Pas zyrtarizimit të mbrojtësit anësor brazilian Xhekson, te Teuta, skuadra e Gjilanit, nuk ka humbur kohë për të gjetur zëvendësuesin e tij.

Bardhekuqtë nuk i ndahen Kategorisë Superiore, ku prurjet nga kampionati shqiptar kanë qenë të shumta sezonet e fundit.

“IndeksOnline”, zbulon se skuadra e drejtuar nga Bylbyl Sokoli, ka arritur akordin me mbrojtësin Drin Govori, i cili ishte pjesë e Skënderbeut, por pa arritur të lerë shumë gjurmë me skuadrën korçare.

21-vjeçari u aktivizua 5 ndeshje në kampionat dhe 1 në Kupë. (Në total 402 minuta me fanellën bardhekuqe).

A është bashkuar me klubin gjilanas, teksa pritet zyrtarizimi në orët në vazhdim. Mbrojtësi u transferua nga KEK-u te Skënderbeu, teksa do të rikthehet sërish në futbollin kosovar.

Drejtori sportiv i Lacios, Igli Tare është në kërkim të përforcimit të skuadrës së Lacios, dhe për këtë po mendon të marrë një lojtar me eksperiencë që e njeh mjaft mirë kampionatin italian dhe jo një talent që pritet të zhvillohet ndeshje pas ndeshje.

Bëhet fjalë për ish-lojtarin e Arsenalit, Lukas Torreira i cili aktualisht aktivizohet me Atletikon e Madridit dhe i cili e njeh mirë Serinë A pasi ka luajtur edhe me skuadrën e Sampdorias vite më parë ku shkëlqeu me paraqitjet e tij dhe u transferua tek “topçinjtë” e Londrës për të hedhur hapin e madh në karrierë.

Për momentin mesfushori uruguajan, vlerësohet të paktën 25 milionë euro, një shifër e lartë për buxhetin e kryeqytetasve, por Tare po mendon që t’a bëjë për vete vetëm në merkaton e verës. Përveç bardhekaltërve dhe Valencia është shumë e interesuar për 24-vjeçarin. Torreira në total midis kampionatit, Kupës dhe Champions-it është aktivizuar në total 13 ndeshje duke shënuar 1 gol dhe dhuruar 1 asist.

Pas kartonit të verdhë të marrë në sfidën e mbrëmshme ndaj Kaljarit në “Sardegna Arena”, Alesio Romanjoli plotësoi numrin e kartonëve dhe Gjykatësi Sportiv vendosi t’a skualifikojë vetëm për një ndeshje kapitenin kuqezi, në sfidën e rëndësishme të javës së fundit të fazës së parë të Serisë A, ndaj Atalantës në “Giuseppe Meazza”.

E njëjta gjë vlen dhe për Aleksis Salemakers, i cili mori dy kartona të verdhë ndaj Kaljarit, duke u përjashtuar me karton të kuq nga arbitri i takimit, dhe për Gjykatësin Sportiv, sulmuesi belg do të skualifikohet me një ndeshje duke humbur sfidën ndaj bergamaskëve.

Milan e cila do të bëjë pa dy qendërmbrojtësat e saj, pasi dhe Simon Kjaer u kushtëzua të braktiste fushën e blertë pasi u dëmtua gjatë sfidës ndaj sardëve.