Connect with Us

Nga manipuluesit e votave te gjyqtarët/ 37 qokat e fundit të Ilir Metës

Politikë

Nga manipuluesit e votave te gjyqtarët/ 37 qokat e fundit të Ilir Metës

Publikuar

-

Skandali-Meta jep nënshtetësi për 4 ditë/ Injoron sigurinë kombëtare, shmang Ministrinë e Brendshme

Nga Adriatik Doçi*

Presidenti Ilir Meta nuk u është ndarë qokave me lëshimin e nënshtetësive shqiptare për njerëz anonimë dhe personazhe të lidhur me histori krimi, korrupsioni dhe këngëtarë damash, deri në orët e fundit të skadimit të ligjit të vitit 1998, duke përdor gjithnjë në mënyrë abuzive një hapësirë në këtë ligj, ku në raste të veçanta parashikohet dhënia e shtetësisë, edhe pa plotësuar kushtet dhe pa ndjekur procedurat, nëse kërkuesi përbën interes kombëtar për Shqipërinë, pra është personalitet i shquar. Në 13 tetor 2020, vetëm një ditë para hyrjes në fuqi ligjit të ri, i cili i jep fund historisë së dhënies së nënshtetësive si të ishin tesera partie, Presidenti Ilir Meta, me dekretet nr. 11779 dhe 11780, ka pajisur me nënshtetësi shqiptare 37 persona të tjerë, me procedurë të jashtëzakonshme dhe pa zbatuar protokollin e sigurisë, me pretendimin se janë ‘asete kombëtare’.

Në 29 shtator 2020 është botuar në Fletoren Zyrtare ligji i ri nr. 113/2020, për dhënien e nënshtetësisë, i miratuar fillimisht në korrik 2020, i kthyer nga Ilir Meta në gusht dhe i miratuar sërish nga Kuvendi, pa asnjë ndryshim në shtator 2020. Ligji merrte fuqi 15 ditë pas botimit në Fletoren Zyrtare, pikërisht në 14 tetor, ndërsa Meta ka firmosur dekretet në 13 tetor, duke i shpëtuar përfituesit nga procedura e verifikimit që parashikon ligji i ri. Ashtu si lista me 382 emra të botuar nga Shqiptarja.com., edhe listat e fundit, përmban tre-katër personalitete që e meritojnë vërtetë shtetësinë pa procedura të stërzgjatura, ndërsa pjesa tjetër janë njerëz anonimë dhe personazhe të implikuar në skandale.

Konkretisht, në 13 tetor 2020, Ilir Meta i ka dhënë me urgjencë nënshtetësinë shqiptare si ‘aset kombëtar’, Alban Shalës, një militant i Aleancës për Ardhmërinë e Kosovës, i arrestuar për manipulim të votave në Runik të Skenderajt. Në emër të interesit madhor kombëtar, Ilir Meta u ka dhënë shtetësinë edhe gjyqtarëve Lumni Sallauka, Arsim Hamzaj dhe Valon Totaj. Pa zbatuar procedurën e rregullt ligjore, Meta i ka dhënë nënshtetësinë shqiptare edhe Valdet Gjinovcit, kreu Ekzekutiv i Agjencisë së Ushqimit dhe Veterinarisë së Kosovës, i lakuar në Prishtinë pas zbulimit të skandalit të hyrjes së mishit jashtë standardeve në Kosovë.

Edhe në këtë listë nuk mungojnë këngëtarët e dasmave dhe tallavasë, të cilët sipas Ilir Metës janë ‘asete kombëtare’ dhe ‘heronj’. Ata janë Granit Hyseni, këngëtar dasmash, Afërdita Ramiz Janova, (Demaku), këngëtare dasmash dhe tallavaje si dhe Shkëlzen Morina këngëtar. Ilir Meta i ka dhënë nënshtetësinë në limitet e skadimit të ligjit të vjetër edhe Arian Mavriqit, vrojtues shpendësh.

Qokat e fundit të Ilir Metës rrëzojnë edhe një herë reagimet e Presidencës kundër investigimit të Shqiptarja.com mbi skandalin e dhënies së nënshtetësisë, duke pretenduar se përfituesit nënshtetësisë me procedurë të jashtëzakonshme dhe pa plotësuar kushtet ligjore janë ”familjarët e Dëshmorëve të UÇK-së dhe artistët e intelektualët e spikatur shqiptarë në Kosovë, Maqedoni të Veriut e Diasporë”.

E vërteta rezulton se në listën e gjatë të emrave që Ilir Meta i ka pajisur me nënshtetësi në bazë të pikës 7 të nenit 9 të ligjit, ka disa personalitete shqiptare nga Kosova dhe Maqedonia që e meritojnë nënshtetësinë dhe justifikohet zbatimi i kësaj pike. Por, mbi 90 % e kësaj liste përbëhet nga persona anonimë dhe njerëz të dyshimtë, të cilëve u është gjendur Ilir Meta, për të marrë nënshtetësinë shqiptare dhe për ta përdorur për qëllime që nuk kanë asnjë lidhje me interesin kombëtar të Shqipërisë.

LEXO EDHE:  Meta pritje në Presidencë për sportistët më të mirë të të gjitha kohërave

Ligji për shtetësinë i vitit 1998, në nenin 9, parashikon që shtetësinë shqiptare mund ta fitojnë personat që kanë banuar ligjërisht në Shqipëri, në mënyrë të vazhdueshme, për jo më pak se 5 vjet, kanë një banesë, kanë të ardhura të mjaftueshme, të mos kenë qenë të dënuar me jo më pak se 3 vjet heqje lirie dhe se pranimi i tij si shtetas shqiptar të mos prekë sigurimin dhe mbrojtjen e Shqipërisë.

Pika 7 i nenit 9, bën një përjashtim për raste shumë të veçanta, duke parashikuar që “Të huajit, që ka mbushur moshën 18 vjeç, mund t’i jepet shtetësia shqiptare me natyralizim edhe në qoftë se nuk plotëson kushtet e këtij ligji, me përjashtim të pikës 6, në qoftë së Republika e Shqipërisë ka një interes shkencor, ekonomik, kulturor dhe kombëtar”.

Edhe rastet e veçanta, kjo pikë i ka kushtëzuar me zbatimin e pikës 6 të nenit 9, e cila parashikon zbatimin e protokollit të sigurisë dhe për rrjedhojë vënien në lëvizje të Ministrisë së Brendshme, e cila ka kapacitetet për të kryer verifikime.

Nga investigimi i Shqiptarja.com, Ilir Meta ka shkelur në çdo rast pikën 6 të nenit 9 të ligjit si dhe ka abuzuar në mënyrë flagrante me pikën 7, duke u dhënë nënshtetësinë personazheve të dyshimtë, të cilët i ka paraqitur si familjarë dëshmorësh, heronj dhe personalitete të kombit.

Ndërkaq, ligji i ri që ka hyrë tashmë në fuqi, i jep fund kësaj historie, pasi parashikon ngritjen e një strukture të posaçme në Ministrinë e Brendshme për verifikimin e personave që kërkojnë nënshtetësi si raste të veçanta. Pikërisht për këtë arsye, Meta kundërshtoi ligjin e ri, duke e kthyer mbrapsht me dekret.

Personat që u pajisën me nënshtetësi nga Ilir Meta në 13 tetor 2020 si ‘asete kombëtare’ duke anashkaluar procedurat ligjore

Dastid Sadri Ferati

Afërdita Ramiz Janova (Demaku)

Besnik Hashim Janova

Besnik Musa Jakupi

Driton Adem Hysenaj

Granit Bujar Hyseni

Arian Tafil Mavriqi

Alban Isaj Shala

Artan Mursel Behrami

Delfina Osman Krasniqi Behrami (Krasniqi)

Ardian Nue Kolaj

Arta Xhevdet Hasimja Efendija (Hasimja)

Behar Fehmi Efendija

Valdet Ahmet Gjinovci

Ngadhnjim Rexhep Kastrati

Xhevat Azir Syla

Astrit Tosun Kryeziu

Xhavit Ali Aliaj

Ilir Hajrush Shala

Fisnik Skender Korenica

Dren Zija Doli

Adriatik Flamur Kelmendi

Lumni Halil Sallauka

Arsim Sylejman Hamzaj

Valon Sejdullah Totaj

Armend Aziz Podvorica

Veli Bajram Hoti

Anton Nikollë Selitaj

Enver Shaban Selimi

Dorontina Rexhep Ponxha

Ruzhdi Qazim Krasniqi

Fisnik Vehbi Gecaj

Besnik Abdyl Xhemaili

Rezarta Ismet Jakupi (Zeka)

Armend Rexhep Jakupi

Dorina Armend Jakupi

Shkelzen Hazir Morina

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Meta publikon foto me “Sofinë”/ Jemi gati për t’i vënë flakën

Publikuar

-

Nga

Meta publikon foto me “Sofinë”/ Jemi gati për t’i vënë flakën

Presidenti Ilir Meta ka publikuar një foto “Sofinë” e re të emisionin “Zonë e Lirë{“, ku është I ftuar sonde.

Meta paralajmëron se janë gati për t’i vënë flakën intervistës që do zhvillojë me moderatorin Arian Çani.

“Me Marinelën, “Sophie” e re të Arian Çanit, gati për t’i flakën “Zonë e Lirë”, shkruan Kreu i Shtetit.

LEXO EDHE:  Meta pritje në Presidencë për sportistët më të mirë të të gjitha kohërave

LEXO EDHE:  Samiti i OKB-së/ Meta tërheq vëmendjen për ndryshimet e klimës

Kreu i Shtetit është shprehur i gatshëm për t’ju përgjigjur çdo pyetje, ndërkohë që pritet të flasë për situatën politike në vend./ CNA.al

LEXO TE PLOTE

Politikë

Polic ke qenë, polic do mbetesh/ Gazetari “dush të ftohtë” Lleshajt

Publikuar

-

Nga

Polic ke qenë , polic do mbetesh/ Gazetari “dush të ftohtë” Lleshajt

Gazetari Dashamir Biçaku ka reaguar lidhur me deklaratën ofenduese të ministrit Sandër Lleshaj, ndaj policëve.

Biçaku ka shprehur keqardhje për Lleshajn ndërsa thotë se mendoi sa policë, ish- policë, drejtues e ish- drejtues të Policisë, ministra dhe ish- ministra kishte përçmuar me deklaratën e tij ministri i Brendshëm.

Mes të tjerash gazetari thekson se Lleshaj nuk i njeh dhe nuk mund t’i dijë sakrificat e një polici sado “polic” qoftë.

Unë sot jam polic ! Akti terrorist i të enjtes në Nisë, i ndërthurur me motiv fetar e poltik me prapavijë të kush e di se të kujt, për një moment zhduku nga vëmëndja e opionionit publik ngjarjet të rëndsishme në secilin prej shteteve së paku në Europë. Kështu edhe në Shqipërinë time të cilën e shoh së largu. Sigurisht pandemia e COVID- 19 po merr vëmëndjen kryesore çdo ditë, por pa u shuar lebetia e llahtarisë së të enjtes tek shfletoja lajmet e fundit mbi Nisën, një video e ministrit të Brendshëm të Shqipërisë më më bëri të rrudh buzët, të vrenjt sytë e të ndjej pak dhimbje koke.

“Polic ke qenë e polic ke mbetur”- i drejtohej deputetit Myslim Murrizi. Ky i fundit shquhet për batuta të papërmbajtura por që rasti duket se e gjeti të papërgatitur. Më tej një qëndrim në rrjetin social i koleges Anila Hoxha, më shtoi me tej rrudhjen e buzëve e vrenjten në ballë. Pasi bëra një koment ku shprehja indinjatën për për vlerësimin e ministrit ndaj vartësve të tij dhe uniformën që kanë mbajtur veshur së paku 266 dëshmorë të kësaj uniforme në luftë me banditët, ndjeva keqardhje për të. Sakaq po ashtu mendova sa policë, ish- policë, drejtues e ish- drejtues të Policisë, ministra dhe ish- ministra kishte përçmuar me deklaratën e tij ministri i Brendshëm, madje edhe veten e tij duke qenë drejtues politik i atyre që kishte përçmuar.

Nuk vonoi dhe në disa oficerë dhe ish- oficerë, drejtues dhe ish- drejtues policie nisën të më shprehnin indinjatën për deklaratën krejt të pamend të Sandrit që nuk ka arritur t’a kuptojë mbase se është vërtetë ministër i atyre policëve që përçmonte. Kam punuar 18 vite si gazetar terreni dhe drejtues në gazetë dhe televizion kurrë nuk kam përçmuar një polic, apo edhe një person sado e rëndomtë qoftë puna që bënte. Shumë prej policëve mund të bëjnë gabime, mund të jenë apo kenë qenë arrogantë apo të dhunshëm, por kurrë nuk i kam lejuar vetes të përçmoj ata mbi personalitetin e tyre.

Gjithmonë jam përpjekur të pasqyroj korrekt faktet. Ja ç’më shprehte një oficer policie, i indinjuar sa s’pushonte së shkruari: Se mos e ke provuar ndonjehere atë që ka provuar polici në trazirat e ’97- 98 e me radhe sa e sa përplasje me armë në rrugë e banesa kriminelesh, nga më të rrezikshmit. Gjaku i shumë dëshmorëve yjet e të cilëve qëndrojnë poshtë zyrës së ministrit ende shkëlqen në rrugët ku ata kanë dhënë jetën. Këta janë ata policët që përçmon Sandri. Një tjetër oficer më skruante me ironi dhe mllef: Po ku di ministri ç’është polici. Në jetën e tij nuk ka rrezikuar as vetëm të kapë minutazhin e duhur për t’u futur në vendstrehim pas një sirene alarmi të një lufte imagjinare. E aq më pak mund t’i kenë zënë sytë ndonjëherë me sy një luftë të vërtetë që bën polici për ditë me lloj lloj krimineli, duke rrezikuar jetën e tij dhe të familjes. Ai nuk i njeh dhe nuk mund t’i dijë sakrificat e një polici sado “polic” qoftë. Një tjetër ish- oficer nuk arriti të përmbahej: Nuk ka parë dhe nuk ka provuar kurrë. Me atë lloj burrerie që ai ka po të ishte në një përplasje të vërtetë me arme si polici kush e di sa çfarë dobkishte ndodhur? Ndaj unë sot jam polic për hir të gjakut të atyre 266 policëve policë eshtrat e të cilëve prehen në Varrezat e Dëshmorëve të Kombit, por yjet dhe shpirti i të cilëve ndriçojnë oborrin e Ministrisë së Brendshme.

Jam polic për hir të të gjithë atyre policëve që furtunat e politikës i kanë lënë fëmijët e tyre shpesh herë pa bukë. Për hir të atyre policëve që fëmijët e tyre i shohin vetëm në gjumë, se ashtu i lënë e ashtu i gjejnë. Jam polic për hir të atyre policëve të sakrificës që mbeten në këmbë z. Ministër pasi nuk munden të shkojnë në shtëpi pas mbarimit të turnit, dhe shpeshherë bëjnë autostop rrugëve, me shpresën që shoferi i ardhshëm të mos jetë ndonjë vrasës që një ditë më parë mund ta kenë arrestuar. Jam polic për hir të atyre policëve që marrin bukën me vete nga shtëpia se shpesh herë nuk iu garantohet nga punëdhënësi, të cilët shpesh herë punojnë me orë të tëra jashtë orarit me shpresën që edhe mund t’i marrin ato para. Janë ata policë të cilët qëndrojnë përballë në çdo protestë të partive politike dhe sa herë ndërrohen qeveritë ata shahen, pështyhen, fyhen ofendohen e goditen pse mbajnë atë uniformë veshur. Unë jam polic për hir të atyre fëmijëve që nuk munden të thërrasin emrat e prindërve të tyre se tashmë ata kanë një yll pranë zyrës tënde zoti ministër. Ata ndriçojnë me gjakun e tyre errësirën ku je zhytur. Po ti a ndriçon dot si ata ? Jo z. ministër nuk mundesh. Ndaj do të qe e hirshme për ty që të ndalësh përçmimin tënd, të zbresësh në oborrin e ministrisë t’iu kërkosh falje yjeve që të ndricojnë, fëmijëve të tyre, nënave baballarëve të afërmve të tyre dhe të gjithë komunitetit që ata i kanë shërbyer. Kanë ikur me nder. Për të mos e çuar më tej dëm kohën, ngjitu sërish në zyrë shkruaj dy gisht letër për pasardhësin tënd dhe këshilloje të mos bëjë gabimin tënd. Bëhu edhe ti polic si unë dhe si shumë të tjerë që tashmë ti i drejton dhe i përçmon”, shkruan Biçaku./CNA.al

LEXO TE PLOTE

Politikë

Ilir Beqja kundër Ramës/ Kodi Zgjedhor ka ende nevojë për të ndryshuar

Publikuar

-

Nga

Ilir Beqja kundër Ramës/ Kodi Zgjedhor ka ende nevojë për të ndryshuar

Ish-ministri i Shëndetësisë Ilir Beqja, ka dalë kundër mazhorancës dhe kryeministrit Edi Rama për ndryshimet kushtetuese në Kodin Zgjedhor që u miratuan ditën e djeshme.

Beqja deklaron se Kodi Zgjedhor ka ende nevojë për të ndryshuar, ndërsa pretendon se në këtë sistem zgjedhor ka ende mosbarazi dhe se duhet të ketë numër të parabartë të zgjedhjeve.

Ai kërkoi në Report Tv që të kishim zona zgjedhore me numra të barabartë mandatesh.

Unë me sistemin tonë zgjedhor them se duheshin disa ndryshime të tjera. Mund të hynin në fuqi në 2025. Brenda sistemit tonë rajonal proporcional kemi sërish mosbarazi. Në Kukës janë 3 mandate dhe tashmë do të votojmë për partinë dhe për individin. Unë nëse jam zgjedhës u Kukësit do të zgjedh mes 3 emrash. Nuk është se jemi në kushte të barabarta si zgjedhës të Kukësit ashtu dhe zgjedhësit e Tiranës.

Unë do të isha i parimit që të kishim zona zgjedhore me numra të barabartë mandatesh. Prandaj duhet bërë dhe zona më e madhe. Mos qëndrojmë vetëm tek qarqet por të kemi zona me popullsi të barabartë. Jam partizan që të kemi zona me numër çift mandatesh, sepse nëse në Kukës ose në Shkodër janë 11 ose 3, ti mund ta mundësh kundërshtarin me një votë dhe merr një mandat. Në rastin e një numri çift mund të fitosh me 6 mijë vota por je sërish njësoj. Aq më shumë ka hapësirë ka mundësi që mazhoranca të krijojë koalicion me këdo që të plotësojë 71 vota”, theksoi socialisti./ CNA.al

LEXO TE PLOTE