Connect with Us

Shifra shqetësuese në 24 orë/ Humbin jetën katër të infektuar

Shëndeti

Shifra shqetësuese në 24 orë/ Humbin jetën katër të infektuar

Publikuar

-

Rritet numri i të infektuarve me Covid në Kosovë/ Shkon në 650 ai i viktima

Në 24 orët e fundit të COVID19 në Shqipëri janë kryer 1375 testime, nga të cilët kanë rezultuar pozitivë 297 qytetarë të prekur nga virusi SARS-COV2.

Janë shëruar 116 qytetarë, duke e çuar në 10341 numrin e të shëruarve në vend që prej fillimit të epidemisë.

Rastet pozitive të konfirmuara në 24 orët e fundit janë identifikuar në këto bashki: 111 raste në Tiranë, 30 raste në Shkodër, 25 raste në Durrës dhe Korçë, 18 raste në Elbasan, 14 rastë në Pogradec, 12 raste në Fier, 9 raste në Vlorë, 7 raste në Krujë, Berat, Sarandë,  6 raste në Lezhë, 5 raste në Lushnje dhe Kuçovë, 4 raste në Kurbin, 3 raste në Kolonjë, 1 rast në Kavajë, Mirëditë, Mallakastër, Kamëz, Tepelenë, Rroskovec, Shijak, Patos, Cërrik.

Aktualisht në spitalin Infektiv dhe “Shefqet Ndroqi” po trajtohen 257 pacientë, 19 në terapi intensive nga të cilët 5 pacientë janë të intubuar.

Në 24 orët e fundit, me gjithë përpjekjet e mjekëve, fatkeqësisht e kanë humbur betejën me COVID19, një 61 vjeçar nga Saranda, një 70 vjeçare nga Elbasani, një 73 vjeçar nga Tropoja, një 81 vjeçar nga Durrësi, me sëmundje bashkëshoqëruese.

LEXO EDHE:  Shiu shkakton përmbytje/ Rama thumbon opozitën: Vaksinës së dëshpërimit të tyre nuk i është gjetur formula

Ministria e Shëndetësisë dhe Mbrojtjes Sociale u shpreh ngushëllimet familjarëve.

Ministria e Shëndetësisë dhe Mbrojtjes  Sociale ju bën apel qytetarëve të vendosin maskën kudo në ambientet jashtë shtëpisë, ruani distancën dhe kujdesuni për higjienën, vetëm kështu mund të parandalohet përhapja e infeksionit SARAS COV2.

Kontaktoni me mjekun e familjes ose telefononi Urgjencën Kombëtare në numrin 127 nëse dyshoni se ju apo një i afërmi juaj është i prekur nga COVID19.

Telefononi në linjën e gjelbër falas 0800 40 40 për të kontaktuar mjekun e familjes, për sherbim psikologjik te specializuar dhe të sigurt si dhe për çdo informacion tjetër rreth COVID19.

COVID-19 – Statistika (21 Tetor 2020)

Raste të reja ditore 297
Të shëruar ne 24 orë 116
Humbje jete në 24 orë 4
Testime ditore 1375

Testime totale 111,564
Raste pozitive 17948
Raste të shëruara 10341
Raste Aktive 7145
Humbje jete 462

Shpërndarja gjeografike e rasteve aktive sipas qarqeve:

Tiranë 3505
Durrës 718
Shkodër 494
Fier 445
Korçë 456
Lezhë 360
Elbasan 313
Vlorë 283
Berat 218
Kukës 175
Dibër 91
Gjirokastër 87./ CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Shëndeti

“Po hyjmë në zonë jeshile”/ Najada Çomo: Situata do përmirësohet nga qershori

Publikuar

-

Nga

“Po hyjmë në zonë jeshile”/ Najada Çomo: Situata do përmirësohet nga qershori

Shefja e Infektivit Najada Çomo, deklaroi se Shqipëria po hyn në një zonë jeshile tashmë.

Çomo thekson se këtë vit vendi ynë mund të presë turistë, duke shtuar se situata nga Covid do të përmirësohet nga qershori dhe më tej.

Kemi nga janari që kemi filluar vaksinimin. Ne lancojmë përditë numrin e të vaksinuarve, të të infektuarve dhe fataliteteve. Do jemi një vend, s’po them free, por do jemi vend që do kemi situatë mjaft të mire nga Covid në qershor e më pas dhe këtë gjë e tregojnë shifrat.

Vaksinat e bëra janë arma më e fortë. Shqipëria po hyn në zonë jeshile dhe urojmë të shkojë gjithçka në mënyrë pozitive. Situata është jo e lehtë, por drita jeshile është ndezur dhe duhet mbajtur e ndezur. Por, ky është virus tinzar, dhe duhet gjithmonë kujdes. Është një armatë e vaksinuar në vend dhe sidomos ata njerëz, që punojnë në hoteleri, në zona kyçe, pra ku ka përhapje të Covid”, tha Çomo.

Najada Çomo në një intervistë për Frontline nënvizon se virusi po eliminohet në mënyrë graduale, teksa thënë se mjekët kanë mirë-menaxhuar pandeminë.

LEXO EDHE:  Atentatet në Tiranë dhe Elbasan/ Ardi Veliu paralajmëron vartësit: Qëndrimi në detyrë varet…

LEXO EDHE:  Kthjellime dhe vranësirave kalimtare/ Parashkimi i motit për sot

Virusi po eliminohet në mënyrë graduale. Kjo sepse një pjesë e mirë e popullatës është vaksinuar. Procesi i vaksinimit uroj që të ecë me këto ritme. Një nga armët e fuqishme të frenimit të sëmundjes, është vaksinimi. Kryeministri Rama ka meritë për përmirësimin e situates nga koronavirusi, unë besoj se është kryeministri i duhur dhe në kohën e duhur, që dha shumë për të përmirësuar situatën nga Covid.

Duhet të mos harrojmë se popullata shqiptare, njësoj si popullatat e tjera, ka edhe sëmundje të tjera. Pra, janë edhe sëmundje të tjera, që sjellin pasojën e humbjes së jetës. Është krejt e pamundur që të fshehësh një vdekje nga Covid. Nuk ka gjasa dhe arsye pse të fshehim vdekjet nga koronavirusi. Po ne jemi ende në luftë. Popullata nuk duhet të ketë frikë, por duhet të mos humbim vëmendjen. Ne kemi mirë-menaxhuar pandeminë. Jemi e do jemi deri në fund në gatishmëri për punë”, u shpreh Çomo./CNA.al

LEXO TE PLOTE

Shëndeti

Infektimet vijojnë të mbeten të ulta/ Ja sa qytetarë kanë humbur jetën sot

Publikuar

-

Nga

Infektimet vijojnë të mbeten të ulta/ Ja sa qytetarë kanë humbur jetën sot

Ministria e Shëndetësisë dhe Mbrojtjes Sociale ka publikuar të dhënat e 24 orëve të fundit sa i përket situatës së pandemisë në vendin tonë.

Sipas të dhënave mësohet se në 24 orët e fundit janë kryer 2956 testime dhe kanë rezultuar pozitivë 45 qytetarë, ndërsa janë regjistruar dhe 3 viktima.

Rastet pozitive të konfirmuara janë identifikuar në këto bashki:

11 raste në Tiranë, 6 raste në Shkodër, 4 raste Korçë, Devoll,  3 raste në Librazhd, Pogradec, 2 raste në Vlorë, Sarandë, Skrapar, 1 rast në Durrës, Fier, Elbasan, Mirditë, Tropojë, Kolonjë, Gramsh, Pustec.

Në 24 orët e fundit janë shëruar 1,050 qytetarë, duke e çuar numrin e të shëruarve në 121,122 që nga fillimi i epidemisë.

Aktualisht në spitalet COVID po trajtohen 86 pacientë, 7 në terapi intensive, nga të cilët 3 pacientë janë të intubuar. 

Me gjithë përpjekjet e stafit mjekësor betejën me COVID19 nuk e kanë fituar 3 qyetetarë: 1 qytetar nga Gjirokastra, 1 qytetar nga Shkodra, 1 qytetar nga Gramshi, të moshave 60-87 vjeç. Ministria e Shëndetësisë dhe Mbrojtjes Sociale i shpreh ngushëllimet familjarëve të të ndjerëve.

LEXO EDHE:  Bledi Çuçi ministër i Brendshëm/ Balla flet me superlativa: Do e bëjë më së miri

LEXO EDHE:  Situatë alarmante në Maqedoninë e Veriut/ 6 viktima dhe mbi 200 të infektuar në 24 orë

Ministria e Shëndetësisë dhe Mbrojtjes Sociale u drejtohet qytetarëve të mos neglizhojnë asnjë shenjë të sëmundjes dhe të kontaktojnë për çdo dyshim me mjekun e familjes për të kryer testimin si dhe për ndjekjen dhe trajtimin ambulator në banesë. Telefononi në numri 127 të Urgjencës Kombëtare për çdo emergjencë apo referim në spital./CNA.al

LEXO TE PLOTE

Shëndeti

Rakacolli paralajmëron lehtësimin e masave/ “Do kemi verë të këndshme”

Publikuar

-

Nga

Rakacolli paralajmëron lehtësimin e masave/ "Do kemi verë të këndshme"

Zv. ministrja e Shëndetësisë, Mira Rakacolli, deklaroi në studion e “Ilva Now” se mund të ketë ndryshime të masave në takimin e ardhshëm të Komitetit Teknik të Ekspertëve, mirëpo kjo varet nga statistikat dhe mesatarja e javëve të fundit si edhe të ditëve në vijim pasi shifrat janë dinamike. Ajo tha se mbledhja e ardhshme do të bëhet në ditët në vazhdim.

Komiteti bën takime të shkurtra edhe online gati përditë. Mendimet që kemi shkëmbyer janë se si paraqitet situata, kujdesi në rritjen e numrave të të strukturave nëpër spital. Po të ishte bërë mbledhja tani, duhet të nxirrnim me numra se sa janë indikatorët për një apo dy javë dhe mbi bazën e ndërthurjes së tyre dhe hetimit epidemiologjik të shohim nëse jemi në rregull me këto masa, a duhet t’i lirojmë apo t’i shtrëngojmë”, u shpreh znj. Rakacolli,.

Znj. Rakacolli theksoi se qytetarët duhet të respektojnë masat, pasi përndryshe ato nuk do të lehtësohen nga Komiteti Teknik i Ekspertëve. Madje, ajo përmendi se në rast se shifrat rriten dhe kujdesi nuk shtohet, atëherë masat mund të shtrëngohen.

“Do të jemi vigjilentë në kohën e sezonit dhe gjatë kohës, në varësi të situatës mund të priten ndryshime masash, qoftë për mirë qoftë për keq. Mund të ndryshojë situata epidemiologjike duke shtrënguar masat nëse nuk zbatohen masat”, kryetarja e Komitetit Teknik të Ekspertëve.

LEXO EDHE:  Situatë alarmante në Maqedoninë e Veriut/ 6 viktima dhe mbi 200 të infektuar në 24 orë

LEXO EDHE:  Si paraqitet situata në spitale/ Ministria e Shëndetësisë thirrje të fortë qytetarëve

Mira Rakacolli tha se pritet që sezoni i verës të jetë me masa të lehtësuara, në mënyrë që të gjithë shqiptarët të relaksohen pa kufizime të ashpra, mirëpo kjo do të ndodhë vetëm nëse shifrat do të vijojnë të jenë të ulëta dhe qytetarët do të zbatojnë masat.

“Nëse vazhdojmë që të kemi kujdesim ashtu siç rekomandojmë, besojmë se do të kemi një verë të këndshme, por për këtë duhet të zbatojmë masat. Sot, me maska, ndoshta më vonë nuk do t’i kemi masat”, u shpreh znj. Rakacolli./ Euronews Albania

LEXO TE PLOTE