moraesh, Rezi, Devid Da Silva. Trajner: Ramazan Ndreu
Teuta: Frashëri, Todorovski, Hoxha, Arapi, Kuros, Aleksi, Avdyli, E. Vila, L. Vila, Bregu, Krasniqi. Trajner: Edi Martini
BYLISI-VLLAZNIA
Bylis: Qirko, Ymeralilaj, Stojanoviç, Hadroj, Janku, Ujka, Garsia, Ndreca, Lorran, Mehmetllari, Beji. Trajner: Vlejko Dovedan.
Vllaznia: Zogoviç, Gurishta, Adili, Imami, Isaevski, Krymi, Jonuzi, Marku, Imeri, Dilaver, Ardit Hoxhaj. Trajner: Thomas Brdariç
Sport
Oferta nga Serie A, Rei Manaj pranë rikthimit në Itali
Rey Manaja mund të rikthehet sërish në Itali. Sulmuesi i Kombëtares shqiptare është pjesë e Barcelona B dhe për momentin është kthyer në lojtar të rëndësishëm për këtë skuadër. Ekserpti i merkatos në Itali, Gianluca Di Marzio bën me dije se Manaj mund të rikthehet të luajë në Itali. Crotone, skuadër e Serie A ka kërkuar informacion për shërbimet e tij pasi kërkon të përforcojë sulmin.
Një tjetër ekip që ka shfaqur interesim për lushnjarin është edhe Pescara, skuadër ku luan edhe Memushaj, mesfushori i Kombëtares shqiptare. Manaj ka luajtur edhe më parë për këtë skuadër në sezonin 2016-2017 ku shënoi 2 gola në 12 ndeshje e ky do të ishte një rikthim për të te skuadra që këtë sezon militon në Serie B.
Sport
I dënuar për kurdisje ndeshjesh dhe me mbiemër “pikant”, klubi i Kategorisë Superiore bëhet me drejtor të ri
Te Apolonia gjatë këtij sezoni ka pasur disa ndryshime në staf, teksa në krye të skuadrës deri më tani janë ndërruar dy trajnerë italianë. Aktualisht në stol është Francesco Cammaratta dhe në stafin e klubit pritet të zbarkojë një tjetër italian.
Panorama Sport mëson se Daniele Deli Carri do të emërohet si drejtori i ri teknik në klubin nga Fieri. 49-vjeçari e bërë edhe më parë këtë detyrë në Itali me skuadra si Pescara dhe Catania, me të cilën daton edhe eksperienca e fundit në vitin 2015.
Pikërisht në këtë periudhë ai është akuzuar dhe më pas dënuar në lidhje me përfshirjen ne baste sportive. Në atë periudhë ai u dënua me 4 vite e 7 muaj përjashtim nga aktivitetet. Kështu logjikisht ai e ka përfunduar dënimin e tij vitin e shkuar dhe ka marrë lejen për të nisur punën.
Lajme të Rekomanduara:
Derbi ndaj Tiranës, ja formacioni që pritet të zbresë në fushë Partizani
Ditën e enjte do të luhet derbi i dytë i kryeqytetit për këtë sezon në Superiore. “Demat e kuq” do të përplasen me bardheblutë e...
Zgjidhja gjeniale e Skënderbeut, “maskon” tifozët si… VIP-a
Skënderbeu dhe Partizani zhvilluan një ndeshje shumë të luftuar në Korçë. “Panorama Sport” ju sjell pikantet dhe të veçantat e këtij takimi, që ishte i...
