Connect with Us

“Pëlqej tasqebapin dhe fasulet”, rrëfimi special i Egbosë: Shqiptarët janë si afrikanë që…

Sport

“Pëlqej tasqebapin dhe fasulet”, rrëfimi special i Egbosë: Shqiptarët janë si afrikanë që…

Publikuar

-

Trajneri i Tiranës, Emanuel Egbo ka dhënë një intervistë ndryshe për “Fit Station” në News24, ku ka folur për jetën e tij, jashtë fushës së futbollit. Nga ushqimi i preferuar, deri të dasma dhe njohja me bashkëshorten, tekniku nigerian i thotë të gjitha.

“Kam gjithë jetën që merrem me futbolli dhe do ishte mirë të ndryshonim njëherë temën. Unë kam qenë në Egjipt, kam ikur nga Nigeria në 1998 dhe qëndrova në Egjipt deri në 2001. Kam 20 vite këtu. Nëse nuk do isha pritur mirë, nuk do isha në Shqipëri tani. Shqiptarët janë zemërgjerë, si në Afrikë. Ka njerëz të varfër dhe të pasur. Është një jetesë miks, kështu që ka më shumë njerëz të mirë sesa të këqij. Si sportist, nuk na lejohet të hamë byrek. Tasqebapi me pilafin më pëlqen shumë, fasulet po ashtu, janë gjëra që i kam konsumuar edhe në Nigeri.

Kam dy motra në Nigeri, një vëlla në Gjermani, prindërit nuk jetojnë më. Unë shkoj kur kam kohë, njëherë në vit ose dy herë. Kultura shqiptare është si ajo nigeriane. Në Shqipëri kam bërë edhe dasmën time. Në dasmë kishim 3 kultura të ndryshme. Ishte një dasmë shumë e mirë. Me bashkëshorten jam takuar në kishë në fillim, pasi jam besimtar dhe shkoj shpesh. Filipinezët dhe nigerianët janë katolikë, ajo e frekuenton kishën dhe aty jemi njohur. Për fëmijën po presim ende, është Zoti që e jep fëmijën.

Nuk kam shumë kohë në dispozicion, për të bërë shumë gjëra. Jam i angazhuar shumë me stërvitjen. Çdo ditë bëj programin për skuadrën, kur kam kohë të lirë, dal për kafe me miqtë e mi. Një trajner duhet të ketë preferenca për të gjithë lojtarët që ka në ekip, nuk është një lojtar që ta fiton ndeshjen, por grupi.”, u shpreh Egbo.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kombëtare

Mbyllet miqësorja e veteranëve Kosovë-Shqipëri, ja rezultati përfundimtar

Publikuar

-

Nga

Stadiumi “Fadil Vokrri” i qytetit të Prishtinës ka qenë sot arena e një ndeshje shumë të veçantë. Në fushën e lojës kanë zbritur ekipet e veteranëve të përfaqësueseve të Kosovës e Shqipërisë, për një ndeshje e cila kishte si qëllim kujtimin e figurës legjendare të futbollit kosovar, Fadil Vokrri, i cili u nda në mënyrë të papritur nga jeta në vitin 2018.

Në fushën e lojës kanë zbritur emra shumë të njohur të futbollit shqiptar si Kushta, Ballgjini, Zmijani, Beqiri, Jupi, Duro e Fakaj apo edhe “djemtë e shtëpisë” si Dallku e Curri, për një ndeshje që është luajtur në një atmosferë shumë miqësore duke kthyer pas vitet për shumë nga këta emra. Kjo vëllazërore e veçantë u mbyll me shifrat 1-1 e më pas me penallti ka fituar përfaqësuesja e veteranëve të Kosovës.

Para fillimit të ndeshjes, të dy delegacionet kanë qenë të pranishme në ceremoninë e prezantimit të shtatores të Fadil Vokrrit që u vendos para stadiumit në fjalë, për të përkujtuar gjithmonë këtë legjendë të futbollit kosovar.

LEXO TE PLOTE

Seria A

E mbylli mes lotëve në Europian, Pandev merr vendimin e rëndësishëm për të ardhmen

Publikuar

-

Nga

Paraqitja e tij në Kampionatin Europian ishte mbyllja më e mirë që Goran Pandev mund t’i bënte karrierës me përfaqësuesen e Maqedonisë së Veriut ku ai për shumë vite ka qenë lider i padiskutueshëm. Ndeshja e tij e fundit, ajo ndaj Holandës, do të kujtohet edhe për homazhin që i bënë kundërshtarët dhe shokët e skuadrës.

Por me sa duket ajo nuk ka qenë ndeshja e fundit e futbollit në karrierën e sulmuesit. Sipas Sky Sport, sulmuesi ka vendosur që të vazhdojë të luajë në Serinë A në moshën 37-vjeçare. Klubi i Xhenoas i ka bërë prej kohësh propozimin për rinovim edhe një tjetër edicion dhe sulmuesi ka pranuar, me zyrtarizimin që do të bëhet në ditët në vijim.

I njëjti burim thekson se Pandev kërkon që lamtumira e tij të jetë ashtu siç duhet, me duartrokitje tifozësh dhe është i bindur që këtë vit stadiumet në Itali do të mbushen përsëri. Ndaj ai planifikon të japë kontributin e tij edhe një vit për klubin italian, në mënyrë që në fund të marrë duartrokitjen e merituar të tyre kur të vendosë të varë këpucët në gozhdë.

LEXO TE PLOTE

Seria A

VIDEO/ Muriqi nuk ndalet më, “Pirati” shënon një tjetër gol në miqësoren e Lacios

Publikuar

-

Nga

Vedat Muriqi duket se po mundohet me çdo mënyrë që të fitojë një vend në Lacion e Mauricio Sarrit dhe sinjalet që po jep në fazën përgatitore janë ato të duhurat. Sulmuesi, i cili po aktivizohet si titullar në ndeshjet miqësore të Lacios, ku mungon ende Imobile, po shënon me rregullsi duke treguar se mund të ndihmojë bardhekaltrit në sezonin e ri.

Në miqësoren e sotme ndaj Triestinës, Muriqi ishte titullar në radhët e bardhekaltërve, ashtu si edhe Strakosha në portë e Hysaj në mbrojtje. Sulmuesi e shfrytëzoi përsëri mundësinë që iu dha pasi në minutën e 21-të të takimit, pas një harkimi perfekt të Luis Albertos, dërgoi topin në rrjete me një goditje me kokë të pakapshme për portierin kundërshtar.

Ai kishte edhe disa mundësi të tjera shënimi, por nuk arriti të çonte përsëri topin në rrjetë në 45 minutat në të cilat u aktivizua, por gjithsesi mori duartrokitjet e tifozëve të cilët që pas kritikave të Sarrit, kanë ndryshuar sjellje ndaj sulmuesit të Kosovës.

LEXO TE PLOTE