Connect with Us

Belgjika masa drastike ndaj Covid/ Kufizohet lëvizja e qytetarëve, mbyllen baret dhe restorantet

Bota

Belgjika masa drastike ndaj Covid/ Kufizohet lëvizja e qytetarëve, mbyllen baret dhe restorantet

Publikuar

-

Belgjika masa drastike ndaj Covid/ Kufizohet lëvizja e qytetarëve, mbyllen baret dhe restorantet

Komiteti Belg i Shëndetit Publik vendosi të ndalojë lëvizjen nga mesnata e së hënës deri në 5 të mëngjesit, si dhe të mbyllë baret dhe restorantet për një muaj.
Këtë pasdite Komiteti r mbajti një takim për të shqyrtuar rrjedhën e pandemisë në vend.

Ky takim u shoqërua me tensione, pasi siç raportojnë mediat vendase, nuk kishte dakordësi për shumë çështje, dhe pati mosmarrëveshje.
Komisioni vendosi të marrë masa të reja, më e rëndësishmja prej të cilave është mbyllja e restoranteve, dhe kafeneve për një muaj.

Duke folur me përfaqësuesit e mediave pas takimit, Kryeministri Alexander de Croe tha se pavarësisht nga masat e marra javën e kaluar, përhapja e virusit po përshpejtohet, dhe numrat janë dyfishuar çdo javë.

“Sot, pothuajse 2,000 njerëz janë duke marrë trajtim. Dje 35 persona humbë jetën nga koronavirusi. Shifrat janë shqetësuese dhe janë më të larta se ato të Marsit dhe Prillit. “Dhe ditët e ardhshme nuk do të jenë pozitive, numrat do të vazhdojnë të rriten,” tha de Croe, duke njoftuar masat e reja që do të merren nga qeveria belge, të cilat do të hyjnë në fuqi të hënën.

LEXO EDHE:  “Për të mos hapur panik, kemi shtretër të lirë”/ Çomo tregon kush është mosha që po përhap infeksionin

Disa prej masave të marra nga Komiteti i Ekspertëve të Shëndetit në Belgjikë janë:
-Grumbullimet private në shtëpi janë të kufizuara në 4 persona (gjithmonë të njëjtët njerëz) për dy javë
-Takimet në vendet publike janë të kufizuara deri në 4 persona
-Blerjet e Krishtlindjeve anulohen
-Puna nga telefoni bëhet rregull
-Kafenetë dhe restorantet do të mbyllen për një muaj
-Ndalohet shitja e alkoolit nga ora 20:00. për një muaj
-Ndalimi i trafikut nga mesnata deri në 5 pasdite.

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

Së paku 12 vetë të vrarë nga sulmi në një xhami në Afganistan

Publikuar

-

Nga

Së paku 12 vetë u vranë nga një shpërthim në xhami, në kryeqytetin e Afganistanit, Kabul. Sulmi ndodhi në ditën e dytë të armëpushimit të deklaruar nga Qeveria afgane dhe militantët talibanë, me rastin e Festës së Bajramit. Zëdhënësi i policisë në Kabul, Ferdaws Framurz, tha se sulmi ndodhi gjatë faljes së Xhumasë në një xhami të qarkut Shakar Darah. Sipas tij, 15 vetë të tjerë u plagosën, ndërsa imami i xhamisë, Mofti Naiman, është në mesin e të vrarëve. Përgjegjësinë për sulmin nuk e ka marrë ende asnjë grup. Zëdhënësi i talibanëve, Zabihullah Mujahid, tha se grupi i tij nuk qëndron pas sulmit. Përkundër armëpushimit të shpallur treditor, disa sulme me bomba ndodhën edhe të enjten në Afganistan, duke lënë së paku 11 njerëz të vrarë. Në fillim të këtij muaji, Shtetet e Bashkuara kanë nisur t’i tërheqin trupat e veta nga Afganistani, pas 20 vjetësh luftë. Deri më 11 shtator pritet të tërhiqen të gjitha trupat amerikane, ashtu si edhe forcat e tjera të NATO-s, të pranishme në Afganistan. Kjo ka rritur shqetësimet e vëzhguesve nëse Qeveria afgane mund t’ia dalë e vetme në luftën kundër talibanëve dhe grupeve të tjera militante.

Së paku 12 vetë u vranë nga një shpërthim në xhami, në kryeqytetin e Afganistanit, Kabul.

Sulmi ndodhi në ditën e dytë të armëpushimit të deklaruar nga Qeveria afgane dhe militantët talibanë, me rastin e Festës së Bajramit.

Zëdhënësi i policisë në Kabul, Ferdaws Framurz, tha se sulmi ndodhi gjatë faljes së Xhumasë në një xhami të qarkut Shakar Darah.

Sipas tij, 15 vetë të tjerë u plagosën, ndërsa imami i xhamisë, Mofti Naiman, është në mesin e të vrarëve.

Përgjegjësinë për sulmin nuk e ka marrë ende asnjë grup.

Zëdhënësi i talibanëve, Zabihullah Mujahid, tha se grupi i tij nuk qëndron pas sulmit.

LEXO EDHE:  “Për të mos hapur panik, kemi shtretër të lirë”/ Çomo tregon kush është mosha që po përhap infeksionin

LEXO EDHE:  E trishtë/ Humb jetën nga Covid gazetari dhe historiani i njohur shqiptar

Përkundër armëpushimit të shpallur treditor, disa sulme me bomba ndodhën edhe të enjten në Afganistan, duke lënë së paku 11 njerëz të vrarë.

Në fillim të këtij muaji, Shtetet e Bashkuara kanë nisur t’i tërheqin trupat e veta nga Afganistani, pas 20 vjetësh luftë.

Deri më 11 shtator pritet të tërhiqen të gjitha trupat amerikane, ashtu si edhe forcat e tjera të NATO-s, të pranishme në Afganistan.

Kjo ka rritur shqetësimet e vëzhguesve nëse Qeveria afgane mund t’ia dalë e vetme në luftën kundër talibanëve dhe grupeve të tjera militante.REL

LEXO TE PLOTE

Kosova & Rajoni

Covid-19 në Kosovë/ Dy viktima dhe 49 raste të reja me koronavirus

Publikuar

-

Nga

Në Kosovë u konfirmuan të premten dy viktima nga koronavirusi dhe 49 raste të reja të të infektuarve. Instituti Kombëtar i Shëndetësisë Publike të Kosovës tha se një rast i vdekjes u regjistrua në Mitrovicë dhe një në Vushtrri.

Sipas tij, rastet e reja pozitive rezultuan pas testimit të 1,835 mostrave. Shifra prej 49 i bie që dy për qind e të testuarve kanë dalë pozitivë.

IKSHPK-ja po ashtu njoftoi se në 24-orëshin paraprak, 310 pacientë janë shëruar nga koronavirusi. Me këto shifra, numri i përgjithshëm i të infektuarve në Kosovë arrin në 106,803, i viktimave në 2,220 dhe i të shëruarve në 99,097.

LEXO EDHE:  “Maskë me një shami të palosur”/ Tritan Shehu: Dikush ti sqarojë Ramës se nuk jemi në Afrikë

LEXO EDHE:  “Për të mos hapur panik, kemi shtretër të lirë”/ Çomo tregon kush është mosha që po përhap infeksionin

Raste aktive aktualisht janë 5,486. Në Kosovë është në zhvillim e sipër faza e dytë e vaksinimit, ku bëjnë pjesë personat e moshës 65-79 vjeç.

Në fazën e parë që ka nisur në fund të marsit, përparësi u është dhënë punonjësve shëndetësorë dhe personave mbi 80 vjeç.

Në fazën e tretë, ndërkaq është thënë se do të vaksinohen 50 për qind e qytetarëve. Kosova po zhvillon fushatën e imunizimit me vaksina të dhuruara nga Organizata Botërore e Shëndetësisë dhe Bashkimi Evropian.

Vendi nuk ka të nënshkruar asnjë kontratë për blerje vaksinash nga ndonjë kompani farmaceutike. REL

LEXO TE PLOTE

Kosova & Rajoni

Menaxhimi i vaksinimit/ Opozita kritikon Qeverinë

Publikuar

-

Nga

Partitë opozitare në Kosovë kritikuan Qeverinë e Kosovës për, siç thanë, dështimin për ta menaxhuar procesin e vaksinimit të qytetarëve kundër koronavirusit.

Reagimet e dy partive opozitare, Partisë Demokratike të Kosovës dhe Lidhjes Demokratike të Kosovës, vijnë pasi në mëngjesin e së premtes, Policia e Kosovës u desh të ndërhyjë për të vënë rend pranë sallës “1 Tetori” në Prishtinë, ku ishin mbledhur një numër i madh qytetarësh, për t’u vaksinuar kundër koronavirusit.

Në sallën “1 Tetori”, prej 12 majit, ka nisur vaksinimi i personave mbi 65 vjeç. Ushtruesi i detyrës së kryetarit të PDK-së, Enver Hoxhaj, tha në një konferencë për media se Qeveria e kryeministrit Albin Kurti duhet të mbajë përgjegjësi morale dhe penale, pasi, sipas tij, shteti ka bërë “krim ndaj qytetarëve”.

“Sot ishim dëshmitarë të skenave tronditëse, ku të moshuarit shtyheshin me njëri-tjetrin, pa fajin e tyre, për ta marrë një vaksinë, ndërsa Qeveria, kryeministri Kurti, ministri [i Shëndetësisë, Arben] Vitia i kishin braktisur ata dhe po i braktisin çdo ditë qytetarët në një betejë të vështirë me pandeminë”.

“Sot ishim dëshmitarë se mungoi shteti, mungoi kryeministri dhe mungoi ministri i Shëndetësisë. Kjo për ne, si PDK, është e papranueshme dhe është e patolerueshme”, tha Hoxhaj.

Deputeti i LDK-së, njëherësh ish-ministër i Shëndetësisë, Armend Zemaj, tha se pamjet e sotme pranë sallës “1 Tetori” janë pasojë e neglizhencës së ekzekutivit.

LEXO EDHE:  Situata e Covid në Itali/ Alimehmeti: Shqipëria ka një trajektore shumë të ngjashme

LEXO EDHE:  Hedhja e pacientit nga dritarja e spitalit/ Reagon drejtori i "Shefqet Ndroqit"

“Qeveria, e udhëhequr nga Albin Kurti, dhe ministri Vitia sot kanë rrezikuar qytetarët, duke u bërë shpërndarës të infeksionit, por edhe duke rrezikuar drejtpërdrejt jetën e tyre”, tha Zemaj.

Zemaj tha se Qeveria Kurti nuk po e respekton as planin e imunizimit kundër sëmundjes që e shkakton koronavirusi, COVID-19, dhe ftoi organet kompetente që të hetojnë këtë gjë.

Ministria e Shëndetësisë e Kosovës tha të premten se në sallën “1 Tetori” mund të vaksinohen vetëm qytetarët e Prishtinës.

Ministria tha se grumbullimi i një numri të madh të personave në qendrën e vaksinimit në Prishtinë është rezultat i shkuarjes së qytetarëve të komunave të tjera atje.

“Qytetarët e komunave të tjera të Republikës së Kosovës luten që t’u drejtohen qendrave të vaksinimit në komunat e tyre, me qëllim që të marrin informatat e duhura dhe të vaksinohen”, tha Ministria e Shëndetësisë.

Në Kosovë, imunizimi i qytetarëve kundër COVID-19 bëhet përmes një plani të ndarë në tri faza.

Në fazën e parë janë vaksinuar të moshuarit mbi 80 vjeç, punëtorët shëndetësorë dhe personat me sëmundje kronike.

Në fazën e dytë është paraparë që të vaksinohen personat 65-79 vjeç, mësuesit dhe forcat e sigurisë, të përfshira në menaxhimin e pandemisë.

Ndërkaq, në fazën e fundit është thënë se do të vaksinohen 50 për qind e popullatës.REL

LEXO TE PLOTE