Connect with Us

Osmani: Dialogu Kosovë-Serbi, në favor të politikanëve serbë

Kosova & Rajoni

Osmani: Dialogu Kosovë-Serbi, në favor të politikanëve serbë

Publikuar

-

Zgjedhja e Presidentit/ Osmani dështon në raundin e parë, 9 vota rezultojnë të pavlefshme

Kryetarja e Kuvendit të Kosovës, Vjosa Osmani, tha se dialogu midis Kosovës dhe Serbisë, në vend se të shërbejë për normalizimin e marrëdhënieve midis dy vendeve, ka shërbyer për “normalizimin e politikanëve serbë”, që “kanë qenë pjesë e regjimit të Sllobodan Millosheviqit”.

“Me dikë si [Ivica] Daçiq [ministri i Jashtëm serb] – i cili në këto momente, përderisa kërcënon hapur dhe fsheh krimin, po bën krim të dyfishtë – Qeveria e Kosovës absolutisht nuk do të duhej të negocionte”, tha Osmani në një konferencë për gazetarë pas mbledhjes së Kryesisë së Kuvendit.

Sipas saj, Daçiq ka kërcënuar hapur serbët që mund të tregojnë për vendndodhjen e viktimave nga Kosova.

Daçiq, së voni, ka bërë disa deklarata, që në Kosovë janë konsideruar kërcënuese për serbët që njoftojnë për lokacionet e shqiptarëve të varrosur në territorin e Serbisë.

“Mos u merrni me amerikanët, gjermanët, turqit dhe gjithë të tjerët. Çfarë të bëjmë me serbët, të cilët flasin budallallëqe të ndryshme, iu tregojnë shqiptarëve dhe kroatëve se ku janë të varrosur shqiptarët në gjithë Serbinë”, ka thënë ai për një televizion në Serbi.

LEXO EDHE:  Përfundon numërimi i votave në Kosovë/ Fitore historike e Vetëvendosjes

Daçiq, në kohën kur ka qenë kryeministër i Serbisë (2012-2014), ka udhëhequr disa raunde bisedimesh me Kosovën.

Duke folur para gazetarëve në Prishtinë, Osmani u ndal edhe te Projektligji për Rimëkëmbjen Ekonomike, i cili ka dështuar pesë herë të votohet në Kuvendin e Kosovës.

Ajo tha se përgjegjësinë për mosmiratimin e këtij projektligji duhet ta mbajë koalicioni qeverisës, pasi ai nuk po arrin t’i sigurojë votat e mjaftueshme.

“Zoti kryeministër nuk po arrin t’i ketë 61 deputetë që votojnë në favor të nismave që qeveria e tij i sponsorizon. Pra, përgjegjësia është aty dhe askund tjetër”, tha Osmani.

Për të enjten, shtoi ajo, është vendosur që të mbahet një seancë, ku pritet të bëhet votimi në parim edhe i Projektligjit për Mbrojtjen e Vlerave të Luftës së Ushtrisë Çlirimtare të Kosovës, votimi në parim i Projektligjit për Rimëkëmbjen Ekonomike – COVID-19, dhe votimi i propozim-rezolutës nga raportimi i kryeministrit Avdullah Hoti në lidhje me dialogun me Serbinë.

Osmani po ashtu tha se të premten mund të ketë edhe një seancë, ku kryeministri Hoti do të raportonte për punën 100-ditore të tij./rel

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Kosova & Rajoni

Dialogu Kosovë-Serbi, çfarë prodhuan dy takimet e Albin Kurtit me Aleksandër Vuçiç?

Publikuar

-

Nga

Albin Kurti erdhi si kryeministër i Kosovës pa e pasur dialogun me Serbinë si prioritet, edhe pse kërkesat e BE-së dhe SHBA-së që bisedimet të rinisin nuk mungonin.

Diçka të tillë, Kurti kishte thënë edhe para se të merrte postin e të parit në ekzekutiv, pas një takimi me të dërguarin e BE-së për dialog ndërmjet Kosovës e Serbisë, Miroslav Lajcak.

Sipas tij, “nuk mund të jetë prioriteti i parë ose i dytë, sepse janë drejtësia dhe punësimi”. Dialogu për Kurtin duhet të jetë i sinqertë, pa presion kohe dhe me substancë.

Pavarësisht qëndrimeve të Kurtit sa i përket dialogut dhe mosrenditjen e tij në fillim të listës së prioriteteve, ballafaqimi i tij me presidentin e Serbisë, Aleksandër Vuciç, nuk vonoi. Një muaj pas publikimit të planit qeverisës, kreut të qeverisë kosovare iu desh të udhëtojë për në Bruksel.

Këtij takimi i parapriu një vizitë e përbashkët e të dërguarit të BE-së për bisedime, Miroslav Lajçak dhe zv.ndihmës sekretarit të shtetit amerikan, Matheë Palmer.

15 qershori ishte dita kur Kurti u ballafaqua për herë të parë me Vuçiç, në praninë e shefit të politikës së jashtme të BE-së, Josep Borrel dhe emisarit special për këto bisedime, Miroslav Lajçak.

Takimi i dy liderëve nuk është se solli ndonjë rezultat, pasi qëndrimet e tyre ishin diametralisht të kundërta.

Vuciç insistonte që të diskutohej për asociacionin e komunave me shumicë serbe, që për të ishte çështja më me rëndësi, ndërsa Kurti doli me propozimin e disa temave që nuk kishin të bënin fare me kërkesën e palës serbe.

“Unë nuk di çfarë t’ju them, të jem i sinqertë mendoj se  zgjatja e bisedimeve flet edhe për rezultatet, u ra dakord për të vazhduar dialogun deri në fund të korrikut, shpresoj se kjo është një gjë e rëndësishme që mund të garantojnë paqen dhe stabilitetin. Çdo gjë tjetër do të ishte e panevojshme për t’u komentuar”, u shpreh presidenti serb para mediave.

“Marrëveshje finale do të ketë atëherë kur marrëveshja për njohje të ndërsjellë është dhe për nga forma dhe përmbajtja në përputhje me konventën e Vjenës për ligjin mbi traktatet”, u shpreh Kurti.

Ndërmjetësuesit deklaruan se takimi mes tyre nuk ishte i lehtë, megjithatë, ata u shprehen të kënaqur që të dy liderët u pajtuan që të takohen edhe në muajin korrik në takimin e dytë mes tyre.

Paraqitja e Kurtit në Bruksel me 15 qershor u komentua në forma të ndryshme.

Opozita e një pjesë e analistëve dhe opinionistëve patën kritika, por nuk munguan as zërat që e konsideruan këtë paraqitje historike, që Kosovës e kthen në palë të barabartë me Serbinë në këto bisedime.

Para se të ndodhte takimi i dytë Kurti-Vuciç, pala kosovare dhe ajo serbe pati edhe një takim të përbashkët në Bruksel, këtë herë në nivel të grupeve negociatore.

Kosova po tregonte një tjetër qasje ndaj Serbisë, e cila pëlqehej nga analistët dhe ndjekësit e politikës.

LEXO EDHE:  Kosova regjistron 104 të infektuar dhe dy viktima nga koronavirusi

LEXO EDHE:  Serbia nuk njeh rezultatin e zgjedhjeve në Bjellorusi

“Ndërkohë që pala serbe po akuzonte atë kosovare për moszbatim të marrëveshjes, në një analizë të ftohtë kuptohet se është pala serbe ajo që nuk po zbaton asnjë marrëveshje”, thotë Bardhyl Hasanpapaj, analist.

Por, jo pak prej tyre një strategji të tillë për bisedimet po e shohin si zvarritje, gjë që nuk dihet se kujt i shkon më shumë për shtati.

“Duhet të analizohet saktë nëse është më mirë status quo-ja apo të ecim tutje. Mendoj se zvarritja ndoshta do ta dëmtojë më shumë”, shprehet analisti Adrian Collaku.

Në takimin e dytë, Vuçiç hyri me idenë se tashmë është shumë e vështirë të ulesh në tryezë për të diskutuar me palën kosovare. Në takimin e 19 korrikut u raportua për tensione gjatë bisedës, dhe në fund pati edhe akuza të ndërsjella.

“Unë do të përpiqem të flas me të. Deri në 1 shtator, sipas Marrëveshjes së Uashingtonit, të dyja palët kanë detyrimin të mos lobojnë për njohje ose mosnjohje”, tha presidenti serb.

Për Vuçiç, Albin Kurti po kthehej një shekull pas duke kërkuar të flasë për të pagjeturit.

“Qëndrimi i tyre ishte se Serbia është fajtore për tri gjenocide ndaj shqiptarëve në Kosovë. U kthye në shekullin e XIX, jam i brengosur”, tha Vuçiç.

Në këtë takim, Kurti ofroi një dokument me 9 pika të cilin kërkoi që Vucic ta firmoste për të arritur një marrëveshje mes dy vendeve. Bashkë me këtë dokument, ai i dhuroi Presidentit serb 3 libra që përshkruanin bëmat e Serbëve ndaj kosovarëve.

Oferta e Kurtit u hodh poshtë.

“Sot propozova fillimisht një marrëveshje të shkruar me 6 nene si një deklaratë e paqes mes Kosovës dhe Serbisë, që u refuzua”, u shpreh Kurti.

Edhe për paraqitjen e dytë të Kurtit në Bruksel, pati lëvdata e kritika.

Këto të fundit erdhën nga opozita dhe kishin të bënin me mostransparencën për takimet.

E para, në këtë dialog po e përcjell një mostransparencë jashtëzakonisht e madhe, tha Abelard Tahiri, deputet i PDK.

Për shkelje parimesh e arrogancë që mund t’i kushtoj Kosovës e akuzon edhe analisti Milaim Zeka, ish-deputet i kuvendit të Kosovës.

“Nacionalizmi primitiv dhe arroganca primitive ballkanike që po demonstron Kurti në Bruksel, në takimin e tij, jo me Vuçiç po me evropianët dhe amerikanët, do t’i kushtojë shumë shtrenjtë Kosovës”, shprehet Zeka.

Zeka shton se ballafaqimi me të kaluarën nuk i duhet Kurtit, duke marrë parasysh qëndrimet që ka pasur ai që nga Konferenca e Rambujesë e këtej, ndërsa kritikoi edhe deklarimin e Kurtit se Greqia duhet ta njohë Kosovën dhe të bëhet lidere e proceseve në Ballkan.

As lëvdatat e as kritikat nuk është se kanë ndryshuar mungesën e rezultateve të këtyre takimeve në Bruksel, megjithatë dialogu ende vazhdon. Takimi i radhës do të mbahet pas përfundimit të pushimeve verore./euronews

LEXO TE PLOTE

Kosova & Rajoni

Shumë shkelje nëpër hidrocentrale, por asnjë veprim ndaj tyre

Publikuar

-

Nga

Ndërtimi i hidrocentraleve në Kosovë është përcjellë me shkelje dhe tejkalime të shumta ligjore, si dhe dëmtime të rrjedhës së lumenjve, e shpeshherë objektet e hidrocentraleve janë ndërtuar në prona publike.

Këto janë disa nga gjetjet e një raporti të hartuar nga një grup punues i formuar nga Ministria e Mjedisit, Planifikimit Hapësinor dhe Infrastrukturës.

Në këtë raport, që para pak ditësh i është dorëzuar ministrit të Mjedisit, Liburn Aliu, e të cilin e ka siguruar Radio Evropa e Lirë, janë shqyrtuar të gjitha procedurat administrative të zbatuara për hidrocentrale si dhe ndikimi i tyre në ujëra dhe mjedis.

Raporti rekomandon që të ndërpritet operimi i të gjitha hidrocentraleve që operojnë pa leje mjedisore, si dhe të hetohen të gjithë zyrtarët për shkeljet ligjore, që kanë karakterizuar ndërtimin dhe operimin e hidrocentraleve.

Grupi punues po ashtu kërkon që të shfuqizohen të gjitha aktet e lëshuara në kundërshtim më ligjin, si dhe vendosjen e një moratoriumi për ndërtimin e hidrocentraleve të reja, deri në miratimin e planeve për menaxhimin e pellgjeve lumore.

Në rast se gjetjet e raportit merren parasysh nga Qeveria, atëherë shumica e hidrocentraleve do të jenë të obliguara që për një afat të pacaktuar, të ndalin punën e tyre.

Hidrocentralet e Deçanit me shumë shkelje

Prej kohës kur filloi ndërtimi i hidrocentraleve në atë që njihet si Gryka e Deçanit, pati kundërshtime të banorëve të zonës, mirëpo kjo nuk i pengoi institucionet, e as autoritetet lokale që të lejojnë ndërtimin e tyre.

Për hidrocentralet që ndodhen në rrjedhën e Lumëbardhit në Deçan, në raportin e grupit punues, konstatohet se përveç që është dëmtuar rrjedha e lumit dhe nuk është respektuar minimumi ekologjik, po ashtu kanë ndodhur shkelje ligjore në ndërtimin e objekteve të hidrocentraleve.

Deçani kërkon riparimin e ambientit të shkatërruar nga hidrocentralet

“Ndërtesat e dy HC (Lumëbardhi II dhe Belaja), janë ndërtuar në pronë ujore në afërsi të drejtpërdrejtë të lumit, në kundërshtim me Ligjin për Ujërat (neni 48) 12, që përcakton distancën prej minimum 30 metra për ndërtimin e objekteve nga vija e plotave (ujërat 100-vjeçare)”, thuhet në raport.

Kundërligjore te këto hidrocentrale ka rezultuar të jetë edhe një marrëveshje për shfrytëzim të tokës pyjore që kompania Kelkos Energy, kishte nënshkruar me Agjencinë e Pyjeve të Kosovës.

Sipas raportit, shpeshherë, hidrocentralet kanë bërë ndërhyje në projekt pa pëlqimin e Ministrisë.

“Në HC “Lumëbardhi II” janë bërë ndryshime në projekt pa pëlqimin e Ministrisë, siç kërkohet me vendim për leje ndërtimore”, thuhet në raport.

Grupi punues po ashtu gjen se kompania Kelkos Energy, në mënyrë të jashtëligjshme ka bërë eksploatimin e zhavorrit nga lokacioni që njihet si Zalli i Rupës.

Dy nga hidrocentralet e Deçanit, “HC Deçani” dhe “HC Belaja”, janë ndërtuar brenda Zonës së Veçantë të Mbrojtur të Manastirit të Deçanit.

Sa u takon hidrocentraleve të Decanit, grupi punues i ka rekomanduar Ministrisë së Mjedisit, Planifikimit Hapësinor dhe Infrastrukturës, të obligojë kompaninë Kelkos Energy, që mes tjerash të kushtëzohet me lëshimin e lejes mjedisore për ndërtimin e digës në liqenin në Zallin e Rupës, pasi kjo kishte qenë edhe marrëveshje në mes të investitorit dhe komunës së Deçanit.

Shkelje të shumta edhe në hidrocentralet e Shtërpcës

Një nga hidrocentralet kryesore në atë që njihet si kaskada e Lepencit e që është hidrocentrali Brezovica, vazhdon të operojë pa leje mjedisore.

Ky hidrocentral, që është në pronësi të kompanisë “Matkos Group”, ka arritur që të marrë pëlqim ujor pa i përmbushur kushtet ujore.

Kjo është nga lejet më të rëndësishme për operim të hidrocentraleve.

“Ky pëlqim ujor është lëshuar pa i përmbushur asnjë prej kushteve ujore të përcaktuara me aktvendimin e datës 15/06/2015, kushte këto të përsëritura me aktvendimin (Konkluzionin) e datës 3/07/2015”, thuhet në raport.

LEXO EDHE:  Thaçi sulmon Berishën/ Argat i Millosheviçit, ka furnizuar me armë Serbinë

LEXO EDHE:  Përfundon numërimi i votave në Kosovë/ Fitore historike e Vetëvendosjes

Paditë, si mjet për të heshtur kundërshtimin qytetar   

Me tej, grupi punues ka gjetur se “leja ndërtimore për këtë hidrocentral është lëshuar në pronë ujore, në afërsi të drejtpërdrejtë të lumit, në kundërshtim me Ligjin për Ujërat e Kosovës”.

Po ashtu shkelje tjetër në këtë rast është gjetur edhe në dhënien për shfrytëzim të pronës ujore nga komuna e Shtërpcës.

Përpos Brezovicës, grupi punues ka gjetur shumë shkelje ligjore edhe në tri hidrocentralet e tjera në kaskadën e Lepencit, hidrocentralin “”Sharri”, “Shtërpca” dhe “Viça”.

“Për asnjërën prej katër HC-eve nuk janë lëshuar lejet mjedisore, por megjithatë të tërat janë në operim”, thuhet në raport.

Për të gjitha këto hidrocentrale, rekomandohet pezullimi i operimit deri në plotësimin e të gjitha rekomandimeve të dala nga ky raport.

Shkelje të njëjta edhe në hidrocentralet e Brodit dhe Restelicës

Raporti i grupit punues ka gjetur shkelje thuajse të ngjashme edhe në hidrocentralet e Brodit dhe Restelicës në Dragash.

Për hidrocentralet “Brodi 1”, “Brodi 2” dhe “Brodi 3”, ishte lëshuar jashtëligjshëm vetëm një pëlqim mjedisor. Sa i përket lejes mjedisore, e njëjta nuk është lëshuar ende – përkundër kësaj hidrocentrali operon në kundërshtim me nenin 31 të Ligjit për Mbrojtje të Mjedisit nr. 03/l-025”, thuhet në raport.

Te dy hidrocentralet tjera “Restelica 1 dhe 2” dhe “Restelica 3”, janë evendituar po ashtu shkelje ligjore si dhe ndërtime në pronë ujore.

Shkelje të ngjashme si këto janë gjetur në shumicën e hidrocentraleve të tjera që operojnë në Kosovë.

Heshtja e Qeverisë

Ka disa javë prej kur Radio Evropa e Lirë është duke provuar që të marrë përgjigje nga Ministria e Mjedisit, Planifikimit Hapësinor dhe Infrastrukturës, se a janë duke planifikuar marrjen e masave ndaj hidrocentraleve që është evidentuar se kanë kryer shkelje ligjore.

Por në këtë Ministri nuk kanë qenë të gatshëm që të japin informacione. Ditë më parë, marrjen e masave e ka paralajmëruar zëvendësministrja e Mjedisit, Linda Çavdarbasha.

Kabineti i ministrit, Liburn Aliu nuk ka kthyer përgjigje në pyetjet e REL-it se a do të merren parasysh rekomandimet e raportit të grupit punues, që evidentoi shkeljet nga hidrocentralet.

Kërkohet veprim i shpejtë institucional

Ditë më parë, Instituti për Politika Sociale ‘Musine Kokalari’, ka publikuar një raport që ka evidentuar po ashtu shkelje të shumta ligjore nga hidrocentralet.

Dardan Kadaj, nga ky Institut, thotë se në Kosovë hidrocentralet janë ndërtuar pa respektuar procedurat ligjore si dhe në mungesë totale të transparencës.

“Leja për hidrocentrale duhet të jepet përmes koncesionit, pra në të cilën procedurë disa investitorë konkurrojnë me njëri-tjetrin dhe kjo i jep mundësi autoritetit publik me zgjedhë investitorin më të mirë. Pra duke i marrë parasysh edhe përfitimet, të cilat komuniteti mundet me i pas prej investitorit”, thotë Kadaj.

Kadaj thotë se Qeveria duhet të ndalojë operimin e çdo hidrocentrali i cili nuk i plotëson kriteret ligjore për operim.

“Kishte me qenë asgjë më shumë sesa e logjikshme që puna e hidrocentraleve pa leje mjedisore, të pezullohet, të ndërpritet, sidomos puna e hidrocentraleve që nuk kanë asnjë lloj leje derisa të rregullohet e gjitha, qoftë me legjislacion, qoftë prej veprimeve të Qeverisë”, tha Kadaj.

Sipas të dhënave të Zyrës së Rregullatorit të Energjisë – (ZRrE), vlera e përgjithshme e investimeve në hidrocentrale të cilat janë në operim, arrinë shifrën rreth 122 milionë euro.

Përkundër investimeve në hidrocentrale, rreth 95 për qind e energjisë elektrike në Kosovë prodhohet me thëngjill, ndërsa vetëm 2.7 për qind nga hidrocentralet.

Pjesa tjetër prodhohet nga era, si dhe nga panelet solare./rel

LEXO TE PLOTE

Kosova & Rajoni

LSDM dhe BDI garojnë së bashku në zgjedhjet lokale

Publikuar

-

Nga

Partitë në pushtet LSDM dhe BDI do të garojnë së bashku në zgjedhjet lokale. Marrëveshja u arrit në një takim mes kreut të socialdemokratëve Zoran Zaev dhe atij të BDI-së Ali Ahmeti.

Të dy partnerët e koalicionit qeveritar ranë dakord që të dyja partitë të bashkëpunojnë në zgjedhjet lokale të vjeshtës, me mbështetje të ndërsjellë në disa komuna që në raundin e parë, ndërsa në disa të tjera në raundin e dytë.

“Kisha takim të shkëlqyeshëm me partnerin e koalicionit dhe kryetarin e BDI-së Ali Ahmeti. U morëm vesh që LSDM-ja dhe BDI-ja të marrim pjesë bashkë në zgjedhjet lokale”, tha lideri i socialdemokratëve Zoran Zaev. Kryeministri ka potencuar se qëllimi i përbashkët i LSDM-së dhe BDI-së është që në bashkëpunimin parazgjedhor të kyçen sa më shumë parti nga koalicioni qeverisës.

“Në vijim janë procedurat për zgjedhjen e kandidatëve më të mirë, ata do të jenë personalitete të cilët guxojnë dhe të cilët janë të përgatitur të japin rezultatin më të mirë për qytetarët në çdo qytet, në çdo fshat, në çdo lagje”, u shpreh Zaev.

Reagon opozita për koalicionin parazgjedhor

Kryetari i Aleancës për Shqiptarët, Ziadin Sela, e ka komentuar koalicionin parazgjedhor të shpallur në mes BDI-së dhe LSDM-së për zgjedhjet lokale duke thënë se lideri i BDI-së Ahmeti siç duket është i frikësuar nga ASH opozitare, pasi që nuk pranoi sfidën e ASH-së që në zgjedhjet lokale të dalin pa koalicione dhe pa kalkuluar në votat e partive maqedonase.

“Përfundimisht Ali Ahmeti nuk e pranoi sfidën që të dalim ballë për ballë në zgjedhjet lokale. Ne nga njëra anë dhe ai me partitë shqiptare në anën tjetër. Sic duket ka frikë”, tha kryetari i ASH-së Ziadin Sela.

Mosmarrëveshje edhe për datën e mbajtjes së zgjedhjeve

Partitë opozitare kërkojnë që zgjedhjet të mbahen më 17 tetor. Sipas tyre afatet kushtetuese rregullojnë datën e zgjedhjeve në përputhje me mandatin e fundit. VMRO-DPMNE-ja vlerëson se çdo datë tjetër përveç 17 tetorit, bie ndesh me Kushtetutën.

“Zgjedhjet lokale nuk caktohen në bazë të dëshirës së cilit do lider, qoftë ai edhe kryeministër. Zgjedhjet lokale mbahen në përputhje me datat e parapara në ligj dhe Kushtetutë. Ky afat është 17 tetori, çdo datë tjetër përbën shkelje të Kushtetutës”, deklaroi Antonio Milloshoski deputet i VMRO-DPMNE-së.

LEXO EDHE:  Thaçi sulmon Berishën/ Argat i Millosheviçit, ka furnizuar me armë Serbinë

LEXO EDHE:  Kosova regjistron 104 të infektuar dhe dy viktima nga koronavirusi

Opozita shqiptare është e gatshme për zgjedhje në cilëndo datë të tetorit, por thotë se pas kërkesës për shtyrje të zgjedhjeve fshihet frika nga euforia e regjistrimit të popullsisë.

“Ata kërkojnë shtyrjen e zgjedhjeve duke pasur parasysh euforinë që ka regjistrimi tek shqiptarët dhe kjo eufori do të shkojë në drejtim të opozitës. Regjistrimi qoftë në diasporë ose në vend është i mishëruar me faktin se ndryshimi duhet të ndodhë tek shqiptarët dhe ajo eufori që ndodh në regjistrim do të reflektohet edhe në zgjedhjet lokale” – thotë Skender Rexhepi, deputet i ASH-AAA-së.

Për BDI-në cilado datë e zgjedhjeve është e pranueshme. Integristët nuk do të ndërhyjnë në negociatat mes partive politike.

Bujar Osmani,

“Ne si BDI nuk kemi dilema në sukseset e këtyre zgjedhjeve dhe për ne është pak e rëndësishme data e zgjedhjeve. Ua lëmë partive tjera të merren vesh për datën e zgjedhjeve, kurdo që pajtohet ne do t’i mbështesim”, – thotë Bujar Osmani nga BDI.

Edhe partia “E Majta” vlerëson se data kur duhet mbajtur zgjedhjet lokale është 17 tetori dhe çdo datë tjetër mund të jetë element vlerësimi në Gjykatën Kushtetuese.

LSDM është e gatshme të pranojë cilëndo datë për zhvillimin e zgjedhjeve lokale përfshirë edhe 17 tetorin siç kërkon partia opozitare VMRO- DPMNE.

“Ne e propozuam 31 tetorin, nëse ato mbahen më 17 tetor, fushata përkon me regjistrimin e popullsisë, dhe kjo nuk është e mirë, ne duhet ta shtyjmë regjistrimin deri në fund të shtatorit, pas së cilës fushata mund të fillojë. Por nëse thotë opozita se data 17 dhe të gjitha partitë e tjera bien dakord, edhe ne do të jemi dakord. Fundjava tjetër është 24 dhe 31, këto janë opsionet për tetorin”, thotë kryeministri Zoran Zaev./DW

LEXO TE PLOTE