Politikë
“Ndryshimet në Kodin Zgjedhor nuk shkelin 5 qershorin”/ Yuri Kim: E zhgënjyer që s’pati konsensus
Ambasadorja e SHBA në Tiranë, Yuri Kim, ka folur për ndryshimet kushtetuese të miratuara në Parlament pa miratimin e opozitës së Lulzim Bashës.
Kim tha se ndryshimet kushtetuese nuk e shkelin marrëveshjene 5 qershorit, ndonëse opozita ka shprehur të kundërtën.
“Mendoj se deklarata që nxori Ambasada e SHBA ishte shumë e qartë, pra që metoda me të cilën u arrit marrëveshja e 5 qershorit ishte një mënyrë e mirë dhe që duhet të ishte përdorur si model për marrëveshjet në të ardhmen. Në të njëjtën kohë, ne nuk mund të mohojmë kompetencën e parlamentit për të miratuar legjislacion. Lidhur me pyetjen nëse 5 qershori u shkel apo jo, njerëz të ndryshëm kanë opinione të ndryshme. Opinioni im është shumë i qartë për këtë. Ajo që ndodhi përtej 5 qershorit shkon përtej 5 qershorit por nuk e shoh si shkelje të 5 qershorit”, vlerësoi ajo në emisionin “Opinion”.
Teksa u pyet nëse përbën problem fakti që ndryshimi i kodit u bë pa qenë produkt i një konsensusi, ambasadorja amerikane deklaroi se është zgjënjyer për këtë pjesë.
“Mendoj se është shumë zhgënjyese që pjesa e dytë e reformës zgjedhore nuk mu arrit në të njëjtën mënyrë, sepse pjesa e parë, 5 qershori u bë mirë. Dhe duhet të ishte përsëritur. Mendoj se është diçka e pafat që opozita kryesore nuk ishte e pranishme në parlament dhe mendoj se kjo nënvizon përgjegjësinë e cilitdo për të mbetur i angazhuar”, theksoi Kim./ CNA.al
Politikë
Pagat e luftës në sektorin e turizmit/ Rama nxjerr shifrat
Kryeministri Edi Rama ka publikuar një ndër 100 arritjet e qeverisë së tij gjatë mandatit të dytë.
Rama në formën e një kuici në Instastory ka ndërtuar një pyetje lidhur me numrin e punonjësve që u mbështetën me paga lufte vetëm në sektorin e turizmin gjatë pandemisë.
Më pas ai ka faktuar se 10 mijë punonjës, në 1.214 biznese të sektorit të turizmit, u mbështetën me një shumë prej 0.4 miliardë lekësh në formën e pagave të luftës për përballimin e efekteve të pandemisë.
“S’ka kohë për pushim”, shkruan kryeministri./CNA.al
Politikë
”Asnjë ish-ministër në qeveri”/ Mediu: Basha vendos për veten, jo për koalicionin
Kreu i Partisë Republikane Fatmir Mediu ka komentuar mbi deklaratën e Bashës se në qeverinë e ardhshme të PD nuk do të ketë asnjë ish-ministër.
Ai është shprehur se Basha vendos për veten e vet dhe jo për koalicionin. Më tej, ai shton se qeveria është një ekip.
‘’Basha vendos për veten e vet, jo për koalicionin. E kam diskutuar, s’ka pasur me aleatët. Basha është kryeministër i koalicionit, por jo kryetar i partive. Nuk lidhet me faktin do jetë apo jo Mediu. PR e meriton të ketë një përfaqësi në qeverinë e ardhshme. Në fund të fundit, qeveria është ekip. Do ishte përgjegjësi, nder për çdo republikan ta merrte postin për interes kombëtar e të shqiptarëve.”, tha Mediu./CNA.al
Politikë
“Ka betejë me Ramën”/ Ndoka: Kam pritur që Meta të jepte dorëheqjen para fushatës
Kreu i Partisë Demokristiane, Nard Ndoka u shpreh se kishte pritur që presidenti Ilir Meta të jepte dorëheqjen para fushatës.
Më tej, Ndoka shtoi se Meta është i nevrikosur në raport me marrëdheniet personale me kryeministrin Edi Rama.
‘Kam pritur që Meta ta jepte dorëheqjen tani para fushatës dhe ti rikthehet asaj partie që të ka drejtuar prej vitesh, durimi i tij më ka surprizuar. Ai ka një betejë të drejtëpërdrejtë me Ramën që është e dukshme evidente dhe Rama ka frikë, me thënë të drejtën nga Meta.
Unë e shoh të nevrikosur presidentin e Republikës edhe në raport më marrëdhëniet personale me kryeministrin. Ne kemi një president një aktor të rëndësishëm në politikë që i ka sjellë fitoren Edi Ramës. Ilir Meta ka shumë mundësi përpara mund të rikthehet dhe mund të fitojnë. Mund të krijojë lëvizje akoma edhe mëdha përtej LSI-së. Meta është i paparashikueshëm, ai e gjen veten e tij brenda politikës.’– tha Ndoka./CNA.al
