Connect with Us

Trump-Biden debat në distancë mbi zgjedhjet

Bota

Trump-Biden debat në distancë mbi zgjedhjet

Publikuar

-

Trump vs Biden/ Pesë arsye, pse një amerikan i arsyeshëm duhet të votojë sërish Trumpin

Presidenti republikan Donald Trump dhe rivali i tij demokrat, ish-Nënpresidenti Joe Biden, do të zhvillojnë sot takime të hapura me pyetje-përgjigje nga qytetarët pas anulimit zyrtarisht të debatit mes tyre të planifikuar në të njëjtën ditë. Rrjeti televiziv NBC News njoftoi të mërkurën se do të transmetonte drejtpërdrejtë takimin e presidentit Trump sonte në orën tetë të mbrëmjes me votuesit e qytetit të Majamit në shtetin e Floridës. Ndërkohë rrjeti televiziv ABC News ka planifikuar tashmë të transmetojë takimin me zotin Biden në qytetin e Filadelfias të shtetit të Pensilvanisë, në të njëjtën orë.

Florida dhe Pensilvania konsiderohen si shtete kyçe për secilin kandidat në zgjedhjet e 3 nëntorit. Numri i votuesve që do ndjekin secilin nga takimet mund të jetë një tregues jo-statistikor për preferencat e votuesve kur kanë mbetur më pak se tre javë përpara ditës së zgjedhjeve. Ndryshimi i kanalit nga një takim tek tjetri mund t’u japë gjithashtu votuesve të pavendosur një mundësi për të parë se si kandidatët u përgjigjen pyetjeve të njëjta. Pothuajse 12 milionë amerikanë kanë votuar tashmë në ato që njihen si votime të hershme e që janë zhvilluar në shumicën e shteteve amerikane. Shumë vetë zgjodhën të votojnë më herët për shkak të interesit të shtuar për fushatën, ndërsa të tjerë me qëllimin për të shmangur radhët e gjata gjatë ditës së zgjedhjeve dhe qëndrimin pranë me votuesit e tjerë gjatë pandemisë.

Dy aktivitetet politike të së enjtes nuk do të kenë asgjë të ngjashme me atë që mund të kishte qenë debati i dytë mes dy kandidatëve, pas debatit të ashpër mes tyre në fund të shtatorit që disa analistë e cilësuan si më të keqin në historinë politike të vendit. Gjatë debatit të tyre 90 minutësh kandidatët shpesh ndërprisnin njëri-tjetrin, me ndërhyrje më të shpeshta nga ana e zotit Trump krahasuar me zotin Biden.

Për muaj me radhë, zoti Biden ka ruajtur një epërsi të qëndrueshme në sondazhet kombëtare ndaj zotit Trump.

Gjatë muajve të verës, zoti Biden udhëhiqte zakonisht ndaj zotin Trump mesatarisht me 6 ose 7 për qind më shumë në shkallë vendi dhe me gjysmën e këtyre shifrave në shtetet përcaktuese për fatin e zgjedhjeve. Por pas paraqitjes në debatit e parë dhe diagnostikimit të presidentit me COVID-19, sondazhet tregojnë se zoti Biden ka përparuar me një mesatare prej më shumë se 10 për qind në shkallë vendi. Avantazhi i tij në shtetet kyçe po i afrohet avantazhit të tij në rang kombëtar.

Të dy kandidatët ishin planifikuar të takoheshin ballë për ballë të enjten në mbrëmje. Por zoti Trump u tërhoq nga debati pasi Komisioni i pavarur për Debatetet Presidenciale deklaroi se debati do të zhvillohej virtualisht. Komisioni e mori vendimin ndërsa shëndeti i zotit Trump ishte në dyshim pas diagnostikimit të tij me COVID-19. Menjëherë më pas zoti Biden caktoi takimin e tij që do të transmetohej në rrjetin televiziv ABC dhe debati më vonë u anulua zyrtarisht.

LEXO EDHE:  Nga kryeministër në president i Serbisë!/Vuçiç fiton zgjedhjet

Sipas planifikimeve të dy kandidatët pritet të debatojnë për herë të fundit në 22 tetor, 12 ditë përpara zgjedhjeve.

Rrjeti televiziv NBC tha se ka rënë dakord të drejtojë takimin e së enjtes në mbrëmje me zotin Trump pasi mori garanci se presidenti nuk do të përbënte rrezik për sigurinë shëndetësore të votuesve që marrin pjesë në takim, ekipin televiziv apo drejtuesen Savannah Guthrie.

Ndryshe nga tubimet politike të zotit Trump, ku pak nga mbështetësit e tij mbajnë maska, të gjithë të pranishmëve në audiencë në Majami, të ulur jashtë në një muze arti, do t’u kërkohet t’i mbajnë ato. Zonja Guthrie dhe zoti Trump do të qëndrojnë rreth 4 metra larg njëri-tjetrit. Të dy kandidatët këtë javë kanë udhëtuar në ato shtete që mund të rezultojnë vendimtare për rezultatin e përgjithshëm. Fitorja shtet me shtet përcakton fituesin dhe jo vota e popullore në rang kombëtar. Shtetet më të populluara kanë rëndësinë më të madhe në Kolegjin Zgjedhor, të cilin zoti Trump e fitoi në 2016, por duke humbur votën e popullore ndaj demokrates Hillary Clinton. Zoti Trump zhvilloi një tubim në Pensilvani të martën ndërsa të mërkurën në shtetin e Ajovas. Zoti Biden zhvilloi fushatë në Florida të martën ndërsa të mërkurën mori pjesë në një aktivitet virtual për grumbullim fondesh./voa

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Turqia “mbytet” nga tërmetet/ Dhjetëra lëkundje rrisin panikun

Publikuar

-

Nga

Turqia “mbytet” nga tërmetet/ Dhjetëra lëkundje rrisin panikun

Pas tërmetit tragjik që shembi dhjetëra banesa dhe la disa viktima, Turqia nuk ka zënë më qetësi.

Faqja sizmiologjike “Earthquake” ka raportuar për një sërë tërmetesh tjera që kanë goditur Turqinë pas lëkundjeve të forta.

Tërmetet janë të magnitudave të ndryshme dhe variojnë nga 4.3 ballë në 2.1 ballë të shkallës Rihter.

Këto lëkundje kanë rritur edhe më tepër tensionet dhe panikun te qytetarët që në këtë kohë pandemie po përballen edhe me një fatkeqësi natyrore.

Kujtojmë se tërmeti tragjik që deri më tani ka shkaktuar 12 viktima, ishte me magnitudë 6.6 ballë dhe me një thellësi prej 16,5 kilometra në Egje.

LEXO EDHE:  Nga kryeministër në president i Serbisë!/Vuçiç fiton zgjedhjet

LEXO EDHE:  Presidencialet në SHBA/ Obama: Kandidatët, larg fyerjeve dhe ofendimeve

Kryebashkiaku i Izmirit, Tunxh Sojer tha se rreth 20 ndërtesa ishin shembur dhe se 70 persona janë shpëtuar nga rrënojat.

Aktualisht kërkimet nën rrënoja po vazhdojnë, ndërsa tërmeti ka shkaktuar edhe dy viktima në Greqi./ CNA.al

LEXO TE PLOTE

Bota

Tërmeti i fuqishëm “shkrin akujt” mes Greqisë dhe Turqisë

Publikuar

-

Nga

Pas telefonatës me kryeministrin grek Kyriakos Mitsotakis, edhe presidenti turk Regep Taip Erdogan i ka shprehur Greqisë dhe Mitsotakis, ngushëllimet për viktimat që la pas tërmeti që shkundi dy vendet fqinje, paraditen e kësaj të premteje.

“Faleminderit Z. Kryeministër, edhe unë i shpreh ngushëllimet e mia gjithë Greqisë në emrin tim dhe popullit turk. Turqia është gjithmonë e gatshme të ndihmojë Greqinë të shërojë plagët e saj. Solidarizimi i dy vendeve tona fqinje në këto kohë të vështira është më e vlefshme se shumë gjëra të tjera në jetë”, shkruan Erdogan në tëitter.

Mesazhi i ngushëllimit i Erdogan, erdhi menjëherë pas telefonatës së kryeministrit Mitsotakis me presidentin turk, ku të dy palët shprehën ngushëllimet për viktimat e tërmetit dhe treguan gatishmërinë për të ndihmuar njëri tjetrin, në këto kohë të vështira./CNA.al

LEXO TE PLOTE

Bota

E premtja e zezë në Greqi/ Pesë viktima dhe mijëra raste të reja me COVID-19

Publikuar

-

Nga

E premtja e zezë në Greqi/ Pesë viktima dhe mijëra raste të reja me COVID-19

Greqia është përballur me rritje të frikshme të rasteve të reja me koronavirus.

Gjatë 24 orëve në Greqi janë raportuar 1690 raste me COVID-19, duke e çuar numrin e përgjithshëm të rasteve në 37 196 të prekur. Mësohet se 55.2% e të prekurve janë burra, ndërsa 128 pacientë janë në kujdes intensiv. Ndërkohë 5 pacientë nuk e kanë fituar betejën me koronavirusin. Që nga fillimi i pandemisë deri më sot 620 persona kanë humbur jetën, ku 96.3% e tyre kishin sëmundje shoqëruese.

Autoritetet shëndetësore i bëjnë thirrje qytetarëve të tregohen të kujdesshëm , të mos neglizhojnë masat e vendosura për parandalimin e përhapjes së COVID-19./CNA.al

LEXO TE PLOTE