Connect with Us

“Do ta thyejmë në mes Edi Ramën”/ Nuk përmbahet Kryemadhi: Do e shohim lakuriq

Politikë

“Do ta thyejmë në mes Edi Ramën”/ Nuk përmbahet Kryemadhi: Do e shohim lakuriq

Publikuar

-

“Do ta thyejmë në mes Edi Ramën”/ Nuk përmbahet Kryemadhi: Do e shohim lakuriq

Kryetarja e LSI-së, Monika Kryemadhi, është e ftuar mbrëmjen e sotme në Syrit tv, ku ka komentuar zhvillimet politike të ditës së sotme në vend.

Kryemadhi u zotua, se me çfarë kodi Zgjedhor të hyjë Rama në zgjedhje, opozita do ta mundë.

“Edi Rama edhe administratën e ka në opozitën. Edhe policët i ka në opozitë.Edhe socialistët i ka në opozitë.  Vetëm 1 përqind e oligarkëve janë me Ramën.

Sot për hir të së vërtetës ka një Edi Ramë që po e shikojmë lakuriq edhe nga ana politike.Opozita do hyjë në zgjedhje dhe do i fitojë ato në mënyrë të bindshme.

Ne do shkojmë në zgjedhje dhe do ta thyejmë në mes Edi Ramën dhe çfarë ka nga pas… Çështja e koalicionit nuk është çështje letrash, por fryme. Kush është fryma? Fryma është që nuk firmos në letër ti kundër Edi Ramës.

LEXO EDHE:  “Muhabet filxhani”/ Rama: Kundërshtarët e mi janë të lodhur

Jo 1 përqind por edhe 0,5 përqind ta bën Edi Rama pragun, nuk i bën dot mandate për të bërë shumicën. Kodi Zgjedhor nuk mbush dot xhepat e shqiptarëve.

Historia që ne po flasim është që Edi Rama po kërkon të hyjmë në vorbullën tonë. Sot Rama ka nënshkruar fundin e tij. Sot problemin më të madh Edi Rama e ka me socialistët. Rama është kufomë politike që nuk ka parfum ta shpëtojë. Dhe tani i afrohen edhe insektet. Nuk ka higjenë që meriton Ramën”, tha Kryemadhi./CNA.al

 

Për të rejat më të fundit behuni pjesë e grupit tonë në facebook : City News Albania

Komentoni

Your email address will not be published. Required fields are marked *

Politikë

Fshehja e listave/ Harxhi leksion Bashës: Ringritja e partisë nuk bëhet duke manipuluar procesin

Publikuar

-

Nga

Fshehja e listave/ Harxhi leksion Bashës: Ringritja e partisë nuk bëhet duke manipuluar procesin

Kandidatja për kryetare të Partisë Demokratike, Edith Harxhi, ka dalë sërish me një reagim në rrjetet sociale, teksa na ndajnë vetëm pak orë para zgjedhjeve brenda partisë.

Pasi denoncoi më herët se nuk i është vënë në dispozicion lista e anëtarëve të partisë, ka bërë një rezyme të gjithë takimeve me antarësinë gjatë këtyre diteve, ku falenderon demokratet.

Gjithashtu Harxhi, vë në dukje faktin se si Basha bëri thirrje për të bojkotuar kandidatët e ndryshëm, ndërsa fshehu listat e anëtarëve dhe u mundua të manipulojë procesin.

Përshtypje nga takimet me antarësinë e Partisë Demokratike

Të nderuar miq anëtarë, qëndrestarë dhe themelues të Partisë Demokratike,

Që në fillim të kësaj përshendetje dua t’ju drejtohem duke ju shprehur falenderimin tim të madh e të përzemërt për kohën, respektin, dashamirësinë dhe mbështetjen që më dhatë gjatë kësaj përpjekjeje të përbashkët për Partinë Demokratike, për njëri tjetrin, për brezat dhe për vendin tonë.

Edhe pse koha ishte e pamjaftueshme për të takuar sa më shumë nga miqtë e bashkëudhëtarët e mij, qëndrestarët dhe të rinjtë e partisë tonë të madhe, në një nga fushatat më të shkurtra për drejtuesin e partisë në historinë e një partie perëndimore dhe njëkohësisht antarë të familjes së Partisë Popullore Europiane, është gjithmonë kënaqësi e krenari e veçantë të kesh mundësinë të qëndrosh përkrash jush, siç kemi qënë bashkë, që prej ditëve të para të themelimit të Partisë Demokratike.

Gjatë takimeve të zhvilluara me strukturat e Partisë Demokratike, m’u dha mundësia të ndjej energjinë më të mirë, të dëgjoj mendimet dhe vërejtjet tuaja, të bëj reflektimet për atë që ka ndodhur me ne dhe me partinë tonë. Njëherazi kam ndjerë dhe gjithë përkushtimin për të çuar përpara projektin tonë, për të rikthyer organizatën tonë politike në një instrument demokratik e moral, në funskion të qeverisjes më të mirë të vendit.

Kudo ku pata mundësinë dhe fatin të vij për të bashkëbiseduar me ju, kam pohuar se megjithë kushtet aspak të barabarta në garë midis kryetarit në detyrë të PD dhe garuesve të tjerë, vendosa të marr pjesë në garë, për të treguar se pavarësisht gjëndjes ku ndodhet sot partia, kjo parti që lindi nga një ide e madhe si liria, ende nuk është mpakur nga humbjet e shumta të drejtuesve të saj të tanishëm. Vendosa me vetëdije të futem në këtë garë të pabarabartë edhe për t’i treguar njëri tjetrit, se demokracia nuk është vetëm cilesori i partisë tonë, por gjithashtu dhe shpirti i saj.

Pavarësisht ndjenjës të dëshperimit, të cilën askush prej nesh nuk e fsheh dot, pavarësisht zhgënjimit për mospërmbysjen e regjimit më të papërgjegjshëm që ka qeverisur ndonjë herë vendin tonë, të gjithë kemi një shqetësim të përbashkët; atë për t’u kthyer sa më parë në alternativën qeverisëse të vendit.

Përqasjet për ringritjen e domosdoshme të partisë tonë mund të jenë të ndryshme, por padyshim secila prej tyre duhet të nisë nga demokratizimi i partisë, modernizimi dhe moralizimi i saj. Ndërkohë të gjithë, me keqardhje, bashkëndajmë bindjen se procesi nga i cili duhet të fillojë ringritja, nuk mund të bëhet duke afruar datën, duke keqinformuar apo mos informuar strukturat e partisë, duke hermetizuar dhe manipuluar procesin, duke fshehur listat te antarëve dhe duke bërë thirrje për të bojkotuar kandidatët e ndryshëm nga kryetari në detyrë.

Unë gjatë këtyre ditëve pata nderin të ndaja me të gjithë ju një projekt, nëpërmjet së cilit mund të përballojmë, të gjithë bashkë, këtë gjëndje të vështirë, në të cilën ndodhet familja jonë politike.

Është një projekt në të cilin do të përfshihen, të vleresuar dhe të angazhuar, të gjitha grupimet që përbëjnë të djathtën tradicionale shqiptare, të përndjekurit, ose familjarë të tyre; pronarët e ligjshëm, njërëzit e shkolluar, profesionistë të lirë, të rinjtë, etj. Ky është një projekt, i cili ka në thelbin e vet demokratizimin e partisë, përfaqësimin, meritokracinë dhe mirënjohjen ndaj të shkuarës tonë, që, më së shumti, na bën krenare të gjithëve. Është një projekt i cili 13 qershorin nuk e ka datë përmbyllëse, por datë të fillimit të madh për të gjithë ne.

Unë do të jem me ju deri në mundësimin e ëndrrës tonë të përbashkët, atë që na shoqëron që nga themelimi i Partisë Demokratike: T’a bëjmë Shqipërinë si gjithë Europa”/CNA.al

 

LEXO TE PLOTE

Politikë

Mandati tretë/ Kushi: Nga shtatori anglishtja që në klasë të parë, fund shkollave me dy turne

Publikuar

-

Nga

Mandati lll/ Kushi: Nga shtatori anglishtja që në klasë të parë, fund shkollave me dy turne Ministrja e Arsimit, Evis Kushi nw fjalwn e saj nw Mbledhjen e Asamblesw sw PS u shpreh se nga shtatori anglishtja fillon në të gjitha shkollat e Shqipërisë që në klasën e parë. Sipas saj, wshtë bërë një përgatitje e madhe më parë në arsim që të zbatohet kjo politikë ambicioze. Gjithashtu Kushi tha se duhet pranuar që reforma në Arsimit e Lartë s’ka dhënë ende rezultatet e pritshme. ”Reformat në arsim dhe rezultatet pozitive na bëjnë të besojmë se jemi në rrugën e duhur dhe baza të shëndosha. Me mandatin e ri sistemi ynë arsimor hyn në fazë të re zhvillimi. Në focus arsimi i lartë, duhet ta pranojmë, reforma ende s’ka dhënë rezultatet e pritshme. Ne sot kemi shumë të dhëna, madje edhe të çertifikuara ndërkombëtarisht, që flasin për rritje të arsimit parauniversitar. Ndihemi keq që rruga e shumë të rinjve ndërpritet kur duhet të vazhdojnë studimet e larta. Një pjesë e tyre, më të mirët, me rezultatet të shkëlqyera duhet të largohen jashtë Shqipërisë në universitetet më prestigjioze europiane. Do të ketë disa student ekselentë që do të ikin, por nuk duhet të pranojmë që kjo është zgjedhje e detyrueshme për ta. Mos pranojmë që ata të mos kenë zgjedhje alternative këtu. Do të sjellim eksperiencat më të mira europiane. Të ngremë struktura ekselence, si programe studimesh të përbashkëta, por universitete, departamente. Një tjetër shembull që ska nevojë për komente, por që duhet të na bëjë bashkë e të na motivojë është fakti që renditemi ndër vendet e fundit për aplikime për kërkime shkencore. Duam të bëhemi shembull pozitiv, siç kemi arritur të renditemi të parët në rajon për të tjera, por mund të bëhemi të parët për thithjen e fondeve të BE për arsimin dhe kërkimet shkencore. Që prej këtij shtatori gjuha angleze fillon që në klasën e parë. Është bërë një punë e jashtëzakonshme për forcimin e kurrikulave, duke përgatitur plotësisht zbatimin e kësaj politike ambicioze. Mandatii t retë shënon fundin e shkollave me dy turne. Shkollat e reja do të jenë më të mirë, më të forta, më të sigurta. Do të vazhdojmë të investojmë tek rritja profesionale e mësuesve. Angazhohemi të vlerësojmë e rrisim dinjitetin tashmë të rikthyer të mësuesve. 40% do i rriten pagat brenda mandatit”, tha Kushi.

Ministrja e Arsimit, Evis Kushi nw fjalwn e saj nw Mbledhjen e Asamblesw sw PS u shpreh se nga shtatori anglishtja fillon në të gjitha shkollat e Shqipërisë që në klasën e parë.

Sipas saj, wshtë bërë një përgatitje e madhe më parë në arsim që të zbatohet kjo politikë ambicioze.

Gjithashtu Kushi tha se duhet pranuar që reforma në Arsimit e Lartë s’ka dhënë ende rezultatet e pritshme.

”Reformat në arsim dhe rezultatet pozitive na bëjnë të besojmë se jemi në rrugën e duhur dhe baza të shëndosha. Me mandatin e ri sistemi ynë arsimor hyn në fazë të re zhvillimi.

Në focus arsimi i lartë, duhet ta pranojmë, reforma ende s’ka dhënë rezultatet e pritshme. Ne sot kemi shumë të dhëna, madje edhe të çertifikuara ndërkombëtarisht, që flasin për rritje të arsimit parauniversitar. Ndihemi keq që rruga e shumë të rinjve ndërpritet kur duhet të vazhdojnë studimet e larta. Një pjesë e tyre, më të mirët, me rezultatet të shkëlqyera duhet të largohen jashtë Shqipërisë në universitetet më prestigjioze europiane. 

Do të ketë disa student ekselentë që do të ikin, por nuk duhet të pranojmë që kjo është zgjedhje e detyrueshme për ta. Mos pranojmë që ata të mos kenë zgjedhje alternative këtu. Do të sjellim eksperiencat më të mira europiane. Të ngremë struktura ekselence, si programe studimesh të përbashkëta, por universitete, departamente.

Një tjetër shembull që ska nevojë për komente, por që duhet të na bëjë bashkë e të na motivojë është fakti që renditemi ndër vendet e fundit për aplikime për kërkime shkencore.

Duam të bëhemi shembull pozitiv, siç kemi arritur të renditemi të parët në rajon për të tjera, por mund të bëhemi të parët për thithjen e fondeve të BE për arsimin dhe kërkimet shkencore.

Që prej këtij shtatori gjuha angleze fillon që në klasën e parë. Është bërë një punë e jashtëzakonshme për forcimin e kurrikulave, duke përgatitur plotësisht zbatimin e kësaj politike ambicioze.

Mandatii t retë shënon fundin e shkollave me dy turne. Shkollat e reja do të jenë më të mirë, më të forta, më të sigurta. Do të vazhdojmë të investojmë tek rritja profesionale e mësuesve. Angazhohemi të vlerësojmë e rrisim dinjitetin tashmë të rikthyer të mësuesve. 40% do i rriten pagat brenda mandatit”, tha Kushi./ CNA.al

LEXO TE PLOTE

Politikë

“150 mijë vende të reja pune dhe dyfishim të ardhurash”/ Ahmetaj ‘shpalos’ synimet e mandatit të tretë

Publikuar

-

Nga

“150 mijë vende të reja pune dhe dyfishim të ardhurash”/ Ahmetaj ‘shpalos’ synimet e PS

150 mijë vende të reja pune dhe dyfishim të ardhurash, është synimi i socialistëve ppër mandatin e tretë.

Kështu u shpreh ministri Arben Ahmetaj në mbledhjen e Kongresit të PS, ku ka prezantuar 5 shtyllat e programit të mandatit të tretë.

 “Vizioni ynë përtej mandatit të tretë, të “Shqipërisë 2030” mbështetet në pesë shtylla që janë;

Rimëkëmbja e ekonomisë nga tërmeti dhe pandemia të cilën e mundëm.

Mirëqenie për të gjithë, rritje ekonomike me ritme të shpejta dhe të qëndrueshme.

Modernizimi për zhvillim, turizmi, teknologjia dhe shërbimet.

Investimi te familja, fëmijët, themeli ku qëndron e ardhmja.

Shqipëri e fortë me një shoqëri të drejtë” tha ai.

LEXO EDHE:  Zgjedhjet e 25 prillit/ KQZ letër PS dhe PD, zbardhet kërkesa për dy partitë

LEXO EDHE:  Rama e pranon shumë pranë çadrës/E doja PD në fushën e betejës!

Ahmetaj premtoi 150 mijë vende të reja pune dhe dyfishim të ardhurash nga punësimi në mandatin e tretë. “Kjo është dekada ku për çdo shqiptar do të ketë dyfishim të ardhurash përmes punësimit.

Punësimi nëpërmjet investimeve të vendit dhe të huaja. Mbështetjes në inovacion, teknologji, sipërmarrjes së vogël do të bëjë të mundur që në 4 vitet që vijnë të kemi 150 mijë vende të reja pune,  të paguara më mirë’ tha ai./CNA.al

 

LEXO TE PLOTE