Connect with Us

SHBA/ Debati i fundit presidencial, me rregulla të reja

Bota

SHBA/ Debati i fundit presidencial, me rregulla të reja

Publikuar

-

SHBA/ Debati i fundit presidencial, me rregulla të reja

Debati i dytë dhe i fundit para zgjedhjeve presidenciale në Shtetet e Bashkuara duket se do të mbahet me rregulla të reja të vendosura për të mos lejuar kandidatët të ndërpresin njëri-tjetrin.

Presidenti Donald Trump shprehu pakënaqësinë e tij me strukturën e përgjithshme, duke u thënë gazetarëve të hënën se megjithëse ai mendon se ndryshimi “është shumë i padrejtë”, do të marrë pjesë në debat të enjten në Nashville, Tenesi.

“Unë do të marr pjesë por është shumë e padrejtë që ata ndryshuan temat dhe është shumë e padrejtë që përsëri kemi një moderatore që është plotësisht e njëanshme”, tha Presidenti Trump.

Kristen Welker, një gazetare e respektuar e televizionit NBC që mbulon Shtëpinë e Bardhë, do të moderojë debatin dhe ka zgjedhur si tema për pyetjet ndaj Presidentit Trump dhe rivalit të tij demokrat Joe Biden, luftën ndaj COVID-19, sfidat e familjeve amerikane, çështjet racore në Amerikë, ndryshimin e klimës, sigurinë kombëtare dhe udhëheqjen e vendit.

Të hënën, fushata e zotit Trump tha se ishte e pakënaqur me temat, duke argumentuar se duhej të përqendrohej më shumë në politikën e jashtme dhe duke u ankuar që grupi jopartiak ishte i prirur pro zotit Biden.

Fushata e zotit Biden tha se të dyja palët më parë kishin rënë dakord të lejonin moderatorët të zgjidhnin temat dhe se PresidentiTrump donte të shmangte diskutimin e administrimit të tij të pandemisë së koronavirusit, gjë që sondazhet tregojnë se është çështja kryesore për votuesit.

“Si zakonisht, presidenti është më i shqetësuar me rregullat e një debati sesa t’i japë një vendi që është në krizë ndihmën që i nevojitet,” tha zëdhënësi i zotit Biden TJ Ducklo.

Sipas formatit të debatit të së enjtes do të ketë segmente 15 minutëshe për tema të ndryshme, gjatë të cilave secili kandidat do të ketë dy minuta për të folur, pasuar nga diskutimi për to.

Presidenti Trump e ndërpreu në mënyrë të përsëritur zotin Biden gjatë një debati kaotik dhe të acaruar më 29 shtator, dhe demokrati Biden u përgjigj me fyerje.

Komisioni ishte angazhuar që të bënte ndryshime për një debat më kuptimplotë dhe të hënën njoftoi se gjatë periudhës së parë dy minutëshe të përgjigjes, vetëm një kandidat do ta ketë mikrofonin e hapur.

“Të dy fushatat këtë javë rikofirmuan se ishin dakord për rregullin për të folur dy minuta, pa ndërprerje,” thuhej në deklaratën e tij. “Komisioni po njofton sot se për të zbatuar këtë rregull për të cilin është rënë dakord, i vetmi kandidat mikrofoni i të cilit do të jetë i hapur gjatë këtyre dy minutave është ai i kandidatit që ka fjalën.”

LEXO EDHE:  Zgjedhjet e 25 qershorit/Ja sa mandate ndajnë partitë në Korçë sipas votave në dy përballjet e fundit

“Ne e kuptojmë, pas diskutimeve me të dy fushatat, se asnjë prej fushatave nuk mund të jetë plotësisht e kënaqur me masat e njoftuara sot. Ne jemi të bindur që këto veprime realizojnë ekuilibrin e duhur dhe se janë në interes të popullit amerikan, për të cilin mbahen këto debate”, tha Komisioni.

Kandidatët presidencialë debatuan për herë të parë më 29 shtator dhe ishin parashikuar që të mbanin një debat të dytë javën e kaluar. Por Presidenti Trump u infektua nga koronavirusi dhe kur Komisioni jopartiak për Debatet Presidenciale vendosi që kandidatët ta bënin debatin virtualisht, presidenti u tërhoq./voa

 

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Debati Trump – Biden/ Palët ndahen për masat ndaj covid, pas një jave del vaksina

Publikuar

-

Nga

A ka frikë Xho Bajden të debatojë sërish me Donald Trumpin?

Debati presidencial ne SHBA ka filluar me qendrimet e paleve per situaten ndaj Covid 19.

Presidenti Donald Trump ka theksuar se vendi duhet te hapet, sepse ekonomia po shkaterrohet dhe vendi i mbyllur nuk eshte pergjigja e duhur.

Trump theksoi se shume brenda nje jave do kemi vaksinen dhe shume shpejt do kete nje sasi prej 100 milione per popullaten.

LEXO EDHE:  Zgjedhjet e 25 qershorit/Ja sa mandate ndajnë partitë në Korçë sipas votave në dy përballjet e fundit

LEXO EDHE:  Historia/ Si u bë Arabia Saudite aleate e Amerikës?

Kandidati Joe Biden ne qendrimin e tij theksoi se SHBA duhet te marre me shume masa dhe te vendosen maska, te kete distancim social dhe mbyllje nese eshte e nevojshme./CNA.al

LEXO TE PLOTE

Bota

SHBA/ Trump-Biden përballë njëri-tjetrit në debatin e fundit

Publikuar

-

Nga

Presidenti republikan Donald Trump dhe rivali i tij demokrat, ish nënpresidenti Joe Biden, debatojnë të enjten në mbrëmje (të premten ora 03.00 me orën e Shqipërisë), hera e fundit përpara zgjedhjeve presidenciale të 3 nëntorit që gjenden ballë për ballë.

Kandidatët, të dy në të 70-at, ndërprenë vazhdimisht njëri-tjetrin, megjithëse zoti Trump më shpesh se zoti Biden, në debatin e tyre prej mbi 90 minutash në fund të shtatorit, një përplasje që disa ekspertë amerikanë të shkencave politike e përshkruan si debatin presidencial amerikan më të keq ndonjëherë.

Por këtë herë, Komisioni i pavarur për Debatet Presidenciale ka vendosur ta mbyllë mikrofonin e njerit kandidat, ndërsa tjetri flet për dy minuta në përgjigje të pyetjeve për gjashtë çështje që ka zgjedhur moderatorja Kristen Welker e “NBC News”.
Komisioni tha se mendon se nëse as Presidenti Trump as demokrati Biden nuk përpiqen të ndërpresin njëri-tjetrin gjatë komenteve hapëse dy minutëshe, votuesit amerikanë – të paktën ata relativisht të paktë që thonë se janë ende të pavendosur se si do të votojnë – mund të krijojnë një ide më të qartë se në ç’drejtim do ta çojë vendin secili prej tyre kur të marrë detyrën në 20 janar.

Pas dy minutave të përgjigjeve, mikrofonët e kandidatëve do të hapen përsëri dhe një skenar përplasjesh si herën e parë mund të përsëritet. Kandidatët Trump dhe Biden shkëmbyen një varg talljesh, fyerjesh dhe komentesh me thumba ndaj njëri-tjetrit, me ndërprerjet që e bënin të vështirë here pas here për shikuesit që të ndiqnin shkëmbimet.
Shumë gjëra kanë ndryshuar midis debatit të parë dhe atij të së enjtes, i cila mbahet një një sallë debatesh në Universitetin Belmont në Nashville, Tenesi.

Një debat i dytë i planifikuar për javën e kaluar u anulua pasi zoti Trump u prek nga koronavirusi dhe u shtrua në spital për tre net. Kjo e bëri komisionin të vendoste që kandidatët të debatonin virtualisht, por zoti Trump refuzoi dhe takimi u anulua.
Çka është më e rëndësishme, miliona amerikanë tashmë kanë vendosur në lidhje me zgjedhjet, me më shumë se 43 milion njerëz që kanë hedhur votën here me postë ose personalisht. Shumë kanë thënë se gjatë pandemisë së pakontrolluar të koronavirusit në Shtetet e Bashkuara, ata donin të shmangnin kontaktin me votuesit e tjerë në radhët e gjata të pritshme në qendrat e votimit në ditën e zgjedhjeve.

Shumë votues demokratë që favorizojnë Biden thanë se dëshironin të ishin ndër të parët që votuan për të larguar zotinTrump, duke e bërë atë presidentin e tretë në detyrë të Shteteve të Bashkuara në katër dekadat e fundit, që do të humbiste garën për rizgjedhje për një mandat të dytë.

Votuesit republikanë shpesh u kanë thënë anketuesve dhe gazetarëve se ata synojnë të votojnë personalisht në ditën e zgjedhjeve, siç ka qenë traditë për dekada në zgjedhjet kombëtare amerikane. Debati i së enjtes mund të jetë shansi i fundit më i mirë për zotin Trump, që të ulë epërsinë e zotit Biden në sondazhet kombëtare.

Demokrati Biden, me gati një gjysmë shekulli në skenën politike amerikane si senator amerikan dhe ish-nënpresident në administratën e ish-Presidentit Barack Obama, mban një epërsi prej 9 ose 10 përqind ndaj zotitTrump në sondazhet kombëtare, por epërsia e tij në shtetet që pritet të përcaktojnë rezultatin e përgjithshëm është sa rreth gjysma e asaj të përgjithshme.

Gazetarja Welker e televizionit NBC thotë se ajo do t’i pyesë kandidatët në lidhje me përpjekjet e tyre për të kontrolluar koronavirusin që ka shkaktuar vdekjen e 221,000 vetëve në Shtetet e Bashkuara. Temat e tjera do të përfshijnë familjet amerikane, çështjet racore në SHBA, ndryshimin e klimës, sigurinë kombëtare dhe udhëheqjen.

LEXO EDHE:  Çfarë e tremb Edi Ramën në zgjedhje?

LEXO EDHE:  Çfarë e tremb Edi Ramën në zgjedhje?

Në një intervistë në Fox News të martën, Presidenti Trump sulmoi moderatoren Welker si “plotësisht e politizuar” dhe sulmoi Komisionin e Debateve si të njëanshëm kundër tij. Presidenti tha se nuk është i kënaqur me vendimin për të mbyllur mikrofonët e kandidatëve gjatë deklaratave hapëse dy minutëshe dhe pretendoi se debati duhej të ishte përqëndruar në politikën e jashtme në vend të pandemisë së koronavirusit dhe çështjeve të tjera të politikës së brendshme.

Zoti Trump ka vazhduar fushatën me tubime të mëdha të mbështetësve këtë javë, duke velrësuar energjinë që ai beson se ato i shtojnë fushatës së tij dhe duke besuar se ato janë thelbësore për të fituar një mandat të dytë. Zoti Biden, ndërkohë, ka qëndruar larg syve të publikut që nga fundjava e kaluar, në shtëpinë e tij në shtetin lindor të Delaware për t’u përgatitur për debatin.

Fushata Trump ka premtuar të përballet me Biden për një çështje që mungoi në debatin e parë – akuzat se djali i Bidenit, Hunter përdori lidhjet e babait të tij ndërsa ishte nënpresident për të bërë marrëveshje fitimprurëse biznesi në Ukrainë dhe Kinë.

Bill Stepien, menaxheri i fushatës së Trump, tha në një deklaratë këtë javë, “Nëse media nuk do t’i bëjë Joe Biden këto pyetje, presidenti do t’i bëjë dhe Biden nuk do t’i shamget dot”.

Zoti Biden i ka quajtur pyetjet në lidhje me djalin e tij “një fushatë shpifjesh”, por nuk i ka adresuar publikisht akuzat specifike në lidhje me marrëveshjen e Hunter Bidenit, përfshirë fakttin që ishte anëtar në bordin e një kompanie ukrainase të gazit natyror për të cilën, sipas mediave amerikane , ai paguhej 50,000 dollarë ose më shumë në muaj.

Nuk dihet se si mund t’u përgjigjet Biden pyetjeve në lidhje me transaksionet financiare të djalit të tij është diçka, dhe nëse aido të ngrejë pyetje në lidhje me shumat e mëdha që korporatat dhe qeveritë e huaja kanë shpenzuar për qëndrime në hotel dhe loja golfi në pronat e zotit Trump gjatë presidencës së tij.

Aaron Kall, një trajnues debatesh në Universitetin e Miçiganit, tha se rezultati i debatit është “edhe këtë radhë shumë më i rëndësishëm për Presidentin Trump”. Zoti Kall tha se Presidenti Trump “ka më pak hapësirë për gabim” sepse ndarjet partiake dhe votimi i parakohshëm kanë lënë më pak votues të pavendosur sesa në disa zgjedhje të fundit presidenciale të SHBA – ndoshta më pak se 5% të elektoratit, sipas sondazheve kombëtare.

“Trump do të ketë pritshmëri më të ulëta për këtë debat duke pasur parasysh sa dobët doli herën e parë” në shtator, tha zoti Kall.

“Nëse ai bën një paraqitje të mirë, kjo mund ta largojë koronavirusin nga titujt e mediave të paktën për një periudhë të shkurtër kohe.”

Sa i përket zotit Biden, profesori Kall tha se “Duke pasur parasysh epërsinë e tij të vazhdueshme në sondazhe, Biden nuk ka nevojë të ofrojë një paraqitje të jashtëzakonshme ose diçka të tillë. Fushata e tij është e kënaqur me gjendjen e garës aktualisht dhe do të ishte e lumtur me një zgjatje të pacaktuar të kësaj gjendjeje”.

Por ai shtoi se “ashtu si gjatë debatit të fundit, ai duhet të ruhet nga ndonjë gafë e madhe që mund të ndryshojë tonin e garës në një moment kritik.”/VOA

LEXO TE PLOTE

Bota

BE-ja sanksionon dy rusë për sulmin kibernetik ndaj Bundestagut

Publikuar

-

Nga

BE-ja sanksionon dy rusë për sulmin kibernetik ndaj Bundestagut

Bashkimi Evropian ka vendosur sanksione ndaj kreut të agjencisë së inteligjencës ushtarake ruse, GRU dhe ndaj një zyrtari të kësaj agjencie, për përfshirjen e tyre në sulmin kibernetik të vitit 2015, ndaj Dhomës së Ulët të Parlamentit të Gjermanisë.

Në gazetën zyrtare të BE-së u publikuan të enjten emrat e personave dhe entiteteve që janë sanksionuar nga blloku dhe u tha se ata “janë përgjegjës për përfshirjen” në sulmin kibernetik ndaj sistemit të informacionit të Bundestagut. Ky sulm u tha se ka ndodhur në prill dhe maj të vitit 2015.

Gjatë sulmit, sistemet operative kishin dalë jashtë funksionit për disa ditë dhe një “sasi e konsiderueshme” e të dhënave ishin vjedhur, teksa emailet e disa anëtarëve të parlamentit – përfshirë edhe atë të kancelares Angela Merkel- ishin “prekur” nga ky sulm tha Këshilli i BE-së.

Entiteti, të cilit i janë ngrirë asestet, është njësi brenda agjencisë GRU, zyrtarët e së cilës kanë marrë pjesë në sulmin kibernetik ndaj Bundestagut, tha BE-ja.

Dy zyrtarët që janë sanksionuar, do t’iu ngrihen asetet dhe nuk do të mund të udhëtojnë në BE. Njëri nga është thënë se është Dmitry Badin, të cilin BE-ja e përshkruan si pjesë të ekipit që ka kryer sulmin kibernetik.

BE-ja po ashtu ka sanksionuar Igor Kostyukov, duke thënë se ai, si kreu i GRU-së, është përgjegjës për sulmet kibernetike që ka kryer një njësit i agjencisë që ai udhëheqë.

LEXO EDHE:  Arian Galdini vizitë zyrtare në SHBA/ Takime në Departamentin e Shtetit dhe Kongres

LEXO EDHE:  PS "ndez motorët" për zgjedhjet e brendshme/ Balla mesazh deputetëve dhe ministrave

Blloku evropian tha se kjo njësi e GRU-së po ashtu ka marrë pjesë në tentimin për të hakuar rrjetin e Wi-Fi në Organizatën për Parandalimin e Armëve Kimike në prill të vitit 2018.

Kostyukov edhe më herët është sanksionuar nga BE-ja për shkak të rolit të tij në helmimin e ish-agjentit rus, Sergei Skripal dhe vajzës së tij, Yulia me agjentin nervor Noviçok më 2018 në Britani.

Prokurorët në Gjermani, ndërkaq, kanë lëshuar një urdhër-arrest për Badin, i cili kërkohet edhe nga autoritetet amerikane, pasi dyshohet se bën pjesë në grupin e hakerëve, të njohur me emrin Fancy Bear.

Rusia ka hedhur poshtë akuzat e BE-së dhe Gjermanisë se qëndron prapa sulmeve kibernetike ndaj Parlamentit gjerman./rel

LEXO TE PLOTE