Connect with Us

Video/ City i Guardiolës cinik, i mjafton 1 gol ndaj Arsenalit

Premier Liga

Video/ City i Guardiolës cinik, i mjafton 1 gol ndaj Arsenalit

Publikuar

-

Manchester City ka lënë pas zhgënjimet e fillimsezonit, si dhe atë humbje 1-5 kundër Leicester Cityt, duke u rikthyer te fitorja në takimin kundër Arsenalit.

Djemtë e Guardiolës triumfuan me rezultatin 1-0, duke iu falur një goli nga Raheem Sterling në minutën e 22-të. Sulmuesi anglez përfitoi nga një aksion shumë i bukur i Cityzens dhe nga një pasiguri e portierit Leno, i cili ia riktheu topin në këmbë.

Pas pësimit të golit, Arsenali tentoi të reagojë dhe të shmangë humbjen, por mbrojtja e Cityt ishte shumë solide në këtë sfidë. City merr tri pikët, teksa Arsenal pëson disfatën e parë këtë sezon.

Manchester City vs Arsenal Highlights

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Premier Liga

Video/ Spektakël, gol i anuluar dhe karton i kuq! Everton dhe Liverpool i bëjnë të gjitha në derbi

Publikuar

-

Nga

Derbi emocionues mes Everton dhe Liverpool, duel në të cilin u shënuan 4 gola dhe nuk pati fitues. 2-2 përfundoi takimi i luajtur në “Goodison Park” dhe djemtë e Carlo Ancelottit ia dolën të ruanin pathyeshmërinë edhe ndaj kampionëve në fuqi.

Nisje fantastike për ekipin e Jurgen Klopp, që kaloi në avantazh në minutën e tretë. Sadio Mane shfrytëzoi një asist të Robertson dhe dërgoi topin në rrjetë. Barazimi erdhi shpejt me anë të Michael Keane.

Mbrojtësi i Everton kërceu me kokë pas një goditje këndi të James Rodriguez në minutën e 19-të dhe mposhti spanjollin Adrian. Pjesa e parë u mbyll në barazim, teksa i njëjti rezultat u regjistrua edhe në fraksionin e dytë.

Golat dhe rastet e EVERTON-LIVERPOOL

Momo Salah riktheu “The Reds” në avantazh në minutën e 72-të falë një goditje të rrufeshme, por Dominic Calvert-Lewin nuk e kishte thënë akoma fjalën e fundit. Bomberi i ekipit vendas barazoi shifrat nëntë minuta përpara fundit.

Kros i Digne nga e majta dhe goleadori anglez u konfirmua “mbret” i ajrit, fitoi duelin me mbrojtjen mike dhe dërgoi topin në rrjetë, duke gjetur golin e shtatë në 5 javë kampionat. Emocionet nuk kishin mbaruar.

icharlison kreu një faull të rëndë në minutën e fundit dhe u largua nga loja me karton të kuqe. Kapiteni Jordan Henderson gjeti golin në shtesa, por Mane ishte në pozicion të parregullt dhe VAR-i anuloi gjithçka.

Përfundimisht 2-2 me Everton që vijon të kryesojë Premier League me 13 pikë, teksa Liverpool renditet i dyti dhe ndjek “armiqtë” e përjetshëm me tre pikë më pak.

LEXO TE PLOTE

Premier Liga

Wenger zbulon sekretin: Si dështoi transferimi i sulmuesit prej… Papës

Publikuar

-

Nga

Ish-trajneri legjendar i Arsenalit, Arsene Wenger, ka zbuluar një tjetër prapaskenë merkatoje. Këtë herë bëhet fjalë për transferimin e Danny Welbeck, që mesa duket mund të kishte luajtur për Totttenham. Francezi, në një intervistë për “The Athletic”, tregon se ai ishte në bisedime me lojtarin, por i është dashur që t’i vononte paksa tratativat për shkak të një fotoje me Papën.

“Historia e nënshkrimit me Danny Welbeck është paksa qesharake. Unë po negocioja me të gjithë ditën, por kur arrita tek ‘Ndeshja e Paqes’, më njoftuan se ai kishte nënshkruar për Tottenham. Ndërkohë, Ivan Gazidis dhe Dick Laew po monitoronin situatën dhe më kaluan agjentin e tij në telefon.

‘Shiko duhet ta mbyll telefonin se jam para Papës’, i thashë atij dhe normalisht që u habit. Ne ishim në radhë për të bërë foto me të në një event privat”, deklaron Wenger, i cili më pas arriti ta transferonte ish-sulmuesin e Manchester United në “Emirates Stadium”.

“Rikthimi i Fabregas? Unë kisha një metodë se nëse lojtarët largohen nga mua, nuk mund të rikthehen më. Ishte një mënyrë e imja për t’i mbajtur lojtarët që dëshironin të largoheshin, sepse atyre ‘iu dukej bari më i gjelbër diku tjetër’. Këtë gjë e kam bërë me Thierry Henry, Sol Campbell dhe Jens Lehmann, por ata ishin ndryshe”, përfundon francezi.

LEXO TE PLOTE

Premier Liga

Tension mes Lampard dhe mesfushorit Kante, ja arsyeja

Publikuar

-

Nga

Chelsea ishte padyshim skuadra qē shpenzoi më shumë në merkaton e kësaj vere, që zyrtarisht u zhvillua në vjeshtë dhe për më tepër u ndikua jo pak nga efektet e koronavirusit, megjithatë londinezët ia dolën të sjellin në “Stamford Bridge” emra si Timo Werner, Hakim Ziyech, Thiago Silva, Ben Chilwell, Kai Havertz apo portieri Mendy.

Por pavarësisht këtyre blerjeve të bujshme, trajneri Franck Lampard nuk po arrin të orientojë skuadrën drejt sukseseve dhe së fundi po shfaqet nervoz e po përfshihet në përplasje të hapura me futbollistët e tij.

Rasti më i fundit raportohet nga mediat franceze dhe flet për një krisje të raporteve mes trajnerit anglez dhe mesfushorit N’golo Kantè, i cili ka qenë titullar dhe nga më të mirët në të gjithë ndeshjet që Chelsea ka luajtur për këtë sezon.

Mesfushori francez ka telefonuar trajnerin e tij për t’i kërkuar një ditë lejë më tepër, duke qenë se dëshironte të merrte pjesë në ceremoninë martesore të njē miku tē ngushtë, por ka marrë një jo të prerë nga Lampard dhe të dy duket se janë grindur jo pak.

Kampioni i botës me Francën i ka kujtuat trajnerit se ështē futbollist korrekt e model dhe se në një rast të tillë meritonte një trajtim ndryshe, ndërsa nuk përjashtohet mundësia që Kante të qëndrojë edhe pa lejë, duke marrë parasysh që e pret një gjobë kur të kthehet në Londër.

Mesfushori francez është vetëm futbollisti i radhës që përplaset me Lampard, pasi tekniku i londinezëve ka marrëdhënie të tensionuara edhe me portierin Kepa, mbrojtësin spanjoll Marcos Alonso e atë gjerman Rudiger, me këta dy të fundit që tashmë nuk i merr as në stolin rezervë.

LEXO TE PLOTE