Connect with Us

Zgjedhjet në SHBA/ Ohajo në prag të debatit të parë presidencial

Bota

Zgjedhjet në SHBA/ Ohajo në prag të debatit të parë presidencial

Publikuar

-

Trump dhe Biden, përplasje për vaksinën e koronavirusit

Debati i parë presidencial mes Presidentit Donald Trump dhe kandidatit demokrat Joe Biden do të zhvillohet të martën në qytetin Klivlend të shtetit Ohajo. Ky është debati i parë ballë për ballë nga tre të tilla mes dy kandidatëve. Trump-Biden kanë një diferencë të vogël mes njëri-tjetrit si në shkallë kombëtare ashtu edhe në shtetin Ohajo, një shtet i pavendosur, ku opinioni i votuesve për të dy kandidatët ndryshon dukshëm nga një familje tek tjetra.

Një flamur për zotin Trump ishte shenja e parë politike në këtë lagje në Ohajo. Dolores Gentile është mbështetëse e Presidentit Trump.

“Debatova nëse do ta vendosja apo jo sepse kisha frikë se dikush do të qëllonte me armë shtëpinë time. Pastaj thashë, nuk do të jetoj në frikë”.

Në anën tjetër të rrugës, Patty Lucci mbështetëse e zotit Biden, ka një miqësi 44-vjeçare me zonjën Gentile.

“Kushdo që do të jetë në krye duhet të na udhëheqë, të jetë i zgjuar dhe demokrat”.

Ohajo është një shtet vendimtar për zgjedhjet. Asnjë republikan nuk ka fituar presidencën pa fituar Ohajon. Presidenti Trump fitoi garën në këtë shtet në vitin 2016, me një diferencë prej 8 përqindësh. Anketat e këtij viti tregojnë një përqindje të vogël që e ndan atë nga sfiduesi demokrat Joe Biden. Përveç fqinjëve edhe anëtarët brenda familjes kanë preferencat e tyre politike. Patty Lucci është mbështetëse e zotit Biden.

“Gjysma e fëmijëve të mi mbështesin zotin Trump. Ndaj nuk i ftojmë. Themi që nuk do flasim më për politikë, por pastaj futemi në politikë. Dhe pastaj e ndalojmë debatin”.

Në mbarë vendin, polarizimi i mbështetësve të të dy kandidatëve mund të ndikojë tek familjet amerikane. Joe White është profesor për politikën amerikane dhe çështjet që lidhen me presidencën në “Case Western Reserve University”.

LEXO EDHE:  SHBA i refuzon vizën Kryeministrit kosovar/ Ja si përgjigjet ky i fundit

“Republikanët shqetësohen se fëmijët e tyre mund të martohet brenda së njëjtës gjini, ose se mund të shndërrohen në transgjinorë. Demokratët janë shumë më të shqetësuar rreth idesë se fëmija e tyre mund të martohet me një republikan”.

Megjithatë zonja Dolores Gentile thotë se miqësia e saj me fqinjën Patty Luci qëndron mbi politikën.

“Unë pëlqej Trumpin, ata pëlqejnë Biden. E pastaj?! Njëri prej tyre do të fitojë”, thotë Dolores Gentile.

Debati i parë presidencial të martën në “Case Western Reserve University”, jo shumë larg nga shtëpitë e tyre, pritet të jetë i ashpër, thotë profesori Joseph White.

“Nënpresidenti Biden me sa duket do të përpiqet të mbajë një balancë. Por ai gjithashtu kërkon të gjejë mënyra për ta bërë zotin Trump të duket sa më keq, ta përdorë si karrem”.

Salla e debatit në qytetin Klivland pret dy kandidatët për të diskutuar arritjet e tyre, Gjykatën e Lartë, pandeminë, sigurinë për zgjedhjet dhe ekonominë.

Një temë tjetër do të jenë edhe protestat për drejtësi racore që herë pas here kanë shkaktuar trazira e plaçkitje.

“Kjo është arsyeja që do të votoj për Presidentit Trump sepse Partia Demokrate nuk ka dënuar asgjë nga këto”, thotë Dolores Gentile.

Fqinja e saj Patty Lucci, ka tjetër mendim.

“Trump duket shumë i keq kur flet dhe kjo më shqetëson. Ai thotë gjëra të këqija e tallet me njerëzit”.

Sipas një sondazhi të ri, dy në tre votues në Ohajo pajtohen se politika ka tensionuar marrëdhëniet mes familjeve dhe miqve. Ata thonë se po i bëjnë ballë situatës duke mënjanuar bisedat politike dhe duke ua lënë debatin elektoral dy kandidatëve./ VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Bota

Zgjedhjet presidenciale në SHBA, rreth 30 milionë shtetas hedhin votën

Publikuar

-

Nga

Zgjedhjet presidenciale në SHBA, rreth 30 milionë shtetas hedhin votën

Vetëm 15 ditë para zgjedhjeve presidenciale të 3 nëntorit votuesit në Florida u mblodhën në qendrat e votimit për të votuar për zgjedhjen e tyre mes dy kandidatëve.

Florida është një nga ato shtete kryesore ku Donald Trump dhe Joe Biden po përpiqen të bindin qytetarët për të siguruar fitoren për në Shtëpinë e Bardhë.

Një numër rekord amerikanësh kanë votuar deri më tani përmes postës apo në mënyrë tradicionale. Rreth 30 milionë shtetas kanë shprehur tashmë vendimin e tyre. Nga ana tjetër dy kandidatët vijojnë fushatën në shtetet e mbetura.

“Janë padyshim zgjedhje të rëndësishme. Ndiej se demokracia jonë është në rrezik, ndihem shumë e emocionuar dhe patriote pasi kam mundësi të votoj, pasi jo kudo të botë njerëzit e kanë këtë mundësi dhe të drejtë”, thotë Allison Fonte, votuese në Florida.

“Ndihem si një amerikan i vërtetë, erdha të votoj personalisht. Nuk i besoj sistemit postar. Duhet të vija të votoja dhe erdha”, tregon Jose Simon, një tjetër votues në Florida.

LEXO EDHE:  Maqedoni/ Ambasada e SHBA: Dorëheqjet hap pozitiv, ecni përpara

LEXO EDHE:  Maqedoni/ Ambasada e SHBA: Dorëheqjet hap pozitiv, ecni përpara

Kandidadti Demokrat Biden dërgoi Kamala Harris në Florida për të qenë afër votuesve, ndërsa Trump është ndalur në Arizona ku arriti të fitonte në 2016. Por sondazhet këtë herë i japin epërsi të ngushtë rivalit demokrat.

Një tjetër çështje që po merr vëmendje është debate i fundit presidencial që pritet të zhvillohet të enjten. Dy kampet e kandidatëve janë duke debatuar për çështjet që pritet të diskutohen./euronews

LEXO TE PLOTE

Bota

Google përballet me padi nga Shtetet e Bashkuara

Publikuar

-

Nga

Google përballet me padi nga Shtetet e Bashkuara

Gjiganti i kërkimeve në internet, Google, përballet me padinë më të madhe të mosbesimit, të paraqitur nga Shtetet e Bashkuara, në më shumë se dy dekada.

Departamenti i Drejtësisë, së bashku me 11 shtete amerikane, paraqitën padinë të martën, duke pretenduar se Google “është portë e pasfiduar për në internet për miliarda përdorues” dhe se abuzon me pozicionin dominues për të shkatërruar konkurrencën.

“Ka ardhur koha për ta ndaluar sjelljen anti-konkurruese të Google”, thuhet në padi.

Kompania simotër e Google, Alphabet, aktualisht ka vlerën në treg mbi një trilion dollarë.

Në vitin 2019, vetë Google ka pasur të ardhura prej 162 miliardë dollarësh.

LEXO EDHE:  Të shtëna me armë zjarri jashtë një xhamie, humb jetën një person

LEXO EDHE:  Plas sherri në studio/Ministrja e Ramës "tallet" me Dumën: Ta kuptoj hallin, por ...! (Video)

Google e mbrojti veten pas paraqitjes së padisë, duke thënë se “njerëzit e përdorin atë sepse zgjedhin ta bëjnë një gjë të tillë, e jo sepse detyrohen ose nuk kanë alternativa”.

Ky është rasti më i madh i mosbesimit në Shtetet e Bashkuara prejse gjykata, në vitin 1999, ka vendosur se kompania Microsoft ka krijuar monopol në tregun e sistemeve operative kompjuterike.

Vëzhguesit thonë se padia kundër Google mund të shënojë fillimin e një numri padish kundër kompanive të tjera të mëdha të teknologjisë, si: Apple, Amazon dhe Facebook./rel

LEXO TE PLOTE

Bota

Rritja e rasteve me koronavirus/ Gjermani fut në izolim total zonën e Alpeve

Publikuar

-

Nga

Rritja e rasteve me koronavirus/ Gjermani fut në izolim total zonën e Alpeve në kufi me Austrinë

Një zonë e Alpeve në jug të Gjermanisë është futur në izolim total, për të frenuar përhapjen e koronavirusit.

Landi Berhtesgadener, në kufi me Austrinë, është rajoni i parë gjerman që futet në izolimin e dytë, që nga izolimi mbarëkombëtar në pranverë.

Të 105,000 banorët e tij do të lejohen të dalin nga shtëpitë vetëm për arsye të domosdoshme, gjatë dy javëve të ardhshme.

Sikurse pjesa më e madhe e Evropës, Gjermania është duke u përballur me rritje të mprehtë të rasteve me koronavirus.

Por, situata mbetet më pak e rëndë sesa në vendet e tjera të mëdha të Evropës perëndimore.

Sipas Qendrës Evropiane për Parandalimin dhe Kontrollin e Sëmundjeve, Gjermania ka regjistruar 84 raste me kroonavirus në 100,000 banorë, gjatë 14 ditëve të kaluara.

Shifra është dukshëm më e ulët se 159 në Itali, 339 në Mbretërinë e Bashkuar, 343 në Spanjë apo 427 në Francë.

LEXO EDHE:  Zgjedhjet në Maqedoni/ LSDM shpalos flamurin shqiptar krahas atij maqedonas

LEXO EDHE:  Ndoka ultimatum Bashës/ Duhet ti heqim Ramës pushtetin me çdo kusht

Por, shkalla e infeksionit lokal në landin Berhtesgadener ka arritur në 273 në 100,000 banorë gjatë javës së kaluar.

Shkollat, restorantet, baret, teatrot, palestrat, kinematë dhe hotelet do të mbyllen, por shërbimet kishtare do të lejohen.

Të premten e kaluar, kancelarja gjermane, Angela Merkel, u ka bërë thirrje gjermanëve që t’i zvogëlojnë kontaktet e tyre shoqërore, për të ulur normat e transmetimit të koronavirusit./Rel

 

LEXO TE PLOTE