Connect with Us

Tramexani: Më mungon Shqipëria: Dua të kthehem

Kombëtare

Tramexani: Më mungon Shqipëria: Dua të kthehem

Publikuar

-

Paolo Tramexani e ndjek ende Kombëtaren shqiptare dhe e lë të hapur derën për të bashkëpunuar sërish me FSHF-në. Ish-ndihmëstrajneri i Xhani de Biazit komenton ecurinë e kuqezinjve në Ligën e Kombeve dhe shprehet se ka parë në fushë djem me dëshirë për të ndihmuar njëri-tjetrin, për të luajtur për Kombëtaren si dhe një ekip të vendosur mirë dhe me prapavijë shumë të fortë.

Në një intervistë për “Panorama Sport”, Tramexani “driblon” kur pyetet nëse Vata ka të drejtë kur thotë ndër të tjera se “Shqipërisë i mungon një ‘tru’ si Tramexani, që lëvizte fijet në paskuinta”… Ndër të tjera, Tramexani nuk harron të thurë elozhe edhe për trajnerin Edi Reja dhe bën thirrje që t’i jepet kohë për rezultatet. “Ajo që bëmë ne ishte e rëndësishme. Mirëpo, patëm edhe kohë. Kishim pesë vite e gjysmë kohë për të arritur objektivat”, deklaron veç të tjerash Tramexani.

Mister, a ju mungon Shqipëria?

Po, sigurisht që po.

Çfarë ju mungon ekzaktësisht?

Shqipëria! Më mungon Shqipëria, më mungojnë shqiptarët. Më mungon populli, njerëzit dhe lidhja me ta. Raporti që kemi pasur në ato pesë vite është diçka e paharrueshme. Diçka që nuk do të ndryshojë kurrë. Është diçka për të cilën mund ta mendosh çdo ditë dhe do të mbesë përgjithmonë. Pastaj, më mungojnë djemtë. Ata lojtarë të rinj që i kemi parë edhe të rriten, që i kemi ndjekur nëpër të gjithë Europën. Djemtë me të cilët kemi përshkuar një rrugëtim shumë të bukur që na ka dërguar deri te rezultatet shumë të mira. Të dy këto aspekte më mungojnë shumë.

A e keni ndjekur Shqipërinë gjatë këtyre ndeshjeve të fundit?

Sigurisht që e kam ndjekur Kombëtaren edhe në ndeshjet e fundit. E ndjek gjithmonë. Shoh çdo ndeshje që ata zhvillojnë.

Çfarë këshille miqësore mund të jepni për të përmirësuar sadopak ndonjë aspekt, si një prej ideatorëve të atij suksesi që u arrit me ju dhe De Biazin?

Ajo që bëmë ne ishte e rëndësishme. Mirëpo, patëm edhe kohë. Kishim pesë vite e gjysmë kohë për të arritur objektivat. Nuk e ndiej të nevojshme për të dhënë këshilla për askënd. Edhe sepse e njoh shumë mirë Rejën që është një trajner shumë i përgatitur, shumë i zoti në fushë. Edhe gjithashtu një
njeri shumë i mirë. Por, Reja është edhe një person shumë i zoti për të menaxhuar grupin. Unë jam i bindur që me të në krye, nëse do të vazhdojë që të punojë me këtë skuadër dhe me këta lojtarë, e them me siguri që do të vijnë edhe rezultatet.

Tramexani, nëse do të kishit në të ardhmen një mundësi për të drejtuar Shqipërinë, si do të ishte përgjigjja juaj?

Duke marrë parasysh se si kam kaluar në Shqipëri, do ta marr në konsideratë, sepse kam pasur mundësinë që të punoj mirë atje. Kam pasur pranë njerëzit e duhur, edhe federatën, e cila më ka dhënë gjithmonë besim. Ky aspekt për mua ka qenë shumë i rëndësishëm. Gjithashtu, edhe raportet kanë qenë shumë të mira me federatën. Ka pasur gjithmonë respekt, si nga njëra anë edhe në tjetrën. Për mua, këto vlera janë shumë të rëndësishme. Ky është motivi që unë jam shumë i lidhur me vendin, Kombëtaren dhe me Federatën Shqiptare të Futbollit. Kjo ësh- të një lidhje shumë e fortë.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kombëtare

Historiku/ Ja me cilët kundërshtarë është përballur më shumë Shqipëria

Publikuar

-

Nga

Kombëtarja shqiptare qysh nga krijimi i saj në vitin 1930 ka luajtur 346 ndeshje miqësore dhe zyrtare me 66 kundërshtarë të ndryshëm nga e gjithë bota. Ndeshja e parë e kuqezinjve është miqësorja me Malin e Zi e luajtur në Shkodër në gusht të vitit 1946 (dhe e fituar nga Shqipëria 5-0), ndërsa ndeshja e parë zyrtare është ajo ndaj Jugosllavisë, e luajtur në Tiranë në tetor 1946 dhe që përfundoi me fitoren 3-2 të miqve.

Por cilët janë kundërshtarët me të cilët ka luajtur më shumë ndeshje Kombëtarja shqiptare në histori? Nëse i hedhim një sy statistikave Shqipëria ka më shumë përballje me Rumaninë dhe Gjermaninë: plot 17 të tilla me secilën.

Në fakt, me rumunët ne kemi luajtur një nga ndeshjet e para zyrtare në histori në tetor të vitit 1946 në kuadër të Kupës Ballkanike, sfidë e fituar nga kuqezinjtë me rezultatin 1-0 e që i dha trofeun Shqipërisë.

Ndaj Rumanisë jemi përballur 5 herë në ndeshje miqësore dhe 12 ndeshje zyrtare mes Kupës Ballkanike, eliminatoreve të Botërorit dhe eliminatoreve të Kampionatit Europian. Përballja e fundit mes Shqipërisë dhe Rumanisë është ajo e finaleve të Euro 2016 në Francë, që u fitua nga tanët me rezultatin 1-0 me gol të shënuar nga Armando Sadiku. Një ndeshje historike në pjesëmarrjen e parë të Shqipërisë në finalet e një kompeticioni madhor.

Me gjermanët do të luanim ndeshjen e parë në prill të vitit 1967 në transfertë, sfidë e vlefshme për eliminatoret e Kampionatit Europian 1968, ndërsa e fundit ka qenë ajo e qershorit të vitit 2001 në Tiranë për eliminatoret e Botërorit 2002. Nga këto 17 përballje, kemi 2 ndeshje me Republikën Federale Gjermane (Gjermania Perëndimore) dhe 3 duele me Gjermaninë Lindore. Që të gjitha kanë qene ndeshje zyrtare dhe asnjë miqësore.

Gjithashtu, Shqipëria ka luajtur 13 herë me Gjeorgjinë dhe Greqinë, si edhe regjistron 12 përballje me Turqinë. Me Bullgarinë dhe Poloninë kemi luajtur nga 11 ndeshje për secilën, kurse me Danimarkën dhe Maqedoninë e Veriut kemi nga 10 përballje në histori.

Sakaq, ka edhe disa kundërshtarë me të cilët ne kemi luajtur vetëm një herë. Ato janë Argjentina, Meksika, Vietnami, Uzbekistani, Maroku, Jordania, Irani, Kuba dhe Kameruni.

LEXO TE PLOTE

Kombëtare

Shqipëria gati të marrë Bajramin, e ndihmon edhe… Spanja

Publikuar

-

Nga

Një lajm i bujshëm nga Spanja mund t’i vijë në ndihmë Shqipërisë për Nedim Bajramin. Ajmerik Laport do të luajë në Kampionatin Europian me Spanjën. Luis Enrike u kishte kërkuar prej kohësh drejtuesve të federatës të studionin mundësinë që mbrojtësi francez i Mançester Sitit të luajë për kombëtaren spanjolle.

Vetë lojtari e ka pranuar këtë gjë duke qenë se Franca nuk po e grumbullonte dhe se konkurrenca ishte shumë e madhe. Por, gjithashtu edhe FIFA ka dhënë miratimin për këtë lëvizje dhe tani kanë mbetur disa çështje të vogla për t’u zgjidhur e gjithë situata. Gjatë kësaj jave, lojtari mori edhe pasaportën spanjolle dhe për këtë arsye do të grumbullohet nga Luis Enrike për Europianin.

Çfarë e lidh me Bajramin? Laport nuk ka luajtur asnjë ndeshje me kombëtaren absolute të Francës, ashtu si dhe Bajrami me Zvicrën. Të dy janë aktivizuar me skuadrat e moshave, deri te kombëtaret U-21. Mbrojtësi 26-vjeçar ka qenë kapiten i shpresave të Francës dhe ka luajtur shumë ndeshje, por kurrë nuk ia doli që me performancat e tij të fitonte besimin e Deshampit për t’u aktivizuar me ekipin e parë. Laport ka luajtur me kombëtaren U-21 edhe pasi kishte mbushur 21 vjeç, por ky rregull është ai që e pengon Nedim Bajramin të luajë për Shqipërinë.

Fantazisti i Empolit ka shprehur dëshirën për të mbajtur veshur fanellën kuqezi, por FIFA e pengoi dhe nuk ia dha lejen për arsyen se ka luajtur me shpresat e Zvicrës edhe pas moshës 21 vjeç. Laport e ka zhvilluar ndeshjen e fundit në moshën 21 vjeç e 7 muaj. Sigurisht që përdorimi i këtij rasti si shembull mund t’i shërbejë Federatës Shqiptare të Futbollit për të nxituar në procedurat për marrjen e lejes së Bajramit.

LEXO TE PLOTE

Kombëtare

Cikalleshi zblulon të ardhmen: Mund të vij në Shqipëri

Publikuar

-

Nga

Sokol Cikalleshi ka zhvilluar një nga sezonet më të mira personale në Turqi me Koniasporin. Sulmuesi shqiptar ka dhënë së fundmi një intervistë për “Telegrafi” duke treguar marrëdhënien me dy lojtarët e tjerë shqiptarë te ekipi turk dhe duke prekur njëkohësisht edhe temën e Kombëtares. Kur pyetet për Superioren, Cikalleshi e quan të rrallë kampionatin shqiptar.

“Ne shqiptarët do jemi krahë njëri-tjetrit në ekip. Unë jam pak më i madh se Daci dhe Bytyqi. Bytyqi ka shumë talent, nëse do të jetë me këmbë në tokë dhe do të punojë shumë, atëherë do të shkojë shumë më lart se kaq. Flasim shumë me njëri-tjetrin dhe shihet me asistet në fushë. Dua që të vazhdoj deri në 35-vjeç me futbollin, që të jap maksimumin.

Duhet parë dhe gjendja fizike, ajo psikologjike dhe familja se humbasim shumë kohë. Dua që të vazhdoj deri në 35-vjeç që të luaj në Turqi, të jem sa më gjatë këtu. Në të ardhmen mund të më vij edhe dëshira për të luajtur në Shqipëri, por nuk mund të mendoj fundin e karrierës që tani se do përgatisja veten për rënien e nivelit. Kombëtarja? Prova e zjarrit do të jetë me Hungarinë për të parë nëse do të jemi për kualifikim apo për diçka më pak.

Po të flasim shumë përpara, e zbeh egërsinë dhe atë që duhet të japim në fushë. Ti marrim ndeshjet një nga një dhe futbolli lejon gjithçka. Nëse derdhet gjak dhe jep zemra në fushë, mundet. Isha brezë e kohës së De Biazit dhe shkuam historinë. Bëmë krenar gjithë popullin shqiptar. Tani erdhën shumë lojtarë të rinj dhe jemi në rrugën e mbarë. Nëse përfundojmë në vendin e tretë në kualifikuese do të jep hap përpara në vazo më lart për shortin tjetër. Ne do të luftojmë për kualifikim, por edhe nëse dalim të tretët do të jemi një hap përpara. Mos ta bëjmë si më dikur që bëjmë një hap para dhe dy mbrapa. Kampionati shqiptar? E shikoj Superioren shumë.

Tre katër ekipe po luftojnë për titullin kampion dhe një nga kampionatët e rrallë. Më parë ishin vetëm dy ekipe që luftonin. Unë e vlerësoj shumë trajnerin e Partizanit, Ilir Dajën. Gjithashtu edhe Shpëtim Duron që është një prej më të mirëve në Shqipëri. Nga ana tjetër edhe Teuta që gjithmonë ishte në Europë dhe tani po shtyn më shumë. Martini ka disa kohë në Durrës dhe mund të fitojë”, tha Cikalleshi.

LEXO TE PLOTE