LEXO PA REKLAMA!

SHKARKO APP

E fundit!

x

“Reforma në Drejtësi e dështuar”/ Berisha: Ndërkombëtarët duhet ta pranojnë!

22 Tetor 2020, 19:11, Politikë CNA
“Reforma në Drejtësi e dështuar”/ Berisha:

Ish-kryeministri Sali Berisha e quajti të dështuar Reformën në Drejtësi, ndërsa theksoi se SPAK është ngritur për të mbrojtur PS-në dhe eksponentët e kësaj partie.

?Nuk ka prokuror në botë që të thotë se Bajrët nuk janë grup i organizuar kriminal. I pari njeri që e thotë këtë gjë, që i liron ata, është prokurori i SPAK dhe vetë SPAK-u. Sepse vepron mbi urdhra partiakë, i bindet urdhrit të Edi Ramës.
Bajrët kanë filluar që tani terrorin në Shkodër. Ata po vendosin edhe njëherë darën e krimit në qytet.
A mund të kesh besim kur për bandën më numerike të Shqipërisë, deklarojnë se nuk bëhen tre që të quhen grup i organizuar kriminal, atëherë çfarë i mbetet këtij institucioni?? tha Berisha në një intervistë për Syri Tv.

Sipas tij, ndërkombëtarët duhet të pranojnë dështimin me Reformën në Drejtësi, e cila ka kushtuar gjysmë miliard euro deri tani.

?Reforma po shkon në gjysmë miliardë euro nga partnerët perëndimorë, por njohja e dështimit, të gabosh është humane, pr mosnjohja e dështimit dhe gabimit, ajo thellon shumë më tepër. Kjo reformë u projektua kryekëput nga Sorosi dhe opozita u kyç në këtë reformë, gjersa arriti me shumë mundime të mbrojë standardet ndërkombëtare të drejtësisë, të cilat u përmbysën të gjitha në ligje organike,? tha Berisha.

Sipas Berishës, një grup të urtësh, ekspertësh nga jashtë duhet të vijë të vlerësojë se çfarë prodhoi kjo reformë.

?Përndryshe, në mënyrë absolute, do të shkojë ajo që kam deklaruar, drejt një paralize të plotë. Ata që tentuan të shohin veprimin, tani po shohin paralizën,? tha Berisha./CNA.al

Lajmet e fundit nga