Connect with Us

Reja drejt largimit nga Shqipëria pas Ligës së Kombeve, një italian tjetër për Kombëtaren

Kombëtare

Reja drejt largimit nga Shqipëria pas Ligës së Kombeve, një italian tjetër për Kombëtaren

Publikuar

-

Kombëtarja shqiptare do ta mbyllë Ligën e Kombeve me trajnerin Edi Reja, por më pas mund të ketë ndryshime. Në Federatë po mendojnë të ardhmen afatgjatë me një tjetër teknik italian

Rinovimi i kontratës është deri në 2022. Edi Reja mund të thuhet se i ka pozitat të forta në kombëtaren e Shqipërisë, por gjithsesi nuk mund të përjashtohen edhe të papritura. Burime në Federatën Shqiptare të Futbollit bëjnë me dijë për Abc News se në njerëz të rëndësishëm në institucion gjykojnë se duhet menduar për një zgjidhje afatgjatë, pra për një trajner më të ri.

Janë njerëz tepër të afërt të presidentit Duka që gjykojnë kështu, ndonëse vendimi për teknikun e kombëtares është ekskluzivisht i kreut të Federatës. Këto burime kanë theksuar se ka ekzistuar plani për ta bërë Rejën njeriun që do të kërkojë lojtarët për kombëtaren nëpër Europë dhe për t’i dhënë të drejtën të propozojë emrin e trajnerit të ri, që sipas Dukës duhet të jetë sërish italian.

Reja është 75 vjeç dhe ndonëse është në gjendje shumë të mirë fizike dhe shëndetësore, mund ta ketë të vështirë një ngarkesë kaq të madhe siç është ajo e drejtimit të një ekipi kombëtar, për motivimin e së cilit duhet energji e madhe.

Aq më tepër në një moment kaq delikat, kur duhet rinovimi i skuadrës dhe kur Shqipëria nuk ka një stabilitet në formacion. Vetë Reja e ka pasur parasysh diçka të tillë, kur ka këmbëngulur për të rinovuar deri në 2022, jo deri në 2024, siç u diskutua më parë.

Gjithsesi, Shqipëria pritet t’i mbyllë ndeshjet në Ligën e Kombeve me teknikun aktual dhe vetëm më pas mund të ketë bisedime për të ardhmen.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kombëtare

Tronditet kombëtarja, Keidi Bare humbet ndeshjet e nëntorit

Publikuar

-

Nga

Kombëtarja shqiptare ka humbur së fundmi, për ndeshjet e muajit nëntor, një nga futbollistët më të rëndësishëm të momentit. Bëhet fjalë për mesfushorin Keidi Bare, i cili ishte shndërruar në një lider të mesfushës kuqezi.

Futbollisti fierak u aktivizua në minutën e 65-të në ndeshjen e ditës së mërkurë kundër Poferdinës.

23-vjeçari kishte pësuar një tërheqje gjatë kohës kur luajti me Shqipërinë, teksa ka ndjerë sërish shqetësime, teksa do t’i duhet të qëndrojë sërish jashtë fushave të blera edhe për të paktën 1 muaj, duke humbur kështu ndeshjet më të rëndësishme të Ligës së Kombeve me ekipin Kombëtar.

LEXO TE PLOTE

Kombëtare

Behrami: COVIDI më bëri të brishtë, ndeshja më e ndjerë për mua ishte ndaj Shqipërisë

Publikuar

-

Nga

Valon Behrami ka një eksperiencë të madhe në shpatulla, sidomos në Itali, aty ku ka zhvilluar shumë ndeshje. Megjithatë, ndjesia është gjithnjë e veçantë kur luhet një derbi, siç do të bëjë këtë javë mesfushori me origjinë shqiptare, teksa do të jetë me fanellën e Xhenoas përballë Sampdorias. Gjithsesi, në një intervistë për Il Secolo XIX, 35-vjeçari e pranon se ndeshja më e ndjerë ka qenë Zvicër-Shqipëri, ndërsa tregon se COVID e ka bërë më të brishtë.

Keni luajtur shumë derbi në karrierën tuaj, si është ai i Xhenoas? “Kam luajtur edhe Lacio-Roma, disa derbi të Londrës, por ndeshja me e ndjerë për mua ishte Zvicër-Shqipëri, por aty sigurisht jo në lidhje me qytetin siç ndodh me derbit e klubeve. Këtë të Xhenoas, është një derbi që dua ta fitoj për t’i dhënë një gëzim tifozëve”.

Eksperienca me COVID-19? “Nuk më pëlqejnë shprehjet si “Ajo që nuk të vret, të bën më të fortë”. Nuk ndjehem më i fortë, por ndihem më i brishtë dhe nuk bëhet fjalë për problem fizik, sepse jam stërvitur shumë mirë. Pashë frikën për diçka që nuk e njihja, ishte frika që mund të prekte fëmijët e mi, prindërit e gruan time. Më mirë unë, se atyre. Këtë mendoja gjithë kohën. Për shumë orë kam qëndruar vetëm në dhomën time, i izoluar. Kjo më ka bërë më të ndjeshëm në lidhje me vuajtjet që mund të kenë të tjerët. Kur u riktheva të stërvitesha, kisha pak dëshirë të flisja. I shikoja shokët e tjerë dhe e perceptoja vuajtjen e tyre”, u shpreh Behrami.

LEXO TE PLOTE

Kombëtare

Kaos dhe rekord në klubin e mbrojtësit të Kombëtares shqiptare, 29 të infektuar me Covid-19

Publikuar

-

Nga

Raste të reja me koronavirus te Reggiana, skuadra e Serie B ku aktivizohet Arlind Ajeti. Ditën e sotme janë regjistruar dy lojtarë të tjerë pozitiv me Covid-19.

Kaos dhe situatë negative në klubin italian, aty ku numri i të infektuarve ka shkuar në 29, nga të cilët 22 janë futbollistë dhe 7 të tjerët anëtarë të stafit teknik.

Ndeshja e fundjavës kundër Cittadellas së Kastratit u shty dhe me shumë mundësi e njëjta gjë do të ndodhë edhe me duelin e 31 tetorit kundër Salernitanës.

LEXO TE PLOTE