Connect with Us

Agron Tufa publikon dokumentin/ Spartak Braho jepte dënime dhe kundër ligjeve të kohës

Lajme

Agron Tufa publikon dokumentin/ Spartak Braho jepte dënime dhe kundër ligjeve të kohës

Publikuar

-

Ish-kreu i Institutit të Studimeve dhe Pasojave të Krimeve të Komunizmit, Agron Tufa ka publikuar një dokument, sipas të cilit, deputeti i Partisë Socialiste, Spartak Braho ka dhënë dënime kundër ligjeve të kohës në Gjykatën e Rrethit Durrës.

Sipas dokumentit të publikuar, dhe sipas atyre që shkruan Tufa, me përfundimin e Fakultetit Juridik, në vitin 1981 Braho u emërua gjyqtar, e më pas kryetar i kolegjit ushtarak dhe detyrën e mbajti deri në vitin 1987, kur u bë i njohur për një skandal të paparë, dënimin në mungesë të një shtetasi, të cilin e internoi.

Tufa thekson se Braho shkoi në Degën e Punëve të Brendshme Durrës dhe në dhomat e hetuesve bëri komunikimin formal me të pandehurin. Tufa shkruan më tej se gjyqtari Braho dhe sekretarja e tij ishin përgjegjës për dy vepra penale: shpërdorim i pozitës zyrtare dhe falsifikim dokumentesh. Por meqë Braho vinte nga “shtëpi lufte”, shton ai, partia e mbylli njërin sy dhe nuk e dërgoi në dhomat e hetuesve.

“SPARTAK BRAHO JEPTE DËNIME DHE KUNDËR LIGJEVE TË KOHËS
Para një viti i drejtova një pyetje publike deputetit Spartak Braho, nëse ishte bërë problem ai ndonjëherë për falsifikim dokumentesh dhe si ishte larguar nga detyra e gjyqtarit popullor në Gjykatën e Rrethit Durrës.
Braho vigjilent për nderin e komunistëve nuk dha përgjigje. Gjë që dihej kjo. Këtë anë të errët të jetës së tij, Braho ishte përpjekur gjithnjë ta mbante të panjohur. Kur u bë për herë të parë njeri publik, pra kur u zgjodh deputet i kallashparlamentit të vitit 1997, në manualin e Kuvendit për biografitë e deputetëve, nuk kishte asgjë për pozicionet e punës që kishte mbajtur Braho më parë.
Braho që më “akuzonte” mua se kisha “falsifikuar” ligjin e ISKK-së, vinte për vete nga një përvojë falsifikuese. Në vitin 1974 ai u diplomua gazetar dhe menjëherë filloi punë si punëtor partie në Bashkimin e Rinisë së Punës së Shqipërisë në Rrethin e Durrësit.
Këtë detyrë e mbajti deri në vitin 1978 për të shkuar jurist në Portin e Durrësit. Braho kishte nisur me korrespondencë Fakultetin Juridik në Tiranë për t’u bërë një vishinsk i përkushtuar i partisë për të dënuar armiqtë e klasës.

Partia e emëroi jurist pa mbaruar shkollën se ishte djalë partizani de. Me përfundimin e Fakultetit Juridik, në vitin 1981 Braho u emërua gjyqtar, e më pas kryetar i kolegjit ushtarak. Këtë detyrë Braho e mbajti deri në vitin 1987, kur u bë i njohur për një skandal të paparë, dënimin në mungesë të një shtetasi, të cilin e internoi.
Me iniciativën e tij si një bolshevik i vendosur kundër armiqve të klasës, shkon në Degën e Punëve të Brendshme Durrës dhe në dhomat e hetuesve bën komunikimin formal me të pandehurin. Për të qenë në rregull, përpilojnë një procedurë të falsifikuar sikur ishte zhvilluar gjyq.
Pasi i dënuari B.H. u ankua, Gjykata e Lartë nisi një hetim administrativ ndaj Spartak Brahos dhe sekretares Tatjana Doko. Kryesia e Gjykatës së Lartë, që ishte edhe organi epror për sistemin gjyqësor në vend, i thirri të dy shkelësit për t’i kërkuar llogari për “shkelje të rënda procedurale në një çështje penale”.
Gjyqtari Braho dhe sekretarja e tij ishin përgjegjës për dy vepra penale: shpërdorim i pozitës zyrtare dhe falsifikim dokumentesh. Por meqë Braho vinte nga “shtëpi lufte”, bazë e luftës “nacionalçlirimtare”, partia e mbylli njërin sy dhe nuk e dërgoi në dhomat e hetuesve.

LEXO EDHE:  Hetimi për Tahirin/ Dështon prokuroria

Gjithë gjykatave iu dërgua qarkorja nr.240, datë 24.3.1987, në të cilën i tërhiqej vëmendja që raste të tilla mos të përsëriteshin më. Njëkohësisht, partia pati zemër të madhe me birin e saj. U ra dakord që Braho të largohej nga sistemi gjyqësor. Braho gjeti fijen dhe i ra në qafë Ministrit të Tregtisë së Jashtme, shokut Shane Korbeci, i cili e emëroi jurist në një drejtori të rëndësishme të kësaj ministrie. Në mbledhjen e organizatës bazë ku bënte pjesë, shoku Spartak bëri autokritikë që është e nivelit të lartë politik, e cila nuk u administrua vetëm në dosjen e tij si komunist. Në kartë iu shënua një vërejtje. (Në foto dokumenti dhe Spartak Braho me Nasho Jorgaqin “Dragoi”, në një mastrubim kolektiv me rastin e dekorimit të Brahos nga një shoqatë enveriste)”, shkruan Tufa./CNA.al

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Lajme

Zhdukja e Remzi Hoxhës/ Djali: Mungon vullneti i institucioneve për të vënë drejtësi

Publikuar

-

Nga

Zhdukja e Remzi Hoxhës/ Djali: Mungon vullneti i institucioneve për të vënë drejtësi

Djali i Remzi Hoxhës, Ardian Hoxha, duke folur për zhdukjen e Remzi Hoxhës, deklaroi se rasti i babait të tij nuk është i komplikuar, por i thjeshtë.

Ardian Hoxha i ftuar në emisionin “Real Story” theksoi se për të zbardhur këtë ngjarje, mungon vullneti politik dhe institucional.

“Rasti i babait tim nuk është i komplikuar aspak, por i thjeshtë, por mungon vullneti politik dhe vullneti i institucioneve të drejtësisë që të merren siç duhet me këtë rast. Ne që kur ka ndodhur ngjarja, e kemi ditur si familje historinë. Nëntë persona e kanë marrë, sikur janë nga Kontrolli i Shtetit, kanë thënë se e po e marrin për verifikim personi, ia kanë vënë prangat dhe e kanë marrë.Rasti u denoncua në Komisariatin numër 3. Babanë tim e ka marrë SHIK-u. Që ditët e para ne kishim tre emra, Bashkim Gazidede, Arben Sefgjini, Ilir Kumbaro. Janë munduar ta fshehin trupin e babait tim dhe kanë përdorur çdo mekanizëm, sepse kanë pasur nën kontroll edhe Prokurorinë, edhe gjykatat”, tha djali i Remzi Hoxhës, Ardian Hoxha./CNA.al

LEXO TE PLOTE

Lajme

Elia solli në jetë trashëgimtaren e Familjes Mbretërore/ Reagon për herë të parë Princ Leka

Publikuar

-

Nga

Në 18 vjetorin e humbjes së jetës së Mbretëreshës Shqiptare Geraldinë, Elia Zaharia ka sjellë në jetë një vajzë me Princ Lekën.

Pas këtij lajmi ka ardhur edhe reagimi i parë i Princ Lekës, i cili ka shpërndarë një njoftim në rrjetet sociale.

Ashtu siç raportuan edhe mediat, trashëgimtarja e Familjes Mbretërore Shqiptare lindi në spitalin “Mbretëresha Geraldinë” dhe është quajtur Geraldinë, ashtu si edhe gjyshja e Princ Lekës.

LEXO EDHE:  Agron Tufa jep alarmin/ “Ndihem i rrezikuar”

LEXO EDHE:  Hetimi për Tahirin/ Dështon prokuroria

Ai tregon se edhe vogëlushja, edhe Princeshë Elia janë gëzojnë shëndet të plotë./ CNA.al

LEXO TE PLOTE

Lajme

Çifti mbretëror bëhet me vajzë/ Ekrem Spahiu: Geraldina lindi në datën që humbëm mbretëreshën

Publikuar

-

Nga

Çifti mbretëror bëhet me vajzë/ Ekrem Spahiu: Geraldina lindi në datën që humbëm mbretëreshën

Familja Mbretërore Shqiptare është gëzuar sot, pasi Elia Zaharia solli në jetë një vajzë, të cilën e quajtën Geraldinë, ashtu si edhe gjyshja e Princ Lekës.

Lidhur me këtë lajm, ka reaguar edhe ish-kryetari i Partisë Lëvizja e Legalitetit, Ekrem Spahiu, i cili shprehet entuziast për ardhjen në jetë të trashëgimtares së Familjes Mbretërore.

Spahiu deklaron se Geraldina e vogël ka lindur në datën që humbi jetën Mbretëreshë Geraldina, ndërsa tregon se ashtu si vogëlushja edhe Princeshë Elia gëzojnë shëndet.

LEXO EDHE:  Agron Tufa jep alarmin/ “Ndihem i rrezikuar”

LEXO EDHE:  Ja dokumenti që vërteton se Klemend Balili kërkohet në Greqi

Lindi GERALDINA

Familja Mbretërore Shqiptare jep lajmin e gëzuar. Princeshë Elia, ka sjellë në jetë trashëgimtaren e Familjes Mbretërore, në Maternitetin “Mbretëresha Geraldinë”.

Çifti mbretëror e ka pagëzuar me emrin GERALDINË. Saktësisht, më 22 tetor kishte ndërruar jetë Nëna Mbretëreshë Geraldinë dhe pikërisht në këtë datë, pas 18 vitesh lindi Geraldina.

Vogëlushja dhe Princeshë Elia gëzojnë shëndet të plotë. I urojme jetë të gjatë dhe Zoti e bekoftë”, shkruan ai në rrjetet sociale./ CNA.al

LEXO TE PLOTE