Connect with Us

Nuk do të ketë vaksinë për koronavirus para zgjedhjeve amerikane

Bota

Nuk do të ketë vaksinë për koronavirus para zgjedhjeve amerikane

Publikuar

-

Parashikimet e Presidentit Trump për një vaksinë kundër koronavirusit para zgjedhjeve të 3 nëntorit, nuk do të përmbushen.

Të premten, gjigandi farmaceutik Pfizer njoftoi se nuk do të kërkojë autorizim emergjent për nxjerrjen e vaksinës së saj kundër koronavirusit deri në fund të nëntorit.

Dy kompani të tjera kryesore janë në pritje. Një kompani e katërt, nuk ka gjasa të ketë rezultat deri në fund të vitit.

Presidenti Trump ka thënë në mënyrë të përsëritur se një vaksinë do të ishte në dispozicion para zgjedhjeve, si pjesë e operacionit shumë të reklamuar nga administrata e tij “Operation Warp Speed”, e krijuar për të përshpejtuar zhvillimin e vaksinës.

Shkencëtarë me peshë brenda dhe jashtë qeverisë kanë thënë prej kohësh se afati kohor nuk është realist. Duke pranuar situatën në fillim të muajit, Presidenti Trump fajësoi politikën pa dhënë shpjegime.

“Mendoj se duhet ta kemi para zgjedhjeve,” tha zoti Trump përmes një videoje të postuar në Twitter pak pas daljes së tij nga spitali pas trajtimit për COVID-19. “Por sinqerisht, politika përfshihet, dhe kjo është situata, ata duan të luajnë lojërat e tyre. Do të jetë menjëherë pas zgjedhjeve.”

Siguria përpara së gjithash

Në një deklaratë të premten, shefi i kompanisë Pfizer Albert Bourla tha se deri nga fundi i tetorit do të dihet nëse vaksina funksionon. Por nuk do të kalojë provat e sigurisë deri në fund të nëntorit.

“Siguria është dhe do të mbetet përparësia jonë kryesore,”tha zoti Bourla.

Varianti i kompanisë Pfizer është një prej vaksinave që po ndjekin një qasje të re për imunizimin. Në vend të injektimit të pacientëve me një virus të vdekur ose të dobët apo mikrobe të pjesshme, vaksina përmban udhëzime gjenetike për një pjesë të koronavirusit. Trupi i pacientit merr udhëzimet, të njohura si mRNA, dhe prodhon fragmentin e virusit. Sistemi imunitar reagon ndaj fragmentit, duke përgatitur trupin të luftojë kundër virusit.

Pfizer po bashkëpunon me firmën bioteknologjike gjermane BioNTech, e cila doli me udhëzimet gjenetike që po testohen në vaksinë. Deri tani rreth 40 mijë njerëz po marrin pjesë në provat klinike.

Para shqyrtimit për autorizim emergjent nga Administrata Amerikane për Ushqimin dhe Ilaçet, kompania duhet të vëzhgojë të paktën gjysmën e pacientëve për dy muaj pas marrjes së dozës së fundit për të parë efektet anësore.

“Vlerësojmë se do të arrijmë një moment historik në javën e tretë të nëntorit,” shkruajti Bourla.

LEXO EDHE:  AstraZeneca përballet me pyetje për vaksinën

Një tjetër kompani, pararojë për vaksinën që përdor teknologjinë mRNA, Moderna gjithashtu pret rezultatet në fund të nëntorit.

Në pritje

Ndërkohë, dy prova të tjera të vaksinave janë ndaluar si rezultat i disa shqetësimeve lidhur me sigurinë e tyre. Kompania AstraZeneca tha se ndaloi përkohësisht provat e saj pasi të paktën një pjesëmarrës rezultoi me një sëmundje të pashpjegueshme.

Njoftimet nga media e kanë përshkruar sëmundjen si mieliti i tërthortë, një formë inflamacioni kurrizor që mund të shkaktojë dhimbje, dobësi dhe paralizë të gjymtyrëve, si dhe probleme të fshikëzës dhe zorrëve. Por kompania nuk ka konfirmuar diagnozën.

Pauzat për të kontrolluar raste të mundshme të sigurisë në provat e vaksinave nuk janë të rralla, thonë ekspertët, si dhe ka shumë faktorë përveç vaksinës që mund të kenë shkaktuar sëmundjen aktuale.

Prova ka rifilluar në Mbretërinë e Bashkuar, Brazil, Indi dhe Afrikën e Jugut. Megjithatë, në Shtetet e Bashkuara vazhdon të jetë në pritje.

Një tjetër vaksinë që po përdor një qasje të ngjashme, nga kompania farmaceutike Johnson & Johnson, po ashtu është ndeshur me një pengesë sigurie, megjithëse problemet e saj mund të mos jenë të lidhura me vaksinën. Kompania njoftoi për një sëmundje të paspjegueshme në një prej pjestarëve të provës javën e kaluar.

“Po mësojmë më shumë rreth sëmundjes së këtij pjesmarrësi dhe është e rëndësishme të kemi të gjitha faktet para se të ndajmë informacione të mëtejshme,” tha kompania përmes një deklerate.

Ndërsa kanë marrë miliarda dollarë nga qeveria amerikane, kompanitë farmaceutike po ndërmarrin hapa të paparë për rritjen e prodhimit të vaksinës para daljes së rezultateve.

Megjithatë nuk do të ketë vaksina të mjaftueshme menjëherë për të gjithë. Agjencitë qeveritare po hartojnë plane se kush mund ta marrë vaksinën i pari. Punonjësit e kujdesit shëndetësor, të reagimit të shpejtë dhe popullatat më të rrezikuara si dhe të moshuarit, ka gjasa të jenë të parët në rradhë.

Shefi i Qendrave për Kontrollin dhe Parandalimin e Sëmundjeve Robert Redfied i tha Kongresit muajin e shkuar se mund të duhet kohë deri nga mesi i vitit të ardhshëm që shumica e amerikanëve të vaksinohet./VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Koronavirusi “bën gjëmën” në Itali/ Konfirmohen 822 viktima në 24 orë

Publikuar

-

Nga

Koronavirusi “bën gjëmën” në Itali/ Konfirmohen 822 viktima në 24 orë

Ditët e fundit është vërejtur se shifrat e të infektuarve në Itali kanë ardhur sërish në rritje.

Mësohet se në 24 orët e fundit janë konfirmuar 29,003 raste të reja me koronavirus, nga 232,711 testime të bëra.

Mediat e shtetit fqinj, duke iu referuar min istrisë së Shëndetësisë, raportojnë se që nga fillimi i pandemisë, pragu i 1.5 milionë infeksioneve (1,509,875) është tejkaluar .

Që nga dita e djeshme kanë humbur jetën 822 persona, ndërsa në total numri i viktimave ka shkuar në 52,850.

LEXO EDHE:  Bolton: Do të mbështesim me entuziazëm një Brexit pa marrëveshje

LEXO EDHE:  DASH: Nuk do të ketë diskutime me Irakun për tërheqjen e trupave

Në kujdes intensive janë vetëm 2 persona më pak sesa dje, ndërsa në spitalet Covid po trajtohen  275 pacientë më pak se një ditë më parë. / CNA.al

LEXO TE PLOTE

Kosova & Rajoni

Vizitat e ndërsjella/ Përplasje Kosovë – Serbi

Publikuar

-

Nga

Vizitat e ndërsjella/ Përplasje Kosovë – Serbi

I dërguari i posaçëm i Bashkimit Evropian për bisedimet Kosovë – Serbi, Miroslav Lajçak, u bëri thirrje palëve që të respektojnë marrëveshjen për vizitat e ndërsjella zyrtare, ndërsa tërhoqi vërejtjen së mosrespektimi i saj dëmton përpjekjet për të normalizuar marrëdhëniet ndërmjet tyre.

Ai i bëri këto komente në një letër dërguar kryeministrit të Kosovës, Avdullah Hoti, pasi që ministrja e Jashtme, Meliza Haradinaj tha se nuk do të lejohen vizitat e zyrtarëve serbë, përfshirë presidentin e Serbisë, Aleksandër Vuçiç, derisa nuk kërkon ndjesë për gjenocidin kundër popullatës së Kosovës”.

Javën e kaluar ministrja Haradinaj nuk dha leje për një vizitë të një delegacioni serb në Kosovë ndërsa ritheksoi se “nuk ka leje për ju për vizita në Kosovë përderisa nuk kërkoni falje për gjenocidin e kryer ndaj popullit tonë, dhe përderisa nuk vihen para drejtësisë ndërkombëtare përgjegjësit e atij gjenocidi”.

Reagimi i saj pasoi vizitën e presidentit serb Vuçiç në një spital në Batajnicë afër Beogradit, ku është gjetur një varrezë masive me trupat e 744 shqiptarëve të vrarë gjatë luftës në Kosovë. Varreza të tilla janë gjetur në disa zona në Serbi kur forcat serbe kishin dërguar trupat e shqiptarëve të vrarë gjatë luftës në kuadër të operacioneve për fshehjen e gjurmëve të mizorive të tyre në Kosovë.

Javën e kaluar në Kizhevak në jugperëndim të Serbisë është gjetur një vazrrezë e dyshuar ku besohet se ka trupa të shqiptarëve të vrarë gjatë luftës.

Ministrja Haradinaj kishte kërkuar të vizitojë zonën.

LEXO EDHE:  SHBA, 1.8 milionë dollarë për turizmin/ Yuri Kim: Mbrojtja e mjedisit fillon me pastrimin e tij

LEXO EDHE:  ‘Fshehën rastin e Durrësit”/ Berisha akuza qeverisë: Mjekët e morën vesh nga mediat

“Ata donin të dërgonin Ministren e Punëve të Jashtme, e cila donte ta bënte një shfaqje politike në komunën e Rashkës. Ne u thamë atyre se, kjo ishte absolutisht e papërshtatshme për momentin. Meqenëse na dërguan një letër, ne u dërguam atyre një letër. Nuk kemi asgjë për të fshehur”, tha ndërkaq presidenti serb Vuçiç.

I dërguari evropian, Laçak, në letrën dërguar kryeministrit të Kosovës thekson se mosrespektimi i marrëveshjes për vizitat e ndërsjella, “dërgon një sinjal shumë negativ për besueshmërinë e Kosovës si palë në procesin e bisedimeve” dhe dëmtojnë përpjekjet për normalizimin e marrëdhënieve.

Kryeministri Hoti tha të enjten se ka marrë letrën e zotit Lajçak, ndërsa nënvizoi se Kosova respekton marrëveshjet dhe është në favor të lëvizjes së lirë. “Çdo kërkesë për vizitë do të trajtohet në kontekst të ndjeshmërisë ë situatës nëpër të cilën po kalojmë”, tha ai.

Marrëdhëniet ndërmjet Kosovës dhe Serbisë vazhdojnë të mbeten të tensionuara. Beogradi refuzon të njohë pavarësinë e Kosovës që u shpall në vitin 2008 por është përfshirë në një proces të gjatë bisedimesh për normalizimin e marrëdhënieve që është kusht për integrimet evropiane./ VOA

LEXO TE PLOTE

Bota

Laschet dëshiron kryesinë e CDU-së dhe kandidaturën për kancelar

Publikuar

-

Nga

Laschet dëshiron kryesinë e CDU-së dhe kandidaturën për kancelar

Kryeministri i Renanisë-Veriore-Vestfalisë, Armin Laschet (CDU) pretendon edhe kandidaturën për kancelar të Gjermanisë, po të zgjidhet kryetar i CDU-së në janar. Lascheti e përjashton heqjen dorë nga kandidatura në favor të Ministrit Federal të Shëndetësisë Jens Spahn. Dega e CDU-së e Renanisë-Veriore-Vestfalisë kishte pasur arsye të forta kur e propozoi atë për postin e kryetarit federal të partisë , i tha Laschet televizionit WDR. “Kjo mbetet. Kështu e sheh edhe Jens Spahn”.

Deklaratat e fundit në lidhje me kandidaturën për kancelar Laschet i bëri gjatë xhirimeve të filmit “Ballafaqimi. Markus Feldenkirchen takon Armin Laschet” që do të transmetohet këtë të enjte.

Kandidati për kryetar të ri të CDU, Armin Laschet reagoi me këtë ndaj popullaritetit në rritje të Ministrit Federal të Shëndetësisë në pandeminë e Coronas dhe pakënaqësisë në CDU me tre kandidatët e deritashëm për kryesinë e partisë.

Shqetësim për përçarje

Në fillim të vitit, Spahn, i cili vjen nga Münsterland, vendosi të kandidojë si zëvendës i Laschet-it. Në shumë sondazhe, Jens Spahn tani është përpara kryeministrit të  Renanisë-Veriore-Vestfalisë. Ai është shumë popullor edhe brenda CDU-së.

Kur u pyet pse po kandidon jo vetëm për kryesinë e partisë, por edhe për të pasuar Angela Merkel-in, Lascheti tha se ishte i shqetësuar për një ndarje të thellë në vend pas pandemisë. “Ju tashmë mund të shihni agresionin në shoqëri. Do të jetë detyrë kryesore të mbajmë vendin tonë së bashku kur Angela Merkel të mos jetë më kancelare”.

LEXO EDHE:  “Koha për të vepruar nuk pret më!”/ Meta thirrje Qeverisë: Katër kategoritë që duhet të testohen menjëherë

LEXO EDHE:  Universiteti i Oksfordit fillon provat klinike për vaksinë kundër koronavirusit

Kritika ndaj Merzit

Lascheti kritikoi edhe konkurrentin e tij për kryetar të partisë, Friedrich Merz. Ai ka shkarë përsëri në modelet e sjelljes para 20 vjetësh, kur u grind me Angela Merkelin. Që Merz tani po e vazhdon këtë luftë kundër tij, “kjo është thjesht çmenduri”.

Lascheti tha se nuk është i shqetësuar për prapambetjen në sondazhe ndaj kryeministrit të Bavarisë, Markus Söder. “Unë kam parë kaq shumë figura të ndritshme”, tha Laschet, duke përmendur ish-kandidatin e SPD për kancelar, Martin Schulz dhe paraardhësen e tij në krye të landit, Hannelore Kraft, si shembuj të popullaritetit të lartë, por “pas tre muajsh nuk kishte mbetur asgjë”./DW

LEXO TE PLOTE