Connect with Us

“Reagimi i Ramës absurd”/ Gratë naftëtare nuk tërhiqen: Do na bashkohen edhe fëmijët

Sociale

“Reagimi i Ramës absurd”/ Gratë naftëtare nuk tërhiqen: Do na bashkohen edhe fëmijët

Publikuar

-

“Po na kërcënojnë në telefon”/ Naftëtarët e Balllshit të vendosura: Nuk dalim nga greva

Gratë naftëtare në Ballsh, duken të vendosura për të mos hequr dorë nga kërkesat e tyre, ndërsa reagimin e djeshëm të kryeministrit Edi Rama e cilësojnë si absurd dhe presion ndaj tyre.

Ndërsa sot hynë në ditën e dhjetë të grevës së urisë, gratë naftëtare paralajmërojnë se atyre do t’iu bashkohen edhe fëmijët.

Madje shkojnë edhe më tej duke thënë se “më mirë të vdesin në COVID-i se nga uria.

“Ne më mirë të na zërë korona se të vdesim për bukë. Është turpi më i madh të vdesësh për bukë se të vdesësh nga korona. Reagimi i kryeministrit është absurd se ne s’po kërkojmë diçka që është jashtë detyrës së tij për të zbatuar një vendim gjyqi, që ne jemi pa bukë në shtëpi. Rifillimi i punës është një kusht i negociueshëm, nëse u leverdis e hapin punën. nuk ka pse të negociojmë për lekët tona që po na vdesin fëmijët pa bukë. Ai po na bën presion neve, për çfarë duhet të negociojmë, kërkojmë bukën e fëmijëve tanë. Ka pasur kohën e mjaftueshme, që nga janari që kemi bërë protestën që na çnderuan si njerëz, të kërkoj robi bukë nuk është dinjitoze për një njeri në shekullin e 21 që jetojmë. Ne nuk kemi ku vemi, jemi pa bukë. Më mirë të vdesim nga korona se për bukë se është turp, ne do na vijnë dhe fëmijët tanë në mbështetje se s’kanë ku të vejnë. Do vijnë te dera e uzinës nuk kanë ku të shkojnë, të mos bëjë teatër me njerëzit e sidomos me gratë”, tha një nga grevistet.

Ata shprehen se e kanë të vështirë të kuptojnë se përse kryeminstri Edi Rama nuk vjen t’i takojë, e ndërsa u bëjnë apel edhe grave të parlamentit për një takim, përndryshe nesër do të jetë vonë.

LEXO EDHE:  Grida Duma vendos në “skaner” fitoret e PD/ “Nuk mund të krahasohet Edi Rama me ne”

“Pothuajse një muaj në grevë urie burra dhe gra, një heshtje vrastare nga instancat shtetërore, nga parlamenti. Vetëm për një thirrje për maska, Rama e hodhi në parlament dhe gjithçka u vendos, po vallë buka e fëmijëve tanë nuk është emergjente, dhimbja që kam unë, lotët e këtyre nënave nuk janë emergjente. Mos na detyroni të sjellim fëmijët tanë këtu, të shikojnë fëmijët tanë, vdekjen që po bëjnë ne për tan. Mos bëni teatër me këto nëna se është e dhimbshme, se po na qan zemra. Eja të na shikoni tani se më vonë do jetë shumë vonë edhe për ju”, u shpreh grevistja.

“Mezi e kemi gdhirë, Ramës nuk i ka mbetur gjë tjetër vetëm të na drejtojë armën, se me heshtje po na vret. Kam të vjella, dhimbje koke, nuk qëndroj dot në këmbë. ne nga greva nuk dalim, vetëm të vjella”, tha një tjetër.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Sociale

Kufizohen oraret në pikat kufitare/ Mali i Zi mbyll Hanin e Hotit dhe Muriqanin gjatë natës

Publikuar

-

Nga

Kufizohen oraret në pikat kufitare/ Mali i Zi mbyll Hanin e Hotit dhe Muriqanin gjatë natës

Duke nisur nga sot dhe çdo ditë, deri në një urdhër të dytë, nga ora 19:00 deri në orën 05:00 të mëngjesit të çdo dite, do të mbyllen pika kufitare e Hanit të Hotit.

Autoritetet policore malazeze, nëpërmjet një njoftimi zyrtar kanë informuar se me vendim të Komisionit Shtetëror të Menaxhimit të Situatës për COVID-19, do të ketë ndalim të plotë të qarkullimit në të gjithë territorin e Malit të Zi në orët e vona të darkës deri në mëngjes.

Përjashtim nga ky rregull bëjnë mjetet e tonazhit të rëndë që kalojnë në kufi (kamionët), mjetet që udhëtojnë drejt aeroportit, shërbimet e urgjencës dhe mjetet ose shtetasit që kalojnë tranzit në territorin e Malit të Zi.

LEXO EDHE:  Grida Duma vendos në “skaner” fitoret e PD/ “Nuk mund të krahasohet Edi Rama me ne”

LEXO EDHE:  Deklarata e fortë/ Krimi buron nga politika, të kapur edhe akademikët  

Policia sqaron se shtetasit shqiptarë mund të kalojnë nëse janë të pajisur me testin serologjik, brenda orarit të përcaktuar 05:00-19:00./ CNA.al

LEXO TE PLOTE

Sociale

Mot i kthjellët dhe vranësira kalimtare/ Si parashikohen temperaturat nesër

Publikuar

-

Nga

Rikthehen reshjet dhe vranësirat/ Çfarë ka rezervuar moti për javën që vjen

Ditën e enjte moti parashikohet i kthjellët me vranësira të pakëta kalimtare.

Në orët e mëngjesit sërish përgjatë luginave do të shfaqet mjegulla e mjegullina. Sipas Shërbimit Meteorologjik Ushtarak era do të fryjë e lehtë e përkohësisht mesatare në bregdet me drejtim juglindje dhe veriperëndim, duke u pasuar nga valëzim i ulët.

Temperaturat parashikohen në: zonat malore -1°C deri në 10°C, zonat e ulëta 4°C deri në
19°C dhe zonat bregdetare 7C deri në 19°C./CNA.al

LEXO TE PLOTE

Sociale

Rritja e rasteve me Covid, Manastirliu merr vendimin/ Ja kur mbyllen shkollat

Publikuar

-

Nga

Rritja e rasteve me Covid/ Manastirliu merr vendimin për zhvillimin e mësimit

Ministrja e Shëndetësisë Ogerta Manastirliu thotë se duke filluar nga 1 dhjetori, mësimi parauniversitar të alternohet, gjysëm fizik e gjysëm online. Propozimi i kalon ministrisë së Arsimit, institucion që pritet ta marrë shpejt vendimin për këtë alternim.

Të dashur qytetarë, ashtu siç e kemi përsëritur në këto javë, për ne shëndeti është i pari dhe mirëqenia e përgjithshme e fëmijëve tanë, shëndeti dhe siguria e tyre, janë prioritet absolut.
Deri tani, siç ekspertet analizojnë, fëmijët nuk vlerësohet të jenë transmetues të lartë të infeksionit nga Sars-CovV2.
Rezulton se protokollet e sigurisë në tërësi janë zbatuar nga strukturat arsimore, gjë që është reflektuar dhe në shifra.
Por, për të minimizuar risqet gjatë kësaj periudhe, ku të pranishme janë edhe infeksione të tjera respiratore, kemi peshuar rëndësinë e ekuilibrit të mirëqenies dhe sigurisë së shëndetit të fëmijëve, dhe pas rekomandimit të Komitetit të Ekspertëve kemi vendosur:

1. T’i rekomandojmë MASR që, nga data 1 Dhjetor, të aplikojë skenarët që parashikojnë kryerjen e mësimit të alternuar, pra në formën tradicionale, me prani fizike duke e kombinuar dhe me mësimin ne distance (online) bazuar në specifikat e sistemit arsimor dhe të dhënave lokale përkatëse në bashkëpunim me autoritetet shëndetësore”, thotë Manastiliu./CNA.al

LEXO TE PLOTE