“Fiksimi” i hershëm i gjermanëve mund të mbajë larg virusin/ Zbulohet “manuali me udhëzime për ventilimin” për shkollat

17 Tetor 2020, 12:32, Lifestyle CNA

“Fiksimi” i hershëm i gjermanëve mund të mbajë

Praktika e hapjes së dritareve për disa minuat për të ajrosur ambientin është një fiksim kombëtar në Gjermani. Por tani zyrtarët e kanë kombinuar këtë me një tjetër mani po aq fiksuese, duke krijuar një document të gjatë që u tregon mësuesve saktësisht se si duhet të ajrosin klasat për të larguar infeksionet e Coronavirusit.

Shkollat gjermane të ajrosen plotësisht kundër koronavirusit

Agjencia Federale e Mjedisit (UBA) ka zbuluar një “manual udhëzimi të ventilimit” me katër faqe për shkollat gjermane, duke përcaktuar saktësisht pse, kur dhe si klasat duhet të hapin dritaret e tyre për një ajër të plotë, për të mbrojtur të gjithë nga “grimcat infektive” ? Udhëzimet janë vendosur të shpërndahen në të gjithë vendin në javët e ardhshme.

“Rekomandimi ynë kryesor është që klasat të ajrosen rregullisht çdo 20 minuta për rreth pesë minuta me dritare të hapura,” tha Presidenti i UBA Dirk Messner. Kjo praktikë është e njohur në gjermanisht si “ventilim shpërthyes” (Stoßlüften) dhe “do të thotë që ajri të ndërrohet plotësisht me ajër të pastër nga jashtë tri herë në orë”.

Dritaret gjithashtu duhet të qëndrojnë të hapura gjatë pushimit dhe drekës, ndërsa dera duhet të mbetet e mbyllur për të parandaluar përhapjen e grimcave nëpër korridore në klasat e tjera. Ai shtoi se nëse klasat nuk mund të ajrosen, ose nëse dritaret mund të anohen, agjencia beson se ato nuk janë të përshtatshme për të dhënë mësim.

Gjermania vë bast se ajri i pastër mabn larg koronavirusin

Gjermania pushtoi titujt e gazetave dhe mediave online muajin e kaluar kur njoftoi se po përqafonte dashurinë e saj për ajrin e pastër për të larguar infeksionet e koronavirusit dhe kishte shtuar “ventilimin” në formulën anti-korona. Akronimi AHA, pra, u bë AHACL, i cili qëndron për distancën (Abstand), higjienën (Higjena), mbulimin e fytyrës (Alltagsmaske), aplikacionin për paralajmërimin e koronavirusit (Corona-Ëarn-App) dhe ventilimin (Lüften).

Zakoni i gjermanëve për të hapur dritaret, pa marrë parasysh se si është moti jashtë, mund të duket i veçantë për të huajt, por Angela Merkel ka theksuar vazhdimisht se “mund të jetë një nga mënyrat më të lira dhe më efektive” të frenimit të përhapjes së virusit . Ky mesazh përsëritet nga Messner: ?Atje ku ka shumë njerëz në një hapësirë të mbyllur, virusi mund të grumbullohet në ajër. Ventilimi është masa më e thjeshtë dhe më efektive për të hequr viruset nga ajri në klasa. ?

Dhe për ata që shqetësohen që fëmijët e tyre mund të kenë ftohtë gjatë muajve të vjeshtës dhe dimrit në shkollë, UBA siguron: me ventilim të përhershëm, temperatura në dhomë bie vetëm për disa gradë dhe rritet përsëri shpejt pasi të jenë mbyllur dritaret./ CNA.al