Connect with Us

Pandemia imponon punën online/ Si do të veprojë parlamenti?

Kosova & Rajoni

Pandemia imponon punën online/ Si do të veprojë parlamenti?

Publikuar

-

Situata e pandemisë imponon mënyra të reja në organizimin e mbledhjeve të institucioneve shtetërore. Si do të zhvillohet puna në Parlamentin e Maqedonisë së Veriut pas zbulimit se tre deputetë janë pozitivë me COVID-19.

Në mungesën e tre deputetëve në mbledhjet plenare nuk ka shumicë. Në koordinimin e parë me grupet parlamentare nuk është arritur pajtueshmëri për ndërprerjen e punës me prezencë fizike.

Kryeministri Zoran Zaev thotë, se Maqedonia e Veriut duhet të ndjekë praktikat e vendeve tjera, ku parlamentet po funksionojnë online për të mos rrezikuar jo vetëm shëndetin, por edhe miratimin e ligjeve të domosdoshme për përballje me pandeminë.

“Qeveria seancën e rradhës do ta ketë online. Ne ende nuk kemi person me simptoma apo të infektuar, por në bazë të rekomandimit të Komisionit për Sëmundje Infektive na u tha se në përputhje me numrat, duhet të përgatitemi për seanca online. Besoj se edhe Parlamenti do të ketë mirëkuptim dhe do ta pranojë punën në online”, është shprehur Zaev.

VMRO-DPMNE: Seancat online janë antikushtetuese

Opozita është kategorikisht kundër mënyrës së punës online në Parlament. Sipas VMRO-DPMNE-së puna online është antikushtetuese. Deputeti i VMRO-DPMNE-së Antonio Milloshoski vlerëson, se kjo kërkesë e pushtetit është në kundërshtim me Kushtetutën.

“Nga aspekti juridiko-kushtetues parlamenti nuk mund të punojë dhe të vendosë përmes aplikacionit online, pasi ka një normë kushtetuese, e cila kërkon praninë e deputetëve në seancat, shumicën nga numri i përgjithshëm i deputetëve”, thotë deputeti Milloshoski. Opozita maqedonase konsideron, se shumica ka dalë me një nismë të tillë pasi nuk ka shumicën në parlament pas infektimit me koronavirus të tre deputetëve, apo një më pak se numri i nevojshëm për mbajtje të seancave dhe votimit të ligjeve në rast se ato bojkotohen nga opozita.

Edhe opozita shqiptare shprehet kundër mënyrës së punës online në parlament. Deputeti i Alternativës Zejd Rexhepi thotë, se parlamenti duhet të punojë me prezencë fizike siç është e paraparë me kushtetutë dhe ligjet përkatëse.

“Parlamenti i përmbush të gjitha kushtet preventive për mbrojtjen kundër pandemisë, ndaj konsiderojmë që është e pavlerë kërkesa për funksionim online të institucionit ligjvënës. Çdo veprim tjetër pa konsenzus e vdes demokracinë dhe është në kundërshtim me vlerat ligjore ”, vëren Rexhepi.

LEXO EDHE:  Infektimi me koronavirus i Budinës/ Sazan Guri bën komentin epik: Atij i ndrin tulla, ça i sëmurë është!

Koordinatori i grupit parlamentar të BDI-së Izet Mexhiti thotë, se sa i përket mënyrës se si më tutje do të vazhdojë puna në parlament, është i nevojshëm konsensus nga të gjitha partitë politike parlamentare. Por për deputetët e prekur nga COVID-19 duhet t’ju mundësohet që të punojnë online dhe të ushtrojnë detyrVn për të cilën janë votuar nga qytetarët.

Ristevski: Ndryshimi i rregullores mundëson punën online

Njohësit e çështjeve juridike thonë se puna online e parlamentit nuk mund të nisë pa ndryshimin e rregullores mbi punën e kuvendit.

“Duhet të ketë ndryshime në rregullore, ndërsa sa i përket kushtetutshmërisë së kësaj çështjeje, mendoj se nuk ka shkelje. Është e vërtetë se ka dallim sa i përket kualitetit të seancave pasi nuk është njëjtë kur ato mbahen me prani të deputetëve në sallë dhe nga distanca, komunikimi mes deputetëve është më i frytshëm, ka debat ”, thotë Temellko Ristevski profesor i së Drejtës Kushtetuese.

Profesori universitar për çështje juridike Bashkimi Selmani thotë se në shumë vende të botës tashmë të gjitha aktivitetet po zhvillohen online, përfshirë edhe punën e parlamenteve të tyre, por ai nuk përjashton edhe mundësinë që të ketë edhe keqpërdorime në situata të këtilla, ndaj konsideron se është mirë që të ketë aktivitete të kombinuara.

“Nëse gjithçka zhvillohen nga distanca atëherë shumë punë dhe procese do të ndërpriten. Deri më tani është treguar se puna online nuk e ka efikasitetin e duhur. Ky sistem mund të aplikohen në raste individuale, por jo edhe kolektive që i gjithë Parlamenti të punojë online”, thotë Selmani./DW

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

Kosova bisedime me Bankën Botërore për vaksinën anti-covid

Publikuar

-

Nga

Kosova bisedime me Bankën Botërore për vaksinën anti-covid

Kosova është në bisedime me Bankën Botërore për sigurimin e vaksinës anti-Covid. Ministrja e Financave Hykmete Bajrami ka thënë se vendi ynë do të jetë ndër të parët që do të furnizohet me vaksina sapo ajo të dal në treg.

Ajo gjithashtu ka bërë të ditur se që nga fillimi i pandemisë e deri më tash nga janë ekzekutuar 245 milionë Euro nga fondi prej 365 milionë për t’u dal në ndihmë qytetarëve dhe bizneseve.

Në kohën kur shtim të madh rasteve të prekur me Covid-19 janë paralajmëruar që mund të merren masa shtesë, por që ende janë duke u shqyrtuar opsionet. Mbyllja thonë se do të jetë e fundit, ndonëse nuk përjashtohet as kjo mundësi.

LEXO EDHE:  “Eksperimenti” me tatimpaguesit në kohë pandemie/ Si reaguan bizneset 

LEXO EDHE:  SHBA, rritje e madhe e deficitit buxhetor si pasojë e pandemisë

Kreu i Odës Ekonomike të Kosovës Berat Rukiçi paralajmëron kolaps ekonomik në rast se mbyllet Kosova sërish. Aktualisht në Kosovë janë mbi 3 mijë raste aktive me Covid-19, ndërsa ditëve të fundit është shtuar dukshëm numri i të prekurve në baza ditore./CNA.al

LEXO TE PLOTE

Kosova & Rajoni

Rekord i zi në Kosovë/ 418 të infektuar me Covid dhe 4 viktima në 24 orë

Publikuar

-

Nga

Rekord i zi në Kosovë/ 418 të infektuar me Covid dhe 4 viktima në 24 orë

Situata e pandemisë në Kosovë është përkeqësuar pasi gjatë 24 orëve të fundit janë konfirmuar 418 raste pozitive, nga 1.608 teste të kryera.

Po ashtu raportohet se 4 persona nuk e kanë fituar betejën me virusin.

“67 TË SHËRUAR DHE 418 RASTE ME COVID-19! Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.608 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 418 raste pozitive. Brenda 24 orëve janë raportuar katër raste të vdekjes me SARS CoV-2 pozitiv (1 rast Klinika e Kardiologjisë, QKUK, 1 rast Mjekimi Intenziv Qendror, QKUK, 1 rast Klinika e Pulmologjisë, QKUK dhe 1 rast Spitali i Përgjithshëm Prizren)”, thuhet në njoftim./CNA.al

LEXO TE PLOTE

Kosova & Rajoni

Engel: SHBA duhet të luajë rol aktiv për zgjidhjen e çështjes Kosovë-Serbi

Publikuar

-

Nga

Engel: SHBA duhet të luajë rol aktiv për zgjidhjen e çështjes Kosovë-Serbi

Më pak se një javë para zgjedhjeve presidenciale në Shtetet e Bashkuara, kongresmeni demokrat Eliot Engel thotë se çfarëdo administrate të jetë në fuqi, duhet t’i kushtojë rëndësi zgjidhjes së çështjes së Kosovës dhe Serbisë dhe rajonit të Ballkanit në përgjithësi. Në një diskutim organizuar nga prof. David Phillips i Universitetit të Kolumbias, kryetari i Komisionit të Dhomës së Përfaqësuesve për Marrëdhëniet me Jashtë, si edhe ish- Sekretarja e Shtetit, Madeleine Albright dhe ish-komandanti i lartë i NATO-s, Wesley Clark folën për të ardhmen e Kosovës.

Demokrati Eliot Engel, i bëri jehonë faktit se gjatë dekadave, republikanët dhe demokratët kanë ndjekur një politikë dypartiake ndaj këtij rajoni.

Unë shpresoj që çfarëdo administrate të kemi, (cilindo) President, apo Kongres duhet ta kuptojmë se është mirë për Shtetet e Bashkuara të sigurohet që liria të përparojë në të gjithë botën, jo vetëm për të mirën e këtij rajoni, por edhe për të mirën e Shtetet e Bashkuara”, tha ai.

Ish-Sekretarja amerikane e Shtetit gjatë administratës së ish-Presidentit Bill Clinton, Madeleine Albright, tha se diskutimi vinte në një moment shumë të rëndësishëm për politikën e jashtme amerikane.

Shpresa ime është që javën e ardhshme të shënojmë një pikë kthese ku të mund të kemi një fillim të ri pas katër vitesh dështimi dhe të fillojmë të largohemi nga qasja e pabalancuar e administratës Trump ndaj Kosovës dhe Serbisë”, tha ajo duke përdorur një gjuhë të ngjashme me atë të kandidatit demokrat Joe Biden.

Edhe zoti Engel tha se shpreson që Shtetet e Bashkuara t’i kthehet një roli tradicional në marrëdhëniet e jashtme.

Por administrata e Presidentit Trump thotë se është pikërisht mënyra e saj jotradicionale, që i dha një shtysë të re bisedimeve Kosovë-Serbi, me rënien dakord për normalizimin ekonomik muajin e kaluar, në një takim të parë të një profili të tillë të lartë në Shtëpinë e Bardhë.

Në ceremoninë e Shtëpisë së Bardhë, Presidenti Donald Trump tha se pas “vitesh negociatash të dështuara, administrata ime, propozoi një rrugë të re për të kapërcyer ndasitë”.

Duke u përqendruar tek krijimi i vendeve të punës dhe rritja ekonomike, të dyja vendet ishin në gjendje të realizonin një arritje të madhe”.

LEXO EDHE:  Infektimi me koronavirus i Budinës/ Sazan Guri bën komentin epik: Atij i ndrin tulla, ça i sëmurë është!

LEXO EDHE:  69 raste të reja me Covid në shtetin fqinj/ Humbin jetën 7 pacientë

Nuk është ende e qartë se si do të ndikojë një politikë e tillë tek një marrëveshje përfundimtare mes dy vendeve, pengesa më e madhe ndaj së cilës është mosnjohja e pavarësisë së Kosovës nga Serbia.

Për organizatorin e diskutimit, Profesorin e Universitetit të Kolumbias, David Phillips, thotë se nuk do të ketë paqe derisa të ketë normalizim.

Sipas mendimit tim normalizim do të thotë që Serbia ta pranojë se e ka humbur Kosovën për shkak të krimeve që Millosheviçi bëri, që Kosova është një vend i pavarur dhe kjo nuk do të ndryshojë kurrë. Nuk ka kthim mbrapa”, tha ai.

Pasojat e trashëgimisë së luftrave të viteve 90 në Ballkan, rëndojnë ende mbi rajon. Gjenerali Wesley Clark, ishte komandanti i forcave të NATO-s, kur aleanca ndërmori bombardime për të ndalur fushatën e Millosheviçit dhe forcave serbe ndaj Kosovës. Ai vlerësoi arritjet e Kosovës.

Tani sfida është të ndërtohet një shtet të fortë ekonomikisht dhe politikisht në një nga rajonet më të vështira të botës”.

Kongresmeni Engel, duke vlerësuar angazhimin e vendosjes së marrëdhënieve diplomatike mes Kosovës dhe Izraelit, gjë që u bë e njohur për herë parë, si një nga pikat e marrëveshjes së Shtëpisë së Bardhë, tha se ashtu si Izraeli dhe vendet arabe po punojnë bashkë, ashtu duhet të ndodhë edhe në Ballkan.

Do të doja ta shihja në Ballkan, me shqiptarë dhe serbë dhe malazezë dhe të gjithë popujt që punojnë së bashku që jetojnë në një rajon shumë të vogël, por është më mirë për të dyja palët, ose të gjitha palët nëse ata punojnë së bashku dhe e njohin njëri-tjetrin”, tha ai./ VOA

LEXO TE PLOTE