Connect with Us

Meta jep alarmin/ Borxhi Publik rritje, papunësia dhe varfëria në vend po thellohen

Politikë

Meta jep alarmin/ Borxhi Publik rritje, papunësia dhe varfëria në vend po thellohen

Publikuar

-

Meta dekreton marrëveshjen për blerjen e vaksinës anti-Covid/ Qeveria të bëjë çdo përpjekje

Presidenti Ilir Meta vijon të reagojë me tone të forta, në lidhje me rritjen e Borxhit Publik.

Në një postim në rrjetet sociale, Meta shkruan se parashikimet e muajit tetor të Fondit Monetar Ndërkombëtar janë tepër shqetësuese.

Shqipëria parashikon uljen ekonomike më të lartë në rajon. Si pasojë dhe rënia e të ardhurave për frymë është nga më të lartat.

Qytetarët shqiptarë, jo vetëm do të varfërohen më shumë, por dhe do të kenë një barrë më të lartë të borxhit për të paguar.

Konkretisht të ardhurat për frymë për Shqipërinë në vitin 2020 parashikohen të arrijnë në 4898 USD/për frymë, ndërkohë që:

Në Malin e Zi në 7933 USD/për frymë,

Në Serbi në 7497 USD/për frymë

Në Maqedoninë e Veriut në 6019 USD/për frymë.

Varfërimi do shoqërohet dhe me rritjen e barrës së borxhit. Sipas parashikimit të Fondit Monetar Ndërkombëtar, niveli i borxhit publik në fund të vitit 2020 (pa llogaritur detyrimet e shumta të Qeverisë) do të arrijë në rreth 83.3% e Prodhimit të Përgjithshëm Bruto.

Ndërsa të Ardhurat për Frymë në vitin 2020 do të ulen në rreth 425 USD krahasuar me vitin 2019, Borxhi Publik për Frymë do të rritet në 373 USD krahasuar me vitin 2019.

Në vitin 2020 Të Ardhurat për Frymë do të ulen në nivelin 4898 $ USA krahasuar me 5323 $ USA në vitin 2019.

Ndërsa Borxhi Publik për Frymë do të rritet në 4079 $ USA, krahasuar me 3606 $ USA në vitin 2019.”-shkruan Meta.

LEXO EDHE:  Reforma në Drejtësi/ Meta akuza të forta Ramës

Më tej, ai thekson se rritja e Borxhit Publik nuk po reflektohet në rritje të ekonomisë, por në thellim të varfërisë.

Këto të dhëna tregojnë qartë që rritja e Borxhit Publik nuk po adreson rritjen ekonomike dhe rritjen e të ardhurave për frymë, por përkundrazi po thellon papunësinë dhe varfërinë në vend.”-shkruan Ilir Meta./ CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Mediat e Vjollca Hoxhës dhe Ben Blushit/ Gabim që ju dha titull Surroit

Publikuar

-

Nga

Mediat e Vjollca Hoxhës dhe Ben Blushit/ Gabim që ju dha titull Surroit

Në një shkrim në gazetën Shqip të falimentuar në print, sot e drejtuar nga një shërbëtor i Ben Blushit ka ardhur reagimi pas lajmit për heqjen e titullit “Qyetar Nderi” të Veton Surroit.

Në shkrim thuhet se Bashkia e Kukësit kishte gabuar me dhënien e titullit “Nderi i Qarkut të Kukësit” ndaj publicistit.

Shkrimi redaksional tregon qartë linjën e kësaj medie online, që përdoret për sulmet dhe zullumet personale të Ben Blushit dhe Vjollca Hoxhës.

Megjithatë, pyetja, apo dilema që lind në këtë logjikë, është se përse ju dha Veton Surroit një çmim në qarkun Kukës në vitin 2015. Zoti Surroi është një intelektual, shkrimtar, publicist dhe botues i njohur në Kosovë. Ka qenë prezent në politikë dikur me partinë “Ora”, por që u shkri pas dështimit të saj në rrafshin elektoral. Por ende nuk është marrë vesh se përse atij ju dha një çmim “Qytetar Nderi” i qarkut të Kukësit, kur realisht për Kukësin nuk se ka një kontribut të njohur e të shquar, përveçse ka paguar prej 20 vjetësh një korespondent nga Kukësi të gazetës së tij “Koha Ditore”, shkruan shqip.

LEXO EDHE:  Meta dënon sulmin terrorist në Londër

LEXO EDHE:  Pas seancës parlamentare/ Meta bën lëvizjen e radhës

Kurse Zoti Surroi as ka jetuar asnjëherë në Kukës, pasi edhe shtëpinë e tij verore ai e ka në Qerret, ku shpesh në rrjetet sociale ndan momente të ndryshme të jetës. Kjo zallamahi e ndodhur sot tregon mos seriozitetin e shtetit e institucioneve me një akt serioz siç janë medaljet e çmimet nderuese. Ato jepen për qoka e për të kaluar radhën, ashtu si kafet e birrat në një lokal, sipas senseve të momentit”, mbyllet qëndrimi i medias në pronësi të Vjollca Hoxhës, që drejtohet nga “kamikazi” i Ben Blushit, ortakëve të pronarëve të inceneratorëve

Për Blushin, vjollcën dhe ushtarët e tyre ndoshta do ishte më mirë të bëheshin “Qytetarë Nderi” Klodian Zoto dhe Mirel Mërtiri që i kanë aksionerë në biznese dhe u japin miliona për reklama./ CNA.al

LEXO TE PLOTE

Politikë

Dyfytyrësia e Safet Gjicit

Publikuar

-

Nga

Video - Dyfytyrësia e Safet Gjicit

Lajmi i heqjes së titullit “Nderi i Qarkut Kukës” të publicistit Veton Surroi u shoqërua me një lumë reagimesh të forta.

Edhe kryeministri Edi Rama pati një reagim të ashpër dhe kritik ndaj të vetëve, teksa tha se vendimi ishte një lajthitje.

Menjëherë pas Ramës, kryebashkiaku i Kukësit Safet Gjici bëri një reagim të detyruar dhe kërkoi falje për heqjen e titullit.

Gjici tha se ky ishte një veprim i nxituar, pas kërkesës së 57 familjeve të Dëshmorëve të UÇK. Por një video e publikuar nga mediat tregon dyfytyrësinë e Safet Gjicit.

Në mbledhje ai ka kërkuar me ngulm heqjen e titullit “Nderi i Qarkut Kukës”, pasi pretendon te se Surroi ka bërë fushatë politike dhe mediatike kundër UÇK-së.

LEXO EDHE:  Meta dënon sulmin terrorist në Londër

LEXO EDHE:  Një ditë para seancës plenare/ Rama i shkon në zyrë Metës

Socialisti me tone të ashpra ka deklaruar në mbledhjen e Këshillit Bashkiak se motivacioni për të cilin Surroi ka marrë titullin, bie ndesh me deklaratat e këtij të fundit.

Kjo video zbulon qartë fytyrën e vërtetë të kryebashkiakut të Kukësit dhe atë që shfaq në publik./ CNA.al

LEXO TE PLOTE

Politikë

I hoqën titullin “Nderi i Qarkut Kukës”/ Reagon Veton Surroi: Më bënë gjyq politik

Publikuar

-

Nga

I hoqën titullin “Nderi i Qarkut Kukës”/ Reagon Veton Surroi: Më bënë gjyq politik

Publicisti Veton Surroi ka reaguar për herë të parë pas vendimit të Këshillit të Qarkut të Kukësit për t’i hequr titullin “Nder i Qarkut”, ka reaguar për Euronews Albania. Publicisti i njohur deklaroi se, vendimi i ngjason gjyqeve politike duke kujtuar se gjykime të tilla në këtë qark kanë pasur dhe pasoja të hidhura (varja e shkrimtarit Havzi Nela) por që për fatin e tij të mirë tashmë nuk jetojmë më në atë sistem totalitar pasi pasojat do të diheshin.

“Ishte pa këndshme por është një lajm në zhvillim dhe pas vendimit pashë që kryetari i bashkisë kërkoi falje. Nuk e di se ku gjendet dhe ku do të gjendet pas një orë kjo punë. Ishte pakëndshme dhe forma se si u veprua, u zhvillua një lloj gjyqi politik në të cilin më la mbresë formulimi “le ta shkarkojmë tash, format do t’i marrim më vonë. I ngjasonte pak gjykimeve politike dhe gjykimet politike në Kukës dhe për fat të keq ato kanë pasur pasoja të këqija në kohën e komunizmit. Fati i mirë është që jemi në një sistem tjetër se për ndryshe kjo punë përfundonte edhe më keq”, deklaroi z. Surroi.

I pyetur se tek cilat qëndrime bazohej një vendim i tillë nga Këshilli i Qarkut të Kukësit, ai tha se është një gjykim politik dhe sipas tij bazohet në emocion dhe jo në prova.

“U lajmërova nga miqtë e mi në Kukës që më shprehën keqardhje dhe nga kolegët e mi në Shqipëri që kërkonin një konfirmim nga unë ndërkohë që nuk dija asgjë për këtë lajm. Nuk shoh ku është inspirimi dhe prej nga është inspirimi, nuk e di për cilat dosje dhe për çfarë është fjala.

Dokumenti që është prezantuar nga z. Gjici, kryetari i bashkisë thoshte se kishe të bënte me iniciativën e dy intelektualëve që për fat të keq nuk i njoh dhe nuk e di se çfarë provash kanë paraqitur ata intelektualët dhe çfarë për z. Gjici është provë.

LEXO EDHE:  Pas seancës parlamentare/ Meta bën lëvizjen e radhës

LEXO EDHE:  U kërkoi ndjesë kosovarëve/ Ish-ministrja e Jashtme i “përvishet” Ramës

Ky veprim i gjykimit politik me thënë të drejtën siç do gjykim politik tjetër bazohet në emocion dhe reagim dhe veprim shkatërrues dhe në mbledhje të ndonjë prove apo vendimi. Fundi fundit se çfarë mendoj unë nuk është ndonjë sekret pasi shkruaj libra dhe shkruaj në gazetë”, u shpreh publicisti.

“As nuk kam nevojë të kërkoj dhe kush fshihet apo pse fshihet pas këtij vendimi. Kryetari i bashkisë tha se kishte një vendim pas kërkesës së dy intelektualëve. Pastaj tha për një letër të 57 familjeve. Me thënë të drejtën këto veprime nuk i bëjnë nder kryetarit të bashkisë”, përfundoi z. Surroi.

Këshilli i Qarkut ka argumentuar një vendim të tillë me qëndrimet që z. Surroi ka mbajtur kohët e fundit për luftën e UÇK-së në Kosovë. Veton Surroi u shpall “Qytetar Nderi” i Kukësit në vitin 2015 me propozim të klubit letrat “Anton Pashko” për kontribut të veçantë në fushën e medias dhe politike gjatë krizës së luftës dhe shpalljes së pavarësisë së Kosovës.

Ai është një nga intelektualët më të shquar të Kosovës. 59-vjeçari është publicist, politikan dhe ish-gazetar dhe ka qenë përfaqësues i Kosovës në bisedimet për Marrëveshjen e Rambujesë. Surroi në vitin 2011 ka marrë çmimin SEEMO për të drejtat e njeriut.

Kreu i Këshillit të Qarkut të Kukësit, Avdullah Domi gjatë një deklarate pas vendimi tha se, vendimi ishte marrë pas disa debateve ndërsa në votim propozimi u miratua me shumicë votash.

Për këtë vendim reagoi dhe kryeministri, Edi Rama, i cili pasi e cilëson “lajthitje kolektive” i kërkoi Prefektit të Qarkut të mos e firmosë një vendim të tillë.

Ndërkohë disa orë pas vendimit në Këshillin e Qarkut të Kukësit, kreu i Bashkisë Kukës Safet Gjici e ka cilësuar vendimin si “të nxituar”. Z. Gjici në një reagim në rrjetet sociale tha se, vendimi kishte ardhur pas kërkesës nga 57 familje dëshmorësh ë UÇK-së.

LEXO TE PLOTE