Connect with Us

Trump pritet të emërojë kandidaten për në Gjykatën e Lartë

Bota

Trump pritet të emërojë kandidaten për në Gjykatën e Lartë

Publikuar

-

Presidenti Donald Trump pritet të emërojë Amy Coney Barrett për të plotësuar vendin e lirë të Gjykatës së Lartë të mbetur bosh nga vdekja e gjykatëses liberale Ruth Bader Ginsburg, duke i dhënë atij një mundësi për ta bërë gjykatën më konservatore me më pak se gjashtë javë para zgjedhjeve presidenciale.

Media të shumta amerikane, përfshirë CNN-in dhe Nju Jork Tajmsin, cituan burime anonime të premten që thanë se presidenti Trump synon të shpallë emërimin e zonjës Barrett si zgjedhjen e tij të shtunën në orën 5 pasdite. Ata paralajmërojnë, megjithatë, se derisa të shpallet publikisht, ekziston gjithmonë mundësia që presidenti Trump mund të bëjë një ndryshim të minutës së fundit. Zëri i Amerikës nuk mund të konfirmojë njoftimet e mediave.

Presidenti Trump ka premtuar të emërojë një grua për të zëvendësuar gjykatësen Ginsburg, e cila vdiq javën e kaluar në moshën 87 vjeç. Barrett, një gjyqtare konservatore i Gjykatës së Apelit, ka qenë një kandidate për vendin e mbetur bosh së bashku me një tjetër gjyqtare të gjykatës së apelit, Barbara Lagoa. Të dyja janë emëruar nga presidenti Trump më herët në gjykatat federale të apelit.

Vendimi i presidentit për të caktuar një kandidate përpara garës së tij të nxehtë të rizgjedhjes me ish-nënpresidentin Joe Biden menjëherë shkaktoi një betejë të ashpër politike në Uashington, me udhëheqësit republikanë të Senatit që argumentuan se procesi i konfirmimit duhet të vazhdojë sa më shpejt që të jetë e mundur, ndërsa demokratët pretendojnë që emërimi duhet të vonohet derisa të dihet fituesi i zgjedhjeve presidenciale të nëntorit.

LEXO EDHE:  Sulmi me agjentin nervor/ SHBA sanksione të reja për Rusinë

Në lojë është prirja politike e Gjykatës së Lartë, në të cilën caktohen gjyqtarë që shërbejnë për tërë jetën. Gjykata kishte një shumicë konservatore 5-4 para vdekjes së zonjës Ginsburg. Nëse konfirmohet një gjykatëse konservatore për të zëvendësuar zonjën Ginsburg, shumica konservatore mund të zhvendoset në 6-3.

Kushdo që zgjidhet për të plotësuar vendin bosh do të luajë rol në marrjen e vendimeve kryesore të Gjykatës së Lartë në vitet e ardhshme për një sërë çështjesh të rëndësishme, përfshirë të drejtat e abortit, kujdesin shëndetësor, ligjet e armëve, lirinë fetare, imigracionin dhe lirinë e fjalës./ VOA

Për të rejat më të fundit behuni pjesë e grupit tonë në facebook : City News Albania
KLIKO PER TE KOMENTUAR

Komentoni

Your email address will not be published. Required fields are marked *

Kosova & Rajoni

205 raste të reja me Covid në 24 orë/ Rritet numri i viktimave në Kosovë

Publikuar

-

Nga

205 raste të reja me Covid në 24 orë/ Rritet numri i viktimave në Kosovë

Instituti Kombëtar i Shëndetësisë Publike ka njoftuar se këtë të hwnw janë shënuar tre viktima dhe 205 raste të reja me koronavirus në Kosovë.

Rastet pozitive janë nga komuna Prishtinë 111 raste, komuna Gjilan 18 raste, komuna Gjakovë 13 raste, komuna Ferizaj 10 raste, komuna Pejë 10 raste, komuna Fushë Kosovë 6 raste, komuna e Lipjan 6 raste, komuna Obiliq 6 raste, komuna Kllokot 4 raste, komuna Prizren 4 raste, komuna Viti 3 raste, komuna Deçan 2 raste, komuna Drenas 2 raste, komuna Malishevë 2 raste, komuna Podujevë 2 raste, komuna Shtime 2 raste dhe me nga një rast komunat Graçanicë, Kamenicë, Rahovec dhe Skenderaj.

Kujtojmë që deri më tani 666 persona kanë humbur jetën nga koronavirusi, ndërsa numri i përgjithshëm i të infektuarve ka shkuar në 18.148./CNA.al

 

LEXO TE PLOTE

Bota

Lindja e Mesme ua bojkoton produktet/ Franca kërkon të ndalen veprimet e tyre

Publikuar

-

Nga

Lindja e Mesme ua bojkoton produktet/ Franca kërkon të ndalen veprimet e tyre

Franca u ka kërkuar vendeve të Lindjes së Mesme t’i japin fund thirrjeve për bojkot të mallrave të saj. Produktet franceze janë hequr nga disa dyqane në Kuvajt, Jordani dhe Katar, si protestë ndaj qëndrimeve të presidentit francez, Emmanuel Macron, i cili ka mbrojtur të drejtën për të publikuar karikaturat e Profetit Muhamed.

Ministria e Jashtme franceze tha se thirrjet “e pabazuara” për bojkotin e mallrave po “shtyheshin nga një pakicë radikale”.

Ndërkohë, protesta janë zhvilluar në Libi, Siri dhe Rripin e Gazës, transmeton BBC.

Protestat u nxitën nga komentet e presidentit Macron, pas vrasjes së tmerrshme të një mësuesi në Francë, i cili tregoi karikaturat e Profetit Muhamed gjatë një ore mësimi.

Presidenti Macron tha që mësuesi, Samuel Paty, “u vra sepse islamistët duan të ardhmen tonë”, por Franca “nuk do të heqë dorë nga karikaturat”.

Publikimi i imazheve të Profetit Muhamed mund të shkaktojë ofendime serioze për myslimanët, sepse tradita islamike ndalon qartë imazhet e Muhamedit.

Por, sekularizmi është thelbësor për identitetin kombëtar të Francës.

Frenimi i lirisë së shprehjes për të mbrojtur ndjenjat e një komuniteti të veçantë, sipas shtetit francez, minon unitetin.

Të dielën, Macron fuqizoi qëndrimin e tij në mbrojtje të vlerave franceze, përmes një postimi në rrjetin social Facebook, duke shkruar: “Ne nuk do të dorëzohemi kurrë”.

Udhëheqësit politikë në Turqi dhe Pakistan kanë sulmuar presidentin Macron, duke e akuzuar atë se nuk po respekton “lirinë e besimit” duke margjinalizuar miliona myslimanë në Francë.

Të dielën, presidenti turk, Reccep Tayyip Erdogan tha se Macron duhet të kërkojë “kontroll të mendjes” për pikëpamjet e tij mbi Islamin.

Komentet e Erdoganit, e shtynë Francën të tërheqë ambasadorin e saj në Turqi për konsultime.

Të hënën presidenti turk u bëri thirrje qytetarëve që të bojkotojnë produktet franceze.

Sa i përhapur është bojkoti ndaj produkteve franceze?

Disa rafte të supermarketeve ishin zbrazur nga produktet franceze në Jordani, Katar dhe Kuvajt.

Në Kuvajt, një union i madh i bizneseve me pakicë ka urdhëruar një bojkot të mallrave franceze.

Unioni tha se kishte lëshuar direktivën në përgjigje të “fyerjeve të përsëritura” kundër Profetit Muhamed.

Në një deklaratë, Ministria e Jashtme e Francës tha se “këto thirrje për bojkot janë të pabazuara dhe duhet të ndalen menjëherë, si dhe të gjitha sulmet kundër vendit tonë, të cilat po shtyhen nga një pakicë radikale.”

Edhe në vende tjera, si përshembull, Arabia Saudite kanë qarkulluar thirrje në internet për të bojkotuar produktet franceze.

Një etiketim në internet që bën thirrje për bojkot të zinxhirit të supermarketeve franceze – Carrefour – ishte etiketimi i dytë më i popullarizuar në Arabinë Saudite, ekonomia më e madhe e botës arabe.

LEXO EDHE:  272 pyetje publike apo ditë burgu për Ben Blushin?!

LEXO EDHE:  Sulmi me agjentin nervor/ SHBA sanksione të reja për Rusinë

Ndërkohë, protesta të vogla anti-franceze u mbajtën në Libi, Gazë dhe Sirinë veriore, ku milicitë e mbështetura nga Turqia ushtrojnë kontroll.

Si erdhi deri te kjo situatë?

Mbrojtja e fuqishme që Macron po bën ndaj sekularizmit francez dhe kritikat ndaj islamizmit radikal pas vrasjes së mësuesit Paty kanë zemëruar disa në botën myslimane.

Presidenti i Turqisë, Recep Tayyp Erdogan pyeti në një fjalim: “Cili është problemi i individit të quajtur Macron me Islamin dhe me myslimanët?”

Ndërkohë lideri pakistanez, Imran Khan, akuzoi udhëheqësin francez për “sulm ndaj Islamit “.

“Presidenti Macron ka sulmuar dhe lënduar ndjenjat e miliona myslimanëve në Evropë dhe në të gjithë botën”, shkroi ai në Twitter.

Myslimanët francezë kanë frikë se shteti synon të kontrollojë besimin e tyre.

Në fillim të këtij muaji, para vrasjes së mësuesit, Macron kishte njoftuar tashmë plane për ligje më të ashpra për të trajtuar atë që ai e quajti “separatizëm islamik” në Francë.

Ai ka thënë se një pakicë e gjashtë milionë myslimanëve të Francës ishin në rrezik të formonin një “kundër-shoqëri”, duke e përshkruar Islamin si një fe “në krizë”.

Macron ka thënë se qeveria e tij është duke punuar me përfaqësuesit kryesorë të myslimanëve në vend, për të ndërtuar një “Islam të iluminizmit”, që mund të jetë “në paqe me Republikën”.

Karikaturat e profetit të myslimanëve kanë një trashëgimi të errët dhe tepër politike në Francë.

Më 2015, 12 persona u vranë në një sulm ndaj zyrave të revistës satirike franceze Charlie Hebdo, e cila kishte botuar karikaturat.

Disa në komunitetin më të madh mysliman të Evropës Perëndimore e kanë akuzuar Macronin për përpjekjen për të shtypur fenë e tyre dhe thonë se fushata e tij rrezikon të legjitimojë islamofobinë.

Në mesin e muajit tetor, një islamist i dyshuar i ka prerë kokën një mësuesi të historisë, i cili, në një orë mësimi, ka treguar karikaturat e Profetit Muhamed.

Presidenti i Francës, Emmanuel Macron e ka quajtur “sulm terrorist islamik” vrasjen e mësuesit.

“Ata nuk do të fitojnë… Ne do të veprojmë”, ka thënë Macron kur vizitoi vendin ku ndodhi vrasja.

Sulmuesi, çeçen i lindur në Rusi, ka jetuar në qytetin Evrë, në veriperëndim të Parisit.

Ai nuk ka qenë i njohur më herët për shërbimet e inteligjencës./rel

LEXO TE PLOTE

Bota

Trump, Biden në javën e fundit të fushatës para zgjedhjeve

Publikuar

-

Nga

Trump, Biden në javën e fundit të fushatës para zgjedhjeve

Ndërkohë që vëmendja e vendit është përqendruar tek java e fundit e fushatës presidenciale, presidenti Donald Trump sheh një fitore në konfirmimin nga Senati të zonjës Amy Coney Barrett, kandidatja e përzgjedhur prej tij për vendin e mbetur bosh në Gjykatën e Lartë. Le t’u hedhim një vështrim zhvillimeve.

Përpara zgjedhjeve të 3 nëntorit, Presidenti Donald Trump sheh një fitore me rëndësi: Konfirmimin nga republikanët e Senatit të zonjës Amy Coney Barrett, kandidaten e përzgjedhur prej tij për të qenë anëtare e Gjykatës së Lartë. Demokratët kanë kundërshtuar duke thënë se emërimi I saj nuk duhej bërë kaq pranë ditës së zgjedhjeve.

Vota e Senatit vjen ndërsa ish-nënpresidenti Joe Biden, kandidati demokrat, kryeson në shumicën e sondazheve në garën e tij për të qenë presidenti i ardhshëm. Por gara shfaqet e ngushtë në shtetet kryesore që mund të vendosin rezultatin.

Një çështje në mendjet e shumë votuesve është reagimi i vendit ndaj COVID-19, sëmundjes së shkaktuar nga koronavirusi.

Nënpresidenti Mike Pence tha se ai do të vazhdonte fushatën këtë javë megjithëse ndihmësit e tij kryesorë rezultuan pozitivë për infeksionin. Kjo çështje ka qenë e vështirë për Presidentin Trump, tha Chris Christie, ish guvernatori Republikan i Nju Xhersit, i cili u prek nga virusi kohët e fundit dhe u shtrua në spital.

“Nëse duket sikur se shkon mirë dhe rastet po pakësohen, merr meritat. Në të kundërt merr gjithë fajin. Dhe unë mendoj se ka qenë çështja më e vështirë për Donald Trumpin në këto katër vjet dhe ndoshta përcaktuese për zgjedhjet. Do të shohim”.

LEXO EDHE:  Sulmi me agjentin nervor/ SHBA sanksione të reja për Rusinë

LEXO EDHE:  Trump kundërshton drejtorin e CDC-së për vaksinat dhe maskën

Të dy fushatat do të bëjnë përpjekjet e fundit këtë javë për të fituar zemrat dhe mendjet e votuesve të cilët nuk janë të vendosur se në cilin krah do të zjedhin. Rahm Emanuel është ish-kryebashkiaku demokrat i Çikagos dhe ish shefi i personelit i Presidentit Barack Obama.

“Unë mendoj se Donald Trumpi ka qenë gjithmonë një forcë mobilizuese. Ata që e mbështesin do të dalin të votojnë. Ata demokratë që kanë qenë të indinjuar katër vitet e fundit, do të votojnë. Dhe votuesit e tjerë që i duhen Joe Bidenit për të fituar janë lodhur nga këto tre vjet e gjysmë, katër vjet. Ata nuk e duan Donald Trumpin në jetën e tyre”.

Ndërsa njerëzit vazhdojnë të votojnë, vendi po pret me ankth të shikojë se kush do të jetë presidenti i ardhshëm i Shteteve të Bashkuara./ VOA

LEXO TE PLOTE