Connect with Us

Sekretet dhe gënjeshtrat e spiunëve të Luftës së Ftohtë

Blog

Sekretet dhe gënjeshtrat e spiunëve të Luftës së Ftohtë

Publikuar

-

Sekretet dhe gënjeshtrat e spiunëve të Luftës së Ftohtë

Gjatë Luftës së Ftohtë Moska ishte një vend si askush tjetër. Sytë dhe veshët e policisë sekrete Sovjetike, KGB, ishin kudo. I vetmi vend ku mund të ishe vërtet i sigurt, do të shkruante më vonë një i burgosur politik, është në ëndrrat tuaja.

Ishte një vend ku jeta dhe vdekja ekzistonin krah për krah njëra-tjetrës, si shansi për të shpëtuar edhe nga burgosja. Të tradhtoje shtetin do të thoshte të rrezikoje gjithçka. E megjithatë në një mbrëmje të ftohtë dhe me dëborë të shkurtit 1978 kjo ishte pikërisht zgjedhja që bëri një njeri.

Ndërsa Gus Hetheuej po udhëtonte me makinë nga ambasada amerikane në rezidencën e tij, ai ndaloi për t’u furnizuar me benzinë. Sapo ishte duke u larguar kur dëgjoi një trokitje të lehtë në xhamin e makinës së tij. Hethuej ishte pjesë e CIA-s, i rekrutuar që në fillim të Luftës së Ftohtë.

Ai ishte emëruar si shefi i stacionit të CIA-s në Moskë në një moment vendimtar në përballjen në fushën e spiunazhit midis Lindjes dhe Perëndimit: CIA kishte humbur një numër agjentësh të rëndësishëm, dhe ata në Uashington kishin vendosur të mos rekrutohej asnjë agjent i ri, deri në sqarimin e humbjeve.

Por Hetheuej e dinte më mirë si të refuzonte një gjest të hapur nga “armiku kryesor”. Ai nuk ishte gjesti i parë dhe as i fundit. Por në fund rusi ia doli ta kontaktojë dhe Hetheuej i siguroi mbështetje për ta rekrutuar. Rezultati ishte shumë më i mirë sesa mund të shpresonte Hatheuej.

Rusi Adolf Tolkaçev ishte një inxhinier i pakënaqur, dhe gjatë 7 viteve të ardhshme ai

ofroi dokument pas dokumenti, duke shpërndarë shumë informacione sekrete, duke i kursyer shumë para institucionit amerikan të mbrojtjes, aq sa fitoi nofkën “Spiuni i Miliarda Dollarëve”.

Që nga ndërveprimet e tij të para me CIA, Tolkaçev u vu në dijeni të rreziqeve me të cilat

do të përballej. Ai duhej të kontrollohej mirë nga CIA, në mënyrë që vetëm individë të zgjedhur të dinin ndonjë gjë për të. Por edhe kjo nuk mjaftoi.

Në një moment në vitin 1985, KGB e mësoi identitetin e tij, gati me siguri përmes oficerëve të CIA-s që punonin fshehurazi për rusët. Tolkaçev u arrestua, u mor në pyetje

dhe në fund u ekzekutua. Përvoja dhe fati i Tolkaçevit nuk ishin unike.

Loja e spiunazhit e Luftës së Ftohtë, kishte filluar që para se të mbaronte Lufta e Dytë Botërore. Dhe megjithëse teknologjia e spiunazhit evoluoi gjatë dekadave, elementët thelbësorë ndryshuan rrallë. Kishte 2 lloje kryesore spiunësh:ata që kishin nxitje përmes parave që të spiunonin, dhe ata që e morën vetë vendimin e llogaritur për të spiunuar vullnetarisht.

Gjetja e njerëzve të tillë në pozicione me rëndësi – në dokumente dhe njerëz – ishte shumë

e vështirë, dhe kërkoheshin përpjekje të mëdha për vite me radhë për t’i rekrutuar ata.

Inkurajimi i dikujt për të punuar për një agjenci kundërshtare të inteligjencës, shoqërohej zakonisht me një nivel të caktuar të manipulimi psikologjik.

LEXO EDHE:  E “kryqëzuan” për deklaratën skandaloze/ Lleshaj detyrohet të kërkojë falje: Jam keqkuptuar

E çfarë mund të përdoret si nxitje apo në rastin e disa prej atyre të rekrutuar nga KGB,

çfarë forme shantazhi mund të përdorej? Disa shkrimtarë përdorin shkurtesën MICE për

të shpjeguar këto stimuj:njerëzit spiunojnë për para, ideologji, të imponuar ose për ego.

Për Tolkaçevin, nxitja kryesore ishte ideologjia, por për oficerin e CIA-s që me siguri e tradhtoi atë, Aldrih Ejms, shtysa ishte tërësisht financiare. Ejms ishte ndoshta spiuni më u dëmshëm sovjetik i fshehur në radhët e CIA-s. Ai kaloi më shumë se 3 dekada në atë agjenci, pjesën më të mdhe të kohës në Drejtorinë e Operacioneve që kishte në fokus Bashkimin Sovjetik.

Për arsye të ndryshme, Ejms u zhyt në borxhe dhe ishte i dëshpëruar. Pastaj, papritmas në mesin e viteve 1980, e gjeti zgjidhjen:do t’u shiste sekrete me një farë dobie rusëve. Në prillin e vitit 1985, Ejms rregulloi takimin me një oficer të KGB me banim në SHBA.

Kur kjo e fundit nuk arriti ta gjente, Ejms shkoi me këmbëngulje në ambasadën sovjetike, kërkoi të fliste me oficerin përgjegjës të KGB, dhe depozitoi një letër duke kërkuar 50.000 dollarë në këmbim të zbulimit të identitetit të disa spiunëve të supozuar sovjetik.

Nuk është çudi, që jo vetëm rusët ishin të etur për këtë informacion. Karriera e tij e spiunazhit përfundoi më në fund në vitin 1994 kur ai u arrestua. Stili i tij ekstravagant i jetesës e kishte demaskuar. Në këmbim të miliona dollarëve që kishte marrë, Ejms kishte siguruar shumë emra, ku jo pak prej tyre ishin ekzekutuar.

Në dallim nga ata fatkeqë, Ejms u dënua me burg, ku ndodhet edhe sot. Po çfarë i nxiti Ejms dhe Tolkaçev të ktheheshin kundër vendeve të tyre? Lufta e Ftohtë ishte mbi të gjitha, një betejë ideologjike, që në shumë mënyra filloi që në vitin 1917 me Bolshevikët dhe Revolucionin e Tetorit.

Pasi Lenini dhe pasuesit e tij morën pushtetin, ata nisën ta transformonin Rusinë në Bashkimin Sovjetik, një sistem monolit komunist me dy fokuse kryesore:mbajtjen e një ideologjie dhe disipline të rreptë komuniste, dhe eksportimin e ideologjisë së tyre globalisht me qëllimin përfundimtar të frymëzimit të një revolucioni botëror.

Armiku natyror i komunizmit ishte kapitalizmi, prandaj ishte ndoshta e pashmangshme që dy protagonistët kryesorë të këtyre ideologjive – Rusia komuniste dhe Amerika kapitaliste – të përplasnin “brirët”. Gjithsesi në praktikë, Lufta e Ftohtë nisi në fundin e Luftës së Dytë Botërore

Për 40 vitet e ardhshme 2 super-superfuqitë u përfshinë në një konflikt politik, ushtarak dhe, mbi të gjitha, të inteligjencës. Asnjëra nuk i besonte tjetrës, dhe secila bëri përpjekje të mëdha për të zgjeruar ndikimin e vet, ndonjëherë drejtpërdrejt, dhe më shpesh përmes qeverive “kukulla” dhe betejave përmes palëve të treta./ Përshtatur nga CNA.al

Për të rejat më të fundit behuni pjesë e grupit tonë në facebook : City News Albania

Blog

Përhapja aktuale e vaksinave, tregon se kombësia dikton ende jetët tona

Publikuar

-

Nga

Nga Kanishk Tharoor “The Guardian”

Pas lajmit të bujshëm nëntorin e vitit të shkuar mbi testet e suksesshme të vaksinës Pfizer-BioNTech, në internet u përhap një foto kurioze. Ajo tregonte një familje emigrantësh turq prej 6 personash në Gjermani në vitet 1970. Babai qëndronte në mes, me krahët e shtrira rreth gruas së mbuluar me shami dhe fëmijëve të tij.

Një djalë pa këpucë ishte pozicionuar anash. Bluza tij e verdhë ishte futur nën pantallonat e zeza që ishin padyshim më të larta dhe me të gjera se përmasat e tij trupore. Përdoruesit e çdo platforme të mundshme të mediave sociale, e ndanë këtë imazh duke shtuar një detaj:ai djalë i dobët dhe i zbathur, një ditë do të rritet për t’u bërë Ugur Shahin, bashkëthemelues i kompanisë farmaceutike gjermane BioNTech, që ishte pioniere e vaksinës.

Kjo familje modeste do të ndihmonte në shpëtimin e botës. Në fakt më vonë u provua se fotoja i përkiste krejtësisht një familje tjetër (aty nuk ndodhej as Shahin, dhe as të afërmit e tij), por ajo mbeti gjithsesi virale, për shkak të historisë së ndjeshme të zhvillimit të vaksinës.
Burrë dhe grua themelues të Biontech – Sahin dhe Ozlem Tyreçi -vijnë nga 2 familje turke që emigruan dikur në Gjermani.

Mediat e nxorën enkas në pah origjinën e çiftit, sikur arritja e tyre të mos ishte vetëm shkencore por edhe morale, një fitore e përvojës së emigrantëve. Një artikull në The Guardian këmbëngul se “vaksina anti-Covid e BioNTech, është një triumf i inovacionit dhe emigracionit”.

“Këta janë heronjtë emigrantë pas vaksinës së BioNTech”-shkruante Bloomberg . “Faleminderit globalizimit!”- shkruante revista libertarian Reason. Sigurisht, nuk ka asgjë të keqe në vlerësimin e kontributeve të emigrantëve, sidomos në Evropë dhe Amerikën e Veriut. Emigrantët kanë shërbyer prej kohësh si “thasët e rërës” që janë grushtuar shpesh gjatë fushatave elektorale në Perëndimit.

Ata janë poshtëruar duke u etiketuar si kriminelë, janë fajësuar padrejtësisht për mosrritjen e pagave në përgjithësi, dhe nganjëherë janë cilësuar si një kërcënim me përmasa apokaliptike. Përballë një ksenofobie dhe nacionalizmi të tillë, suksesi i emigrantëve tregon një histori tjetër, atë se si përfitojnë shoqëritë nga ardhja dhe përpjekjet e njerëzve me origjinë nga diku tjetër. Megjithatë globalizmi optimist i disa prej këtyre artikujve, ka lënë në hije dinamikën më të qartë në prodhimin e vaksinave Pfizer-BioNTech dhe Moderna:fakti që trafiku i tyre shkonte kryesisht në një drejtim. Vendet e pasura fituan shumë nga thithja e talenteve dhe ambicieve të atyre që vinin nga familjet e emigrantëve si Shahin dhe Tyreçi (ashtu si dhe shumë prej ekspertëve që zhvilluan vaksinën e Moderna).

LEXO EDHE:  Skualifikimet në qarkun e Korçës/ Mustafaj: Kjo degë do rifreskim të përfaqësimit

LEXO EDHE:  “Ndryshimet në Kodin Zgjedhor nuk shkelin 5 qershorin”/ Yuri Kim: E zhgënjyer që s’pati konsensus

Por pas lajmit u bë menjëherë e qartë, se në të ardhmen e afërt këto vaksina do të shkonin vetëm tek një pjesë të popullsisë së botës. Si shumëçka tjetër në këtë pandemi, nacionalizmi dhe prepotenca e tij, dëmtuan konceptet më të fisme të ndërvarësisë dhe solidaritetit global. Deri më dhjetor 2020, vendet e pasura që përbënin vetëm 14 për qind të popullsisë së botës, kishin blerë tashmë më shumë se gjysmën e furnizimit me vaksinat kryesore, që kishin marrë miratimin ose që prisnin ta merrni se shpejti. Konturet e pabarazisë globale në shpërndarjen e vaksinave, u rritën edhe më shumë në muajt që vijuan.

Ndërsa vaksinat po shpërndahen mjaftueshëm shpejt në Britani, SHBA, dhe pjesë të Evropës, asnjë dozë e vetme nuk u injektua deri në mesin e shkurtit në 130 vendet e varfra. Economist Intelligence Unit, vlerëson se më shumë se 85 vende të varfra nuk do të mund të kenë një fushatë të gjerë të vaksinimit deri në vitin 2023. Ka shumë mënyra për ta rregulluar këtë çekuilibër, por ka shumë pak vullnet politik për
ta bërë këtë. Në shkurt, vendet e pasura në Evropë dhe Amerikën e Veriut, refuzuan një propozim të Organizatës Botërore të Tregtisë, që do t’u jepte qasje prodhuesve në vendet në zhvillim në pronësinë intelektuale të këtyre vaksinave, duke e përshpejtuar kësisoj prodhimin e dozave.

COVAX, një mekanizëm i ngritur nga OBSH-ja për të ndihmuar në shpërndarjen e vaksinave në vendet e varfra, është për fat të keq shumë i vonuar,dhe nuk ka gjasa që të përmbushë synimin e tij fillestar, për të shpërndarë brenda këtij viti 1.8 miliardë doza vaksine. Pabarazia e shpërndarjes së vaksinave, do ta zgjasë në kohë pandeminë, dhe do të çojë potencialisht në shfaqjen e varianteve të reja të virusit. Dhe përveç jetëve njerëzore, një studim akademik sugjeron se kjo do t’i kushtojë ekonomisë globale deri në 9 trilionë dollarë.

Covid-19, ka pasur ndikimin e çuditshëm të bashkimit të botës në kontrollin e përbashkët të pandemisë,teksa ka forcuar ndarjet ekzistuese, duke iu kujtuar njerëzve se sa shumë përcaktohet fati i jetës së tyre nga kombësia që ata kanë./Përshtatur nga CNA.al

Burimi:  https://www.theguardian.com/commentisfree/2021/mar/02/vaccine-rollout-nationality-covid-jab-poorer-countries

LEXO TE PLOTE

Blog

Pse miliona doza të vaksinës AstraZeneca, mbeten të papërdorura në vendet e BE-së?

Publikuar

-

Nga

Pse miliona doza të vaksinës AstraZeneca, mbeten të papërdorura në vendet e BE-së?

Nga Ido Vock “New Statesman”

Javën e kaluar, nisën të bëheshin publike raporte mediatike, sipas të cilave vetëm një pjesë e vogël e dozave të vaksinës Oxford/AstraZeneca të shpërndara në vendet anëtare të BE-së po përdoren. Për shembull, Times raportoi se ishin realizuar vetëm 400 nga 3.800 vaksinimet e planifikuara ditore në aeroportin Tegel të Berlinit, i mbyllur kohët e fundit për fluturimet, dhe i përshtatur si një qendër vaksinimi. Natyrisht, ngaqë dua të vaksinohem, shkova në Tegel për të provuar fatin tim. Arsyetova se po të kryheshin vërtet vetëm 1/10 vaksinimeve të planifikuara ditore, ata me siguri që nuk do ta kishin problem t’u jepnin dozat rezervë njerëzve që paraqiten aty nga fundi i ditës.

Tek e fundit, dhe programet e suksesshme të vaksinimit, si ato në Izrael dhe Britani, u japin të tjerëve jashtë radhës dozat e mbetura për të shmangur shpërdorimin e tyre. Fatkeqësisht, ambicia ime për t’u vaksinuar bie ndesh me mentalitetin gjerman apo atë burokratik. Rojet e sigurisë jashtë Tegel, më thanë plot pasiguri që nuk do të vaksinohesha. PorTegel nuk është një rast i izoluar në Gjermani. Ministria gjermane e Shëndetësisë, tha javën e kaluar se kishte përdorur vetëm 15 për qind të dozave të AstraZeneca, ndërsa shumë njerëzit në vend po e refuzojnë këtë vaksinë. Në Saksoni, Kryqi i Kuq Gjerman i tha programit të lajmeve ZDF Heute se në këtë land kryheshin çdo ditë vetëm 20-30vaksinime me AstraZeneca.

Në mbarë Evropën, po ndodh një histori e ngjashme. Deri më 25 shkurt, Franca kishte injektuar vetëm 16 për qind të dozave të saj AstraZeneca. Italia renditej e pesta, ndërsa Spanja e treta. Ndërkohë, sipas të dhënave nga Qendra Evropiane për Parandalimin dhe Kontrollin e Sëmundjeve, një agjenci e BE së,marrja e vaksinës Pfizer është në nivelet 80  për qind. Një pjesë e problemit është se shumë vende evropiane, përfshirë Gjermaninë dhe Francën, kanë zgjedhur që ta kufizojnë përdorimin e vaksinës tek njerëzit nën moshën 65 vjeç, për shkak të mungesës së të dhënave të provave klinike mbi efektivitetin e saj tek të moshuarit. Kjo edhe pse Agjencia Evropiane e Barnave për BE-në, e ka miratuar vaksinës për përdorim tek të gjitha grupmoshat.
Tani, disa zyrtarë gjermanë po bëjnë thirrje që rregullatori kombëtar të përditësojë udhëzimet e tij, dhe ta miratojë vaksinën për të gjitha grupmoshat. Por edhe pasja e listave paralele për vaksinimin mund ta ketë komplikuar detyrën logjistike të administrimit. Ndërkaq, po aq domethënës kanë qenë edhe tituj mashtrues nëpër media dhe komentet negative të udhëheqësve politikë mbi këtë vaksinë.

Në fillim, një histori e raportuar gjerësisht në të përditshmen kryesore financiare gjermane“Handelsblatt”, sugjeroi se vaksina AstraZeneca ishte gjysmë e padobishme tek të moshuarit. Edhe pse më vonë u zbulua se ky pretendim ishte një mashtrim, artikulli pati gjithsesi si efekt ngulitjen e idesë tek njerëzit se AstraZeneca ishte qartazi një vaksinë e dorës së dytë që duhej shmangur. Për shembull, kjo situatë mund ta ketë nxitur pjesërisht, kreun e një sindikate të policisë gjermane të pretendojë se oficerët e policisë duhet të marrin “vaksinën më të mirë të mundshme”. Pra jo atë të AstraZeneca, të cilën policia thuhet se e ka refuzuar. Që atëherë kancelarja gjermane, Angela Merkel, ka bërë disa përpjekje për t’iu kundërvënë hezitimit të bashkatdhetarëve të saj, duke u thënë qytetarëve:“Kjo është një vaksinë e sigurt dhe shumë efektive”.

LEXO EDHE:  Acarohet situata në kufirin e Koresë Veriore/Çfarë dërgon Rusia (Video)

LEXO EDHE:  Ish-kryebashkiaja e LSI në hetim nga SPAK, kërcënon Ballën/ Do të tregoj makinën që ikën në Maqedoni

Më pas ishte presidenti francez, Emanuel Makron, ai që bëri disa insinuata mbi efektivitetin e vaksinës, duke deklaruar muajin e kaluar se “problemi i vërtetë i vaksinës së AstraZeneca, është se nuk funksionon ashtu siç e prisnim atë … gjithçka tregon se nuk është efektive për njerëzit mbi 65 vjeç, disa thonë se duhet të jenë nën 60 vjeç”. Edhe ai ka ndryshuar tani qasje, duke pretenduar së fundmi se do ta merrte vetë vaksinën nëse i ofrohej. Vetëm AstraZeneca nuk do ta zgjidhte dot krizën e shpërndarjes së vaksinave në BE. Deri tani unioni ka vaksinuar vetëm 7 për qind të popullsisë, krahasuar me 23 për qind në SHBA dhe 31 për qind në Britani.

Por pas një mosmarrëveshje të ashpër midis Britanisë dhe Bashkimit Evropian, kur Brukseli kërkoi që AstraZeneca të ndërpriste furnizimin e Mbretërisë së Bashkuar, për të përmbushur angazhimet e saj ndaj bllokut, është e vështirë të mos e vëresh ironinë, kur mjaftuan vetëm disa javë keqinformime, që qytetarët evropianë ta refuzonin në masë këtë vaksinë./Përshtatur nga CNA.al

Burimi:  https://www.newstatesman.com/world/europe/2021/03/why-are-millions-doses-astrazeneca-covid-19-vaccines-lying-unused-eu-countries

LEXO TE PLOTE

Blog

S’ka më dyshime/ Trump do të rikandidojë për president në vitin 2024

Publikuar

-

Nga

S’ka më dyshime/ Trump do të rikandidojë për president në vitin 2024

Nga Larry Bell “Newsmax”

Të gjithë oratorët e Konferencës së Veprimit Politik Konservator të mbajtur javën e kaluar, e njohur zakonisht si CPAC, i premtuan besnikëri ish-presidentit amerikan Donald J. Trump si kandidati i tyre i preferuar për në zgjedhjet presidenciale të vitit 2024.

Dhe ata kishin shumë mbështetës midis shumë pjesëmarrësve entuziastë në konferencë. Sipas një sondazhi të The Washington Times CPAC Straw 2024, 95 për qind e tyre duan vazhdimin e politikave të Trump, 7 në 10 të anketuar duan që ai të garojë sërish për president, ndërsa nëse zgjedhjet do të mbaheshin tani 55 për qind e republikanëve favorizojnë Trumpin si kandidatin e tyre.

Guvernatori republikan i Floridës Ron DeSantis ishte zgjedhja e dytë si kandidat për president, me 21 për qind të preferencave. Ndërkohë, pas tij renditej guvernatorja republikane e Dakotës së Jugut Kristi Noem, me 4 për qind. Nëse Trumpinnuk do të garonte, DeSantis ishte zgjedhja e parë me 43 për qind, e ndjekur nga Noemi me 11 për qind. Senatori i Teksasit, Ted Kruz ishte i saktë kur i tha audiencës të premten “Më lejoni që t’ju them diçka:Donald Trump do të jetë këtu me ne”.

Duke mbyllur punimet e CPAC të dielën, ish-presidenti Trump dërgoi mesazhin e fortë se ndërsa ai mund të jetë për momentin jashtë Zyrës Ovale, ai nuk ka në plan të rrijë duarkryq.

“Amerika nuk ka qenë kurrë në një udhëtim kaq të suksesshëm, që është larg nga të qenit i përfunduar. Le të mos ketë asnjë dyshim:Amerika do të jetë më e mirë dhe më e fortë se kurrë më parë”- theksoi ish-presidenti.

Më tej Trump tha se pasi “fitoi 2 herë zgjedhjet”, ai mund të “vendosë qët’i mundë ata për herë të tretë”.Sikurse edhe pritej, Trump u tregua shumë kritik ndaj administratës së re të Xho Bajdenit, duke e cilësuar muajin e saj të parë në detyrësi “edhe më keq sesa e kisha imagjinuar” … më katastrofikja në historinë e vendit. Ndër shumë shembuj ai përmendi edhe anulimin që Bajden i bëri ndërtimit të gazsjellësit Keystone XL që i kushtoi vendit 42.00 vende pune; dhe se shkatërroi pavarësinë energjitike që kishe arritur administrata e Trump; teksa premton zbatimin e një politikë katastrofike Green New Deal të mullinjve të erës.

Sipas Trump, kjo lëvizje do të shkaktojë kriza energjitike si ato që kanë ndodhur tashmë në Kaliforni dhe Teksas, do të dëmtojë mjedisin dhe do të zërë sipërfaqe të mëdha toke, të mbuluara me struktura të kushtueshme jofunksionale që do të mbeten në mëshirën e ndryshkut.
Ndërsa administrata Trump e kishte siguruar kufirin jugor të Amerikës me gati 900 km mur të përfunduar, Bajden e ka ndaluar projektin; duke vetë-krijuar një kërcënim serioz për sigurisë kombëtare. Presidenti aktual ka vendosur lirimin e kriminelëve të rrezikshëm, ndërsa ka inkurajuar shtetet të jenë më liberale ndaj emigracionit ilegal.

LEXO EDHE:  “Media do dalë me lajmet bombastike”/ Paralajmëron Alfred Cako: Ja kur do bëhet izolimi i dytë

LEXO EDHE:  Ja tek cilët njerëz kanë pasur efekte pozitive bllokimet e Covid-19

Trump i kujtoi SHBA-së se ishte “Operacioni Warp Speed” i administratës së tij, ai që solli zhvillimin e tre vaksinave të mrekullueshme dhenë një kohë rekord, (përfshirë aprovimin e ri nga FDA-së të vaksinës së Johnson & Johnson). Njëzet milion vaksina iu injektuan njerëzve para se Trump të linte detyrën, përfshirë atë që mori vetë Xho Bajden në fund të dhjetorit 2020, por që tani duket se e ka harruar. Ironikisht, ndërsa Bajden po hap kufirin ndaj emigrantëve, ai iu është bindur kërkesave të sindikatës së mësuesve për t’i mbajtur shkollat të mbyllura. Por Trump mendon se është thelbësore që fëmijët të rikthehen menjëherë në shkollë. Ai paralajmëroi se tirania socialiste e “anulimit të kulturës” po sulmon vlerat thelbësore dhe liritë e Amerikës.

Ish-presidenti tha se amerikanët duhet ti kundërvihen sulmeve nga monopolet e Big Tech kundër fjalës së lirë; të mbrojnë të drejtat e Amendamentit të Dytë që janë nën sulmin e demokratëve; dhe të mbështesin zbatimin e ligjit. Trump gjithashtu bëri të qartë se zërat që kishin qarkulluar se ai mund të planifikojë të krijojë dhe të drejtojë një parti të re ishin sërish “lajme të rreme”. Nga ndarja e Partisë Republikane, paralajmëroi ai, do të përfitonte vetëm Partia Demokratike. Ai deklaroi se do të ketë një rol thelbësor në mbështetjen e udhëheqësve “të fortë”republikanë në zgjedhjet e mesit të mandatit të vitit 2022, duke theksuar se mbështetja e tij për kandidatët ishte thelbësore në fitoret e republikanëve në zgjedhjet e vitit 2020, në të gjitha 26 vendet e fituara në Kongres, si dhe në ruajtjen e një Senati të balancuar 50 me50.

Trump nuk la asnjë dyshim mbi qëllimin e tij për të nxjerr jashtë loje ata anëtarë të partisë së tij që bashkuan votat me demokratët për ta shkarkuar atë pas trazirave të 6 janarit në Kapitol Hill. Këtu përfshihen 10 republikanë në Kongres dhe 7 në Senat, të cilët ai i përmendi me emra. Një kritikë të veçantë ai pati për një figurat më të njohura pro fajësimit, kongresmenen republikane të Uajoming, Liz Çeni. CPAC shërben zakonisht si aktiviteti kryesor, prej nga ku nis maratona e gjatë dhe e lodhshme e fushatës së zgjedhjeve të mesit të mandatit. Në përgatitje, komiteti i fushatës së vitit 2020 është shndërruar dhe riemërtuar “Bëjeni Amerikën Sërish të Madhe”. Sa i përket planeve të tij për vitin 2024, Trump e përfundoi fjalimin duke iu referuar një kohe kur “një president triumfues do të rikthehet në Shtëpinë e Bardhë”, duke mos lënë asnjë dyshim mbi synimin e tij për të rikandiduar./Përshtatur nga CNA.al

Burimi:  https://www.newsmax.com/larrybell/2024-americafirst-future/2021/03/01/id/1011935

LEXO TE PLOTE