Connect with Us

Murrizi: Nuk ka asnjë letër në Kuvend ku PD-ja kërkon hapje të listave

Politikë

Murrizi: Nuk ka asnjë letër në Kuvend ku PD-ja kërkon hapje të listave

Publikuar

-

Murrizi: Nuk ka asnjë letër në Kuvend ku PD-ja kërkon hapje të listave

Deputeti i opozitës parlamentare, Myslim Murrizi analizoi në Ilva Now, zhvillimet e fundit të reformës zgjedhore, ku shumica socialiste ndryshoi sot propozimin që kishte për Kodin Zgjedhor duke dalë “pro” pragut zgjedhor me 1 për qind dhe “hapjes së listave me herës”.

“Në politikë kërkohet sa takat ke dhe është e vështirë që një opozitë me tre grupe parlamentare dhe 13-14 deputetë jashtë këtyre grupeve t’i imponohesh kësaj mazhorance me 75 mandate dhe kur ka ortakë nga krahu tjetër pjesën që ka qenë aty dhe që ka dalë jashtë sistemit… ngjarjet e fundit tregon që janë së bashku,” – tha Murrizi duke këmbëngulur se si socialistët, edhe ata të lëvizjes socialsite dhe demokratët nuk duan lista të hapura të kandidatëve dhe “janë bashkë”.

Deputeti i opozitës tha më tej se “ky bashkëpunim u tregua në mbledhjen e orës 18:00 me përzgjedhjen e kandidatëve për Komisionin Qendror të Zgjedhjeve”, kjo me nënkuptimin se pas faktit se përzgjedhja e kandidatëve u bë pa përplasje mes palëve.

“Pragu 1 për qind i dakordësuar pas propozimit tonë është i pranueshëm dhe debati ishte kryesisht te pragu 3 për qind se po të kalohej ky i takonin rreth 4 mandate,” – tha Murrizi duke u shprehur se në tërësi është “pro” pragut.

Për sa i përket listave të kandidatëve, Murrizi ishte i mendimit se në tërësi partitë e mëdha i druhen reformës në drejtësi dhe synojnë të mbajnë postet në Kuvend. I pyetur se përse duhej mandati i deputetit, pasi në tërësi është thënë se atyre u është hequr imuniteti, Murrizi pretendoi të kundërtën duke kujtuar rastin e ish-ministrit të Brendshëm Tahiri.

“Kanë deputetët imunitet, sepse gjashtë ditë makina e policisë mbeti poshtë shtëpisë së Saimir Tahirit, implikimi në trafiqe… erdhën dy prokurorë në komision të ligjeve vajtën s’ia hoqën imunitetin dhe harxhuan 600 kilogramë naftë te Kodra e Diellit,”

LEXO EDHE:  Bregu: Ardhja e PD në pushtet me alternativë serioze, jo duke shpresuar në ndarjen Rama-Meta

“Nenin 163 nuk do ta votojmë, do të ngrihem të propozoj versionin e parë që patëm, nëse nuk e marrin parasysh do ta çojmë në Gjykatën Kushtetuese,” – tha Murrizi i cili pretendoi se brenda muajit tetor kjo gjykatë do të bëhet funksionale me plotësimin e dy vakancave të shpallura së fundmi nga Kuvendi dhe Presidenti.

“Damiani [Gjiknuri] është harruar… s’flitet më për dosjet e vjedhjes së votave, [ata të opozitës] i thonë të lutem Damian, këtë që kemi qejf ne, futi një firmë ti dhe katër deputetë të tjerë të PS-së dhe ta bëjmë ligj,” – tha Murrizi.

“Nuk ka fije letër në institucionet që bëhen ligjet që PD-ja kërkon hapjen e listave… Këshilli Politik… është Damiani [Gjinuri]… ai duhet t’ia përcillte Kuvendit ose 20 mijë zgjedhës, edhe 5 qershori [marrëveshja] nuk erdhi prej Ogertit, por prej deputetëve të socialistëve,” – theksoi Murrizi duke këmbëngulur se opozita jashtë-parlamentare nuk ka konkretizuar ligjërisht asnjë prej propozimeve.

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Politikë

Mediu bëhet nostalgjik/ Kujton historinë me ish-Presidentin Bush: E puthën kamarierët në faqe

Publikuar

-

Nga

“Të bashkohemi kundër Ramës”/ Mediu thirrje Metës të shpërndajë Parlamentin

Kryetari i Partisë Republikane, Fatmir Mediu, është bërë nostalgjik mbrëmjen e sotme, teksa ishte duke folur për zgjedhjet në SHBA dhe për politikanët amerikanë.

Ai tha se politikanët amerikanë dallojnë shumë me ata europianë, ndërsa për të mbështetur këtë deklaratë, tregoi dy ngjarje që i kishin mbetur në mendje gjatë vizitës së ish-Presidentit Xhorxh Bush në Shqipëri, në vitin 2007.

Mediu tregoi se gjatë një darke një nga kamarierët e restorantit ku ata po hanin kërkoi që të puthë në faqe ish-Presidentin dhe pas tij e puthën të gjithë kamarierët.

Madhështia e politikanëve amerikanë është raporti njerëzor që ata krijojnë me njerëzit. Ka një diferencë të madhe mes politikanëve europianë dhe ata amerikanë. Raportin njerëzor e kanë shumë të rëndësishëm, të japë dy shembuj. Një moment kur ishin në takim me Presidentin Bush dhe ishte zoti Berisha, ishim për drekë. Ndër të tjera, një nga kamarierët i thotë zotit Berisha, a mund ta puth në faqe Presidentin amerikan. Berisha ngeli i shtrënguar në atë moment. Presidenti Bush tha çfarë kërkon ai, do që të të puthë në faqe. Po mirë tha le të vijë. Më pas të gjithë kamarierët burra dhe gra erdhën për ta puthur. Tha të lutem hiqe pak kamerën se po doli kjo foto në SHBA nuk e di se çfarë do bëhet“, u shpreh kreu i PR-së në Report Tv, ndërsa tregoi edhe një episod tjetër të takimit.

LEXO EDHE:  Basha mashtron sërish demokratët/ I shtrin dorën Ramës për bashkëqeverisje

LEXO EDHE:  PD paralajmëroi protesta në Shkodër/ “Surprizon” PS, ja vendimi i papritur

Djali im ishte i vogël në atë kohë dhe ishte mësuar se unë do t’i çoja ndonjë autograf. Më tha a mund t’i marrësh një autograf Bushit. Kur ishim të ulur, e pyeta a është e mundur të ma japësh. Ai me mirësinë e vetë më thotë, se si e quajnë djalin. Ma nënshkroi dhe ma dha. Kur u larguam më tha bëji të fala djalit. Unë i thashë djalit ke të fala nga Presidenti, ai mu përgjigj ku më njeh mua ai. Raporti njerëzor i tyre dhe sidomos vlerësimi që kanë pasur me shqiptarët është jashtëzakonisht e vlefshme. Ruajtja e këtyre raporteve krahas atyre politike është e vlefshme“, rrëfeu Mediu./ CNA.al

LEXO TE PLOTE

Politikë

Parlamenti voton me shumicë dërrmue/ Greqia zgjerohet me 12 milje në detin Jon

Publikuar

-

Nga

Parlamenti voton me shumicë dërrmue/ Greqia zgjerohet me 12 milje në detin Jon

Parlamenti grek ka votuar me shumicë dërrmuese zgjerimin e detit territorial me 12 milje në Jon.

284 deputetë votuan pro projekt-ligjit që tashmë i jep Greqisë 13 mijë metra katrorë territor më shumë, ose një zgjerim em rreth 10% të totalit që ka.

Ky është vetëm hapi i parë i Greqisë, pasi tashmë mbetet çështja e zgjerimit të ujërave territorialë me Shqipërinë që do të zgjidhet me një dakordësi paraprake për ta çuar çështjen në një Gjykatë Ndërkombëtare./CNA.al

LEXO TE PLOTE

Politikë

Betimi i Biden si President/ Baton Haxhiu parashikon “probleme serioze për Kosovën”

Publikuar

-

Nga

Betimi i Biden si President/ Baton Haxhiu parashikon “probleme serioze për Kosovën”

Gazetari Baton Haxhiu thotë se pavarësisht ardhjes së Joe Biden në krye të Shtëpisë së Bardhë, politikat e SHBA për Ballkanin nuk do të ketë ndonjë ndryshim të madh.

Sipas tij qëllimi kryesor i administratës së re do të jetë dhënia fund e armiqësive në Ballkan dhe për këtë ai shtroi se shpresonte që të mos “ketë dhimbje” duke iu referuar ndonjë zgjidhjeje në dëm të interesit të shqiptarëve.

Z. Haxhiu theksoi se “Kosova ka pafuqi për të zgjidhur problemin në veri’ dhe se “administrata Biden do t’i vërë pikën kësaj çështjeje”.

Ndërsa gazetari Andi Bushati thotë se politikat e ndjekura nga Trump dhe presidentët e mëparshëm të Demokratëve kanë “vija të qarta ndarëse”.

“Në periudhën Trump kemi parë një Amerikë tjetër se sa ajo Amerika e ëndrrave që çliroi Kosovën. Shpresoj dhe besoj që të rikthehet Amerika e ëndrrave dhe jo ajo e tipave kaubojsë të Trump dhe Grenell”, deklaroi z. Bushati.

LEXO EDHE:  LSI kundër Vangjush Dakos/Bashkon votat me PD-në për …!

LEXO EDHE:  PD paralajmëroi protesta në Shkodër/ “Surprizon” PS, ja vendimi i papritur

Për z. Haxhiu edhe pse nuk pajtohet me marrëveshjen Kosovë-Serbi të firmosur në Shtëpinë e Bardhë, tha se, ajo ka ardhur kryesisht për shkak të pamundësisë së liderëve të Kosovës për të zgjidhur problemet.

Në fund, Baton Haxhiu konsideroi si vendimtar faktin se si do të jenë marrëdhëniet e Sekretarit Amerikan të Shtetit me pasardhësin e Merkel, që e cilësoi më afër Rusisë.

“Kam frikë se Kosova me këtë administratë do të ketë probleme serioze dhe nuk besoj se do të pyesin shumë për të ardhmen tonë”, përfundoi z. Haxhiu./ Euronews Albania

LEXO TE PLOTE