Connect with Us

Qeveria miraton Aktin Normativ/ Kthehen paratë e gjobave të paguara, makinat dhe lejet e bllokuara gjatë karantinës dhe tërmetit

Sociale

Qeveria miraton Aktin Normativ/ Kthehen paratë e gjobave të paguara, makinat dhe lejet e bllokuara gjatë karantinës dhe tërmetit

Publikuar

-

Qeveria miraton Aktin Normativ/ Kthehen paratë e gjobave të paguara, makinat dhe lejet e bllokuara gjatë karantinës dhe tërmetit

Këshilli i Ministrave ka miratuar aktin normativ që parashikon faljen e të gjitha gjobave të vendosura nga autoritetet shtetërore përkatëse për shkeljen e rregullave apo të akteve ligjore e nënligjore të nxjerra në kuadër të masave të ndërmarra për parandalimin dhe luftimin e infeksionit të shkaktuar nga COVID-19, nga data 17.4.2020 deri në datën 7.10.2020.
Po ashtu, akti parashikon se falen të gjitha masat administrative të vendosura nga strukturat e njësive të vetëqeverisjes vendore ndaj familjeve të dëmtura nga fatkeqësitë natyrore, tërmetet e datave 21 shtator dhe 26 nëntor 2019, për shkeljet e konstatuara gjatë kryerjes së punimeve për riparimin/rindërtimin e banesave individuale.

Në mbështetje të nenit 101 të Kushtetutës, me propozimin e ministrit të Brendshëm, të ministrit të Financave dhe Ekonomisë dhe të ministrit të Shëndetësisë dhe Mbrojtjes Sociale, Këshilli i Ministrave

V E N D O S I:
Neni 1
Falja e masave administrative

1. Falen të gjitha masat administrative me karakter ndëshkues, të vendosura nga autoritetet shtetërore përkatëse për shkeljen e rregullave apo të akteve ligjore e nënligjore të nxjerra në kuadër të masave të ndërmarra për parandalimin dhe luftimin e infeksionit të shkaktuar nga COVID-19, nga data 17.4.2020 deri në datën 7.10.2020.
2. Falen të gjitha masat administrative të vendosura nga strukturat e njësive të vetëqeverisjes vendore ndaj familjeve të dëmtura nga fatkeqësitë natyrore, tërmetet e datave 21 shtator dhe 26 nëntor 2019, për shkeljet e konstatuara gjatë kryerjes së punimeve për riparimin/rindërtimin e banesave individuale
Kthimi i detyrimit të masës administrative me gjobë
1. Kthimi i shumës së detyrimit të falur, por të paguar, për masat administrative me gjobë, merret nga zëri përkatës i buxhetit të shtetit apo buxhetit të institucionit në të cilin është arkëtuar shuma, me urdhër të nëpunësit të parë autorizues, dhe kalohet në llogarinë bankare të subjektit përfitues ose, në mungesë të saj, kjo shumë i dërgohet institucionit shtetëror që ka vendosur masën me gjobë për t’ia dorëzuar subjektit përfitues.
2. Të gjitha institucionet shtetërore, të cilat kanë ushtruar autoritetin e vendosjes së masës administrative me gjobë, duhet të përgatisin listat e subjekteve ndaj të cilave është vendosur masa administrative me gjobë, duke përfshirë shumën si dhe të dhënat e nevojshme për kthimin e saj brenda datës 30 tetor 2020.
3. Kthimi i shumave pranë llogarisë bankare të subjektit përfitues apo institucionit shtetëror që ka vendosur masën administrative me gjobë të bëhet brenda datës 15 nëntor 2020.
4. Mënyra dhe rregullat e hollësishme të kthimit të shumave të paguara përcaktohen me udhëzim të ministrit të Financave dhe Ekonomisë.
5. Në rastin e gjobave të vendosura nga njësitë e vetëqeverisjes vendore, sipas pikës 2, të nenit 1, të këtij akti, të gjitha strukturat përkatëse duhet të dërgojnë listat e subjekteve ndaj të cilave është vendosur masa administrative. Mënyra dhe rregullat e hollësishme për zbatimin e faljes dhe kthimin e shumave të paguara, sipas përcaktimeve të këtij akti normativ, përcaktohen nga këshilli bashkiak.

LEXO EDHE:  Kontrolle me dron e radar/ Policia iu heq patentën 34 shoferëve, në pranga 7 drejtues mjetesh

Neni 3
Kthimi i lejeve/licencave dhe i mjeteve të bllokuara, në zbatim të masave administrative
1. Të gjitha masat administrative me karakter ndëshkues, përjashtuar ato të parashikuara në nenin 2, të këtij akti normativ, si lejet/licencat dhe mjetet e bllokuara, duhet të kthehen brenda datës 15 nëntor 2020 te subjekti përfitues.
2. Ngarkohen titullarët e secilit prej institucioneve shtetërore dhe njësitë e vetëqeverisjes vendore, që kanë vendosur masa administrative sipas këtij neni, të nxjerrin udhëzimet përkatëse për përcaktimin e mënyrës së kthimit të detyrimit të falur”, thuhet në dokument.

Për të rejat më të fundit behuni pjesë e grupit tonë në facebook : City News Albania

Sociale

Vranësira dhe reshje shiu lokale/ Ja si parashikohet të jetë dita e sotme

Publikuar

-

Nga

Vranësira dhe reshje shiu lokale/ Ja si parashikohet të jetë dita e sotme

Dita e sotme parashikohet të ketë  mot me alternime kthjellimesh dhe vranësira këto më të përqëndruara përgjatë relieveve malore.

Në jug-juglindje vranësirat do të pasohen nga reshje lokale shiu në orët e pasdites.

Era parashikohet nga kuadrati i veriut me shpejtësi mesatare 1-6m/sek, e cila hera-herës përgjatë vijës bregdetare fiton shpejtësi deri në 10-12m/sek. Deti i forcë 1-2 ballë./CNA.al

LEXO TE PLOTE

Sociale

Familjarë që rrezikojnë infektimin nga Covid-19/ Spitali i Durrësit lejon vizitat

Publikuar

-

Nga

Covid-19 ka bërë që në të gjitha qytetet e Shqipërisë spitalet të jene të mbushura plot e përplot me të sëmurë.

Qyeteti i Durrësit paraqitet në gjendje më të qetë përsa i përket situatës nga Covid-19. Ajo që mbetet shqetësuese është shëndeti i të afërmve të të sëmurëve, pasi spitali i lejon lirisht vizitat. Familjarët me ushqime nëpër duar në praninë e kamerave nuk lejohen të hyjnë, por Fax News ka vëzhguar se sapo të largohet kamera ata hyjnë dhe dalin si të ishte një repart i zakonshëm.

Bëhet me dije se në spitalin rajonal të Durrësit janë 57 pacientë të shtruar, 6 prej të cilëve ndodhen në reanimacion. Që prej fillimit të pandemisë në të gjitha spitalet, jo vetëm në Shqipëri, pacientët nuk lejohet që të vizitohen nga familjarët e tyre, pasi përbëjnë rrezik për infektim./CNA.al

LEXO TE PLOTE

Sociale

E rëndë në Korçë/ 22 vjeçarja humb jetën nga Covid

Publikuar

-

Nga

Një 22 vjeçare nga Korça ka ndërruar jetë si pasojë e Covid-19.

Mësohet se e reja Euxhena Jorgji, 22 vjeç, vuante nga sëmundje në kocka. Jorgji prej 1 muaji ishte shtruar në spitalin Infektiv në Tiranë. E reja nuk ka mundur t’i mbijetojë virusit të rrezikshëm.

Nderkohë kujtojmë se javët e fundit situata nga Covid në vendin tonë mbetet shqetësuese për shkak t numrit të lartë te infektimeve dhe viktimave nga Covid./CNA.al

LEXO TE PLOTE