Connect with Us

Nga Berati, në Fier për të ardhur në Tiranë/ Prokurores i “mbin” 124 000 euro apartament

Vetingu

Nga Berati, në Fier për të ardhur në Tiranë/ Prokurores i “mbin” 124 000 euro apartament

Publikuar

-

Dha dorëheqjen para se të dilte në vetting/ KPA nxjerr nga sistemi i drejtësisë ish gjyqtarin e Apelit

Prokurorja Elsa Miha e ka nisur karrierën në Berat për tu zhvendosur më pas në Fier dhe për të ardhur në Tiranë në vitin 2015.

Menjëherë pas transferimit në kryeqytet, emri i saj është lakuar në lidhje me hetimet e një ish drejtori Tatimesh.

Në fakt hetimet janë bërë publike në vitin 2016, kur çështja përfundoi në gjykatë.

Bëhet fjalë për hetimet ndaj ish-kreut të  Tatimeve Adrokli Kokthi, i cili dyshohej për abuzim me detyrën në të paktën katër raste.

 Ish-kreu i Tatimeve Adrokli Kokthi

Hetimet,  kishin nisur nga prokurorja Elsa Miha, në janar të 2015, teksa Kokthi kishte sekuestruar mallin e një biznesi me vlere 4 milion lekë.

Prokurorja Miha, nuk është e lakuar negativisht, gjatë karrirës së saj. Ajo ka marrë vlerësimin “shumë mirë”, nga Këshilli i Lartë i Prokurorisë.

CNA.al ka zbardhur edhe pasurinë të deklaruar nga prokuroja Miha, ku rezulton se burimet e te ardhurave i ka nga paga e saj dhe e bashkëshortit mjek në shtet dhe privat.

Për të blerë një apartment Miha deklaron se kanë marrë kredi 50 000 euro dhe për të paguar në afatin e caktuar për 10 vite, bashkëshorti ka marrë hua mbi 10 000 euro.

Në deklaratën fillestare, e vetmja pasuri që ajo posedon është një makinë me vlerë 250 000 lekë.

Në vitin 2008 ka blerë patundshmëri, një shtëpi banimi me sipërfaqe 88.05 m2, me vlerë 4 200 000 lekë.

Në vitin 2016 prokurorja Elsa Miha deklaron një aprtament në përdorim, 3+1, me vlerë 124 000 euro. Kjo patundshmëri nuk është pasyqyruar në vitet e kaluara dhe nuk kanë asnjë sqarim se kur është vendosur.

Më poshtë po sjellim të detajuar pasurinë e deklaruar nga prokurorja Elsa Miha.

Viti 2005

Bashkëshorti ka blerë një makinë me vlerë 250 000 lekë.

Të ardhura nga paga e subjektit deklarues si prokurore në Berat, 639 370 lekë.

Të ardhura nga gatishmëria në prokurorinë e Beratit, 121 708 lekë.

Të ardhura nga paga dhe gatishmëria në Prokurorinë e Fierit, 169 703 lekë.

Të ardhura nga paga e bashkëshortit, 192 000 lekë.

Viti 2006

Të ardhura nga paga e subjektit deklarues në prokurorinë e Fierit, 822 161 lekë.

Paga e bashkëshortit nga Senatoriumi, 228 000 lekë.

Viti 2007

Bashkëshorti është bashkëpronar një ap 3+1 me sip 120.05 m2.

Të ardhura nga paga e subjektit deklarues në prokurorinë e Fierit, 878 874 lekë.

Paga e bashkëshortit si mjek specialist në spita line  Fierit, 408 000 lekë.

Viti 2008

Shtëpi banimi me sip.88.05 m2, me vlerë 4 200 000 lekë.

Të ardhura nga paga e subjektit deklarues në prokurorinë e Fierit, 933 032 lekë.

Paga e bashkëshortit si mjek specialist në spitalin e  Fierit, 355 576 lekë.

Të ardhura nga paga e bashkëshortit në një klinikë private në Fier, 30 000 lekë.

Bashkëshorti, fitim nga klinika, 240 000 lekë.

Kredi e marrë në 2008 me vlerë 50 000 euro me afat 10 vjet dhe këst mujor 602 euro në muaj. Pa shlyer 47 649 euro.

Detyrim për shkollën e djalit, 85 000 lekë.

Qiraja e paguar për klikën mjekësore të bashkëshortit, 30 000 lekë.

Shpenzime për hapjen e klinikës mjekësore, 200 000 lekë.

Bashkëshorti blerë automjet ben mercedez me vlerë 980 000 lekë.

Viti 2009

Të ardhura nga paga e subjektit deklarues në prokurorinë e Fierit, 376 448 lekë.

Paga e bashkëshortit si mjek specialist në spitalin e  Fierit, 574 100 lekë.

Bashkëshorti, fitim nga klinika, 950 000 lekë.

Të ardhura për raportin e lindjes, 361 974 lekë.

Kredi e marrë në 2008 me vlerë 50 000 euro me afat 10 vjet dhe këst mujor 602 euro në muaj. Pa shlyer 44 275 67 euro.

Detyrim për shkollën e djalit, 118 500 lekë.

Qiraja e paguar për klikën mjekësore të bashkëshortit, 120 000 lekë.

Viti 2010

Të ardhura nga paga e subjektit deklarues në prokurorinë e Fierit, 843 413 lekë.

Paga e bashkëshortit si mjek specialist në spitalin e  Fierit, 654 520 lekë.

Të ardhura nga paga e bashkëshortit në klinikë private, 450 000 lekë.

Bashkëshorti, fitim nga klinika, 150 000 lekë.

LEXO EDHE:  Alibeaj: Vettingu i politikanëve, nevojë urgjente për të çliruar demokracinë

Të ardhura të bashkëshortit nga pjesëmarrja në një shfaqje televizive, 200 euro.

Kredi e marrë në 2008 me vlerë 50 000 euro me afat 10 vjet dhe këst mujor 602 euro në muaj. Pa shlyer 39 849 35 euro.

Detyrim për shkollën e djalit, 81 000 lekë.

Viti 2011

Të ardhura nga paga e subjektit deklarues në prokurorinë e Fierit, 961 184 lekë.

Paga e bashkëshortit si mjek specialist në spitalin e  Fierit, 689 750 lekë.

Të ardhura nga paga e bashkëshortit në klinikë private, 540 000 lekë.

Të ardhura nga paga si pedagoge e subjektit deklarues në një universitet privat, 156 000 lekë.

Kredi e marrë në 2008 me vlerë 50 000 euro me afat 10 vjet dhe këst mujor 602 euro në muaj. Shlyer 7 515 euro.

Detyrim për shkollën e djalit, 95 000 lekë.

Viti 2012

Të ardhura nga paga e subjektit deklarues në prokurorinë e Fierit, 1 045 243 lekë.

Paga e bashkëshortit si mjek specialist në spitalin e  Fierit, 714 030 lekë.

Të ardhura nga paga e bashkëshortit në klinikë private, 400 000 lekë.

Kredi e marrë në 2008 me vlerë 50 000 euro me afat 10 vjet dhe këst mujor 602 euro në muaj. Pa shlyer 30 990 44 euro.

Viti 2013

Kursime, 200 000 lekë.

Të ardhura nga paga e subjektit deklarues në prokurorinë e Fierit, 932 443 lekë.

Paga e bashkëshortit si mjek specialist në spitalin e  Fierit, 731 520 lekë.

Të ardhura nga paga e bashkëshortit në klinikë private, 540 000 lekë.

Kredi e marrë në 2008 me vlerë 50 000 euro me afat 10 vjet dhe këst mujor 602 euro në muaj. Pa shlyer 25 895 euro.

Viti 2014

Kursime, 600 000 lekë.

Të ardhura nga paga e subjektit deklarues në prokurorinë e Fierit, 1 577  855 9 lekë.

Paga e bashkëshortit si mjek specialist në spitalin e  Fierit, 771 830 lekë.

Të ardhura nga paga e bashkëshortit në klinikë private, 600 000 lekë.

Kredi e marrë në 2008 me vlerë 50 000 euro me afat 10 vjet dhe këst mujor 602 euro në muaj. Pa shlyer 20 292 48 euro.

Viti 2015

Kursime cash, 100 000 lekë.

Të ardhura nga paga e subjektit deklarues në prokurorinë e Fierit 363 539 lekë.

Të ardhura nga puna e subjektit deklarues në Prokurorine e Tiranës, 986 701 lekë.

Paga e bashkëshortit si mjek specialist në spitalin e  Fierit, 297 743 lekë.

Të ardhura nga paga e bashkëshortit nga SUSM, Tiranë, 394 020 lekë.

Të ardhura nga paga e bashkëshortit në klinikë private, 230 000 lekë.

Kredi e marrë në 2008 me vlerë 50 000 euro me afat 10 vjet dhe këst mujor 602 euro në muaj. Është shlyer.

Bashkëshorti ka marrë hua 18 500 euro, për shlyerjen e kredisë për ap.

Kontratë qiraje, me vlerë, 81 000 lekë.

Viti 2016

Ap në përdorim, 3+1, me vlerë 124 000 euro.

Kursimet janë pakësuar me 300 000 leekë. Gjendja është 700 000 lekë.

Të ardhura nga puna e subjektit deklarues në Prokurorine e Tiranës, 1 352 031 lekë.

Të ardhura nga paga e bashkëshortit, në spitalin universitare Shefqet Ndroqi, 744 748 lekë.

Bashkëshorti ka marrë hua 18 500 euro, për shlyerjen e kredisë për ap.. Pa shlyer 17 500 euro.

Viti 2017

Kursimet janë shtuar me 200 000 lekë.

Të ardhura nga puna e subjektit deklarues në Prokurorine e Tiranës, 1 144 512 lekë.

Të ardhura nga paga e bashkëshortit, në spitalin universitare Shefqet Ndroqi, 1 003 887 lekë.

Të ardhura të bashkëshortit nga një konferencë, 67 000 lekë.

Bashkëshorti ka marrë hua 18 500 euro, për shlyerjen e kredisë për ap.. Pa shlyer 15 500 euro.

Viti 2018

Të ardhura nga puna e subjektit deklarues në Prokurorine e Tiranës, 1 173 254 lekë.

Të ardhura nga paga e bashkëshortit, në spitalin universitare Shefqet Ndroqi, 1 040 001 lekë.

Të ardhura të bashkëshortit nga një konferencë, 27 000 lekë.

Të ardhura të bashkëshortit nga një konferencë, 79 500 lekë.

Bashkëshorti ka marrë hua 18 500 euro, për shlyerjen e kredisë për ap.. Pa shlyer 14 000 euro./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Vetingu

Nuk hetoi zyrtarët e Bashkisë në këmbim të një kredie/ Shkarkohet “krahu i djathtë” i Arta Markut

Publikuar

-

Nga

Komisioni i Pavarur i Kualifikimit, KPK  ka shkarkuar sot nga detyra prokuroren e Tiranës, Alketa Zifla.

Shkak u bë një kredi sociale , që prokurorja kishte marrë në Bashkinë e Fierit.

Ajo ka deklaruar një apartament banimi në Tepelenë dhe në vitin 2012 ka blerë një apartament banimi në Tiranë, me sipërfaqe 59 m2, të cilin thotë se ka  blerë me kredi të lehtë marrë nga Bashkia e Fierit, në shumën 3 452 000 lekë.

Por, sipas KPK-së, ajo mori kredinë sociale, ndërkohë që kishte vendosur mosfillimin e hetimit mbi zyrtarët lokalë që akuzoheshin për shpëdorim detyre në ndarjen e banesave sociale.

Nga ana tjetër, sipas Birn,  Zifla është mbrojtur duke sjellë në vëmendje se, edhe pas ripahjes së hetimit të urdhëruar nga gjykata, kjo e fundit kishte vendosur pafajësi për të pandehurit.

Gjithashtu KPK evidentoi kryerjen e veprimeve fiktive për përfitimin e kredisë, për të cilat prokurorja Zifla tha se kanë qenë të diktuara nga kushtet financiare dhe për strehimin e fëmijëve.

LEXO EDHE:  Alibeaj: Vettingu i politikanëve, nevojë urgjente për të çliruar demokracinë
LEXO EDHE:  Shqiptarët po varfërohen/ Pasuria financiare e familjeve rënie që nga viti 2014

Prokurorja Zifla u vlerësua pozitivisht për pastërtinë e figurës dhe profesionalizmin.

Alketa Zifla e ka filluar karrierën në sistemin e drejtësisë në vitin 1999 dhe ka punuar fillimisht si prokurore në Prokurorinë e Tepelenës. Në vitin 2008, ajo u emërua prokurore në Fier, ndërsa në 2013-ën u transferua në prokurorinë e Tiranës.

Me ngjitjen e Arta Markut në krye të Prokurorisë së Përgjithshme në dhjetor 2017, Zifla u emërua shefe e kabinetit. Pas largimit të Markut, ajo u rikthye në Prokurorinë e Tiranës.

Procesi i vetingut për Ziflën u krye nga trupi gjykues i kryesuar nga Etleda Çiftja, me relatore Pamela Qirkon dhe anëtare Xhensila Pinen./CNA.al

Prokuroria e Përgjithshme apo prokuroria e mikeshave/ “Krahu i djathtë” i Arta Markut me kredi sociale

LEXO TE PLOTE

Vetingu

Fshehu apartamentin në bregdet dhe mbylli dosjet pa i hetuar/ Vettingu i nxjerr të palarat prokurorit

Publikuar

-

Nga

Prokurori i Prokurorisë së Tropojës, Agim Dalipaj është përballur me Komisionin e Pavarur të Kualifikimit, KPK kur gjatë seancës dëgjimore u konstatuan probleme për kriterin e pasurisë dhe profesionalizmin. Ndërkohë, Dalipaj u vlerësua pozitivisht për pastërtinë e figurës.

Trupi gjykues që po kryen procesin e rivlerësimit për prokurorin Agim Dalipaj kryesohet nga Lulzim Hamitaj, me relatore Genta Tafa Bungon dhe anëtare Alma Faskajn.

Agim Dalipaj e ka filluar karrierën në vitin 1992 dhe ka punuar për më shumë se një dekadë si prokuror i Prokurorisë së Lezhës. Prej vitit 2015, ai ushtron funksionin si prokuror i emëruar në Tropojë.

Komisioni i ka kaluar barrë prove për pasurinë prokurorit Dalipaj. ILDKPKI ka konstatuar fshehjen e një apartamenti me sipërfaqe 53 m2 në Shëngjin gjatë viteve deklaruese 2006-2008, si dhe mungesë burimesh për blerjen e kësaj pasurie.

Sipas relatores Bungo, në kontratën e porosisë është deklaruar se çmimi i apartamentit në shumën 21 mijë e 500 euro është likujduar jashtë zyrës noteriale. Sipas relatores, bashkëshortja e subjektit ka qenë pjesë e procesit të legalizimit të këtij apartamenti, pavarësisht se ndërtimi ishte kryer nga pala shitëse.

 

Shoqëria ndërtuese ka informuar se subjekti ka shlyer vlerën 1.6 milionë lekë dhe se pjesa tjetër do të jepet kur të hipotekohet. Komisioni konstaton se, megjithëse subjekti e ka deklaruar këtë pasuri në vitin 2009, nuk ka pasqyruar pjesën e shlyer dhe detyrimin e mbetur.

Dalipaj ka deklaruar si burime krijimi të kësaj pasurie kursimet nga pagat e tij e të bashkëshortes. Bungo tha se të ardhurat e pretenduara nuk janë konsideruar në analizën financiare, pasi nuk janë deklaruar kursime cash si dhe nuk ka prova për kryerjen e pagesave për llogari të shoqërisë ndërtuese.

Bungo sqaroi se subjekti ka shpjeguar pas kalimit të barrës së provës se vlera 1.6 milionë lekë i është dhënë hua palës shitëse, para se të nënshkruhej kontrata e porosisë. Nga analiza financiare ka rezutuar pamundësi financiare për blerjen e apartmentit në shumën 2 milionë e 328 mijë lekë.

Nga hetimi ka rezultuar gjithashtu se prokurori Dalipaj e kishte hetuar shitësin e apartamentit, L.Rr. në vitin 2002 dhe se e kishte pushuar çështjen në ngarkim të tij në vitin 2003.

“Subjekti ka refuzuar të japë shpjegime për administratorin e shoqërisë ndërtuese L.Rr.”, tha Bungo dhe shtoi se Dalipaj ka fshehur gjatë vetingut procedimin ndaj këtij personi.

“Ka dyshime të arsyeshme se subjekti nuk e ka blerë këtë pasuri dhe se e ka përfituar në kushtet e konfliktit të interesit”, theksoi Bungo.

Prokurori Dalipaj deklaroi në fund të seancës dëgjimore se nuk e vlerësonte të arsyeshme të jepte shpjegime për barrën e provës, pasi i kishte dorëzuar me shkrim. Ndërkohë, ai iu përgjigj pyetjeve të komisonerëve lidhur me disa prej gjetjeve.

Lidhur me shumën 1.6 milion lekë, Dalipaj sqaroi se kjo vlerë i ishte dhënë bashkëshortes së L.Rr. nga bashkëshportja e tij pjesë – pjesë deri në vitin 2002 dhe se ai nuk kishte qenë në dijeni. “Shumë jam mërzitur kur e mësova,” tha Dalipaj.

Subjekti u ndal edhe në pushimin e procedimit ndaj L.Rr.. “Ai procedohej për dëmtim të pyjeve që ishte kundravajtje penale. Nuk kishte dëmtim pyjesh, se kishte një gurore me licencë. Me të kam pirë apo s’kam pirë 8 kafe, tha ai.

“Asnjëherë dhe për asnjë nuk kam fshehur asgjë. E them dhe për shpirt të mamasë dhe babait,” tha Dalipaj.

Për blerjen e një apartamenti me sipërfaqe 89 m2 si i pastrehë nga Enti Kombëtar i Banesave në Lezhë, Komisioni konstaton se subjekti ka refuzuar të deklarojë shpenzimet. Ndërkohë, ai ka dhënë vlera të ndryshme për mobilimin, pasi në 2016-ën ka deklaruar se ka shpenzuar 300 mijë lekë, ndërsa gjatë hetimit administrativ ka pohuar se vlera e shpenzuar ka qenë 500 mijë lekë.

LEXO EDHE:  Një “Don Zhuan” në krye të Gjykatës së Fierit?/ Roland Jaupaj “noton” në pasuri

LEXO EDHE:  Frikë nga Vettingu?/ Dorëhiqet prokurori i Prokurorisë së Përgjithshme

Bungo tha se Dalipaj rezultonte në pamundësi financiare në shumën 409 mijë lekë për mobilimin e apartamentit dhe se ishte e paqartë pse subjekti kishte qenë në proces gjyqësor me EKB-në nga viti 2006 deri në 2012-ën, kur ishte nënshkruar kontrata e shit-blerjes.

Bungo sqaroi se subjekti ka deklaruar se i takonte kjo banesë, pasi ishte i pastrehë. Për të provuar këtë fakt, Dalipaj ka dorëzuar një vërtetim të prokurorisë së Lezhës, sipas të cilës ai ka jetuar në ambjentet e këtij institucioni për periudhën 1998-2006.

Komisioni konstaton gjithashtu, se Dalipaj nuk ka deklaruar pjesën takuese në një apartament në bashkëpronësi me prindërit, vëllezërit dhe motrat.

Nga analiza financiare ka rezultuar pamundësi në vitin 2014 në shumën 458 mijë lekë për shtesën në një depozitë bankare që aktualisht ka arritur vlerën 10 milionë lekë.

Bungo tha se mbetej e paqartë se përse bashkëshortja e subjektit ka tërhequr nga një depozitë bankare e vjehrrës shumën 1.9 milionë lekë, pavarësisht shpjegimeve të Dalipajt se ky transaksion ishte kryer për arsye shëndetësore të nënës së tij.

Vendime pushimi pa kryer hetime

Komisioni ka gjetur probleme në të tri dosjet e dorëzuara nga vetë prokurori Dalipaj në kuadër të procesit të rivlerësimit. Në një prej çështjeve ka rezultuar se subjekti nuk ka analizuar veprën penale dhe baza ligjore e referuar nuk ka qenë e saktë. Në dy çështjet e tjera është konstatuar se kërkesat për gjykim kanë qenë të pa argumentuara, pa strukturë të qartë dhe se subjekti paraqet në mënyrë të hollësishme vetëm deklarimet e të proceduarve.

Nga 5 dosjet e shortuara janë konstatuar probleme në dy prej tyre. Në një rast, Dalipaj ka vendosur pushimin pasi nuk ka kryer asnjë veprim hetimor për 6 muaj. Një tjetër çështje të regjistruar për veprën penale “Shkelje të rregullave të mbrojtjes në punë” është pushuar nga subjekti me argumentin se rregullat ishin shkelur nga i ndjeri që kishte humbur jetë gjatë punës.

Nisur nga ky konstatim, KPK u ka kërkuar prokurorive të Lezhës dhe Tropojës të informojnë për gjithë çështjet e hetuara nga Dalipaj për këtë vepër penale. Nga informacioni i dërguar ka rezultuar se ai ka hetuar tre çështje të tjera, nga të cilat dy i ka pushuar dhe në një rast ka vendosur mosfillim. Në dy prej vendimeve të pushimit Dalipaj ka shkarkuar nga përgjegjësia punëdhënësit duke ia kaluar atë të dëmtuarve. Për një ngjarje nga argumentuar si ishte thjesht një rast fatkeq.

Komisioni konstaton se Dalipaj nuk ka analizuar qartë elementët e veprës penale, se nuk ka kryer veprime hetimore dhe se konkluzionet janë të pa argumentuara.

Ndaj Dalipajt janë depozituar 13 denoncime nga publiku, ku në disa prej tyre janë gjetur hetime të paplota dhe zvarritje.

“Aktiviteti i subjektit të rivlerësimit për hetimin e çështjeve është i shoqëruar me nivel pune aq të dobët, sa rezulton të jenë cënuar të drejtat e qyetarëve”, pohoi Bungo.

I pyetur nga Hamitaj nëse kishte ndonjë qëndrim lidhur me konstatimet për profesinalizimin, Dalipaj tha se ato mund të qëndronin në aspektin teorik, por jo në atë praktik.

“Mendoj se kam bërë më të mirën e mundshme për vendin ku jetoja. Sipas meje, kam zbatuar ligjin në mënyrë perfekte. Kurr në jetën time nuk kam kaluar afatet, vetëm në raste të rralla”, tha Dalipaj.

Në përfundim të fjalës së tij, prokuori Dalipaj kërkoi që të rivlerësohet bazuar në provat dhe shpjegimet e fundit të dorëzuara në Komision.

KPK njoftoi se seanca për shpalljen e vendimit do të zhvillohet më 17 qershor, në orën 09:45./Birn

I përkohshmi i Arta Markut/ Çudit, prokurori kursen mijëra euro nga paga

 

LEXO TE PLOTE

Vetingu

KPA “rrëzon” KPK/ Rikthen për rivlerësim prokuroren e Korçës

Publikuar

-

Nga

Prokurorja Irma Balli në KPK

Kolegji i Posaçëm i Apelimit ka rikthyer për rivlerësim në shkallen e pare te Vettingut, prokuroren e Apelit në Korçë, Irma Balli.

Në shkallën e dytë, prokurorja arriti të bindte trupën gjykuese se burimet e pasurisë së saj ishin të ligjshme e për këtë shkak duke kaluar me sukses këtë shtyllë të rivlerësimit, KPA vendosi ta rikthejë dosjen e saj për hetim të mëtejshëm në KPK.

KPA kërkon që prokurorja të rivlerësohet nga KPK, për dy shkallët e Vettingut, integritetin profesional dhe pastërtinë e figurës.

Kujtojmë këtu se në shtator të vitit 2019 Komisioni i Pavarur i Kualifikimit shpalli vendimin për shkarkimin nga detyra të subjektit të rivlerësimit, Irma Balli, prokurore pranë Prokurorisë së Apelit Korçë.

LEXO EDHE:  Shqiptarët po varfërohen/ Pasuria financiare e familjeve rënie që nga viti 2014

LEXO EDHE:  Një “Don Zhuan” në krye të Gjykatës së Fierit?/ Roland Jaupaj “noton” në pasuri

Drejtuesja e Prokurorisë së Apelit Korçë u përball me probleme të shumta të pasurisë gjatë seancës dëgjimore në KPK. Inspektoriati i Lartë i Deklarimit dhe Kontrollit të Pasurive dhe Konfliktit të Interesit, ILDKPKI ka vlerësuar se Balli ka kryer deklarim të rremë dhe të pasaktë si dhe nuk ka burime të ligjshme për pasurinë e saj.

Ndërsa Irma Balli deklaroi se ishte paragjykuar nga Komisioni i Pavarur i Kualifikimit dhe e cilësoi vendimin për shkarkimin e saj të paqartë dhe jo profesional.

Ajo pretendoi se e kalon testin e besueshmërisë për pasurinë./CNA.al

LEXO TE PLOTE