Connect with Us

Trump-Biden, akuza ndaj njëri-tjetrit në shtetet përcaktuese për zgjedhjet

Bota

Trump-Biden, akuza ndaj njëri-tjetrit në shtetet përcaktuese për zgjedhjet

Publikuar

-

Trump-Biden, akuza ndaj njëri-tjetrit në shtetet përcaktuese për zgjedhjet

Tre javë para ditës së zgjedhjeve, një numër i vogël ai atyre që njihen si shtete fushëbetejë, pritet të përcaktojnë nëse ish-Nënpresidenti Joe Biden do të fitojë ndaj Presidentit Donald Trump i cili kërkon një mandat të dytë. Kjo ka bërë që në fillim kësaj jave kritike, fushatat rivale të përqendrohen në shtetet e Floridës, Ohajos dhe Pensilvanisë.

Klasa politike e korruptuar është e dëshpëruar për të rimarrë pushtetin me çdo mjet të nevojshëm“, tha Presidenti Trump të hënën në mbrëmje në Senford të Floridës. “Ne jemi ata që po i pengojmë“, shtoi ai.

Presidenti Trump akuzoi Joe Biden-in se ishte i varur nga “globalistët radikalë” dhe se u kishte dhënë “socialistëve, marksistëve dhe ekstremistëve të majtë”, kontrollin e Partisë Demokrate.

Ky ishte tubimi i parë elektoral i presidentit që nga shtrimi i tij në spital për COVID-19.

Të gjithë do të marrin të njëjtat ilaçe“, tha Presidenti Trump duke iu referuar trajtimit të tij që përfshinte një përzierje eksperimentale antitrupash, që konsiderohet e shtrenjtë dhe e vështirë për t’u prodhuar, si dhe një ilaç anti-viral i autorizuar aktualisht vetëm për përdorim në raste urgjente.

Ndihem shumë i fuqishëm. Dua të jem në mesin e kësaj audience”, tha Presidenti Trump, i cili deklaroi se tani gëzon imunitet ndaj virusit. “Do t’i puth të gjithë në audiencë, djemtë dhe gratë e bukura”, tha ai.

Pak vetë mbanin maska në mesin e mijëra pjesëmarrësve që kishin mbushur sheshin e një aeroporti për fjalimin gati një orë të Presidentit Trump.

Ndërsa avioni Air Force One fluturonte drejt Floridës, Shtëpia e Bardhë publikoi një dokument nga mjeku i presidentit, Sean Conley, ku deklarohej se zoti Trump kishte rezultuar negativ ndaj koronavirusit për dy ditë rresht, por pa specifikuar se cilat ditë.

Vlerësimi i ekipit mjekësor është “se presidenti nuk është infektues për të tjerët”, tha mjeku Conley, i cili shoqëroi Presidentin Trump në Florida të hënën.

Ndërkohë po të hënën Nënpresidenti Mike Pence bëri fushatë në Ohajo.

Fjalimi i zotit Pence, në një kompani ndërtimi në Kolombus, u ndërpre disa herë në minutat e para nga disa protestues. Një person filloi t’i bënte pyetje me zë të lartë nënpresidentit, duke i thënë mes të tjerash: “si e quani veten të krishterë?!”, përpara se të kundërshtohej fuqishëm nga turma e të nxirrej jashtë.

Sipas një kompanie marketingu, protesta ishte organizuar nga një grup progresist i themeluar nga senatori amerikan Bernie Sanders.

Kandidati demokrat për President Joe Biden vizitoi gjithashtu Ohajon të hënën.

“Populli amerikan nuk i ka më sytë e mbyllur”, tha zoti Biden në një tubim me punëtorët e një sindikate të automobilëve në Toledo, ku boritë e rreth 30 makinave të tyre zëvendësuan duartrokitjet. “Ata po shohin tek përballemi me pandeminë, krizën ekonomike dhe pabarazinë racore dhe me atë që po ndodh në arenën ndërkombëtare. Ata janë gati të sjellin ndryshim. Ata e dinë që ne duhet të ndryshojmë”.

LEXO EDHE:  Meta ngre tonet/ Një Gjykatë Kushetuese që njeh zgjedhjet e 30 qershorit është e vdekur!

Më vonë, zoti Biden shkoi në Sinsinati, ku foli rreth 215,000 amerikanëve që kanë vdekur nga COVID-19 dhe për parashikimet se 200,000 të tjerë mund të vdesin deri në fund të janarit, “të gjitha për shkak se presidenti shqetësohet vetëm për një gjë, tregun e aksioneve, sepse ai refuzoi të zbatonte atë që thotë shkenca”, sic tha zoti Biden.

Të martën, zoti Biden do të vizitojë Floridën, ndërsa Presidenti Trump do të mbajë një tubim në Pensilvani.

Sipas sondazheve të fundit të organizatës Real Clear Politics, zoti Biden gëzon një epërsi të dukshme prej 7 për qind në Pensilvani, që konsiderohet si një nga shtetet më kritike nga të dyja fushatat. Në Florida, zoti Biden ka një epërsi më të vogël, 3.7 për qind ndaj presidentit.

“Ne do të fitojmë me më shumë diferencë sesa katër vjet më parë”, tha Presidenti Trump të hënën në mbrëmje në Florida, duke kundërshtuar sondazhet.

Sipas sondazheve të fundit, të dy kandidatët janë pothuajse në pozita të barabarta në Ohajo, një shtet që Presidenti Trump e fitoi me 8 për qind më shumë ndaj rivales demokrate Hillary Clinton në vitin 2016.

Katër vjet më parë, Presidenti Trump fitoi me një rezultat të ngushtë ndaj zonjës Clinton në Florida dhe Pensilvani.

Florida dhe Ohajo janë vendimtare për rizgjedhjen e Presidentit Trump ndërsa për zoti Biden, fitorja në Pensilvani është e rëndësishme, thotë Spencer Kimball, drejtor i organizatës së anketimeve Emerson College.

Asnjë republikan nuk fiton presidencën pa fituar në Ohajo dhe si po duket situata në Miçigan, Florida mund t’i japë Bidenit një fitore në vetvete“, i tha Zërit të Amerikës zoti Kimball. “Nëse Pensilvania voton përsëri për Trump-in, kjo do të ishte e vështirë për Biden-in pasi ky është shteti i tij i lindjes dhe ka të ngjarë të sugjerojë që ai do të dalë keq në zonën qendrore të vendit”.

Pavarësisht se cili kandidat merr më shumë vota në të gjithë vendin, çelësi i fitores për presidencën është sigurimi i një minimumi prej 270 votash elektorale. Janë gjithsej 538 vota elektorale që ndahen mes shteteve dhe kryeqytetit Uashington në përpjesëtim të drejtë me numrin e popullatës së tyre.

Florida, Ohajo dhe Pensilvania kanë një numër total prej 67 votash elektorale.

Kalifornia ka numrin më të madh të votave elektorale, 55 të tilla, një shtet ku sipas sondazheve, zoti Biden e ka të sigurtë fitoren.

Teksasi ka 38 vota elektorale dhe shumica e vëzhguesve politikë presin që Presidenti Trump të përsërisë fitoren e tij të vitit 2016 atje, edhe pse zoti Biden po i afrohet me gati 5 pikë diferencë sipas disa sondazhe të fundit./voa

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Bota

CDC: Të vaksinuarit mund të mos mbajnë maska

Publikuar

-

Nga

CDC: Të vaksinuarit mund të mos mbajnë maska

Qendrat Amerikane për Kontrollin dhe Parandalimin e Sëmundjeve (CDC) këshilluan të enjten se për amerikanët e vaksinuar plotësisht nuk do të jetë e nevojshme të mbajnë maska përjashta si dhe mund t’i shmangin ato edhe në pjesën më të madhe të ambienteve të mbyllura. Përditësimi nga ana e agjencisë do të mundësojë rikthimin tek normaliteti.

CDC-ja tha gjithashtu se për njerëzit e vaksinuar plotësisht nuk do të jetë e nevojshme të ruajnë distancën fizike në shumicën e mjediseve. Agjencia shpreson që udhëzimi të nxisë edhe më shumë amerikanë që të vaksinohen.

Udhëzimi i rishikuar është një hap i rëndësishëm drejt rikthimit tek jeta normale para pandemisë. Megjithatë agjencia rekomandon që personat e vaksinuar të vazhdojnë të mbajnë maska në aeroplane, trena, në aeroporte, qendra masive tranziti, si dhe vende spitale a poliklinika.

CDC-ja tha se njerëzit e vaksinuar plotësisht megjithatë duhet të mbajnë maska kur një gjë e tillë kërkohet nga ligjet federale, shtetërore, lokale, apo territoriale si dhe t’u përmbahen rregulloreve për bizneset apo udhëzimeve në vendin e punës.

LEXO EDHE:  Kanioni i Holtës/ Neritan Ceka akuza ministrit Klosi

LEXO EDHE:  Kanioni i Holtës/ Neritan Ceka akuza ministrit Klosi

Në fund të muajit prill, CDC-ja udhëzoi që njerëzit e vaksinuar plotësisht mund të kryenin aktivitete në natyrë pa maska, por rekomandoi që ata të vazhdojnë ta përdornin maskën në hapësirat e tjera publike./voa

LEXO TE PLOTE

Bota

BE: Rusia po përpiqet të përvetësojë pjesë të Ukrainës lindore

Publikuar

-

Nga

Zyrtarë të Bashkimit Evropian kërkuan që blloku t’i përgjigjet më fuqishëm agresionit rus ndaj Ukrainës, duke paralajmëruar se qëllimi përfundimtar i Moskës është të përvetësojë pjesë të Ukrainës lindore.

Paralajmërimi vjen në një raport të shkruar nga zyra diplomatike e BE-së, që u shpërnda në fillim të kësaj jave midis vendeve anëtare të BE-së dhe u rishikua nga Radio Evropa e Lirë.

Rusia ka aneksuar gadishullin ukrainas të Krimesë në vitin 2014 dhe që nga ajo kohë mbështet separatistët që luftojnë forcat qeveritare në lindje të Ukrainës.

Konflikti në këtë zonë ka lënë mbi 13,000 njerëz të vrarë dhe ka zhvendosur mbi një milion.

Së voni, Rusia po ashtu ka vendosur mbi 100,000 trupa dhe armatim të rëndë në rajonet kufitare me Ukrainën.

Presidenti ukrainas, Volodymyr Zelenskiy, ka kërkuar dhe fituar mbështetjen e Perëndimit përballë kërcënimeve ruse dhe Moska përfundimisht i ka tërhequr disa nga forcat e saj.

Dokumenti i BE-së, i parë nga REL dhe i quajtur “Dokumenti i opsioneve: Veprimet e BE-së për të forcuar qëndrueshmërinë e Ukrainës dhe për t’iu përgjigjur përshkallëzimit të mëtejshëm potencial”, rekomandon një seri hapash që blloku mund t’i ndërmarrë, përfshirë ndihmën për Ukrainën, për të ulur varësinë e saj energjetike nga Rusia, dhe mbështetjen për përpjekjet e Kievit “për të trajtuar kërcënimet hibride, përfshirë luftimin e kërcënimeve kibernetike dhe dezinformimin”.

LEXO EDHE:  Formohet koalicioni i dytë opozitar/ Dorëzojnë kërkesën për regjistrim në KQZ

LEXO EDHE:  Ligjet rrëzuan dekretin për "Gjendjen Civile"/ Presidenca: Askush s'do mundet të prekë votën e lirë

Dokumenti u lëshua nga Shërbimi Evropian i Veprimit të Jashtëm. Ai po ashtu paralajmëron se Moska po përpiqet të përvetësojë zona të Ukrainës lindore, që janë pjesë e rajonit të Donbasit, duke organizuar zgjedhje të paligjshme dhe duke lëshuar pasaporta për vendasit.

Dokumenti bën thirrje për të ndihmuar Ukrainën edhe në përpjekjet e saj për vaksinimin e popullatës kundër koronavirusit, në mënyrë që të shmanget dobësimi i mëtejshëm i vendit nga kriza e zgjatur shëndetësore dhe socio-ekonomike.

Dokumenti pritet të zyrtarizohet nga Shërbimi i Veprimit të Jashtëm në javët e ardhshme./REL

LEXO TE PLOTE

Kosova & Rajoni

Vjosa Osmani takon presidentin slloven/ “Kufijtë e Kosovës janë përcaktuar në vitin 2008”

Publikuar

-

Nga

Pas më shumë se një orë takim me presidentin slloven, Borut Pahor, presidentja e Kosovës, Vjosa Osmani ka thënë se pret nga Sllovenia që të vazhdojë bashkëpunimin në fushën e mbrojtjes dhe arsimit. Në lidhje me kufijtë e Kosovës, znj. Osmani ka thënë se ata janë përcaktuar në vitin 2008, ndaj tani duhet të diskutohet për çështje aktuale.

“Kufijtë tonë janë përcaktuar në vitin 2008. Kosova do të ulet në tavolinë për të trajtuar tema që janë të rëndësishme për vendin tonë”, tha ajo.

Vjosa Osmani dhe homologu i saj slloven kanë diskutuar për përgatitjet e nevojshme për procesin e Brdu-Brijuni dhe nevojën për përshpejtimin e procesit të integrimit evropian të Kosovës. Znj. Osmani ka kërkuar mbështetje për vaksinat kundërt COVID-19.

“E sigurova presidentin qe Kosova e ka prioritet integrimin evropian. Reformat që duhet të ndërmerren nuk i shohim si të imponuar por për nevojën e qytetarëve tanë. E potencuam qartë që Kosova i ka plotësuar kriteret për liberalizimin të vizave. Jo që ka plotësuar kriteret, por dyfishin e tyre. Është një pritje e gjatë dhe i mbetet BE-së të mbajë premtimin. E njoftova presidentin për faktin që akoma kemi nevojë për mbështetje sa i përket vaksinave. Shpresoj qe Sllovenia që ndihmojë Kosovën, sepse siç thotë edhe populli ynë “miku i mirë gjendet në ditë të vështira”, tha ajo.

LEXO EDHE:  Francesco Becchetti i Agon Channel/ Ja akuzat dhe skemat

LEXO EDHE:  Nga akuzat për korrupsion, tek burgu/ Pasuria e prokurorit që u përball me Krimet e Rënda

Në konferencën e përbashkët për media, presidenti i Sllovenisë, Borut Pahor ka deklaruar se do të këshillohen mbi vështrimet dhe perspektivën evropiane.

“Do të provojmë të shohim se a mund të themi diçka më optimiste sa i përket perspektivës evropiane të shteteve të Ballkanit. Në aspektin e paqes dhe sigurisë, në zonën e Ballkanit Perëndimor është me rëndësi që të vihet deri në një qëndrim të BE-së se zgjerimi është domosdoshmëri gjeopolitike e karakterit primar. BE duhet të përshpejtojë këtë proces dhe ta shohë këtë hapësirë si tërësi”, tha ai. Euronews.

LEXO TE PLOTE