Kronika
Denoncoi Ben Blushin në ambasadën e SHBA-ve/Biznesmeni sulmohet me armë nga maskat
Biznesmeni A.DH. i cili prej disa muaj është në një konflikt të hapur me ish-politikanin dhe drejtorin e Top Channel, Ben Blushi, është sulmuar dje në mbrëmje nga maskat në hyrjen e pallatit ku banon.
Burime nga Policia e Tiranës i thanë CNA.al se ngjarja ka ndodhur dje (të enjten) në mbremje rreth orës 22.00, në një nga pallatet pranë Stadiumit “Selman Stermasi”, në kryeqytet.
Biznesmeni A.DH. ka qenë në hyrjen e pallatit ku banon dhe dy persona me maska dhe të armatosur kanë tentuar ti afrohen, por ka qenë roja i objektit i cili ka bërtitur. Sipas pamjeve që policia i ka në dispoizicion, shpëtimi i biznesmenit ka qenë vetëm një moment, largësia që ka pasur biznesmeni nga agresorët. Ai ka hyrë në ashensor dhe është larguar. Personat me maska dhe armë në dorë nuk kanë mundur të qëllojnë pasi ashensori është mbyllur dhe biznesmeni është larguar, raporton cna.al. Ky mesa duket ka qenë edhe shpëtimi i tij, pas një sulmi të mundshëm që duket mjaft qartë nga pamjet filmike. Personat e ndjekin nga pas për të gjetur momentin për ta qëlluar.
Policia po zhvillon hetimet për këtë ngjarje e cila ka tronditur banorët e pallatit ku jeton biznesmeni A.DH., objekt ky i ndërtuar vitet e fundit dhe që e ka futur në konflikt me Ben Blushin dhe familjarët e tij.
Biznesmeni prej disa kohësh ndodhet në konflikte gjyqësore dhe përplasje me drejtorin e Top Channel Ben Blushi. Një letër e gjatë drejtuar ambasadës së SHBA-ve ka zbuluar prona të përfituara nga Blushi dhe familjarët e tij, disa prej tyre shitur me vlera qesharake. Gjithashtu Ben Blushi, është akuzuar se nuk ka paguar mbi 50 mijë euro karburant, por dhe ka marrë 100 mijë euro në emër të vëllait të tij, pa folur për pjesë pasurie miliona dollarë të një pallati ndërtuar në kryeqytet i cili është vendosur në emër të ish-vjehrit të Ben Blushit.
Rasti i biznesmenit A.Dh. nuk është i pari. Disa muaj më parë një nga ish-drejtorët e Top Media u sulmua dhe u godit me mjete të forta nga persona të maskuar poshtë shtëpisë së tij./CNA.al
Ekskluzive-Letra për Ambasadën amerikane/ Ben Blushi bëri vjehrrin pronar në pasuri miliona dollarë
Faktet që “kryqëzojnë” Ben Blushin/ Letra akuzë e biznesmenit drejtuar ambasadës të SHBA
Denoncimet në ambasadën e SHBA/ Biznesmenët kundër Ben Blushit dhe Top Channel
“Sheiku” i mediave/ Të gjitha miliardat dhe skandalet e Ben Blushit
Dokumentet/ Ben Blushi shtoi pasurinë një miliard lekë, me Rilindjen
Nga Korça, në Vlorë/ Ben Blushi “hajdut” tokash, si u pasurua me ardhjen e Rilindjes
Kronika
I dënuar për trafik droge/ Konfiskohen pasuritë e Moisi Habilajt
Gjykata e Posaçme Kundër Krimit të Organizuar dhe Korrupsioni, ka konfiskuar 22 pasuritë e Moisi Habilajt dhe familjareve te tij.
Moisi Habilaj, i cili është konsideruar si koka e grupit të trafikut të drogës, u arratis nga vendi i vuajtjes së dënimit të arrestit të shtëpisë, në Itali, dhe tashmë është shpallur në kërkim ndërkombëtar.
Pasuritë e Moisi Habilajt dhe familjarëve të tij, qe rezultojnë të jenë konfiskuar disa apartamente, truall, njësi, ndërtesë, garazh, si dhe disa makina të llojit “Audi”, “Ford” e “Skoda”.
Kujtojmë këtu se disa ditë më parë, SPAK i kërkoi Gjykatës së Posaçme, konfiskimin e pasurive të Moisi dhe Florian Habilajt.
Pasuria e Habilajve llogaritet të jetë rreth 82.4 milionë lekë, dhe konsiston në disa pasuri të paluajtshme në Vlorë./ CNA.al
SPAK kërkon sekuestrimin e pasurive të Habilajve në Vlorë/ Zbulohet shifra
Kronika
Ngacmoi seksualisht tre të mitura/ 61 vjeçari humb ndjenjat në sallën e gjyqit
Seanca gjyqësore ndaj 61 vjeçarit, Vasil Mulla, i cili akuzohet se ka abuzuar seksualisht me tre minorene, është shtyrë.
Shkak është bërë gjendja e tij shëndetësore, pasi ka humbur ndjenjat, në sallën e gjyqit në Gjirokastër.
Mullaj u arrestua para 2 ditësh, ndërsa sot do të njihej me masën e sigurisë./CNA.al
Kronika
Video-Goditet një rast i trafikut të drogës në Korçë/ Prangoset poseduesi, e pësojnë dhe blerësit
Policia e Korçës ka goditur një rast të prodhimit dhe shitjes së lëndëve narkotike, duke bërë të mundur prangosjen e një personi, dhe procedimin penal të tre të tjerëve.
Specialistët e Seksionit për Hetimin e Narkotikëve dhe Trafiqeve të Paligjshme në DVP Korçë, nën drejtimin e Prokurorisë të Rrethit, kanë goditur një tjetër rast të veprimtarisë kriminale të prodhimit dhe shitjes së narkotikëve, si rezultat i të cilit u bë kapja dhe arrestimi në flagrancë i shtetasit P. Gj., 30 vjeç, banues në Korçë, si edhe u proceduan penalisht shtetasit K. M., A. C. dhe M. S.
Në bazë të informacioneve të siguruara në rrugë policore se 30-vjeçari shpërndante në qytet lëndë narkotike në doza të vogla, janë organizuar shërbimet, të cilat kanë bërë të mundur lokalizimin dhe kapjen e tij në flagrancë duke iu shitur tre shtetasve të tjerë, doza me lëndë të dyshuar narkotike kanabis.
Nga veprimet e mëtejshme procedurale, gjatë kontrollit të ushtruar në banesën e shtetasit P. Gj., shërbimet e policisë gjetën e sekuestruan në cilësinë e provës materiale një sasi tjetër me lëndë narkotike kanabis, si dhe konstatuan dy shtetasit R. G., 31 vjeç dhe D. Xh., 32 vjeç, banues në fshatin Barç, Korçë, duke kryer punime pa leje në banesën e tij, të cilët u arrestuan në kushtet e flagrancës për veprën penale “Ndërtimi i paligjshëm”.
Materialet i kaluan Prokurorisë pranë Gjykatës së Shkallës së Parë Korçë, për veprime të mëtejshme.
