Connect with Us

“Po deshi të rrijë me mua ose të ikë me…”/ Si u falsifikua gjendja civile për të nxjerrë familjen në rrugë

Denoncim

“Po deshi të rrijë me mua ose të ikë me…”/ Si u falsifikua gjendja civile për të nxjerrë familjen në rrugë

Publikuar

-

“Po deshi të rrijë me mua ose të ikë me…”/ Si u falsifikua gjendja civile për të nxjerrë familjen në rrugë

Emisioni “Stop” në Tv Klan është ndalur në Elbasan për një problem familjar dhe pronësie të familjes Topurja. Regis Topurja, 18 vjeç, denoncon tentativat e gjyshit dhe babait të tij, pas divorcit të prindërve, për t’i marrë atë, që i takon nga apartamenti i tyre.

Familja Topurja ka jetuar në këtë apartament që në vitin 1994 dhe ai ishte përfituar nga Enti i Banesave nga puna me kontribut vullnetar nga fabrika e çimentos. Në atë kohë aplikoi gjyshi i Regisit, por shtëpia u takon të gjithë anëtarëve, që kanë qenë në trungun familjar në atë kohë.

“Në vitin 2019, prindërit janë divorcuar, por përpos kësaj gjëje del një problem tjetër pasi në shtëpinë që po flasim tani, këtë e ka marrë gjyshi në vitin 1992 si i pastrehë”, tha 18-vjeçari.

Ai tregoi se që në vitin 1994 që është marrë banesa gjyshi nuk ka jetuar në asnjë moment në banesë, por vetëm prindërit e tij.

“Gjyshi do ta marrë të gjithë shtëpinë për vete. Të na nxjerrë neve dhe t’ia dhurojë të gjithë babit”, tha ai.

I riu ka treguar se babai ka thënë se do të krijojë familjen e tij dhe e do për vete.

“Me ish-bashkëshortin tim jam celebruar në datën 15 Korrik të ’92-shit”. Kam qenë 15 vjeç atëherë. Kur jam martuar unë kam qenë me vjehrrin, kam ndenjur deri në ’95 me vjehrrin. Ngaqë ishin dy familje, ai punonte në fabrikën e çimentos dhe bëri një kërkesë që dua shtesë se kam djalin të martuar se unë isha shtatzënë kur kemi bërë celebrimin. Deri sot që po flasim kam jetuar unë. Të gjitha janë të regjistruara nga bashkëshorti”, ka treguar e ëma e tij.

Gazetari komunikon me babin e 18-vjeçarit Gazmend Topurja.

Doja të pyesja në çfarë viti keni hyrë në këtë apartament?

Gazmend Topurja: Në atë apartament kemi hyrë në vitin, mos gaboj, te ’93-’94.

Po tentohet që ky apartament të kalojë në emrin e babait tuaj dhe më pas t’ju kalojë pronësia ju?

Gazmend Topurja: Kismet. Muhabeti është me e marr plaku njëherë, pastaj kismet mbrapa.

Çunin ku do e lesh, jashtë?

Gazmend Topurja: Çuni po desh me nejt le të rrijë me mua, po deshi me të ëmën të ikë me të ëmën.

Faktike keni jetuar ju me gruan këtu dhe familjes i takon pjesa që i takon.

Gazmend Topurja: Kush ka kontribuar?

Bashkëshortja që ka qenë me ju…

Gazmend Topurja: Ka kontribuar, por s’ka qenë në punë. E kanë mbajtur krahët e mi.

Kontribut quhet edhe hekuri, larja e rrobave është edhe ky një kontribut në familje. Burri punon, gruaja merret me punët shtëpiake dhe Kodi i Punës i ka parashikuar këto, ia jep ligi këto jo se ja thotë gazetari i Stopit apo ju. Në një bashkëjetesë, ajo pasuri që është ndahet përgjysmë në bazë të çiftit. Unë do doja që të zgjidhej kjo çështje…

Gazmend Topurja: Zgjidhja, e para e punës unë nuk kam shtëpi aty, nuk është e imja, është në pronësi të plakut.

Jo se nuk ka përfunduar procedura e privatizimit.

Gazmend Topurja: Jo jo e ke gabim.

Si ka mundësi, ka falsifikime, kemi të dhëna që babai juaj Hasani ka pasur shtëpi tjetër në një lagje tjetër. Këtë kërkesë ai e ka bërë për ty.

Gazmend Topurja: S’e ka bërë për mua, e ka bërë për vete. Ato shtëpia m’i la mua për momentin se ishim ngushtë.

Fatura e dritave si ka dalë në emrin tuaj dhe jo në emër të Hasanit kur paska qenë e Hasanit dhe ju jeni me qira këtu?

Gazmend Topurja: Unë kam hyrë që kur është bërë pallati. Mua ma la atë hyrje sepse ashtu erdhën rrethanat për momentin.

LEXO EDHE:  Ku gaboi Aleksei Navalni në betejën e tij kundër Vladimir Putinit

Aplikimi i privatizimit është në emër të Hasan Topurja, por aty kanë jetuar Gazmendi, i biri dhe e shoqja e tij Irena Topurja. Në vitin 2019, pas divorcit të djalin, gjyshi ka falsifikuar certifikatat familjare të trungut familjar dhe kërkon të nxjerrë pa pjesë gruan me 3 fëmijë, duke ia lënë shtëpinë vetëm të birit në kundërshtim me ligjin.  Gazetari i emisionit “Stop” iu drejtua Gjendjes Civile Elbasan, ku pati një takim me drejtorin për falsifikimin e dokumenteve të familjes Topurja.

Dr.Enti i Banesave Elbasan: Hasan Topurja, lista emërore e punonjësve të Fabrikës së Çimentos  Elbasan, të cilët kanë marrë strehim. Kanë kaluar sa vjet…?

Regis Topurja: 26 vjet, ka kaluar afati 20-vjecar…

Dr.Enti i Banesave Elbasan: Po është dosja aty, nuk ke çfarë t’i bësh. Ne hapim dosjen, se llafet i merr era.

Irena Topurja: Problemi është, se po u mor certifikata, unë nuk figuroj në trungun familjar të 1992-shit.

Dr.Enti i Banesave Elbasan: Jo s’figuron ti…!

Irena Topurja: Këtu është problemi i gjithë, se po të jetë me këtë, unë OK, jam në rregull.

Dr.Enti i Banesave Elbasan: Po, po!

Dr.Enti i Banesave Elbasan: Me pjesë takuese 1/5.

Irena Topurja: Aq sa të më takojë…

Dr.Enti i Banesave Elbasan: Po kjo pra është problemi tjetër. Atje, kudo që të shkosh, do të kërkohet certifikata, kudo që të shkosh. Edhe në fund fare, që do bëhet kontrata përfundimtare,  që të bëhet personi vetë, pronari i banesës, duhet certifikata.

Irena Topurja: Unë këtu jam në dokument këtu, unë goca e madhe  dhe burri, marr certifikatë sot unë…,unë nuk jam fare.

Regis Topurja: S’janë këto të tre, i kanë ndarë gjoja me anë të Komitetit Ekzekutiv, gjoja. E kanë nda 17 vjeç.

Dr.Enti i Banesave Elbasan: S’lejoheshe…

Regis Topurja: Po! Vetëm gratë e kishin në moshën 16 vjeçe, ndërsa burrat e kishin 18 vjeç. Ai e ka nda me anë të Komitetit Ekzekutiv Popullor 17 vjeç edhe habitshme dhe kjo e Gjendjes Civile Elbasan…

Irena Topurja: Me vërtet do e marrë shteti ose Bashkia, do i zgjidhi problemin. U privatizua shtëpia ime, Hasani ka një pronë, do i japin prapë pronë. Unë femër me fëmijë, me dy fëmijë, ku të shkoj? Në rrugë…? Ime, që bëra unë zgjidhje martese, ai ngul këmbë, janë shtëpiat e mia,- thotë,- do i marr,- thotë,- ti do dalësh jashtë bashkë me fëmijët.

Dr.Enti i Banesave Elbasan: Po do i marrë,- thoji…!

Regis Topurja: Nuk, që ju atë ditë…?

Dr.Enti i Banesave Elbasan: Po më thanë gocat, që kishte bërë debat. Unë, atë ditë që erdhi mbas jush, i thashë- ik zotëri! Këtu jo, po do bëhet kështu, jo po do bëhet ashtu. I thashë,- do shihen të gjitha mundësitë. Po ti tani, se ia thashë në mënyrë shpirtërore, se e ke nip, atë s’e ke gjë,, ndërsa atë e ke nip e ke gjakun e gjakut tënd…E pastaj u kthente- e po jo unë atë nip kam,  atij do ia le. Je sot, s’je nesër- i thashë,- pse duhet të bëhesh i keq për…?Po nuk e di, ka ardhur edhe me djalin. Nesër tek  Aulona, takoje Aulonën edhe thoni kështu, kështu është problemi, se ajo ndoshta ka vajt edhe ky Hasani. Tregojani historinë dhe tregoja edhe për certifikatën! Unë do ia tregoj vetë, kur të vete te Aulona historinë tuaj dhe të certifikatës, por dhe juve thojini, ndoshta e fut në Këshill Bashkiak./tvklan.al

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Denoncim

Banorët e Kombinatit pa mjek imazherist/ Nuk ka aplikime për vendin vakant

Publikuar

-

Nga

Në qendrën shëndetësore në zonën e Kombinatit në Tiranë nuk kryhet shërbimi i ekografisë prej 1 viti e gjysmë. Ky është shqetësimi i banorëve të kësaj zone, të cilët janë ankuar pranë emisionit Stop në Tv Klan.

Qytetarët duhet të shkojnë në poliklinikë në zonën e 21 Dhjetorit dhe aty duhet ta planifikojnë kontrollin, gjë që shkon deri në 3 muaj.

“Jam banore e zonës Kombinat. Kam vajtur disa herë në qendrën shëndetësore në Kombinat për të bërë një eko dhe përgjigjia më është kthyer që është aparatura por nuk ekziston personel. Kemi 1 vit gati që gjithë njerëzit e kanë bërë te privati. Shkoj te mjeku i familjes, më jep rekomandim për të vajtur te 21 Dhjetori. Kur te 21 Dhjetori shkojmë planifikojmë për 2 muaj, 3 muaj se ka shumë njerëz. Dhe detyrohemi pastaj të shkojmë te privati që nuk e përballojmë dot. Kërkojmë nga ju që ta bëni problem që të rregullohet për gjithë banorët e zonës së Kombinatit se është shumë shqetësim i madh për të gjithë”, shprehet një qytetare.

Kamera e fshehtë e Stop shkoi në qendrën shëndetësore, ku punonjësit aty na thanë se nuk ka mjek imazherist pasi askush nuk ka aplikuar për vendin vakant. Mjeku që ishte ka dalë në pension dhe askush nuk ka shprehur interesin për këtë pozicion.

Stopi: Këto ekot ku bëhen?

Punonjësja: Ç’a eko?

Stopi: Barku!

Punonjësja: S’ka eko. Ka një vit e gjysmë, që s’ka eko. Ka dalë në pension ai.

Stopi: Po ku ta bëj unë atë?

LEXO EDHE:  Qeveria tërhiqet nga afera e rrugës Milot-Fier/ Anulon fituesin e paracaktuar, do hapet sërish gara

LEXO EDHE:  Vaksina ruse dhe kineze në Shqipëri? / Manastirliu: Jemi duke negociuar me…

Punonjësja: Shko tek 21-shi!

Stopi: Do zgjidhet? Se u meruam kështu, ik andej, hajde këtej?

Punonjësja: Ç’a të bësh?!

Gazetarja e emisionit Stop bisedoi me drejtuesin e qendrës shëndetësore, i cili tha se imazheristët preferojnë më shumë klinikat apo spitalet private dhe se tani çdo gjë varet nga Ministria e Shëndetësisë.

Drejtori: Qëndron problemi, se këtu nuk ka mjek imazherist. Domethënë është vendi vakant, ka dalë në portal, por nuk vjen njeri.

Gazetarja: Si ka mundësi, që prej një viti e gjysmë dhe askush nuk ka ardhur?

Drejtori: S’ka ardhur. S’ka kërkesa i bie.

Gazetarja: E keni bërë ju problematike, që prej një viti e gjysmë nuk kemi mjek?

Drejtori: Po, po! Sa herë, që na kërkohen vendet vakante, sepse na kërkohen cdo muaj, ose cdo dy muaj, e kemi cuar. Ne i referojmë tek 21-shi, po i bie goxha me vonesë, ngaqë janë me fasha orare. Nuk është puna se çalon pjesa nga ne.

Gazetarja: Se është shumë e çuditshme, në Tiranë mos të dojë një mjek imazherist të vijë këtu?

Drejtori: Po s’duan! S’duan të vijnë me 500 mijë lekë-600 mijë lekë, sa është rroga këtu. Duan të punojnë në privat me 2 milionë lekë. Sepse imazheria është një nga profesionet e kërkuara. Është e thjeshtë.

Gazetarja: Po të kishit mbajtur mjekun, që doli në pension të paktën! Ta kishit mbajt pak më shumë!

Drejtori: S’e di këtë pjesë. Shtyrjet e pensionit i bën Ministria./ Tv Klan

LEXO TE PLOTE

Denoncim

Agjencitë e udhëtimit/ 15 mijë euro ryshfet në dogana për të bërë kalimin

Publikuar

-

Nga

Agjencitë e udhëtimit/ 15 mijë euro ryshfet në dogana për të bërë kalimin

Fiks Fare edhe mbrëmjen e sotme solli të tjera agjenci udhëtimesh që falë pandemisë përfitojnë nga kërkesa që kanë njërëzit për të lëvizur në destinacione të ndryshme të Europës. Si dje edhe sot Fiks Fare tregoi me audio e video pazaret që bëjnë këto agjenci me udhëtarët dhe shumat e mëdha që kërkojnë për një udhëtim drejt BE-së. Mjafton vetëm pasaporta dhe shuma përkatëse për t’u paguar dhe për çdo gjë tjetër mendon agjencia.

Kështu ishte biseda qe në shumicën e rasteve bënë gazetarët e Fiksit nëpër agjenci të ndryshme në Tiranë. Tek Anumi travel nuk duhej as tamponi dhe asnjë dokument tjetër shoqërues përveç 800 eurove pasaportës dhe ID për të shkuar në Gjermani. Kalimi është i sigurt dhe nëse mund të ndodh që nuk bëhet kalimi, atëherë autobuzi kthehet dhe pasagjeri rimbursohet 100%.

Nëse pasagjeri e a siguruar garancinë vetë, atëherë punonjësja e agjencisë e orienton të presë vetëm biletën, por nëse nuk e ka agjencia merret me gjithçka prandaj paguhet edhe shuma prej 800 eurosh. Punojësja shprehet se kalimi bëhet nga Hungaria dhe ata japin siguri për kalimin, pasi paguajnë në ryshfet në doganë.

Madje pronarja që e konfirmon tregon edhe mënyrën se si veprohet. ” Para se të niset makina këtu unë nis njeriun një orë më para dhe ju pret atje në kufi pagohen lekët dhe kaloni” shprehet ajo. Ndërsa për udhëtimin drejt Brukselit pronarja e agjencisë Anumi travel shprehet se e ka ulur çmimin nga 1000 euro në 800 euro pasi ka bërë marrëveshje në dogana. ” Ne paguajmë 15 mijë euro për çdo autobuz që kalojmë në doganë në Hungari” shprehet pronarja.

Edhe dy agjencitë e tjetra që Fiksi u interesua për të lëvizur drejt Gjermanisë, kishin çmimin prej 800 eurosh, kalim vetëm me pasaportë dhe pa asnjë dokument tjetër shtesë. Vetëm se në këto agjenci pasagjeri tamponin duhet ta siguronte vetë dhe do t’i zbritej nga shuma totale.
Kurse agjencia tjetër kalimin e bënte nga Zvicra kundrejt shumës 700 euro me tampon të përfshirë. Pastaj kalimin për në Gjermani pasagjeri mund ta bënte nëpërmjet trenave midis shteteve dhe nuk do kishte anjë problem. ” Me kontratë pune, i regjistruar në firmë zvicerane, paguajmë burrin e huaj 3 muaj sigurimet. E ke… prandaj është 700 euro’” shprehet punonjësi i agjencisë.

# # #
Fiksi – Për 1 person, pa tampon,pa garanci.Nga kalojmë?
Punojësja e agjencisë 1 –Nga Hungaria,je 100% i sigurtë
Fiksi – I ktheni lekët mbrapsht të gjitha?
Pronarja e agjencisë –Për problemet tona po
Fiksi – Vetëm bileta është kaq 800 euro?
Pronarja e agjencisë–Të gjitha
Fiksi – Apo është kalimi?
Punonjësja e agjencisë 1–Paguan për kalimin
Pronarja e agjencisë–Përmblidhen që të gjitha.Të premten bëhet nisja
Fiksi – Nëse unë kthehem në Hungari?
Punonjësja e agjencisë 1 –Nëse kthehen pasagjerët komplet,nuk ju humb asgjë
Fiksi – Lekët do të kthehen?
Punonjësja e agjencisë 1–Këtu,po
Fiksi – S’ngel në doganë ngaqë paguani lekët?
Punonjësja e agjencisë 1 –Jo. Paguajmë lekët edhe kaloni
Fiksi – Po puna e tamponit si i bëhet?
Pronarja e agjencisë–Nuk duhet tampon, asgjë
Fiksi – Po për në Bruksel sa është çmimi?
Pronarja e agjencisë –Njësoj, 800 euro…Ka qenë më 1000 (euro)
Punonjësja e agjencisë 1 –Meqë na e ulën tarifën në doganë
Fiksi = Ka qenë me 1000 (euro)?
Pronarja e agjencisë -Ishte me 1000, prapë është me 1000.
Fiksi – Po pse 800?
Pronarja e agjencisë -Unë e bëra sepse ma ulën në doganë edhe e ula unë
Fiksi – Agjensinë e ke ti?
Pronarja e agjencisë -E imja ,po
Fiksi – Dmth si kriter ça më duhet mua fiks fiks?
Pronarja e agjencisë -Asnjë gjë,vetëm pasaporta edhe karta (ID)
Fiksi – Edhe 800 euro për person?
Pronarja e agjencisë -Për person
Pronarja e agjencisë -Momentin që ju jeni në makina, unë e nis personin e duhur para teje atje në doganë, një orë para.
Fiksi – Është personi që bën pagesën?
Pronarja e agjencisë =Normal. Pse si do shkosh atje dhe do të thotë …Jo jo është në këmbë ai aty, ju jeni duke kalu avash avash,jeni duke vulos.Edhe sa?Edhe sa të poshtër janë doganierët!Ma futën me 100 euro mua, jo pasagjer,kështu klient,edhe unë e futa 100 euroshin aty, o nuk e morën që kaluam pardje
Fiksi – Ja ku qenka 100 euroshi
Pronarja e agjencisë -Ja ku është 100 euroshi .Për këtë (tregon cepin e grisur) nuk ma kanë marrë
Fiksi = Pse ishte aty ke cepi (i grisur)?
Pronarja e agjencisë –Po..Unë thashë hajt se,atje marrin shumë lekë atje, nuk do e shohin në turrë këto.. thashë 15.000 euro nuk besoj që do ma shohin jo jo
Fiksi- Sa ju dhe ti 15.000 euro.
Pronarja e agjencisë Pata më dt 28 (prill) pata 45 veta.Më tha serbi ‘Go’ nisi. Ok, në orën 4:30 i nisa.Sa shkuam atje na e ngriti tarifën,e boni dyfish. Ca bëra unë? Jo i tham, s’do vij me ty.I mbajtëm në hotel,i pagum hotelin pasagjerëve, doli tjetri , i morëm
Fiksi – Ç’leverdi ke ti të pagush hotelin?
Pronarja e agjencisë -10 euro është hoteli
Fiksi- Aa qenka lirë andej hoteli
Pronarja e agjencisë – Dikur më përpara dhe ne e mbanim komisionin, tani që e kemi të sigurtë nuk e mbajmë, në moment që më hapet rruga mua që e kam biletën standarte normal që e mbaj prapë komisionin
Fiksi – Tani ditën e premte bëhet nisja
Pronarja e agjencisë – Në ditën e premte e kemi datën s’na e kanë cakuar akoma.Tch

LEXO TE PLOTE

Denoncim

Gruas i kushton lidhja e dashurisë 72 milionë Lekë

Publikuar

-

Nga

Në emisionin “Stop” janë trajtuar raste të mashtrimit në forma nga më të ndryshmet. Këtë herë gazetarët e “Stop” kanë sjellë në vëmendje një rast mashtrimi, duke përdorur lidhjen e dashurisë. Irena Hysi ka drejtuar në “Stop” ankesën se është mashtruar nga një person, i cili është afruar për raport dashurie dhe më pas i ka marrë shuma parash duke mos ia kthyer kurrë. Irena është njohur me qytetarin Genci Çiçi në vitin 2015 dhe pak kohë më vonë, ai ka filluar t’i kërkojë shuma parash borxh, që në fillim i kthente, por më pas jo më.

“Ai u paraqit si i divorcuar. E vazhduam lidhjen për më shumë se 1 vit e gjysmë. Ai u paraqit si një person që i interesonte lidhja me mua. Pak kohë pasi ishim lidhur, fillon të kërkojë borxhe. Për dy raste ka qenë korrekt, i ka marrë dhe i ka sjellë përpara”.

Shuma, që Genci Çiçi i detyrohet është 72 milionë lekë. Ajo thotë, se Genci e ka mashtruar me justifikime nga më të ndryshmet, si sëmundja e nënës.

“Pastaj filloi të kërkoi shuma të ndryshme. Njëherë për ditëlindjen e vet ku festoi 50-vjetorin, kur ka pasur një gjyq, sipas tij, në Gjermani. Këto do m’i sillte sipas tij në fund të Dhjetorit 2015. Kur fillova të kërkoj këto shuma, ai më hapi në telefon pamjet e një vile, tha do ta shes dhe do të më lante borxhet mua. Kur i them që kur do m’i kthesh këto lekë, ai thotë që më datë 27 Dhjetor do i kesh lekët. Më 27 Dhjetor mbyll telefonin dhe vjen më datë 4,5 Janar. Unë kam qenë në Spitalin Amerikan, kam vënë dy unaza. Më mbrapa kuptova që jo. Ka marrë njëherë 2 mijë Euro, më pas 2 milionë lekë. Më pas u ankua për shëndetin e nënës së vet dhe më kërkoi nëpërmjet telefonit 500 mijë lekë.Në total kanë qenë 72 milionë lekë shifra që më ka marrë. Zotëria kur merrte lekët nxirrte edhe shifrën nga xhepi që thoshte që futi tek lista ime”.

Rezultoi, se nëna ishte mirë dhe Genci ishte i martuar dhe jo i divorcuar, siç i kishte thënë Irenës.

“Në momentet kur vëllai i zotërisë mori titullin mjeshtër i madh nga Presidenti Bujar Nishani, aty shikoj nënën e zotërisë që nuk ishte e sëmurë. I kishte flokët, sepse sipas këtij ia kishin qethur flokët. Aty dukej në gjendje të mirë shëndetësore. Zotëria ishte i martuar dhe nuk ishte i divorcuar”.

Veç kësaj Irena mësoi se edhe një grua tjetër ishte e lidhur me Genci Çiçin prej 6 vitesh dhe asaj i kishte marrë gjithashtu shuma monetare të mëdha.

“Rastësisht me një shtetase gjermane zbulova se edhe kjo shtetase kishte marrëdhënie me zotërinë dhe i kishte marrë vlera të holla njësoj si unë. Ajo kishte 6 vjet dhe unë 1 vit e gjysmë. Kuptova që zotëria po më mashtronte dhe fillova më me insistim t’i kërkoja lekët. Nuk po m’i kthente. Më pas filloi të më mbyllte telefonin”.

Qytetarja: Genci ka patur një motër në Gjermani dhe kështu kemi hyrë në muhabet me Gencin. Më kupton? Dhe vjehrra ime…, kur kam bërë dasmën unë, e kam bërë te lokali i Gencit. Dhe aty është…

LEXO EDHE:  Kur mund të vaksinohen fëmijët nga Covid-19 ? Pesë përgjigje për prindërit

LEXO EDHE:  Denoncimi në "Stop"/ Djali nxjerr nga shtëpia nënën dhe motrën e sëmurë

Denoncuesja: Aty është njohur me Gencin ajo?

Qytetarja: Po aty është njohur dhe që atëherë, filloi avazi. Unë e kam dit gjithmonë, po se ca ka bërë ajo me lekët e veta, unë nuk kam ndërhyrë, se në fund të fundit, ca më duhet mua?! Dhe kur i kam thënë unë, ajo ka thënë: ça të duhet ty, s’është leku jot, është i imi. Shiko! Ai i ka marrë njëherë 20 mijë euro. I ka marrë 35 (mijë euro). Vajtën 55. I ka marrë një shumë pastaj, 50 mijë euro. Po ne ia kemi dhënë me noter të gjitha. Kjo e donte dhe e ndihmonte, kuptohet.

Denoncuesja: Po burri i vet e dinte, që kjo kishte lidhje?

Qytetarja: Po burri i vet e mori vesh tani, më vonë e mori vesh. Ka 5 vjet e gjysmë, që ia ka dhënë, që ia ka marrë lekët ai. Dhe do të t’i jap, do të t’i jap… Kur e fituam gjyqin e parë ne, që e hodhëm në gjyq, e fituam. Kishte për ta ekzekutuar. I erdhi përmbaruesja në shtëpi. Atëherë, ka garantuar shtëpinë e Bujarit ai. Mbas disa muajsh ky shkon me vjehrrën time tek noterja dhe i thotë hajde këtu, unë do të blej një shtëpi, për lekët, që të kam, po firmos cikë këtu. Dhe aty ka marrë firmë për tjetër gjë. Aty ka dhënë firmën, që gjoja e ka likujdu vjehrrën time. Ai pretendonte, po doli e falsifikuar, se ne morëm përgjigje nga Ministria e Drejtësisë. Se ajo është e huaj. I ka gjyqet e përfunduara, vetëm për t’i ekzekutuar i ka. I ka të marra.

Irena Hysi tregoi, se e ka ndjekur gjithë këtë në rrugë ligjore, duke bërë kallëzim. Çështja shkoi në prokurori dhe më pas në gjykatë. Prokurori kërkoi, që i akuzuari të dënohej me 7 vite për mashtrim. Gjykata, me gjyqtar Sokol Tonën, vendosi të dënohej 5 vite dhe më pas e pezulloi këtë vendim, duke e lënë vetëm me 2 vite shërbim prove.

“Vendosa të konsultohem me avokatë dhe të marr rrugë ligjore. Çështja kaloi në gjykatë. Prokurori vendosi që zotëria të dënohet me 7 muaj burg. Gjykata e dënon me 5 vite burg dhe pezullimin e këtij vendimi me 2 vite shërbim prove”.

Për çështjen ka hapur edhe gjyq civil.

“Përveçse më ka lënë me një dëm psikologjik më detyrohet edhe me vlerën 72 milionë lekë. Ai e mohon këtë gjen dhe pretendon se m’i ka dhënë ai mua. Pas një kalvari prej 3 vitesh nëpër gjykata i kërkoj emisionit “Stop” ndihmë për të zbardhur këtë çështje që çdokush të marrë atë që meriton”.

LEXO TE PLOTE